Anand Vidyaniketan Viman Nagar Pune

05/03/2026

Big thanks to Kiran Taware,, Madhuri Wairagade, Suman Merchant, Lokesh Chavan Luckshman Masal for all your support! Congrats for being top fans on a streak 🔥! 🎉👏💥😊👍💕

28/02/2026

*आनंद विद्यानिकेतन हायस्कूलमध्ये राष्ट्रीय विज्ञान दिनानिमित्त शालेय विज्ञान प्रदर्शनाचे उदघाटन दिमाखात संपन्न*
श्रीसंत गोरोबा शिक्षण संस्थेच्या *कार्यवाह आदरणीय किरण तावरे मॅडम* यांच्या मार्गदर्शनाखाली शालेय विज्ञान प्रदर्शनाचे उदघाटन माननीय *श्री गणेश चिंचोले* अध्यक्ष अंधश्रद्धा निर्मूलन समिती महाराष्ट्र राज्य व मान .प्राध्यापक *श्री प्रवीण देशमुख* राज्य कार्यकारणी सदस्य अनिस महाराष्ट्र यांच्या हस्ते करण्यात आले.
यावेळी संस्थेच्या व शाळेच्या वतीने प्रमुख पाहुण्यांना शाल व श्रीफळ देऊन सन्मानित करण्यात आले. *विद्यार्थ्यां मध्ये विज्ञानाचे महत्त्व व वैज्ञानिक दृष्टीकोन वाढविणे व विद्यार्थ्याप्रती विज्ञानाची आवड निर्माण करणे म्हणून या दिवशी प्रश्न मंजुषा कार्यशाळा विज्ञान प्रदर्शन* असे विविध कार्यक्रम आयोजित केले जातात
यानंतर विज्ञान प्रदर्शनामध्ये सहभागी स्पर्धक विद्यार्थ्यांचे लहान गट व मोठा गट असे विभाग करून विजेत्या स्पर्धकांना प्रमुख पाहुण्यांच्या हस्ते बक्षीस वाटप करण्यात आले

*विज्ञानानेच क्रांती ,विज्ञानानेच प्रगती*
*विज्ञानाचा नवा ध्यास* *विज्ञानानेच देशाचा विकास* *अंधश्रद्धा दूर करायची असेल तर धरा विज्ञानाची कास* विज्ञानानेच ज्या विविध अंधश्रद्धा आहेत त्या आपण दूर करू शकतो .
त्यानंतर *श्री प्रवीण देशमुख सर* यांनी जादूचे प्रयोग सादर केले व बुवाबाजी व हातचलाखी कशी करतात याचे प्रात्यक्षिक करून दाखविले
*संस्थेच्या कार्यवाह श्रीमती तावरे मॅडम* यांनी पुढील अनुभव विशद केले विज्ञान हे फक्त पुस्तकातून शिकण्यासाठी नसून रोजच्या अनुभवातून, जीवनातुन आपण अंगीकारले पाहिजे प्रत्येक गोष्टीच्या मागे का ? कसे ? केव्हा ? कोठे घडले ?हे चार प्रश्न प्रत्येक विद्यार्थ्याला पडले तर आणि तरच खरीअंधश्रद्धा निर्मूलन होईल असे मत व्यक्त केले.
अध्यक्षीय भाषणामध्ये *माननीय श्री गणेश चिंचोले सर* यांनी रामन इफेक्ट बाबत *वसंत गोवारीकर* सर यांनी 86 साली केंद्र सरकारला प्रस्ताव सादर केला व 28 फेब्रुवारी 1930 रोजी पुरस्कार मिळाला तोच दिवस 28 फेब्रुवारी हा दिवस सर्वत्र *विज्ञान दिन* म्हणून साजरा करतात हे सांगितलं तसेच मुलांना पुस्तकं वाचन समृद्धकरण्यासाठी दाभोळकर यांच्या 25 पुस्तिका तसेच *सावरकरांचे विज्ञाननिष्ठ सावरकर व विवेकानंदांचे नरेंद्रजी विवेकानंद* या पुस्तकांचे वाचन करण्यास विद्यार्थ्यांना प्रवृत्त करावे असा ही सल्ला दिला

