Jnana Prabodhini Nigdi

Home
India
Pune
Jnana Prabodhini Nigdi

The institute has been located in Nigdi Pradhikaran area on a land measuring 4-5 acres. Similarly two science laboratories have been developed.

The camps has a separate building for high school, technical education unit, Balbhavan, Gymnasium, Commercial Training centre, Matrumandir trust. A playground measuring 2.5 acres is made available for physical development of the students. Similarly essential sport material is made available; as a result the students are acquiring proficiency in various games. Separate section for study of geograph

y, drawing and home science subject are made available. Prabodhini New Town high school Nigdi was established in 1982. During last 28 years the institute has developed facilities for formal as well as technical education, advanced computer education, sport education, Gurukul education based on Indian education pattern, biotechnology training and production, Ayurved research and service in the Pimpri - Chinchwad area. Similarly a rural development and service centre has been established at village ' Salumbre' in maval Taluka in Pune District. The institute has initiated many social projects like Parvati Mahadeo Vrudha Seva Sanstha.

17/08/2026

Computer intelligence Exam

16/08/2026

🇮🇳 ८० वा भारतीय स्वातंत्र्य दिन उत्साहात साजरा 🇮🇳

ज्ञान प्रबोधिनी नवनगर विद्यालयात ८० वा भारतीय स्वातंत्र्य दिन विद्यार्थी, अध्यापक, विभागप्रमुख, कार्यालयीन सदस्य, माजी विद्यार्थी व पालकांच्या उत्स्फूर्त उपस्थितीत देशभक्तीपूर्ण वातावरणात मोठ्या उत्साहात साजरा करण्यात आला.

देशभक्तीपर गीतांनी कार्यक्रमाची सुरुवात झाली. निवेदक नागेश जोशी सरांनी देशाच्या विविध क्षेत्रांतील उल्लेखनीय प्रगतीचा आढावा घेत निगडी केंद्रातील उपक्रम व विशेष यशाची माहिती उपस्थितांसमोर मांडली. संपूर्ण वंदे मातरम् गायनानंतर शिष्यवृत्ती परीक्षेत विद्यालयात प्रथम आलेल्या कु. चैतन्या भोपळे हिच्या हस्ते ध्वजारोहण करण्यात आले. राष्ट्रगीत, राज्यगीत व ध्वजगीत तसेच राष्ट्रीय छात्र सेनेच्या विद्यार्थ्यांच्या संचलनातून ध्वजाला मानवंदना देण्यात आली.

ध्वजारोहणाचा मान मिळालेल्या चैतन्याने शिष्यवृत्ती परीक्षेची केलेली तयारी, विविध उपक्रमांतील सहभाग तसेच शिक्षक व पालकांचे मार्गदर्शन यामुळे हे स्वप्न पूर्ण झाल्याचे आपल्या मनोगतात सांगितले. मुख्याध्यापक धुमाळ सरांच्या हस्ते तिचे कौतुक करण्यात आले. तसेच NCC चे Second Officer प्रशिक्षण पूर्ण केलेल्या अभिलाष देशपांडे यांचा विद्यालयाचे माजी विद्यार्थी कर्नल सारंग उपासनी यांच्या हस्ते विशेष सत्कार करण्यात आला.

यानंतर विद्यार्थ्यांच्या वयोगटानुसार तीन ठिकाणी मार्गदर्शनपर कार्यक्रम झाले.

🔹 इ. ८ वी ते १० वीच्या विद्यार्थ्यांना निगडी केंद्राच्या शिक्षण समितीच्या सल्लागार वाच. निता मोहिते यांनी भारतीय शिक्षण विचारप्रणालीची आवश्यकता, विद्यार्थी-शिक्षक-पालकांची भूमिका आणि शिक्षणाकडे पाहण्याचा व्यापक दृष्टिकोन याविषयी मार्गदर्शन केले. तंत्रज्ञानाचा योग्य वापर करत विचारशक्ती विकसित करण्यासाठी विद्यार्थ्यांकडून सात संकल्पही करून घेण्यात आले.

🔹 पूर्व माध्यमिक गटातील विद्यार्थ्यांशी संवाद साधताना निगडी केंद्र कार्यालय प्रमुख श्री अवधूत गुरव यांनी स्वातंत्र्याचा योग्य उपयोग करण्यासाठी सतत नव्याचा ध्यास घेण्याचे व पराक्रमाची कास धरण्याचे आवाहन केले. आपल्या ट्रेकिंगच्या अनुभवांतून त्यांनी वैयक्तिक तसेच सामूहिक पराक्रमाचे महत्त्व विद्यार्थ्यांना पटवून दिले.

