https://academy.the-farm.in/s/store

The Farm, The Farm, Syndicate Hall, Vaikunth Mehta National Institute of Cooperative Management, near Chatursingi Temple, Ganeshkhind, Pune (2026)

29/08/2026

📍तब्बल २५० रुपये किलो असलेला कांदा…

भारतात कांद्याचे विविध प्रकार आढळतात, परंतु त्यापैकी शलॉट कांदा हा एक वेगळे स्थान निर्माण करणारा प्रकार आहे. आकाराने लहान असला तरी त्याची चव, सुगंध आणि बाजारातील मागणी यामुळे तो विशेष ओळखला जातो. दक्षिण भारतात हा कांदा "सांबार कांदा" या नावाने प्रसिद्ध असून अनेक पारंपरिक पदार्थांचा तो अविभाज्य भाग मानला जातो.

शलॉट कांद्याचे सर्वात मोठे वैशिष्ट्य म्हणजे त्याचा आकार आणि रचना. सामान्य कांद्याप्रमाणे एकच मोठा कंद तयार न होता एका कंदापासून अनेक लहान कंदांची निर्मिती होते. त्याची साल लालसर-जांभळ्या रंगाची असते, तर आतील गर चवदार आणि सुगंधी असतो. सामान्य कांद्याच्या तुलनेत त्याची चव अधिक गोडसर आणि सौम्य असल्याने स्वयंपाकामध्ये त्याचा वापर विशेष पसंत केला जातो.

दक्षिण भारतीय खाद्यसंस्कृतीमध्ये शलॉट कांद्याला महत्त्वाचे स्थान आहे. सांबार, रस्सेदार भाज्या, लोणची, सलाड तसेच विविध मसालेदार पदार्थांमध्ये त्याचा वापर केला जातो. हॉटेल, रेस्टॉरंट आणि खाद्यप्रक्रिया उद्योगांमध्येही या कांद्याची मोठी मागणी असते. त्यामुळे ग्राहकांकडून त्याला नेहमीच चांगला प्रतिसाद मिळतो.

लागवडीच्या दृष्टीने पाहता, शलॉट कांदा हे शेतकऱ्यांसाठी एक चांगले पर्यायात्मक पीक ठरू शकते. या पिकाला चांगला निचरा होणारी जमीन आणि मध्यम हवामान अनुकूल असते. बहुतांश वेळा त्याची लागवड बियाण्यांऐवजी कंदांच्या माध्यमातून केली जाते. योग्य खत व्यवस्थापन, सिंचन आणि पीक संरक्षणाच्या उपाययोजनांमुळे चांगले उत्पादन मिळू शकते.

बाजारपेठेतील मागणी आणि दर्जेदार उत्पादनामुळे शलॉट कांद्याला अनेकदा सामान्य कांद्यापेक्षा अधिक भाव मिळतो. विशेषतः दक्षिण भारतातील बाजारपेठांमध्ये आणि मोठ्या शहरांतील सुपरमार्केटमध्ये त्याला चांगली मागणी असते. त्यामुळे मूल्यवर्धित आणि नफ्याच्या दृष्टीने शलॉट कांदा हे शेतकऱ्यांसाठी आशादायक पीक मानले जाते.

आकाराने लहान असला तरी चव, सुगंध आणि आर्थिक मूल्य या तिन्ही बाबतीत शलॉट कांदा मोठेपणा सिद्ध करतो.

फोटो स्रोत - लूलू हायपरमार्केट, कोची (केरळ)

06/08/2026

📍 RESEARCH ANALYST INTERN

🌱 Join Our Research Team
Passionate about Agriculture, Research & Rural Development?
Gain hands-on experience by working on real agricultural research projects and make a meaningful impact.

⏳ Duration - 3 Months

🎓 Eligibility - Bachelor's/Master's in Economics, Statistics, Agriculture, or Agricultural Economics. Freshers are Welcome!

💼 What You'll Do
✅ Conduct Field Surveys
✅ Collect & Analyze Research Data
✅ Assist in Research Report Preparation
✅ Work Directly with Farmers

📍 Location - Sahyadri Farms, Mohadi, Tal. Dindori, Nashik

📲 Apply Now - On QR Code

Build your career in Agricultural Research and create a real impact in Indian Agriculture!

02/08/2026

फलोत्पादनातील दूरदृष्टी असणारे डॉ. चिमा...

भारतातील फलोत्पादनाच्या विकासात मोलाचे योगदान देणाऱ्या शास्त्रज्ञांमध्ये डॉ. गेंदासिंग चिमा यांचे नाव अग्रक्रमाने घेतले जाते. त्यांचा पंजाबमध्ये जन्म झाला असला तरी त्यांनी आपल्या कार्यासाठी महाराष्ट्राची निवड केली. महाराष्ट्राचा मोठा भाग कायम दुष्काळग्रस्त होता. येथील शेतकरी कष्टाळू असला, तरी त्याला आधुनिक फलोत्पादनाचे ज्ञान नव्हते. येथील दुष्काळी परिस्थिती, शेतकऱ्यांचे हाल आणि शेतीसमोरील अडचणी पाहून त्यांनी आयुष्यभर फलोत्पादनाच्या माध्यमातून शेतकऱ्यांच्या आर्थिक उन्नतीसाठी काम करण्याचे ठरविले.

