14/08/2026
TECHNO MECH 2K26 – மாநில அளவிலான தொழில்நுட்பப் போட்டிகள் சிறப்பாக நடைபெற்றன
சமூகரெங்கபுரம், 14.08.2026: ஹைடெக் பாலிடெக்னிக் கல்லூரியின் இயந்திரவியல் துறை சார்பில் TECHNO MECH 2K26 – State Level Technical Symposium என்ற மாநில அளவிலான தொழில்நுட்பப் போட்டிகள் 14.08.2026 அன்று கல்லூரி வளாகத்தில் சிறப்பாக நடைபெற்றன.
நிகழ்ச்சிக்கு கல்லூரியின் தலைவர் மற்றும் T.T.N. கல்விக்குழுமத்தின் தலைவர் Er. T. Lawrence அவர்கள் தலைமை தாங்கி நிகழ்ச்சியைத் தொடங்கி வைத்தார். கல்லூரியின் முதல்வர் முனைவர் சுரேஷ் தங்கராஜ் தாம்சன் அவர்கள் வரவேற்புரை வழங்கி, நிகழ்ச்சிக்கு வருகை தந்த சிறப்பு விருந்தினர்கள், பொறியியல் வல்லுநர்கள், பேராசிரியர்கள் மற்றும் மாணவர்களை வரவேற்றார்.
தமிழ்நாடு முழுவதும் உள்ள பாலிடெக்னிக் கல்லூரிகளுக்கு அழைப்பு விடுக்கப்பட்டிருந்த நிலையில், பல்வேறு மாவட்டங்களைச் சேர்ந்த 11 பாலிடெக்னிக் கல்லூரிகளில் இருந்து மொத்தம் 91 மாணவர்கள் இத்தொழில்நுட்பப் போட்டிகளில் ஆர்வத்துடன் கலந்து கொண்டனர்.
நிகழ்ச்சியின் ஒரு பகுதியாக, இயந்திரவியல் துறைத் தலைவர் Er. T. Ramki அவர்கள், கடந்த ஆண்டு 01.08.2025 அன்று நடைபெற்ற TECHNO MECH 2K25 மாநில அளவிலான தொழில்நுட்பப் போட்டிகள் மற்றும் தற்போது 14.08.2026 அன்று நடைபெற்ற TECHNO MECH 2K26 போட்டிகள் குறித்த அறிக்கையை சமர்ப்பித்தார். கடந்த ஆண்டு நடைபெற்ற TECHNO MECH 2K25 நிகழ்ச்சியில் 10 பாலிடெக்னிக் கல்லூரிகளைச் சேர்ந்த 54 மாணவர்கள் பங்கேற்றதையும், இந்த ஆண்டு TECHNO MECH 2K26 நிகழ்ச்சியில் 11 பாலிடெக்னிக் கல்லூரிகளைச் சேர்ந்த 91 மாணவர்கள் பங்கேற்றதையும் அவர் எடுத்துரைத்தார். கடந்த ஆண்டை விட இந்த ஆண்டு அதிகளவிலான கல்லூரிகள் மற்றும் மாணவர்களின் பங்கேற்புடன் நிகழ்ச்சி வளர்ச்சி பெற்றிருப்பதையும் அவர் குறிப்பிட்டார்.
மாணவர்களின் தொழில்நுட்ப அறிவு, படைப்பாற்றல், புதுமையான சிந்தனை மற்றும் திறமைகளை வெளிப்படுத்தும் வகையில் ஆய்வுக் கட்டுரை வழங்குதல், கணினி உதவியுடன் வரைதல் மற்றும் வடிவமைத்தல், தொழில்நுட்ப வினாடி வினா ஆகிய போட்டிகள் நடைபெற்றன.
ஆய்வுக் கட்டுரை வழங்குதல் போட்டியில் செயற்கை நுண்ணறிவு மற்றும் இயந்திரப் பொறியியல், தொழில்துறை 5.0 – மனிதர் மற்றும் ரோபோ இணைச் செயல்பாடு, மின்சார வாகனங்கள் மற்றும் எதிர்காலப் போக்குவரத்து உள்ளிட்ட சமகால தொழில்நுட்ப தலைப்புகளில் மாணவர்கள் தங்களது கருத்துகளையும் ஆய்வுகளையும் சிறப்பாக எடுத்துரைத்தனர்.
கணினி உதவியுடன் வரைதல் மற்றும் வடிவமைத்தல் போட்டியில் மாணவர்களுக்கு வழங்கப்பட்ட முப்பரிமாண இயந்திரக் கூறுகளை அடிப்படையாகக் கொண்டு, அவற்றை இருபரிமாண பொறியியல் வரைபடங்களாக மாற்றி, முன்புறத் தோற்றம், பக்கத் தோற்றம், மேல்தோற்றம் மற்றும் தேவையான குறுக்குவெட்டுத் தோற்றங்களை வரைந்து தங்களது திறமைகளை வெளிப்படுத்தினர்.
தொழில்நுட்ப வினாடி வினா போட்டி மூலம் மாணவர்களின் தொழில்நுட்ப அறிவு, பொறியியல் கருத்துகள், விரைவாகச் சிந்திக்கும் திறன் மற்றும் சிக்கல்களுக்குத் தீர்வு காணும் திறன் ஆகியவை மதிப்பீடு செய்யப்பட்டன.