श्रीसंत गोरोबा बाल विद्यानिकेतनचे मुख्याध्यापक *श्री. सतीश पाटील सर* कार्यक्रमास उपस्थित होते
राष्ट्रीय विज्ञान दिनानिमित्त प्रशालेमध्ये भव्य अशा *विज्ञान प्रदर्शना* चे आयोजन करण्यात आले होते.या विज्ञान प्रदर्शनासाठी विद्यार्थ्यांकडून विविध प्रयोगांची तयारी करून घेण्यास, व या प्रयोगांची मांडणी व आयोजन *विज्ञान विषय शिक्षिका सौ.पुनम पवार मॅडम, सौ. मुक्ता कोरपे मॅडम* यांनी मोलाचे सहकार्य केले .कार्यक्रमाचे सूत्रसंचालन विज्ञान शिक्षिका सौ. कोरपे मॅडम यांनी केले तर उपस्थितांचे आभार माननीय मुख्याध्यापक मासाळ सर यांनी मानले. कार्यक्रमाचे नियोजन मुख्याध्यापकांच्या मार्गदर्शनाने सर्व शिक्षक व शिक्षकेतर कर्मचारी, विद्यार्थी यांनी केले.

28/02/2026

28/02/2026

मराठी राजभाषा गौरव दिन उत्साहात साजरा 💐
श्रीसंत गोरोबा शिक्षण संस्थेच्या आनंद विद्यानिकेतन हायस्कूलमध्ये राजभाषा गौरव दिन संस्थेच्या कार्यवाह आदरणीय तावरे मॅडम यांच्या प्रमुख उपस्थितीत साजरा करण्यात आला.
कार्यक्रमाच्या सुरुवातीला कुसुमाग्रज यांच्या प्रतिमेचे पूजन पाहुण्यांच्या हस्ते करण्यात आले.
अध्यक्षीय भाषणातून संस्था सचिव यांनी मराठी भाषेचे महत्व सांगून विद्यार्थ्यांना वाचन लेखनावर भर सुट्ट्यांमध्ये सुद्धा पुस्तके वाचून अभिप्राय लिहून काढावे त्यामुळे लेखन वाचनाची आवड निर्माण होऊन मराठी भाषेवर प्रभुत्व गाजवता येईल असे नमूद केले.
प्रशालेचे मुख्याध्यापक श्री. मासाळ सर यांनी प्रास्ताविकातून विद्यार्थ्यांना मराठी राज्य भाषेचे महत्त्व विशद केले . शिक्षक मनोगतातून श्री.थोरात सर यांनी मराठी भाषेची महती, तसेच सर्व कवीवर्य, लेखक, साहित्यिक यांची माहिती व पुस्तके वाचून विचारांमध्ये परिवर्तन होते असे भाषणातून विद्यार्थ्यांना मार्गदर्शन केले.
कार्यक्रमाचे सूत्रसंचालन मराठी विभागाचे प्रमुख श्री. म्हेत्रे सर यांनी केले. सर्व शिक्षक, शिक्षकेतर कर्मचारी व विद्यार्थी यांच्या सहकार्यातून मराठी दिन उत्तमरीत्या पार पडला.

