StockShastra with Akshay

तुम्ही गुंतवणुकीची journey सुरू करताय? किंवा already त्या journey मधे आहात आणि त्यामध्ये excel करायचे आहे? Then this is a MUST WATCH Podcast for you :

👉 १० वर्षाच्या मार्केट अनुभवाने शिकवलेले महत्वाचे धडे
👉 Investing चे काही lesser known Avenues जे तुमची वेल्थ multiply करू शकतात
👉 Market crash मध्ये काय करावं?

🎙️ Margappa Podcast – Full Episode OUT NOW

https://youtu.be/P3w00dnQ6lU?si=q2fmGtDz4pxDdxEY

Bro, are you doing well? [89 of 365 by VriddhiShastra_Akshay]

काही वर्षांपूर्वीची गोष्ट आहे..आम्ही ३ मित्र गप्पा मारत बसलो होतो..
"काय रे, बरा चाललाय ना तुझा जॉब ?"
माझ्या एका मित्राने दुसऱ्या मित्राला विचारलं (ज्याने नुकताच ११ लाखाचे पॅकेज असणारा जॉब जॉइन केला होता)
He was at the initial phase of his career, age 26 !

त्याने असं का विचारलं असावं? कारण त्या मित्राकडे:
* स्वतःची कार नव्हती.
* खिशात iPhone नव्हता.
* परदेशवारीचे फोटो नव्हते.
* आणि Instagram वर दाखवण्यासाठी 'धिंगाणा' विकेंड्सही नव्हते.

बाहेरून पाहणाऱ्याला असं वाटत होतं की बिचारा कसाबसा दिवस ढकलतोय. पण खरं वास्तव जे त्या मित्राने नंतर मला सांगितलं -
• तो दरमहा ३५,०००ची Goal Based SIP (गुंतवणूक) करत होता.
• त्याच्याकडे ६ लाख रुपयांचा Emergency Fund तयार होता.
• डोक्यावर एक रुपयाचंही कर्ज नव्हतं.
• स्वतःचा टर्म इन्शुरन्स, स्वतः + आई वडिलांचा हेल्थ इन्शुरन्स - हे सगळं व्यवस्थित सुरू होतं.

इतर लोक जेव्हा आपली Lifestyle वाढवत होते, तेव्हा हा मित्र आपली Balance Sheet / संपत्ती मजबूत करत होता. त्याने 'दिखाव्या'पेक्षा 'भविष्यातील सुखाला' जास्त महत्त्व दिलं.

आज ४/५ वर्षानंतर मी त्या मित्राची प्रगती आणि financially secured आयुष्य बघतो आणि दुसऱ्या ‘दिखावा-वीर’ मित्रासोबत compare करतो तेव्हा त्याने तेव्हा घेतलेले निर्णय कसे बरोबर होते हे कळतं !

यातूनच असाही विचार मनात आला की “आर्थिकदृष्ट्या सक्षम असणं" म्हणजे नेमकं काय?
आजकालच्या जगात संपत्ती ही तुम्ही काय दाखवता, यावरून मोजली जाते. पण खरी श्रीमंती ती असते, जी तुम्हाला कोणाला दाखवावी लागत नाही. Financial stability is silent. Debt is loud.

आपापल्या priorities प्रमाणे आपण हे ठरवणं गरजेचं आहे की ‘आपण खरंच संपत्ती निर्माण करायला हवी की फक्त एक 'इमेज' उभी करायला हवी?’

तुमच्या मित्रपरिवारात असा कोणी आहे का, जो 'Silent Wealth' निर्माण करण्यावर विश्वास ठेवतो?

तुम्हाला financial freedom, wealth creation आणि financial planning वरील लेख वाचायला आवडत असेल तर आपल्या कम्युनिटीमध्ये सामील व्हा. जिथे तुमच्यासारखेच ७००+ लोक विचारपूर्वक आर्थिक निर्णय घेत आहेत, आणि free discussion sessions सुद्धा attend करत आहेत !