🔹 प्राथमिक गटातील विद्यार्थ्यांसाठी मनोहर सभागृहातून कार्यक्रमाचे थेट प्रक्षेपण करण्यात आले. बहुआयामी कलाकार श्री. विराजस ओढेकर यांनी क्रांतिकारक खुदीराम बोस यांची कथा रंजक पद्धतीने सांगत आवाजातील विविधतेचे प्रभावी सादरीकरण केले. मुलांच्या आवडीच्या कार्टून पात्रांचे आवाज काढून त्यांनी विद्यार्थ्यांशी संवाद साधला. वय किंवा ताकद छोटी असली तरी विचार चांगले असतील, तर कोणतीही गोष्ट आपल्या ध्येयाच्या आड येऊ शकत नाही, हा प्रेरणादायी संदेश त्यांनी दिला.

#ज्ञानप्रबोधिनी #८०वास्वातंत्र्यदिन #राष्ट्रनिर्मिती

15/08/2026

ज्ञान प्रबोधिनीचे बरची नृत्य… भाग १

समूहनृत्य हा प्रत्येक संस्कृतीचा एक अविभाज्य घटक आहे. “लेझिम” ही महाराष्ट्राची परंपरा असल्याचे आपल्याला दिसते. पूर्वी गावोगावी शेतीची कामे पूर्ण झाल्यानंतर मिळालेल्या उत्पन्नाचा आनंद व्यक्त करायला देवाची पूजा करताना सार्वजनिक उत्सव साजरे केले जात. हा आनंद व्यक्त करण्याकरता समूहनृत्य ही परंपरा सर्वच समाज गटांमध्ये आपल्याला पाहायला मिळते. गुजरातमध्ये गरबा, पंजाबमध्ये भांगडा... अशा भारतातील सर्व प्रांतातही स्थानिक पारंपरिक नृत्य आपल्याला पाहायला मिळतात. तसेच आनंद साजरा करताना लेझीम हे महाराष्ट्राचे वैभव ठरते.
ज्ञान प्रबोधिनीचे संस्थापक संचालक कै. वाच. विनायक विश्वनाथ तथा आ. आप्पा पेंडसे हे संघाच्या शिस्तींमध्ये वाढलेले संघाचे प्रचारक आणि कट्टर स्वयंसेवक होते. त्यामुळे विचांरांबरोबर मैदानी खेळ, संचलन, वाद्य, समूहनृत्य या सर्वांमध्ये ते पारंगत होते. त्यातूनच पुढे जेव्हा लेझिम बद्दल विचार त्यांनी केला तेव्हा लेझिम करताना, लेझीममध्ये, दोन्ही हात बांधलेले असतात आणि त्यामुळे त्यात जोश नीट व्यक्त करता येत नाही. तो नीट व्यक्त करता यायला हवा, असेकै. आप्पांना वाटले. मुळात असे नेहमी वेगळे आणि नवीन शोधून काढण्याचा आप्पांचा स्वभाव होताच. लेझिममध्ये नवे योगदान प्रबोधिनीने दिले पाहिजे, अशी प्रेरणा घेऊन त्यांना नवीन सुचलेली गोष्ट म्हणजे आपले “बरची नृत्य”. लेझिमचे दोन दांडे स्वतंत्र करून आवेशपूर्ण काही खेळ नवीन खेळ निर्माण करता येतोय का ?, या विचारानतून बरची नृत्याचा जन्म झाला.
ज्यांनी लेझीम खेळलेला आहे किंवा ज्यांना समूहनृत्य आणि त्यातून व्यक्त होणाऱ्या आनंद, उत्साह, त्वेष-जोश, संघिकता इ.भावना याचा थोडा अभ्यास असेल, त्यांना लक्षात येईल की बरची नृत्यांमध्ये हात स्वतंत्र केल्यामुळे एकूण नृत्यातला वाढलेला आवेश आणि लेझीम पेक्षा बरचीमध्ये अधिक पौरुषत्व व्यक्त करता येणे शक्य झाले आहे. सुरुवातीचे काही हात कै. आप्पा, ज्ञान प्रबोधिनीचे द्वितीय संचालक कै. व. सी. तथा आ. अण्णा ताम्हणकर आणि त्यांच्या सहकाऱ्यांनी मिळून तयार केले, तर नंतर त्या परंपरेमध्ये अनेकांनी भर घातली आणि आजही नवनवीन प्रकारांची भर घातली जात आहे.
“बरची” म्हणजे खरेतर एक शस्त्र आहे. काठीमध्ये आतमध्ये लपविलेले पाते असलेले असे हे शस्त्र. त्यामुळे पौरुषसंपन्न अशा नृत्याला नावही विचारपूर्वक दिले आहे. त्यातून शरीराबरोबर मनसुद्धा बळकट व्हावं, हा विचार आहे. बरची नृत्य करताना त्याचा इतिहास, हेतू माहीत असावा. हे बरची नृत्य कशासाठी करतो आहोत? नेमका त्याचा अर्थ काय आणि त्यातून काय मिळवायचा आहे? कशासाठी हा बरची गट? हे समजून घेत आपण बरची नृत्य केलं पाहिजे. ते येत्या काही लेखांमधून समजून घेऊया.
(...क्रमश:)