28/02/2026

*आनंद विद्यानिकेतन हायस्कूल मध्ये वार्षिक पारितोषिक वितरण समारंभ दिमाखात संपन्न*
🏆🥇🥈🥉🏅🏆🏆
*आज दिनांक 13/ 2 /2026 रोजी आनंद विद्यानिकेतन हायस्कूलच्या प्रांगणात *संस्थेच्या कार्यवाह आदरणीय तावरे मॅडम यांच्या प्रेरणेतून व प्रशालेचे मुख्याध्यापक श्री. मासाळ सर यांच्या मार्गदर्शनाखाली वार्षिक पारितोषिक वितरण समारंभ दिमाखात संपन्न झाला*.
*याप्रसंगी प्रमुख पाहुणे म्हणून मा. श्री. रोहिदास मुसळे सर (वरिष्ठ पोलीस निरीक्षक आंतरराष्ट्रीय हॉकी पटू)मा.श्री सुनील काशेलकर.(फायनान्स हेड व्ही कन्स्ट्रक्शन पुणे)मा. सिकंदर सय्यद (प्रोप्रायटर एस.एस. कन्स्ट्रक्शन पुणे),मा.विनायक दाभाडे सर, दत्तक योजनेतील माननीय सुवासिनी सावंत मॅडम, सौ. भावना नाईक मॅडम त्याचबरोबर संस्थेच्या कार्यवाह आदरणीय किरण तावरे मॅडम उपस्थित होत्या.*
*दीप प्रज्वलन,प्रतिमा पूजन व स्वागत गीताने कार्यक्रमाची सुरुवात झाली*.
*त्यानंतर प्रशालेचे मुख्याध्यापक माननीय श्री. मासाळ सर यांनी वार्षिक पारितोषिक वितरण समारंभाचा उद्देश व हेतू आपल्या प्रास्ताविकातून विशद केला*.
*कार्यक्रमाच्या सुरुवातीला *संस्थेच्या कार्यवाहक आदरणीय तावरे मॅडम यांच्या शुभहस्ते प्रमुख पाहुणे यांचा शाल ,श्रीफळ व पुष्पगुच्छ देऊन सन्मान करण्यात आला*.
*यानंतर कार्यक्रमात प्रमुख पाहुणे व इतर सर्व मान्यवर यांच्या हस्ते सर्व विजेत्या खेळाडूंना प्रशस्तीपत्र ट्रॉफी व मेडल देऊन सन्मानित करण्यात आले*.
*सांगात संस्था तर्फे 14 नोव्हेंबर बालदिन स्पर्धेनिमित्त आयोजित केलेल्या स्पर्धांमध्ये भाग घेतलेल्या विद्यार्थ्यांचेही प्रशस्तीपत्रक व भेटवस्तू देऊन सांगात संस्थेच्या समन्वयक प्रियांका भोमे यांच्या वतीने बक्षिसे देण्यात आली*.
*त्याचप्रमाणे राजभाषा हिंदी उत्कृष्ट शिक्षक सहभागामध्ये सौ. पवार मॅडम व उत्कृष्ट मुख्याध्यापक सहभाग श्री. मासाळ सर यांना प्रशस्तीपत्रक देऊन गौरविण्यात आले*.
*संस्थेच्या कार्यवाह आदरणीय किरण तावरे मॅडम यांनी आपल्या मनोगतातून विद्यार्थ्यांचे खेळातील कार्याचे कौतुक करत यशस्वी होण्यासाठी कष्टाशिवाय पर्याय नाही हे सांगत असताना सर्व विद्यार्थी व शिक्षक यांचे अभिनंदन केले*.
*त्यानंतर कार्यक्रमातील पाहुणे मा. सिकंदर सय्यद व मा. श्री सुनील काशेलकर सर *यांनी आपल्या मनोगतातून विद्यार्थ्यांना मार्गदर्शन केले*. .
*कार्यक्रमाचे सूत्रसंचालन श्री.थोरात सर व क्रीडा विभाग उपप्रमुख सौ. पूनम पवार मॅडम यांनी केले. कार्यक्रमाच्या शेवटी क्रीडा विभाग प्रमुख श्री ढेकळे सर यांनी उपस्थित सर्वांचे आभार मानले*.
*कार्यक्रम यशस्वीपणे पार पाडण्यासाठी प्रशालेचे मुख्याध्यापक, सर्व शिक्षक वृंद,शिक्षकेतर कर्मचारी,सेवक वर्ग व विद्यार्थी या सर्वांचे सहकार्य लाभले*.

