18/06/2023
*SSLC,+2 ഉന്നത വിജയികൾക്ക് അനുമോദനവും കരിയർ ഗൈഡൻസ് ക്ലാസും സംഘടിപ്പിച്ചു.*
പൂനൂർ:ഈ വർഷത്തെ SSLC,+2 പരീക്ഷകളിൽ ഉന്നത വിജയം നേടിയവരെ ഐ ഗേറ്റ് അക്കാദമിയുടെ ആഭിമുഖ്യത്തിൽ അനുമോദിച്ചു.അനുമോദന ചടങ്ങ് പ്രശസ്ത മാപ്പിളപ്പാട്ട് ഗായകനും വിധികർത്താവുമായ ശ്രീ ഫൈസൽ എളേറ്റിൽ ഉദ്ഘാടനം ചെയ്തു.
SSLC പരീക്ഷയെഴുതിയ 405 വിദ്യാർഥികളിൽ 112 കുട്ടികൾ മുഴുവൻ വിഷയങ്ങളിലും A+ നേടിയപ്പോൾ 29 കുട്ടികൾക്ക് 9 വിഷയങ്ങളിൽ A+ ഉം 27 കുട്ടികൾക്ക് എട്ടു വിഷയങ്ങളിൽ A+ ഉം നേടാൻ സാധിച്ചിട്ടുണ്ട്.
കൂടാതെ പ്ലസ് ടു പരീക്ഷയിലും മികച്ച വിജയമാണ് ഐ ഗേറ്റ് വിദ്യാർത്ഥികൾ നേടിയത്.
പ്രശസ്ത കരിയർ ഗൈഡൻസ് വിദഗ്ധൻ ശ്രീ നാസർ മാവൂർ ക്ലാസെടുത്തു.
ഐ ഗേറ്റ് ഡയറക്ടർ ഹക്കീം മാസ്റ്റർ അധ്യക്ഷത വഹിച്ചു. മുനീർ കെ കെ, എൻ. എം ഫസൽ വരിസ്, എൻ മുഹമ്മദ് മാസ്റ്റർ, സി കെ അബ്ദുൽ സലീം,കെ ഷമീർ, ഉമ്മർ മങ്ങാട് , എ.കെ അഷ്റഫ് ,ഫായിസ്. കെ. പി, സുൽഫീകർ ഇബ്രാഹിം എന്നിവർ പ്രസംഗിച്ചു.പ്രിൻസിപ്പാൾ
അഡ്വ. സോജിത് ശ്രീനിവാസ് സ്വാഗതവും സ്റ്റാഫ് സെക്രട്ടറി സഫീർ കട്ടിപ്പാറ നന്ദിയും പറഞ്ഞു.