Blog by Akshay Pujari [NISM & AMFI certified]
Important links (including Community link) : https://linktr.ee/stockshas

StockShastra by Akshay | Linktree Initiative by Trader-Investor-AMFI registered MFD with 9+ years of experience : for Wealth Creation !

Some metrics for last decade+ in India. Interesting data points -

2014:

1 USD = ₹61
LPG rate = ₹921
Electronics import = 74%
Iron Ore per tonne = ₹4100
Petrol = ₹72-78 per litre
Fertilizer = ₹1200 per bag
Solar Capacity = 2.8 GW
Nifty50 = 7600

2026:

1 USD = ₹90+ (weaker rupee)
LPG rate = ₹913 (steady)
Electronics import =

जेव्हा मार्केट जोरात खाली जातं, तेव्हा तुमच्या काळजाचा ठोका चुकलाय का? [87 of 365 by VriddhiShastra_Akshay]

जेव्हा मार्केट जोरात खाली जातं, तेव्हा तुमच्या काळजाचा ठोका चुकलाय का? It happens with all of us, right?!

कारण ते फक्त स्क्रीनवर दिसणारे आकडे नसतात, तर ते तुमचे रक्ताचं पाणी करून कमावलेले पैसे असतात, तुमची स्वप्नं त्या चार्ट्समध्ये गुंतलेली असतात. अशा वेळी Behavioral Finance (गुंतवणूकदारांची मानसिकता) महत्त्वाची ठरते.

एक गोष्ट लक्षात घ्या: अनेक गुंतवणूकदार मार्केटच्या मागे धावतात. भीतीपोटी विक्री करतात आणि आशेपोटी खरेदी करतात. त्यांना वाटतं की ते खूप हुशारीने निर्णय घेत आहेत, पण खरी मेख इथेच आहे :
तुमच्या पोर्टफोलिओचं नुकसान मार्केटच्या चढ-उतारामुळे होत नाही, तर तुमच्या घाईघाईत घेतलेल्या निर्णयामुळे (Impulsive Reactions) होतं.

एक उदाहरण पाहूया : २०२० च्या कोरोना काळातील मार्केट क्रॅश. जेव्हा निफ्टी ५० (Nifty 50) जवळपास ४०% नी कोसळला, तेव्हा अनेक भारतीय गुंतवणूकदार घाबरले आणि त्यांनी आपले शेअर्स तोट्यात विकून टाकले. पण गंमत बघा, पुढच्या काही महिन्यांतच मार्केट सावरलं आणि त्याने नवनवीन उच्चांक गाठले. ज्यांनी भीतीपोटी विक्री केली, त्यांचे लांब पल्ल्याचे प्लॅन्स तिथेच कोलमडले.
बऱ्याच जणांना वाटतं की गुंतवणूक म्हणजे फक्त 'योग्य स्टॉक' निवडणं. पण खरं तर, गुंतवणूक म्हणजे आपल्या मानसिकतेचे चढ-उतार नीट हाताळणं होय.

भीती आणि हाव (Fear and Greed) हे दोन तुमचे सगळ्यात घातक सल्लागार आहेत. मार्केट पडतं तेव्हा पुढचं नुकसान टाळण्यासाठी लोक लॉसमध्ये विकतात आणि नंतर जेव्हा मार्केट पुन्हा वर जातं, तेव्हा ते फक्त लांबून बघत राहतात.
भावनांच्या आहारी जाऊन निर्णय घेणं म्हणजे डोळ्यावर पट्टी बांधून बुद्धिबळ खेळण्यासारखं आहे. अशा वेळी 'स्ट्रॅटेजी' बाजूला राहते आणि फक्त 'धसका' काम करतो.