वाच. मनोज देवळेकर
केंद्रप्रमुख, ज्ञान प्रबोधिनी निगडी केंद्र

02/08/2026

स्वातंत्र्यदिनाच्या हार्दिक शुभेच्छा!

स्वातंत्र्यदिनानिमित्त ज्ञान प्रबोधिनी मुक्त विद्या केंद्र प्रतिभाविकसन आणि नवोन्मेषता “Creativity & Innovation” हा ऑनलाइन डिजिटल अभ्यासक्रम सुरू करत आहे.

आजच्या वेगाने बदलणाऱ्या जगात प्रतिभासंपन्न विचार, नावीन्यपूर्ण विचार आणि समस्यांवर अभिनव उपाय शोधण्याची क्षमता ही सर्वांसाठी अत्यावश्यक कौशल्ये आहेत.

📖 अभ्यासक्रमाची माहितीपत्रिका सोबत जोडली आहे. (कोर्स इंग्रजीतूनसुद्धा उपलब्ध)

📲 अभ्यासक्रमासाठी नोंदणी करण्यासाठी माहितीपत्रिकेतील QR Code स्कॅन करा.
किंवा सोबत दिलेल्या लिंकवर क्लिक करा.
https://muktavidyakendra.jnanaprabodhini.org/courses/creativity-and-innovation/

स्वातंत्र्य विचारांचे, स्वातंत्र्य नवोन्मेषाचे !

#ज्ञानप्रबोधिनी

02/08/2026

🇮🇳 Happy Independence Day! 🇮🇳

This Independence Day, Jnana Prabodhini Mukta Vidya Kendra proudly launches its Online Digital Course on Creativity & Innovation.

As we celebrate the spirit of freedom, let us also empower ourselves with the skills to think creatively, solve problems innovatively, and contribute to building a stronger India.

📖 Please find the course brochure attached. (Marathi Version is also available)

📲 Scan the QR code in the brochure to register for the course. Or click on this link:
https://muktavidyakendra.jnanaprabodhini.org/courses/creativity-and-innovation/

We look forward to welcoming you on this exciting learning journey.

Think. Create. Innovate.

#ज्ञानप्रबोधिनी

25/07/2026

🚩भक्तिरसाने न्हालेली "अभंगवारी"🚩

ज्ञान प्रबोधिनी निगडी केंद्रातर्फे दि. २३ जुलै २०२६ रोजी आयोजित "अभंगवारी" मासिक संगीत सभा भक्तिमय वातावरणात संपन्न झाली. मुक्तिसोपान कला विभागासह निगडी केंद्रातील विविध विभागांतील सदस्यांनी संत ज्ञानेश्वर, संत तुकाराम, संत नामदेव, संत एकनाथ आदी संतांच्या अभंगांचे भावपूर्ण सादरीकरण केले.

धून, विठ्ठलनामाचा गजर आणि सामूहिक आरतीमुळे संपूर्ण परिसर भक्तिरसाने भारावून गेला होता.

ज्येष्ठ नागरिक, हितचिंतक व विद्यार्थ्यांच्या उत्स्फूर्त सहभागामुळे हा कार्यक्रम संत साहित्य, भारतीय संस्कृती आणि जीवनमूल्यांची अनुभूती देणारा अविस्मरणीय सांस्कृतिक सोहळा ठरला.

#ज्ञानप्रबोधिनी # #अभंगवारी #विठ्ठलभक्ती

22/07/2026

आषाढी एकादशी निमित्त ज्ञान प्रबोधिनी निगडी केंद्र मुक्तिसोपान कला विभाग आयोजित
🚩अभंगवारी🚩
सर्व विभागातील निवडक गायक कलाकारांचा अभंग गायन कार्यक्रम आयोजित केला आहे. तरी आपण सर्वांनी या कार्यक्रमास उपस्थित राहावे, ही विनंती.

