Ankuram Classes, Ambegaon Bk, Pune

🎭✨

प्रवास माणसाला समृद्ध करतो म्हणे!!
काही कामानिमित्त तासगांवला जाणं झालं..
आजकाल Ac बसचा प्रवास नकोसा वाटतो.५-६ तास बंद खिडक्या आणि बंद मनं यामध्ये जीव घुसमटतो.
म्हणून साध्या बसने यायचं ठरवलं.परतीच्या प्रवासात शेजारी एक माझ्याच वयाची महिला बसली.
मी काहीही न विचारता तिने मला स्वतः बद्दल सांगायला सुरुवात केली.. पुण्यात राहून बरे-वाईट अनुभव घेतल्याने सुरुवातीला संवादाची सुरुवात करायला मन राजी नव्हत पण हळूहळू मला तिने सांगितले की ती सुद्धा शिक्षिका आहे मग मात्र माझी कळी खुलली. जेमतेम अर्धा तास आम्ही सोबत होतो पण गप्पा मात्र अशा रंगल्या की जणू काही खूप वर्षा आधीची मैत्रीण भेटली असावी.
स्टॉप आल्यावर उतरताना माझा नंबर घेऊन स्वतःचा नंबर
देताना ना तिला संकोच वाटला ना मला..
गावकडची माणसं अशीच लाघवी असतात…
ती उतरून गेली आणि माझ्या ओठांवर या ओळी आल्या

गावाकडची माणसं आमची कशी साधी भोळी
प्रेमाच्या या रंगामध्ये रंगते आमची होळी
दिवाळीच्या सणामंदी जमली ही मंडळी
सुरसुरीच्या सुरामंदी चाखू पुरणपोळी
चुलीवरच्या भाकरीची चव ही सुटना
काय सांगू राणी मला गाव सुटना.....
# स्वलिखित