जर तुम्हाला तुमची संपत्ती स्थिरपणे वाढवायची असेल, तर स्वतःच्या घाईवर ताबा मिळवणं हीच यशाची किल्ली आहे. एक शिस्तबद्ध इन्व्हेस्टमेंट प्लॅन तुमचे 'रिटर्न्स' कमालीचे वाढवू शकतो.
असा एक प्लॅन तयार करा ज्यात तुमच्या भावनांचा आणि रिस्क घेण्याच्या क्षमतेचा विचार केलेला असेल.
Actually खरा खेळ मार्केटमध्ये नाही, तर तुमच्या डोक्यात सुरू असतो.

तुमच्या बाबतीत असं कधी झालंय का? भावनांच्या भरात तुम्ही एखादा निर्णय घाईघाईने घेतलाय का? नक्की सांगा.

Blog by Akshay Pujari [NISM & AMFI certified]
Important links for more learnings : https://linktr.ee/stockshas

बहुतेक वेळा लोकांचे पोर्टफोलिओ (Portfolios) एखाद्या पक्क्या नियोजनामुळे नाही, तर पश्चात्तापामुळे (Regret) बनलेले असतात. [86 of 365 by VriddhiShastra_Akshay]

बहुतेक वेळा लोकांचे पोर्टफोलिओ (Portfolios) एखाद्या पक्क्या नियोजनामुळे नाही, तर पश्चात्तापामुळे (Regret) बनलेले असतात. आपल्या हातून काहीतरी सुटलंय किंवा आपण काहीतरी चुकलोय, ही भावनाच गुंतवणुकीचे निर्णय घ्यायला भाग पाडते.

* समजा, कोणाची 'Small-cap' ची तेजी हुकली असेल, तर तो माणूस पुढच्या वेळी उशिरा का होईना पण त्यात उडी घेतो - फक्त त्या सुटलेल्या संधीचा पाठलाग करण्यासाठी.

* ज्याने 'Mid-caps' मध्ये कधीकाळी पैसे गमावले आहेत, तो संधी असूनही आयुष्यभर त्याकडे ढुंकूनही पाहत नाही.

* ज्याला आधी FD (फिक्स्ड डिपॉझिट) 'बोरिंग' वाटायच्या, तो शेअर मार्केटचं एखादं चांगलं वर्ष बघितलं की लगेच आपले सगळे पैसे 'Equity' मध्ये ओततो.

थोडक्यात सांगायचं तर, तुमचा पश्चात्तापच तुमची स्ट्रॅटेजी बनतो.
पण यात खरी अडचण काय आहे? पश्चात्ताप तुम्हाला नेहमी 'भूतकाळात' अडकवून ठेवतो, तर तुमचे ध्येय (Goals) तुम्हाला 'भविष्याकडे' घेऊन जाते !!

जर तुम्ही पश्चात्तापाच्या भावनेने गुंतवणूक करत असाल, तर तुमचा पोर्टफोलिओ फक्त परिस्थितीला 'React' करत राहील - तो कधीच भक्कमपणे उभा राहणार नाही. पैसा किंवा संपत्ती (Wealth) ही कधीच सुटलेल्या संधीचा पाठलाग करून किंवा जुन्या जखमांमुळे भीती बाळगून निर्माण होत नाही.

> संपत्ती तेव्हाच निर्माण होते, जेव्हा तुमचा पोर्टफोलिओ तुमच्या गरजांशी आणि ध्येयांशी जोडलेला असतो.

> ज्या दिवशी तुम्ही पश्चात्तापावर आधारित निर्णय घेणं थांबवाल आणि आपल्या ध्येयांना (Goals) मार्गदर्शक बनवाल, त्याच दिवशी तुमची खरी गुंतवणूक सुरू होईल.

बाजारात काय चाललंय यापेक्षा तुम्हाला काय हवंय, हे जास्त महत्त्वाचं आहे. उदाहरणार्थ सिल्वर किंवा गोल्ड मधे आलेली रॅली बघून गेल्या काही महिन्यांपासून खूप लोकांनी ईक्विटी मधले पैसे काढून तिकडे टाकायला सुरुवात केली — just out of FOMO !