28/02/2026

*श्रीसंत गोरोबा शिक्षण संस्थेच्या, आनंद विद्यानिकेतन हायस्कूल मध्ये संस्थेच्या कार्यवाह आदरणीय तावरे मॅडम यांच्या मार्गदर्शनाखाली बोर्ड परीक्षेसाठी दिनांक 14/ 2 /2026 रोजी सदिच्छा समारंभ भावपूर्ण वातावरणामध्ये पार पडला*.
*संस्थेचे संस्थापक गुरुवर्य आदरणीय कै. श्री तावरे सरांच्या प्रतिमेस पुष्पहार अर्पण करून कार्यक्रमाची सुरुवात झाली*.
*सर्वप्रथम आनंद विद्यानिकेतन हायस्कूलचे मुख्याध्यापक श्री. मासाळ सर यांनी प्रास्ताविकातून विद्यार्थ्यांना बोर्ड परीक्षेसाठी शुभेच्छा दिल्या*.
*तसेच सर्व शिक्षकांनी विद्यार्थ्यांना बोर्ड परीक्षेसाठी व भावी आयुष्याच्या जडणघडणीसाठी शुभेच्छा दिल्या*.
*इयत्ता पाचवी ते दहावीच्या सर्व वर्ग प्रतिनिधींनी विद्यार्थ्यांना शुभेच्छा देत आपले मनोगत व्यक्त केले*.
*कार्यक्रमाचे नियोजन इयत्ता नववीच्या विद्यार्थ्यांनी वर्गशिक्षक श्री.म्हेत्रे सर यांच्या मार्गदर्शनाखाली उत्कृष्टरित्या केले. इयत्ता दहावीच्या प्रत्येक विद्यार्थ्यांना लेखणीच्या स्वरूपामध्ये भेटवस्तू देण्यात आली*.
*इयत्ता दहावीच्या विद्यार्थ्यांनी वर्गशिक्षिका सौ.कोरपे मॅडम यांच्या मार्गदर्शनाखाली शाळेत आठवणींच्या स्वरूपामध्ये शाळेसाठी फळा *भेट देण्यात आला*.
*कार्यक्रमाचे सूत्रसंचालन इयत्ता नववीचे वर्गशिक्षक श्री. म्हेत्रे सर यांनी केले. आभार इयत्ता दहावी ची विद्यार्थिनी कु. सुष्मिता हौसमनी हिने मानले*.
*अशाप्रकारे कार्यक्रम प्रशालेचे मुख्याध्यापक श्री. मासाळ सर यांच्या आयोजनानुसार सर्व शिक्षक, शिक्षकेतर कर्मचारी, विद्यार्थी यांच्या सहकार्याने पार पडला. कार्यक्रमाची सांगता अल्पोपहाराने झाली.*

28/02/2026

*आनंद विद्यानिकेतन हायस्कूल मध्ये शिवजयंती उत्सव सोहळा उत्साहात संपन्न.*

*शिवरायांचे आठवावे रूप....*
*शिवरायांचा आठवावा प्रताप....*
*शिवरायांचा आठवावा साक्षेप......*
*भूमंडळी ||*🚩🚩🚩🚩🚩🚩🚩🚩

दरवर्षीप्रमाणे याही वर्षी आपल्या प्रशालेमध्ये संस्थेच्या कार्यावाह श्रीमती किरण तावरे मॅडम यांच्या मार्गदर्शनाखाली शिवजयंती उत्सव सोहळा मोठ्या उत्साहात संपन्न झाला.
अगदी सकाळपासूनच बाल शिवाजी महाराजांच्या तसेच राजमाता जिजाऊंच्या वेशातील विद्यार्थ्यांनी तसेच शिवगर्जनांनी परिसर शिवमय झाला होता.
कार्यक्रमाच्या सुरुवातीला प्रशालेचे मुख्याध्यापक व सर्व शिक्षकांच्या वतीने छत्रपती शिवाजी महाराजांच्या प्रतिमेस पुष्पहार अर्पण करून अभिवादन करण्यात आले. यावेळी इयत्ता नववीच्या विद्यार्थिनींनी शिवजयंती शिवजन्माचा सुंदर पाळणा गाऊन शिवजन्माचे स्वागत केले.
प्रशालेचे मुख्याध्यापक श्री. मासाळ सरांनी आपल्या प्रास्ताविकाच्या माध्यमातून छत्रपती शिवाजी महाराजांच्या कार्याची ओळख करून देऊन सर्वांना शिवजयंतीच्या शुभेच्छा दिल्या व शिवजयंती साजरी करण्याचा उद्देश विद्यार्थ्यांना सांगितला.
प्रशालेतील अनेक विद्यार्थ्यांनी आपल्या भाषणांमधून छत्रपती शिवाजी महाराजांच्या कार्याची ओळख करून दिली.
इयत्ता सहावीच्या मुलींनी सुंदर असे पाळणानृत्य सादर करून सगळ्यांचीच मने जिंकून घेतली. सर्वांच्या आकर्षणाचा केंद्रबिंदू ठरला तो म्हणजे बाल शिवाजीच्या वेशात आलेला प्रमोद क्षीरसागर.
शिक्षक म्हणून मनोगतामध्ये सौ. मुक्ता कोरपे मॅडम यांनी छत्रपती शिवाजी महाराजांच्या सदगुणांची माहिती सांगून त्यांचे गुण आत्मसात करण्याचे आवाहन केले.
शिवजयंती उत्सव सोहळ्याच्या निमित्ताने प्रशालेमध्ये विद्यार्थ्यांसाठी निबंध स्पर्धा व चित्रकला स्पर्धेचे आयोजन करण्यात आले होते या स्पर्धेमध्ये सर्व विद्यार्थ्यांनी उत्स्फूर्तपणे सहभाग घेतला.
कार्यक्रमाचे सुंदर असे सूत्रसंचालन सौ. उज्वला पाटील मॅडम यांनी केले तर कार्यक्रमाचे आयोजन नियोजन मुख्याध्यापकांच्या मार्गदर्शनाखाली सर्व शिक्षक,शिक्षकेतर कर्मचारी व विद्यार्थ्यांनी केले होते.
कार्यक्रमाच्या शेवटी सर्वांना खाऊ वाटप करून कार्यक्रमाची सांगता झाली.

