MES Sou. Vimlabai Garware High School

08/05/2026

प्रशालेची उज्वल यशाची परंपरा कायम...

02/05/2026

मएसो सौ विमलाबाई गरवारे प्रशालेचा इयत्ता बारावी विज्ञान विभागाचा निकाल 100% तर वाणिज्य विभागाचा निकाल 98.61% टक्के लागलेला आहे.
संपूर्ण निकाल पाहण्यासाठी खालील लिंक वर क्लिक करा.
https://garwareprashala.mespune.in/hsc-toppers/

26/04/2026

*इंडियन रेड क्रॉस सोसायटी* आयोजित समूहगीत गायन स्पर्धा घेण्यात आली होती.स्पर्धेचे वार्षिक पारितोषिक वितरण समारंभात समूहगीत गायन स्पर्धेत सौ विमलाबाई गरवारे जुनियर कॉलेज गटात द्वितीय क्रमांकाचे बक्षीस प्राप्त झाले.

21/04/2026

आनंदाची बातमी
पुणे जिल्हा परिषद माध्यमिक शिक्षण विभाग व पुणे जिल्हा माध्यमिक व उच्च माध्यमिक शाळा मुख्याध्यापक संघ यांच्या संयुक्त विद्यमाने आयोजित गुणवत्ता संवर्धन अभियानात जिल्हा स्तरावर मएसो सौ. विमलाबाई गरवारे प्रशालेला तृतीय क्रमांक मिळाला. हे यश सर्व आजी, माजी विद्यार्थी, पालक , शिक्षक, शिक्षकेतर कर्मचारी व सर्व पदाधिकारी यांचे आहे.

19/04/2026

2026-27 या शैक्षणिक वर्षासाठी विनाअनुदानित तत्वावर शिक्षक व प्रशासकीय पदांसाठी Walk-In-Interview ठेवण्यात येत आहे. सर्व पदे ही पूर्णवेळ आणि तात्पुरत्या स्वरूपाची आहेत. अनुभवी उमेदवारांना प्राधान्य दिले जाईल.

सर्व इच्छुक उमेदवारांनी दिनांक ०८ जून २०२६ रोजी सकाळी ११ वा. सर्व मूळ कागदपत्रांसाहित प्रत्यक्ष उपस्थित राहावे.

ठिकाण: म.ए.सो. सौ. विमलाबाई गरवारे माध्यमिक व उच्च माध्यमिक विद्यालय, प्रभात रोड, डेक्कन जिमखाना पोलिस स्टेशन समोर, पुणे 04.
पूर्ण माहितीसाठी पुढील लिंक वर क्लिक करा.

महाराष्ट् एज्युकेशन सोसायटी संचलित सौ. विमलाबाई गरवारे प्रशाला येथे दिनांक ७ फेब्रुवारी २०२६ वार शनिवार रोजी जा....

26/03/2026

सर्व विद्यार्थी, पालक व माजी विद्यार्थी यांच्यासाठी आनंदाची बातमी

शैक्षणिक वर्ष 2025 --26 मध्ये झालेल्या गुणवत्ता संवर्धन अभियानामध्ये आपल्या मएसो सौ विमलाबाई गरवारे प्रशालेला औंध तालुका विभागात प्रथम क्रमांक प्राप्त झालेला आहे.
सलग दुसऱ्यांदा आपल्याला प्रथम क्रमांक प्राप्त झाला आहे.💐💐💐💐💐

08/03/2026

गणित प्रयोगशाळा उद्घाटन कार्यक्रम ... .

महाराष्ट् एज्युकेशन सोसायटी संचलित सौ. विमलाबाई गरवारे प्रशाला येथे दिनांक ७ फेब्रुवारी २०२६ वार शनिवार रोजी जागतिक महिला दिनाच्या निमित्ताने गणित प्रयोगशाळेच्या उद्घघाटन कार्यक्रमाचे आयोजन करण्यात आले.