खूपच मार्मिक विषय आहे हा! तुमच्या पोर्टफोलिओमध्ये असा कोणता निर्णय आहे जो तुम्ही फक्त "घाईघाईत" किंवा "हातून संधी जाईल" या भीतीने घेतला होता? आठवत असेल तर नक्की सांगा..

Blog by Akshay Pujari [NISM & AMFI certified]
Important links for more learnings : https://linktr.ee/stockshas

❤️

Financial Planning मधील महत्त्वाचे ४ आकडे ! [85 of 365 by VriddhiShastra_Akshay]

जर तुमचे हे ४ आकडे थोडे जरी चुकले, तर तुमच्या आर्थिक नियोजनाचा (Financial Plan) पूर्ण पत्ता कोसळू शकतो.

बहुतेक वेळा आर्थिक नियोजन हे चुकीच्या गुंतवणुकीमुळे फ्लॉप होत नाही, तर ते एकदा ठरवलेल्या अवास्तव गृहितकांमुळे (Assumptions) अपयशी ठरते. आपण एकदा काही आकडे ठरवतो आणि पुन्हा कधीच त्याकडे वळून पाहत नाही. पण हेच चार आकडे ठरवतात की तुमचं प्लॅनिंग खऱ्या आयुष्यात टिकणार की नाही.

[१] महागाई (Inflation)
जास्त करून प्लॅन्समध्ये महागाईचा एक ठराविक आणि सोयीस्कर सरासरी दर धरला जातो. पण आपल्या आयुष्यात महत्त्वाच्या असणाऱ्या गोष्टी - जसे की मुलांचे शिक्षण, आरोग्य सेवा आणि आपली जीवनशैली - यांची महागाई इतर गोष्टींपेक्षा खूप जास्त वेगाने वाढते.
सुरुवातीला यातली छोटीशी चूक फार जाणवत नाही, पण वर्षानुवर्षे हे 'Compound' होत जातं आणि १०-१५ वर्षांनी जेव्हा पैशांची गरज असते, तेव्हा मोठी तूट जाणवते.

[२] मिळणारा परतावा (Returns)
नियोजन करताना आपण नेहमी भविष्यात मिळणाऱ्या चांगल्या सरासरी परताव्याचा (Average Returns) विचार करतो. पण प्रत्यक्ष पोर्टफोलिओवर टॅक्स, गुंतवणुकीचे बदललेले प्रकार (Asset Allocation) आणि आपली स्वतःची गुंतवणूक करण्याची शिस्त या गोष्टींचा परिणाम होत असतो.
तुम्ही अपेक्षित धरलेला परतावा आणि प्रत्यक्षात मिळालेला परतावा यातली दरीच तुमच्या प्लॅनला कमकुवत बनवते.

[३] उत्पन्नातील वाढ (Income Growth)
आपल्या करिअरचा आलेख कधीच एका सरळ रेषेत वर जात नाही. कधी पगार स्थिर होतो, कधी क्षेत्र बदलतं, तर कधी कामात ब्रेक घ्यावा लागतो.
दरवर्षी ठराविक टक्के पगार वाढेलच, असं गृहीत धरणं कागदावर चांगलं दिसतं, पण खऱ्या आयुष्यात मात्र ते धोक्याचं ठरू शकतं. पगारवाढीसोबतच अनपेक्षित खर्चही वाढत असतात, हे विसरून चालणार नाही.

[४] आयुर्मान (Longevity)
हा सगळ्यात दुर्लक्षित आकडा आहे. रिटायरमेंट म्हणजे फक्त एक मोठी रक्कम (Corpus) जमा करणं नव्हे; तर ती रक्कम अनिश्चिततेच्या काळातही अनेक दशके पुरवणे होय. आपण किती काळ जगणार आहोत आणि त्या काळात वैद्यकीय खर्च किती असेल, याचा अंदाज चुकणे महागात पडू शकते.