27/01/2026

शैक्षणिक गुणवत्ता संवर्धन अभियान 2025-26

22/01/2026

*हॉकी स्पर्धेतील घवघवीत यश* 🏆🥉🏑🏆🏅🥈
श्रीसंत गोरोबा शिक्षण संस्थेच्या आनंद विद्यानिकेतन हायस्कूल मधील विद्यार्थ्यांनीनी निर्माण संस्थेमार्फत घेतल्या जाणाऱ्या महाराष्ट्र ग्रास रूट हॉकी प्रोग्रॅम अंतर्गत हॉकी स्पर्धेमध्ये संस्थेच्या कार्यवाह *आदरणीय तावरे मॅडम* यांच्या मार्गदर्शनाखाली व प्रशालेचे मुख्याध्यापक *श्री.मासाळ सर* यांच्या नियोजनानुसार घवघवीत यश संपादन केले. *1)आनंद विद्यानिकेतन हायस्कूल मुले* *बेस्ट डिफेंडर -अजय राम*

*2)आनंद विद्यानिकेतन हायस्कूल मुली*
*Second place runner up Trophy*

*3)*बेस्ट डिफेंडर -तुळसी राम *या सर्व विजेत्या टीम चे मनापासून अभिनंदन*
*हॉकीचे कोच श्री. गायकवाड सर,श्री. ऋषभ सर व सर्व विद्यार्थ्यांचे मनःपूर्वक अभिनंदन* 💐💐💐

22/01/2026

📙*पुणे जिल्हा परिषदे कडून माध्यमिक शाळांचे 'प्रगतीपुस्तक' तयार होणार, 'शैक्षणिक गुणवत्ता संवर्धन' अभियानांतर्गत आनंद विद्यानिकेतन हायस्कूल मध्ये शाळा तपासणी.* 📊