कार्यक्रमाची सुरुवात मान्यवरांच्या हस्ते प्रतिमा पूजन व दीपप्रज्वलनाने करण्यात आली. त्यानंतर विद्यार्थ्यांनी सुंदर स्वागतगीत सादर करून उपस्थित मान्यवरांचे स्वागत केले. कार्यक्रमाचे अध्यक्ष म्हणून प्रशालेचे माजी विद्यार्थी एअर मार्शल (निवृत्त) भूषणजी गोखले उपस्थित होते. तसेच कार्यक्रमासाठी प्रमुख पाहुण्या म्हणून श्रीमती ताटके दिपा व श्रीमती मृदुला पायगुडे उपस्थित होत्या.

यावेळी महाराष्ट् एज्युकेशन सोसायटीचे सचिव डॉ.श्री. अतुल कुलकर्णी, प्रशालेचे महामात्र डॉ. निर्भय पिंपळे, महाराष्ट् एज्युकेशन सोसायटी नियामक मंडळ सदस्य श्री राहुल मिरासदार, महाराष्ट् एज्युकेशन सोसायटी चे कार्यकारी अधिकारी श्री सचिन आंबर्डेकर मुख्याध्यापक श्री. रोहिदास भारमळ, उपमुख्याध्यापिका सौ. सुनीता गायकवाड, पर्यवेक्षिका सौ. जयश्री शिंदे, तसेच सर्व शिक्षक व शिक्षकेतर कर्मचारी मोठ्या संख्येने उपस्थित होते.

*कार्यक्रमाचे प्रास्ताविक* मुख्याध्यापक श्री. रोहिदास भारमळ सर यांनी केले. त्यांनी गणित प्रयोगशाळेचे महत्त्व स्पष्ट करताना विद्यार्थ्यांना प्रत्यक्ष कृतीतून गणित शिकण्याची ही उत्तम संधी असल्याचे सांगितले.

*यानंतर सौ. मेघना देशपांडे मॅडम यांनी मान्यवरांचा परिचय* करून देत त्यांचे स्वागत केले. कार्यक्रमात प्रमुख पाहुण्यांनी आपल्या मनोगतात विद्यार्थ्यांना गणित विषयाची भीती न बाळगता प्रयोगशाळेच्या माध्यमातून गणित अधिक सोपे व रंजक बनवावे, असा मौल्यवान सल्ला दिला.

*कार्यक्रमाचे अध्यक्ष एअर मार्शल भूषणजी गोखले यांनी आपल्या अध्यक्षीय मनोगतात* विद्यार्थ्यांनी जिज्ञासू वृत्ती ठेवून अभ्यासात प्रगती करावी तसेच गणित प्रयोगशाळेचा जास्तीत जास्त उपयोग करावा, असे मार्गदर्शन केले.

कार्यक्रमाचे सूत्रसंचालन प्रशालेच्या शिक्षिका श्रीमती. लता टिळेकर यांनी केले व उपस्थित त्यांचे आभार मानले.
या कार्यक्रमामुळे विद्यार्थ्यांमध्ये गणित विषयाविषयी आवड निर्माण होऊन प्रयोगातून शिक्षण घेण्याची प्रेरणा मिळाली.
https://youtu.be/2GSn9IO2iVg

08/03/2026

"महिला दिनानिमित्त सौ. विमलाबाई गरवारे माध्यमिक व उच्च माध्यमिक विद्यालयात ‘स्त्रीशक्ती सन्मान’"