खरा धोका काय?
धोका हा अनिश्चिततेचा नाही, तर चुकीच्या अंदाजांवर ठाम राहण्याचा आहे. मार्केटमध्ये चढ-उतार होतात हे आपल्याला उघड दिसतं. पण चुकीची गृहितकं शांतपणे तुमचं नुकसान करत राहतात आणि नंतर ती सुधारणं खूप खर्चिक पडतं.

उत्तम 'Financial Planning' म्हणजे भविष्य सांगणं नव्हे, तर तुमच्या आकड्यांची वेळोवेळी पडताळणी करणं आणि बदलत्या आयुष्यानुसार त्यात सुधारणा करणं होय. तुम्ही तुमचे हे ४ आकडे दर १/२/३ वर्षांनी review करता का?!

Blog by Akshay Pujari [NISM & AMFI certified]
Important links for more learnings : https://linktr.ee/stockshas

एकाच पगाराच्या दोन माणसांसाठी एकच Investment प्लॅन कधीच कामाला येत नाही. [84 of 365 by VriddhiShastra_Akshay]

समजा, दोन मित्र आहेत आणि दोघांचा पगार महिना १.५ लाख रुपये आहे, तरीही त्यांचे आर्थिक नियोजन पूर्णपणे वेगळे असू शकते.
• एकजण आपल्या आई-वडिलांची जबाबदारी सांभाळत असेल तर दुसऱ्याला आई वडीलच त्यांच्या pension funds मधून एक्स्ट्रा पैसे देत असतील
• एकजण मोठ्या कंपनीत स्थिर (Stable) नोकरी करत असेल ; तर दुसरा एखाद्या स्टार्टअपमध्ये काम करत असेल, जिथे नोकरीची शाश्वती कमी असते.
• कोणाला तीन वर्षांनी मुलं हवी असतील ; तर कोणाला कदाचित मुलं नकोच असतील.

उत्पन्न सारखं आहे, पण दोघांची परिस्थिती पूर्णपणे वेगळी आहे.
असं असूनही, बाजारातील जवळपास प्रत्येक ॲप या दोघांना एकाच मापात मोजतं.
• तेच SIP कॅल्क्युलेटर.
• तीच म्युच्युअल फंड लिस्ट.
• आणि तीच ठराविक Asset Allocation मॉडेल्स.

खरे तर इथेच सगळी गडबड होते. कारण पैशांचे निर्णय हे केवळ कागदावर किंवा एक्सेल शीटमध्ये नसतात, तर ते आपल्या खऱ्या आयुष्याशी जोडलेले असतात.
म्हणूनच जेव्हा तुम्ही experienced MFD सोबत बोलता तेव्हा गुंतवणुकीची सुरुवात 'Products' पासून होत नाही. तर सगळ्यात आधी तो तुमच्या आयुष्याचा विचार करतो.

• तुमची ध्येयं (Goals) काय आहेत?
• तुमच्याकडे किती वेळ (Timeline) आहे?
• तुमच्यावर कोणत्या जबाबदाऱ्या किंवा अडचणी आहेत?
• तुमची आधीची गुंतवणूक किती आहे?
• तुमची खऱ्या आयुष्यातील कर्तव्ये कोणती आहेत?

हे सगळं समजून घेतल्यावरच एखादा सल्ला देता येतो. अर्थनियोजन खरं तर असंच असायला हवं. गुंतवणुकीच्या जगात 'One size fits all’ हा नियम चालत नाही.
Personal Finance हे सरसकट सर्वांसाठी सारखे नसून, ते तुमच्या गरजेनुसार 'Customised' असायला हवे! म्हणून कोणतेही generic app / Youtube content / इतर माहिती implement करण्या आधी ती तुमच्यासाठी योग्य आणि बरोबर आहे का हे समजुन घ्या !