📅गुरुवार, २३ जुलै २०२६
⏰️ सायंकाळी ६.०० ते ८.००
🛕 मातृमंदिर

#ज्ञानप्रबोधिनी
#अभंगवारी #अभंग

19/07/2026

ज्ञान प्रबोधिनी नवनगर विद्यालयातील गुरुकुल विभागाचा रिंगण पाहण्याचा अविस्मरणीय अनुभव 😊🙏💯😍

#ज्ञानप्रबोधिनी

Pandharpur Wari 2026 | वारीचा वारसा... ज्ञान प्रबोधिनीचे विद्यार्थी...

06/07/2026

ज्ञानप्रबोधिनी निगडी केंद्र गुरुकुल आणि जुन्नर येथील शंकरराव बुट्टे पाटील विद्यालय यांच्यात सामंजस्य करार!

शिक्षणाच्या गुणवत्तेला नवी दिशा देणाऱ्या आणखी एका महत्त्वपूर्ण टप्प्याची नोंद!

ज्ञानप्रबोधिनी निगडी गुरुकुल आणि शंकरराव बुट्टे पाटील विद्यालय, जुन्नर यांच्यात सामंजस्य करार (MoU) करण्यात आला.या करार प्रक्रियेस ज्ञानप्रबोधिनी निगडी केंद्राचे केंद्रप्रमुख वाचस्पती मनोजराव देवळेकर यांची प्रमुख उपस्थिती लाभली.

पुढील तीन वर्षांसाठी विद्यालयात गुरुकुल विभाग सुरू करण्यासाठी ज्ञानप्रबोधिनी गुरुकुलाच्या वतीने आवश्यक मार्गदर्शन, प्रशिक्षण आणि सातत्यपूर्ण सहकार्य दिले जाणार आहे.

या कालावधीत विद्यालयातील शिक्षकवर्ग आणि व्यवस्थापन गटाला गुरुकुल शिक्षणपद्धतीची प्रभावी अंमलबजावणी करण्यासाठी विविध प्रशिक्षण सत्रे, अभ्यासवर्ग आणि मार्गदर्शन उपक्रम राबविण्यात येतील.

यापूर्वी शिरूर व सातारा येथील दोन संस्थांबरोबर अशाच स्वरूपाचे करार यशस्वीपणे करण्यात आले असून, त्या संस्था सध्या कराराच्या तिसऱ्या वर्षात कार्यरत आहेत. या अनुभवाच्या बळावर आणखी एका संस्थेसोबत ज्ञानप्रबोधिनी गुरुकुलची ही नवीन वाटचाल सुरू होत आहे.
#ज्ञानप्रबोधिनी #गुरुकुल

06/07/2026

नवकल्पनांना नवी दिशा – ACIC @ ज्ञानप्रबोधिनी, निगडी

नवोन्मेष, उद्योजकता आणि समाजाभिमुख विकासाला चालना देणाऱ्या ज्ञानप्रबोधिनी इनोव्हेशन फाउंडेशन (JPIF) अंतर्गत अटल सामाजिक नवउद्योजकता केंद्र (ACIC) याचे उद्घाटन
श्री. विवेक सावंत (संस्थापक संचालक, महाराष्ट्र नॉलेज कॉर्पोरेशन लि. – MKCL) यांच्या शुभहस्ते संपन्न झाले

भारत सरकारच्या अटल इनोव्हेशन मिशन (AIM) आणि देसाई ब्रदर्स लिमिटेड (DBL) यांच्या सहकार्याने उभारलेले हे केंद्र ग्रामीण व वंचित भागातील नवकल्पना, सामाजिक उद्योजकता आणि समुदाय विकासासाठी एक महत्त्वपूर्ण व्यासपीठ ठरणार आहे.

#ज्ञानप्रबोधिनी

ज्ञानप्रबोधिनीच्या अटल सामाजिक नवोन्मेष केंद्राचे उद्घाटनशाश्वत आ...

Address

Sector 25, Nigdi
Pune
411044

Telephone

+912027168000

Website

https://jpnvnigdi.org/

Alerts

Be the first to know and let us send you an email when Jnana Prabodhini Nigdi posts news and promotions. Your email address will not be used for any other purpose, and you can unsubscribe at any time.

Contact The School

Send a message to Jnana Prabodhini Nigdi:

Want your school to be the top-listed School/college in Pune?

Jnana Prabodhini Nigdi

17/08/2026

16/08/2026

15/08/2026

02/08/2026

02/08/2026

25/07/2026

22/07/2026

19/07/2026

06/07/2026

06/07/2026

Address

Telephone

Website

Alerts

Contact The School

Shortcuts

Share

Category

Listing takedown request