पुणे जिल्ह्यातील माध्यमिक व उच्च माध्यमिक शाळांचा शैक्षणिक दर्जा सुधारण्यासाठी आणि प्रशासकीय पारदर्शकता आणण्यासाठी पुणे जिल्हा परिषद माध्यमिक शिक्षण विभाग व पुणे जिल्हा माध्यमिक व उच्च माध्यमिक शाळा मुख्याध्यापक संघ यांच्या संयुक्त विद्यमाने *'शैक्षणिक गुणवत्ता संवर्धन अभियान २०२५-२६'* हाती घेण्यात आले आहे. या अभियानांतर्गत जिल्ह्यातील शाळांची सखोल तपासणी प्रक्रिया सुरू झाली असून,याद्वारे प्रत्येक शाळेचे स्वतंत्र प्रगतीपुस्तक तयार केले जाणार आहे.
या उपक्रमांतर्गत आज *वार-गुरुवार दिनांक २२/०१/२०२६* रोजी आनंद विद्यानिकेतन हायस्कूल मध्ये शाळा तपासणीसाठी *१) श्री.लाडके एस.बी. २) श्री.अजित लेंभे ३) श्री. डामसे एन.के. ४) सौ.संध्या सुरेश ५) सौ. तिवारी ए.बी. ६) सौ.वर्षा हिवाळे* हे तपासणी पथक उपस्थित होते.
आपल्या संस्थेच्या *कार्यवाह आदरणीय तावरे मॅडम* यांच्या मार्गदर्शनाखाली तसेच प्रशालेचे *मुख्याध्यापक श्री.मासाळ सर* यांच्या नियोजनातून शाळा तपासणीची संपूर्ण पूर्व तयारी उत्तमरीत्या करण्यात आली होती.
शाळा तपासणीपूर्वी सर्व मान्यवरांचे स्वागत प्रशालेचे *मुख्याध्यापक श्री.मासाळ सर* यांच्या शुभहस्ते शाल,श्रीफळ व गुलाबपुष्प देऊन करण्यात आले.
मान्यवरांच्या सत्कार समारंभ वेळी प्रशालेचे मुख्याध्यापक यांनी शाळेत राबविल्या जाणाऱ्या विविध उपक्रमांची माहिती आपल्या प्रास्ताविकात केली.
मान्यवर पाहुण्यांमध्ये श्री. अजित लेंभे सर यांनी प्रशालेत राबवल्या जाणाऱ्या विविध उपक्रमांचे कौतुक केले व पुढील वाटचालीस शुभेच्छा दिल्या.
कार्यक्रमाचे *सूत्रसंचालन श्री.थोरात सर* यांनी केले.
शाळांमध्ये केवळ अध्यापनच नव्हे,तर प्रशासकीय कामकाज, शासकीय अनुदानाचा विनियोग आणि दप्तर नोंदणी अचूक आहे की नाही, याची खातरजमा करणे हा या मोहिमेचा मुख्य उद्देश आहे. शिक्षण हक्क कायद्याची (RTE) प्रभावी अंमलबजावणी आणि विद्यार्थ्यांच्या शैक्षणिक गुणवत्तेत वाढ करण्यावर या अभियानात भर दिला जात आहे.
या तपासणी अंतर्गत प्रशालेत विविध मुद्द्यांवर आधारित शाळेचे मूल्यमापन करण्यात आले.
*प्रशासकीय दप्तर:* सेवापुस्तिका, आवक-जावक नोंदवही आणि इतर कार्यालयीन कागदपत्रांची अद्ययावत स्थिती.
*आर्थिक लेखाजोखा:* शासनाकडून प्राप्त होणाऱ्या अनुदानाचा वापर आणि त्याचे हिशोब.
*शैक्षणिक गुणवत्ता:* विद्यार्थ्यांची वाचन, लेखन व गणिती क्षमता तसेच शिक्षकांच्या अध्यापन पद्धती.
*भौतिक सुविधा:* प्रयोगशाळा, ग्रंथालय, संगणक कक्ष आणि क्रीडांगणाची उपलब्धता व वापर.
*सहशालेय उपक्रम:* विज्ञान प्रदर्शन, सांस्कृतिक स्पर्धा आणि 'स्वच्छ शाळा, सुंदर शाळा' उपक्रमातील सहभाग.
तज्ञ मार्गदर्शकांचे सहकार्य
या अभियानासाठी तालुकास्तरावर मार्गदर्शन पथकांची नियुक्ती करण्यात आली आहे. यामध्ये अनुभवी मुख्याध्यापक, केंद्रप्रमुख आणि तज्ञ शिक्षकांचा समावेश आहे. केवळ त्रुटी काढणे हा हेतू नसून, शाळांना प्रगतीसाठी आवश्यक मार्गदर्शन करणे हा या मोहिमेचा सकारात्मक दृष्टिकोन असल्याचे मुख्याध्यापक संघाने स्पष्ट केले आहे. "शासकीय नियमांचे पालन आणि तपासणी पूर्ण झाल्यानंतर संकलित माहितीच्या आधारे जिल्ह्याचा सर्वसमावेशक शैक्षणिक अहवाल तयार केला जाईल. उत्कृष्ट कामगिरी करणाऱ्या शाळांचा गौरव जिल्हा परिषदेच्या वतीने करण्यात येईल असे नमूद करण्यात आले.

