Kagajgiri

विरंगुळा !
कधी कधी आवडीच्या कामाचा हि कंटाळा येऊ शकतो. तेच तेच काम करत नविन कल्पना , विचार सुचणे थांबू शकते.कागजगिरी सुरू केली तेव्हा अगदी खरी वाटावी असे फुल बनविण्याचा ध्यास घेऊनच , जे कि सरावाशिवाय शक्य नाही. रोज छोटी मोठी पन्नास फुलं करत करत हळू हळू ध्येय जवळ वाटू लागले पण मरगळ हि यायला लागली. मग अशा वेळेस एखादा वेगळा छंद , मेंदू वर आलेले हे मळभ बाजूला करायला उपयोगी पडते. ज्यामध्ये मी जलरंग कुंचला वापरून मनाला येईल (अर्थातच फुलं) ते मुक्तहस्ताने चितारते , त्यामध्ये योग्य अयोग्य चांगले वाईट असे काहीही नसते. आजच्या भाषेतील Refresh Button !

नविन सदस्यांचे कागजगिरी मध्ये स्वागत. मी सध्या लेह लडाख दौरा करते आहे , कागद नसला तरी बर्फात हि फुल चितारायचा मोह आवरता आला नाही. लवकरच जून महिन्यामध्ये भेटू.
Hello to all the new followers from Ladakh !!!

भाग १
कागजगिरी हे माझ्या आवडीसाठी म्हणून सुरू केलेले काम आज समाजमाध्यमांद्वारे खूप ठिकाणी , नवनविन लोकांपर्यंत पोहचते आहे , ज्याचा आनंद वाटतो आहे. रोज नवं काम रिल द्वारे टाकले तरी सर्वत्र प्रश्न तेच !!!! आज शंभर लोकांना एकच काॅपी पेस्ट करून उत्तर दिलं आणि मनोमन ठरवलं कि एक पोस्टच टाकूया.तरी तेच परत प्रश्न विचारलेच जाणार आहेत हे माहितीच आहे ,तरी आपला हा छोटा प्रयत्न शंकानिरसनासाठी !

मे महिना सुट्टीचा असतो त्यामुळे बायकांना हि जरा छंद जोपासायला वेळ मिळतो. एप्रिल पासून कार्यशाळांचे सतत काम सुरू आहे , आता मी पण सुट्टीवर जाणार त्याआधी ठरवून तीन गुलाब कार्यशाळा घेतल्या. शनिवार-रविवार मध्ये एक सदाशिव पेठ आणि दोन सिंहगड रोड येथे गुलाब कार्यशाळा झाल्या , ज्यामध्ये पन्नासहून अधिक स्त्रिया-मुली सहभागी झाल्या. एप्रिल पासून समाजमाध्यामाद्वारे कागजगिरी खूप नवनविन लोकांपर्यंत पोहचले आहे आणि त्यामुळे कागजगिरी सदस्यांची संख्या हि वाढते आहे. आता सुट्टीवरून परत नव्या उत्साहाने नविन कामाला लागणार.