Written/Compiled by Akshay Pujari [NISM certified, AMFI registered]
Important links for more learnings : https://linktr.ee/stockshas

StockShastra by Akshay | Linktree Initiative by Trader-Investor-AMFI registered MFD with 9+ years of experience : for Wealth Creation !

IPO म्हणजे लॉटरी की सापळा? 'हवा' बघून गुंतवणूक करताय का? [82 of 365 by VriddhiShastra_Akshay]

माझ्या एका ओळखीच्या गुंतवणूकदाराला गेल्या वर्षी IPO मध्ये खूप चांगले पैसे मिळाले. झटपट लिस्टिंग गेन आणि भरघोस नफा!
त्यामुळे त्याचा आत्मविश्वास गगनाला भिडला होता. त्याला वाटलं, "आता कुठे मला शेअर मार्केटचं गणित नीट समजलंय!"

गेल्या काही महिन्यात काय झालं?
त्याने पुन्हा एकदा आपली सगळी ताकद झोकून दिली. फिनटेक, ईव्ही (EV), ग्रीन एनर्जी—जिथे कुठे मार्केटमध्ये 'हवा' (Hype) होती, तिथे त्याने IPO साठी अर्ज भरले.
गेल्या आठवड्यात जेव्हा आम्ही त्याच्या पोर्टफोलिओचा आढावा घेतला, तेव्हा त्याच्या तोंडून फक्त एकच शब्द निघाला:
"अरेरे!"
तिथे ना आनंद होता, ना कसले सेलिब्रेशन. फक्त एक संथ जाणीव होती की—त्याचे बहुतेक IPO एकतर त्याच किमतीवर अडकले होते किंवा आधीच तोट्यात चालले होते.
त्याच्याकडे कोणताही Exit Plan नव्हता, ना त्या कंपन्यांच्या व्यवसायावर त्याचा विश्वास होता. त्याने फक्त मार्केटमधल्या 'ट्रेन्ड'वर आपली बाजी लावली होती.

आता एक कटू सत्य जाणून घ्या:
👉 गेल्या काही महिन्यात :
• एकूण ९३ IPO लिस्ट झाले.
• त्यापैकी फक्त ३ कंपन्या Multibagger ठरल्या.
• फक्त ७ कंपन्यांनी ५०% पेक्षा जास्त परतावा दिला.

बाकीचे सर्व? शांतपणे तोट्यात किंवा साध्या कामगिरीवर अडकले आहेत. पण आपण याबद्दल कधीच ऐकत नाही. कारण लोकांच्या तोट्याची चर्चा कधीच 'ट्रेन्ड' होत नाही, चर्चा फक्त जॅकपॉटची होते.

त्यामुळे, आपल्या विचार करण्याच्या पद्धतीत एक बदल करूया. Apply' बटण दाबण्यापूर्वी स्वतःला हे प्रश्न विचारा:
१. जर हा शेअर लिस्ट झाल्यानंतर खाली पडला, तर मी तो पुन्हा विकत घेईन का?
२. ही कंपनी नक्की पैसे कशी कमवते, हे मला खरंच माहीत आहे का?
३. मी खरोखर व्यवसायात गुंतवणूक करतोय की फक्त सध्या सुरू असलेल्या चर्चेवर (Buzz) पैसे लावतोय?

कारण महत्त्वाचं काय आहे माहितीये का?
IPO धोकादायक नसतात, तर 'FOMO' (दुसरे कमवतायत आणि मी राहून जाईन ही भीती) जास्त धोकादायक असतो.
पैसे कमवणे हे रोमांचक असू शकते, पण ते पैसे टिकवून ठेवणे? ती एक वेगळीच कला आहे.

Written/Compiled by Akshay Pujari [NISM certified, AMFI registered]
Important links for more learnings : https://linktr.ee/stockshas