17/06/2026
*न्यू इंग्लिश स्कूल रमणबाग शाळेच्या एन सी सी कॅडेट्सचे घवघवीत यश*
यावर्षीचा कम्बाईन अन्युअल ट्रेनिंग कॅम्प CATC706 बारामती सावळ येथील ज्ञानसागर गुरुकुल इंग्लिश मीडियम स्कूलमध्ये दिनांक 25 मे ते 3 जून 2026 या कालावधीत पार पडला. थ्री महाराष्ट्र आर्मड स्कॉर्डन एनसीसी युनिटचे कमांडिंग ऑफिसर कर्नल व्ही ए एस जोहर (सेना मेडल ) यांच्या नेतृत्वाखाली या कॅम्पचे नियोजन करण्यात आले होते. यामध्ये एकूण 19 शाळा तसेच विविध महाविद्यालयातील विद्यार्थी सहभागी झाले होते. या कॅम्पमध्ये आर्मीशी संबंधित ड्रिल,फायरिंग, जेजुरीकडीद पठार येथे ट्रेकिंग, गार्ड ऑफ ऑनर, सायबर सेक्युरिटी,एन्ट्री इन डिफेन्स सर्विसेस, फायर फायटिंग, फर्स्ट एड, ए आय फार्मिंग साईड व्हिजिट, अशा मिलिटरी संबंधित विविध प्रकारच्या विषयांचे ट्रेनिंग कॅडेट्सना देण्यात आले. या शिबिरामध्ये विविध स्पर्धांचे आयोजन करण्यात आले. न्यू इंग्लिश स्कूल रमणबाग शाळेतील 49 विद्यार्थी व एन सी सी चीफ ऑफिसर राजेंद्र पवार यांनी सहभाग घेऊन *ड्रिल स्पर्धेमध्ये द्वितीय क्रमांक, चित्रकला स्पर्धेत द्वितीय क्रमांक, सांघिक गीत गायन द्वितीय क्रमांक, बेस्ट मोटिवेशनल ड्रामामध्ये प्रथम क्रमांक, बेस्ट कॅडेट तृतीय क्रमांक,बेस्ट फायरर तृतीय क्रमांक अशी एकूण 48 पदके प्रशालेने प्राप्त केली. याबद्दल एकूणातील विजेतेपद म्हणजेच या कॅम्पची ओव्हर ऑल चॅम्पियनशिप प्राप्त केली व ट्रेनिंग ऑफिसर म्हणून केलेल्या उत्कृष्ट कार्याबद्दल चीफ ऑफिसर राजेंद्र पवार यांचा आर्मी कॅप देऊन सत्कार करण्यात आला.* या सर्व विद्यार्थ्यांना शाळेचे अध्यक्ष डॉ.शरद अगरखेडकर, मुख्याध्यापक आशा माने, उपमुख्याध्यापक महेश जोशी , पर्यवेक्षक अंजली गोरे , मंजुषा शेलूकर यांनी मार्गदर्शन केले आणि प्रोत्साहन दिले.
