14/08/2021
ઇન્ડિયન ઇન્સ્ટીટયુટ ઓફ આયુર્વેદ રીસર્ચ એન્ડ હોસ્પિટલ અંતર્ગત આયુર્વેદ વિષયો પર ચાલતા અભ્યાસક્રમ બી.એ.એમ.એસ. માં અભ્યાસ કરતા વિદ્યાર્થીઓ માં આત્મવિશ્વાસ વધે તેવા ઉદેશ્ય થી ફાર્મા પી. સ્પર્ધા નું આયોજન કરવામાં આવ્યું હતું
ફાર્મા પી. સ્પર્ધા માં વિદ્યાર્થીઓએ બે બે ની ટીમ બનાવી ને વિવિધ આયુર્વેદિક ઔષધી બનાવતી કંપની વિષે પોતાનું પ્રેઝેન્ટેશન આપ્યું હતું.
ફાર્મા પી. સ્પર્ધા માં અતિથીવિશેષ ITRA જામનગર ના ડેપ્યુટી ડાયરેક્ટર વૈદ્ય શ્રી જોબનભાઈ મોઢા ખાસ ઉપસ્થિત રહ્યા હતા અને તેમણે આયુર્વેદ ઔષધી વિષય પર વિશેષ વક્તવ્ય તેમજ ફાર્મા પી. વિષે સ્પીચ આપી હતી અને વિદ્યાર્થીઓનો ઉત્સાહ વધાર્યો હતો. ઇન્ડિયન ઇન્સ્ટીટયુટ ઓફ આયુર્વેદ રીસર્ચ એન્ડ હોસ્પિટલ ના ટ્રસ્ટી શ્રી નીતેશભાઈ અમૃતિયા આ કાર્યક્રમમાં ખાસ ઉપસ્થિત રહ્યા હતા, આયુર્વેદ કોલેજ ના આચાર્ય ડો લીનાબેન શુક્લ દ્વારા વિદ્યાર્થીઓ ને પ્રોત્સાહિત કરવામાં આવ્યા હતા,
સંસ્થાના માનનીય ટ્રસ્ટી શ્રી નિતેશભાઈ અમૃતિયા દ્વારા અતિથી વિશેષ તરીકે પધારેલ વૈદ્ય શ્રી જોબનભાઈ મોઢાનું મોમેન્ટો અર્પણ કરી સન્માન કરવા માં આવેલ હતું.
ઇન્ડિયન ઇન્સ્ટીટયુટ ઓફ આયુર્વેદ રીસર્ચ એન્ડ હોસ્પિટલ ના પ્રિન્સીપાલ ડો લીનાબેન શુક્લ દ્વારા સ્વાગત પ્રવચન કરવામાં આવ્યું હતું,
સ્પર્ધા નું ઉદ્ઘાટન અતિથિવિશેષ તરીકે પધારેલ મહેમાનો તથા સંસ્થા ના ટ્રસ્ટી શ્રી, અને સંસ્થા ના પ્રિન્સીપાલ ના હસ્તે કરાયું હતું,
ફાર્મા પી સ્પર્ધા માં ભાગ લેનાર ટીમો માં શ્રુતિ ઘૂંટાલા અને વિરદીપસિંહ ચુડાસમા ની ટીમ પ્રથમ વિજેતા બની હતી, જીનલ સેદાણી અને ધ્વનીલ સેદાણી ની ટીમ દ્વિતીય વિજેતા થયા હતા, અને શ્રીમ પટેલ અને રીંકલ હીરપરા ની ટીમ તૃતિય સ્થાન પર રહી હતી.
આ ઈવેન્ટ ના ફોટો આપ અહિયાં નિહાળી શકો છો .
Nitesh Patel