15/01/2026

*राजमाता जिजाऊ यांची जयंती तसेच स्वामी विवेकानंद यांची जयंती (युवा दिन) म्हणून उत्साहात साजरी*🙏🙏💐
श्रीसंत गोरोबा शिक्षण संस्थेच्या आनंद विद्यानिकेतन हायस्कूल मध्ये संस्थेच्या *कार्यवाह आदरणीय तावरे मॅडम* यांच्या मार्गदर्शनाखाली राजमाता जिजाऊ यांची जयंती व स्वामी विवेकानंद यांची जयंती युवा दिन म्हणून उत्साहात साजरा करण्यात आली.
सर्वप्रथम राजमाता जिजाऊ व स्वामी विवेकानंद यांच्या प्रतिमेची पूजा करण्यात आली. यानंतर विद्यार्थ्यांनी राजमाता जिजाऊ व स्वामी विवेकानंद यांच्यावर आधारित जीवनपट वेगवेगळे जीवनप्रसंग आपल्या भाषणातून व्यक्त केले.
राजमाता जिजाऊ यांच्या वेशभूषेमध्ये *कु. धनश्री आवारे* इयत्ता - नववी
*कु. पायल गुप्ता* इयत्ता - आठवी यांनी प्रेरणादायी मनोगते व्यक्त केली.
शिक्षक मनोगतामध्ये* *श्री. शिंदे सर* यांनी राजमाता जिजाऊंचे संस्कार,त्यावर आधारित गोष्टी तसेच स्वामी विवेकानंद यांच्या जीवनावरील महत्त्वाचे विचार व्यक्त केले.
कार्यक्रमाचे सूत्रसंचालन *श्री. ढेकळे सर* यांनी केले.
कार्यक्रमाचे आयोजन, नियोजन प्रशालेचे मुख्याध्यापक *श्री. मासाळ सर* तसेच सर्व शिक्षक, शिक्षकेतर कर्मचारी आणि विद्यार्थी यांच्या सहकार्याने करण्यात आले.

15/10/2025

*भारताचे माजी राष्ट्रपती आणि "मिसाईल मॅन" म्हणून ओळखले जाणारे डॉ ए. पी. जे. अब्दुल कलाम यांच्या जयंतीनिमित्त *वाचन प्रेरणा दिन* प्रशालेत कार्यक्रमाचे आयोजन करण्यात आले.
श्रीसंत गोरोबा शिक्षण संस्थेच्या आनंद विद्यानिकेतन हायस्कूल मध्ये संस्था सचिव आदरणीय तावरे मॅडम व प्रशालेतील मुख्याध्यापक श्री. मासाळ सर यांच्या मार्गदर्शनाने व सर्व शिक्षक व शिक्षकेतर सहकारी विद्यार्थी यांच्या उपस्थितीत डॉ. ए.पी.जे. अब्दुल कलाम यांच्या जयंतीनिमित्त वाचन प्रेरणा दिन प्रशालेत मोठ्या उत्साहात साजरा करण्यात आला.
कार्यक्रमाची सुरवातीला डॉ. ए. पी. जे. अब्दुल कलाम यांच्या प्रतिमेला पुष्पहार अर्पण करण्यात आले.
प्रशालेतील मुख्याध्यापक श्री.मासाळ सर यांनी आपल्या भाषणात सांगितले की, डॉ. कलाम हे विद्यार्थ्यांसाठी एक आदर्श व्यक्तिमत्त्व होते. व रोजच्या जीवनात डॉ.
ए.पी.जे. अब्दुल कलाम यांचा आदर्श घेण्यास विद्यार्थ्यांना प्रवृत्त केले.
कार्यक्रमाचे सूत्रसंचालन श्री. शिंदे सर यांनी केले.