महाराष्ट्र एज्युकेशन सोसायटीच्या सौ. विमलाबाई गरवारे प्रशालेत जागतिक महिला दिनानिमित्त ‘स्त्रीशक्ती सन्मान’ सोहळा उत्साहात पार पडला. प्रशालेतील पुरुष शिक्षक व शिक्षकेतर कर्मचाऱ्यांनी पुढाकार घेऊन महिला सहकाऱ्यांचा सत्कार करून त्यांच्याप्रती कृतज्ञता व्यक्त केली, हे या कार्यक्रमाचे विशेष आकर्षण ठरले.
या प्रसंगी प्रशालेच्या चार यशस्वी माजी विद्यार्थिनींचा विशेष सन्मान करण्यात आला. यामध्ये निवृत्त अधिकारी श्रीमती भूषणा करंदीकर, उद्योजिका श्रीमती ऋचा वाटवे, कथ्थक नृत्यांगना श्रीमती आभा वांबूरकर आणि व्हायोलिन वादक श्रीमती चारुशीला देव यांचा समावेश होता. आपल्या मनोगतात श्रीमती भूषणा करंदीकर यांनी शाळेत मिळालेले शिक्षण व शिक्षकांनी दिलेले संस्कार यामुळेच जीवनातील आव्हानांना सामोरे जाण्याचे बळ मिळाल्याचे सांगितले.
मुख्याध्यापक श्री रोहिदास भारमळ यांनी प्रास्ताविकात शाळेच्या प्रगतीत महिला सहकाऱ्यांचे योगदान अत्यंत मोलाचे असल्याचे नमूद केले. श्री योगेशचंद्र देवळालकर यांनी पाहुण्यांचा परिचय करून दिला, तर श्री अनंत कुलकर्णी यांनी जागतिक महिला दिनाचे ऐतिहासिक महत्त्व स्पष्ट केले. कार्यक्रमाचे सूत्रसंचालन श्री राजेंद्र पावरा यांनी केले. कार्यक्रमाच्या शेवटी श्री अतुल सरडे यांनी आभार प्रदर्शन केले.
कार्यक्रमाच्या अध्यक्षस्थानी शाळेचे महामात्र डॉ. निर्भय पिंपळे होते. आपल्या अध्यक्षीय मनोगतात त्यांनी महिलांचा सन्मान, समान संधी आणि प्रोत्साहन हे समाजाच्या प्रगतीसाठी अत्यावश्यक असल्याचे अधोरेखित केले.
या कार्यक्रमाच्या यशस्वी आयोजनासाठी प्रशालेतील सर्व शिक्षक व शिक्षकेतर कर्मचाऱ्यांनी उत्स्फूर्त सहभाग नोंदविला. विशेषतः श्री प्रवीण भोईटे, श्री सुनील जोशी, श्री सोमनाथ भोये, श्री गणेश हिले, श्री योगेशचंद्र देवळालकर,श्री अनंत कुलकर्णी, श्री राजेंद्र पावरा, श्री प्रभय्या हंद्राळमठ, श्री धनराज प्रजापती, श्री अतुल सरडे, श्री लौकिक वांजळे, श्री भीम कोंढाळकर, श्री पंडित महाले, श्री सागर फाजगे, श्री गणेश फडकले यांच्यासह मुख्याध्यापक श्री रोहिदास भारमळ यांच्या सक्रिय सहभागामुळे हा कार्यक्रम यशस्वीरीत्या पार पडला.
https://youtu.be/kIwrQvtSgBs

