27/09/2024
*गम्माडी गंमत*
चिकू piku हे मासिक खेळघरात मुलांना फार आवडते. त्यामुळे अमृता कावणकरताईंनी जेव्हा, "आपण गम्माडी गमंत हा प्रोग्राम खेळघरात करू या का?" असे विचारले तेव्हा आम्ही उडीच मारली. बेस्ट! लहान मुलांना पर्वणीच!
गाणी, खेळ आणि गोष्टी म्हणजे धम्माल येणार हे सरळच होते.
खेळघरातदेखील आम्ही याच गोष्टींचा हात धरून मुलांना शिकवण्याचा प्रयत्न करत असतो.
२० सप्टेंबरला प्रत्यक्ष कार्यक्रमाच्या दिवशी मोठी चित्रे असलेले standy आणि वाद्ये अशी तयारी पाहून मुले, मोठी माणसे न बोलवताच जमा झाली.
धम्माल गाणी आणि ती देखील वाद्य आणि अभिनयासह ! मुले एकदम खुश होऊन गेली.
सुरवातीला टाळीचा खेळ,सशाचे आणि सांग सांग भोलानाथ हे गाणं, सा रे ग म प ध नी सा ची गोष्ट हे सारे सादरीकरण मुलांना गोष्टींच्या जगात घेऊन गेले.
त्यानंतर मुलांशी गप्पा झाल्या, तुमच्या हातात जादू आली तर कोणते प्राणी तयार कराल जोडून गाणं झालं - हातात माझ्या जादू आहे ...
ऊ ची गोष्ट तर कमाल होती.
मुलं हे सारं अनुभवण्यात दंग होऊन गेली होती. एक तास झाला तरी कंटाळली नाहीत, की दंगा केला नाही.
सादरीकरण करणारी मंडळी एकदम energatic होते. त्यांनी मुलांना कधी आपलेसे करून घेतले कळलंच नाही.
समिरण बर्डे, परितोष ठाकर,आदित्य मराठे, मृण्मई, कल्याणी देशपांडे, बद्रीष कट्टी, अभि पाठक, विकी कांबळे आणि सगळ्या कार्यक्रमाचा धागा जोडणाऱ्या
स्वरा ताई यांचे सगळ्यांचे मनापासून आभार आणि कौतुक!
चिकू piku ची आमच्याशी हा स्नेहबंध असाच रहावा अशी मनापासून इच्छा!
सारिका जोरी
