Galoch Akhra

ᱟᱛᱩ ᱨᱮᱱ ᱢᱚᱸᱬᱮ ᱦᱚᱲ ᱫᱚ ᱚᱠᱚᱭ ᱠᱚ ??

ᱱᱚᱶᱟ ᱠᱚᱫᱚ ᱪᱮᱫ ?
নোওয়া কদ চেদ ?

সানাম ক পাড়াও তাবোন পে

সানাম গেবন বাডায়া সান্তাড় সেরোওয়া রে হাঁড়ি চডর রেয়াঃ চল মেনাঃ আ। মেনখান নিত হাঁড়ি পাওরা গে সান্তাড় সাওতা রেন তারুব এ তেয়ার আকানা। অনাতে আডি গান হড় ক মেন দা সাওতা রে হাড়ি চডর আরি খন গে সিরজাও আকানা হাঁড়ি রেয়াঃ বেওহার। আর অনা হাঁড়ি তেগে নিত সাওতা ডুবুজঃ কানা। এমনকি আডি গান হড় সেরোওয়া রেয়াঃ হাঁড়ি চডর সান্তাড় সাওতা রেয়াঃ সতীদাহ প্রথা ক মেতাঃ কানা। মেনখান মাসে লাই তাবোন সে সারি গে কি হাঁড়ি চডর দ সান্তাড় সাওতা রেয়াঃ সতীদাহ প্রথা কানা ????????
(আপে লাই তায়ম বিচার দ অল সদর , হুয়ুঃ আ)

পন্ডিত রঘুনাথ মুরমু হাঃ উইহার তে ধরম দ চেদ্‌ কানা ? নোওয়া কাথা মেন লেখান গে উনি হাঃ গে অল "লাকচার সেরেঞ" পুঁথি রেয়াঃ মিৎটাং সেরেঞ দিশা হিজুঃ আ। অনা দ নংকা -
অল মেনাঃ তামা / রড় মেনাঃ তামা
ধরম মেনাঃ তামা / আমহ মেনামা।
অলেম আদ লেরে / রড়েম আদ লেরে
ধরমেম আদ লেরে / আমহম আদঃ আ।
পন্ডিত রঘুনাথ মুর্মু নোওয়া সেরেঞ রে মেনাঃ "আম" সাবাদ তালাতে সান্তাড় জাতি হাঃ কাথায় লাই আকাদা। উনি হাঃ উইহার তে মিৎটাং জাতি তিগু তাহেনা পেয়া খুন্টি তালাতে। অনা কদ হুয়ুঃ কানা - চিকি , পারসি আর ধরম। নডে ইঞ দঞ গালচ আ ধরম ইদি কাতেদ ।
ধরম দ হুয়ুঃ কানা লায় লাকচার (culture)। লায় লাকচার দ হুয়ুঃ কানা এনেচ সেরেঞ,বঙ্গা বুরু, নেয়াম নেমাচার, পাতয়াউ আরহ এমান এমান। চেতান মেৎ তেম ঞেল লেখান মেন আম সাওতা রে লায় লাকচার ( এনেচ সেরেঞ, বঙ্গা বুরু এমান ) রেয়াঃ কোনো গুরুত্ব বানুঃ আ । মেন খান অন্তর মেৎ তেম ঞেল লেখান নোওয়া রেয়াঃ গুরুত্ব অসাম্ভেড় গেয়া।
সাওতা রেয়াঃ সানাম লায় লাকচার ভিতার রে মেনাঃ আ নৈতিক মূল্যবোধ (moral value) । নৈতিক মূল্যবোধ দ হুয়ুঃ কানা "সততা" (truth activity), "অহিংসা", " সারি আচরন","কর্তব্যনিষ্ঠ" আরহ এমান এমান।
লায় লাকচার বেনাও আকানা সাওতা খন, সাওতা বেনাও আকানা পরিবার খন। পরিবার তেয়ার আকানা সাগাই খন আর সাগাই দ তেয়ার আকানা পাতয়াউ খন আর পাতয়াউ দ তেয়ার আকানা নৈতিক মূল্যবোধ খন। মিৎ কাথা তে লাই লেখান হুয়ুঃ আ " নৈতিক মূল্যবোধ খন তেয়ার আকানা লায় লাকচার"। মিৎটাং গল্প তালাতে নোওয়া কাথা ভাগি খন তেবন বোঝাও আ -
মিৎটাং গিদরা যখন আজ আয়ো ঠেন খন জমাঃ কয় কাতেদ এ জমা তখন মিৎ চুলাং হ মনে রে বতর বাং তাহেন তায়া। চেদাঃ সে উনি গিদরা হা পাতয়াউ মেনাঃ তায়া আজ আয়ো তিস হ জমা বদল বিষ বাং এ এমায়া। আয়ো-গিদরা সাগাই তেয়ার আকানা নংকা না পাতয়াউ খন। আর নডে গিদরা হাঃ পাতয়াউ তেয়ার আকানা আজ আয়ো হাঃ সারি আচরন (সত্যাচারন) খন। আর নোওয়া দ (সারি আচরন) মিৎটাং নৈতিক মূল্যবোধ কানা।
সান্তাড় সাওতা রেয়াঃ সানাম লায় লাকচার নংকানা নৈতিক মূল্যবোধ খন গে তেয়ার আকানা। নৈতিক মূল্যবোধ গে হুয়ুঃ কানা ধরম।
মুচাৎ রে মেন কুলাঃ আ সান্তাড় আ লায় লাকচার বেড়ায় তেগে তল মেনাঃ আ ধরম। যাহা দ আব রেন হাপড়াম কো গেল সেরমা চং গেল বার সেরমা চং আচার বিচার কাতেদ ক বেনাও লেদা। আর অনা গে আবোওয়া ধরম দ।
..................Ragai Hembram

Nowa Galoch Akhra re sanam ko sagun daram
ᱱᱳᱭᱟ ᱜᱟᱞᱚᱪ ᱟᱠᱷᱲᱟ ᱨᱮ ᱥᱟᱱᱟᱢ ᱠᱚ ᱥᱟᱜᱩᱱ ᱫᱟᱨᱟᱢ