போட்டிகளின் மதிப்பீட்டுப் பணிகளை வெளிப்புற கல்வி நிறுவனங்களைச் சேர்ந்த பொறியியல் பேராசிரியர்கள் மற்றும் தொழில்நுட்ப வல்லுநர்கள் மேற்கொண்டனர். அவர்களின் தொழில்நுட்ப அறிவு மற்றும் அனுபவத்தின் அடிப்படையில் மாணவர்களின் திறமைகள் நியாயமான முறையில் மதிப்பீடு செய்யப்பட்டன.
ஆய்வுக் கட்டுரை வழங்குதல் போட்டியில் கொங்கு பாலிடெக்னிக் கல்லூரி, பெருந்துறை மாணவர்கள் S.S. வேதா விக்னேஷ் மற்றும் A.K. சிவா கௌசிகன் முதல் பரிசையும், SCAD பாலிடெக்னிக் கல்லூரி, சேரன்மகாதேவி மாணவர்கள் ஸ்ரீஹரி C மற்றும் கிளாட்வின்சம்ராஜ் R இரண்டாம் பரிசையும், அரசன் கணேசன் பாலிடெக்னிக் கல்லூரி, சிவகாசி மாணவர் B. குபேரன் மூன்றாம் பரிசையும் பெற்றனர்.
கணினி உதவியுடன் வரைதல் மற்றும் வடிவமைத்தல் போட்டியில் சங்கர் பாலிடெக்னிக் கல்லூரி மாணவர் ரசூல் மைதீன் முதல் பரிசையும், N.M.S. காமராஜ் பாலிடெக்னிக் கல்லூரி மாணவர் டோனி இரண்டாம் பரிசையும், SCAD பாலிடெக்னிக் கல்லூரி மாணவர் அஹமத் ரியாஸ் மூன்றாம் பரிசையும் பெற்றனர்.
தொழில்நுட்ப வினாடி வினா போட்டியில் SCAD பாலிடெக்னிக் கல்லூரி மாணவர்கள் அஸ்வின் மேக்மில்லன். T மற்றும் பென்னி S முதல் பரிசையும், ஸ்ரீ எஸ். ராமசாமி நாயுடு மெமோரியல் பாலிடெக்னிக் கல்லூரி மாணவர்கள் சரண் S மற்றும் பாலகணேஷ் M இரண்டாம் பரிசையும், அதே கல்லூரியைச் சேர்ந்த சிவகுமார் V மற்றும் மனோகர் P மூன்றாம் பரிசையும் பெற்றனர்.
மூன்று போட்டிகளிலும் மாணவர்கள் பெற்ற ஒட்டுமொத்த புள்ளிகளின் அடிப்படையில் சேரன்மகாதேவி SCAD பாலிடெக்னிக் கல்லூரி TECHNO MECH 2K26-ன் Overall Championship பட்டத்தைப் பெற்றது.
வெற்றி பெற்ற மாணவர்களுக்கு பரிசுகள், கேடயங்கள் மற்றும் சான்றிதழ்கள் வழங்கப்பட்டன. போட்டிகளில் கலந்து கொண்ட அனைத்து மாணவர்களுக்கும் பங்கேற்புச் சான்றிதழ்கள் வழங்கப்பட்டன.
நிகழ்ச்சியின் நிறைவில், மாணவர்களின் தொழில்நுட்பத் திறன்களை ஊக்குவிக்கும் வகையில் இதுபோன்ற மாநில அளவிலான தொழில்நுட்பப் போட்டிகள் தொடர்ந்து நடத்தப்படும் என்றும், பல்வேறு பாலிடெக்னிக் கல்லூரிகளைச் சேர்ந்த மாணவர்கள் ஒரே தளத்தில் இணைந்து தங்களது அறிவையும் திறமைகளையும் பகிர்ந்து கொள்வதற்கான வாய்ப்புகள் தொடர்ந்து உருவாக்கப்படும் என்றும் தெரிவிக்கப்பட்டது.
நிகழ்ச்சியை சிறப்பாக நடத்துவதற்கு ஆதரவும் வழிகாட்டுதலும் வழங்கிய கல்லூரியின் தலைவர் Er. T. Lawrence, கல்லூரி நிர்வாகத்தினர், முதல்வர் முனைவர் சுரேஷ் தங்கராஜ் தாம்சன், போட்டிகளை மதிப்பீடு செய்த பொறியியல் பேராசிரியர்கள் மற்றும் தொழில்நுட்ப வல்லுநர்கள், நிகழ்ச்சி ஒருங்கிணைப்பாளர்கள், பேராசிரியர்கள் மற்றும் மாணவர் தன்னார்வலர்கள் ஆகியோருக்கு நன்றி தெரிவிக்கப்பட்டது.
பல்வேறு மாவட்டங்களைச் சேர்ந்த 11 பாலிடெக்னிக் கல்லூரிகளைச் சேர்ந்த 91 மாணவர்களை ஒரே தளத்தில் ஒன்றிணைத்து, அவர்களின் தொழில்நுட்ப அறிவு, திறமை மற்றும் புதுமையான சிந்தனைகளை வெளிப்படுத்தும் வகையில் நடைபெற்ற TECHNO MECH 2K26, மாணவர்களுக்கு சிறந்த தொழில்நுட்பக் கற்றல் அனுபவமாக அமைந்தது.