25/02/2026

"महाराष्ट्र एज्युकेशन सोसायटीच्या 'स्वरवेध' स्पर्धेत सौ. विमलाबाई गरवारे प्रशालेचे घवघवीत यश!"
​
म. ए. सो. कलावर्धिनी आयोजित 'स्वरवेध' लोकगीत गायन स्पर्धेत सौ. विमलाबाई गरवारे प्रशालेच्या विद्यार्थ्यांनी सुंदर सादरीकरण करून यश मिळवले आहे. दिनांक २३ आणि २४ फेब्रुवारी रोजी भावे प्राथमिक शाळेच्या सभागृहात ही स्पर्धा उत्साहात पार पडली.
​या स्पर्धेत प्रशालेच्या इयत्ता सहावीच्या विद्यार्थ्यांनी 'वीर बाजीप्रभू देशपांडे' यांच्यावर आधारित पोवाडा सादर केला. त्यांच्या या दमदार कामगिरीमुळे शाळेला उच्च प्राथमिक गटात प्रथम क्रमांकाचे पारितोषिक मिळाले. प्रसिद्ध शाहीर हेमंत राजे मावळे यांच्या हस्ते यशवर्धन सोलंकर या विद्यार्थ्याने हे बक्षीस स्वीकारले. या यशात सहभागी असलेल्या सर्वच विद्यार्थ्यांची मेहनत मोठी आहे. तसेच इयत्ता अकरावीच्या विद्यार्थिनींनीही छान 'भारुड' सादर केले.
​विद्यार्थ्यांच्या या यशामागे संगीत शिक्षक श्रीराम पोतदार, सौ. रूपाली देशपांडे आणि सौ. स्वप्नाली देशपांडे यांची मेहनत आणि मार्गदर्शन आहे. विशेष म्हणजे, शाळेचे मुख्याध्यापक श्री. रोहिदास भारमळ, उपमुख्याध्यापिका सुनिता गायकवाड, पर्यवेक्षिका जयश्री शिंदे आणि पालक यांचे सतत लाभलेले प्रोत्साहनपर पाठबळ व सहकार्य यामुळेच विद्यार्थ्यांना हे यश संपादन करता आले.

22/02/2026

*📌आनंद वार्ता*
शनिवार दिनांक 21/ 2/ 26 रोजी ज्ञान प्रबोधिनी, सदाशिव पेठ या ठिकाणी skill synch ही स्पर्धा संपन्न झाली.
*कळविण्यास आनंद होत आहे की या स्पर्धेत आपल्या म. ए. सो सौ. विमलाबाई गरवारे प्रशालेचा तृतीय क्रमांक आला आहे. शाळेला प्रशस्तीपत्रक आणि सन्मानचिन्ह मिळाले तसेच विद्यार्थ्यांना प्रशस्तीपत्रक आणि मेडल देण्यात आले.*
इयत्ता सहावी आणि सातवीचे मिळून एकूण 4 विद्यार्थी या स्पर्धेत सहभागी झाले होते.
🔹 सहभागी विद्यार्थी:-
*इयत्ता- सातवी शिवनेरी*
1) रोहिणी पौळ
2) शर्वरी जोगावडे
*इयत्ता - सहावी शिवनेरी*
3) निधी पड्याळ
4) सुमेद पुजारी

22/02/2026

नमस्कार,
अतिशय आनंदाने कळवू इच्छितो की, काल दिनांक २१ फेब्रुवारी २०२६ रोजी 'हँडबॉल असोसिएशन पुणे' व 'अभेद्य हँडबॉल अकॅडमी' यांच्या संयुक्त विद्यमाने आयोजित करण्यात आलेल्या 'आमंत्रण हँडबॉल स्पर्धेत' आपल्या प्रशालेच्या मुलींनी उत्कृष्ट कामगिरी केली आहे.या स्पर्धेत आपल्या प्रशालेचे १२ वर्षांखालील (U-12) आणि १४ वर्षांखालील (U-14) असे दोन संघ सहभागी झाले होते. यापैकी १४ वर्षांखालील (U-14) मुलींच्या संघाने आपल्या अष्टपैलू खेळाच्या जोरावर 'तृतीयपारितोषिक'(Third Prize) पटकावून प्रशालेचा नावलौकिक वाढवला आहे.
या यशस्वी वाटचालीत प्रशालेचे मा. मुख्याध्यापक, तसेच सर्व पदाधिकारी आणि माझे सर्व सहकारी क्रीडाशिक्षक यांचे आम्हाला सतत प्रोत्साहन आणि सहकार्य लाभले. त्याबद्दल मी व माझे सर्व खेळाडू आपले ऋण व्यक्त करतो. आपल्या मार्गदर्शनामुळेच मुलींना हे यश संपादन करता आले.
विजयी खेळाडूंचे हार्दिक अभिनंदन!