त्यांनी १९२१ मध्ये गणेशखिंड (पुणे) येथे 'Horticulturist to Bombay State' या पदावर कार्य सुरू केले. दुष्काळी भागातील शेतकऱ्यांसाठी फलोत्पादन हा चांगला पर्याय ठरू शकतो, हे त्यांनी ओळखले. उद्यानविद्या विषयात फलोत्पादन तर आहेच; पण त्यात भाजीपाला, औषधी वनस्पती आणि फुले यांचाही समावेश केला.

फळे, फुले, भाज्या हे नाशवंत मालात मोडतात. त्यांचा टिकाऊपणा वाढवण्यासाठी काढणीनंतरचे तंत्रज्ञान विकसित करण्यासाठी गणेशखिंड येथे शीतगृह बांधले. नाशवंत कृषी उत्पादनांचा टिकाऊपणा वाढविण्यासाठी त्यांनी काढणीनंतरच्या तंत्रज्ञानावर भर दिला. गणेशखिंड येथे शीतगृह उभारण्यात आले. तसेच कृषी महाविद्यालयाच्या परिसरात स्टोअरेज शेड उभारून साठवणीसंदर्भात संशोधन सुरू केले.

शेतमाल निर्यातक्षम व्हावा, यासाठी योग्य पिकांची निवड, गुणवत्तावाढ आणि आधुनिक तंत्रज्ञानाचा वापर यावर त्यांनी विशेष भर दिला. आंबा, द्राक्ष, पेरू, डाळिंब आणि संत्रा या फळपिकांच्या विकासात त्यांचे योगदान उल्लेखनीय राहिले. शेतकऱ्यांचा आर्थिक लाभ होण्यासाठी शेतमाल निर्यात झाला पाहिजे. त्यासाठी पिकांची निवड करून त्यांची गुणवत्ताही वाढविली पाहिजे. आंबा, द्राक्ष, पेरू, डाळिंब, संत्रा यांची अग्रक्रमाने निवड करून शेतकरी डोळ्यांसमोर ठेवून काम केले. म्हणून त्यांना डोळस शास्त्रज्ञ किंवा दूरदर्शी शास्त्रज्ञ म्हणून ओळख मिळाली.

त्यांच्या कार्याची शासन स्तरावरही दखल घेतली गेली. कै. वसंतराव नाईक हे मुख्यमंत्री असताना त्यांचा गौरव करण्यात आला. त्यानंतर ज्येष्ठ नेते शरद पवार मुख्यमंत्री असताना रोजगार हमी योजना राबवून त्या अंतर्गत फळबाग लागवड समाविष्ट करण्यात आली.

आज महाराष्ट्रातील फलोत्पादन क्षेत्राची झालेली प्रगती, शेतमालाची वाढलेली निर्यात आणि शेतकऱ्यांच्या उत्पन्नात झालेली वाढ ही डॉ. चिमा यांच्या दूरदृष्टीची साक्ष देणारी आहे. आज डॉ. चिमा यांच्या १३९ व्या जन्मदिनानिमित्त त्यांच्या कार्याचा वारसा नव्या पिढीपर्यंत पोहोचविणे आणि शाश्वत शेतीसाठी त्यांचे विचार जतन करणे हीच त्यांना खरी आदरांजली ठरेल.

- डॉ. भीमराव भुजबळ, ९८२३०८८३२३
📍Source : Agrowon

25/07/2026

राम कृष्ण हरी 🙏🚩

24/07/2026

We're Hiring! 🚀

Passionate about agriculture and content creation? 🌱✍️
The Farm is looking for Content Leads to join our growing team.

If you have a B.Sc. (Agri.) or an agriculture-related background and experience in content writing & research, we'd love to hear from you.

📍 Apply now by scanning the QR code

20/07/2026

'द फार्म'मध्ये रिसर्च विंगचे नेतृत्व करणारे आमचे सहकारी आणि अर्थतज्ज्ञ कु. अजित लाड यांची संयुक्त राष्ट्रांच्या आर्थिक व सामाजिक परिषदेकडून (ECOSOC) विशेष सल्लागार दर्जा प्राप्त असलेल्या देशातील अग्रगण्य शिक्षण व संशोधन संस्थांपैकी एक, रामभाऊ म्हाळगी प्रबोधिनी यांच्या 'वसंतराव पटवर्धन नेतृत्व व क्षमता विकास फेलोशिप'साठी निवड झाली आहे.

या फेलोशिपअंतर्गत ते पुढील सहा महिन्यांमध्ये 'प्राथमिक कृषी पतसंस्था' (PACS) यांचे बहुउद्देशीय सहकारी संस्थांमध्ये रूपांतर या महत्त्वपूर्ण विषयावर सखोल संशोधन करणार आहेत.

'द फार्म' आणि संपूर्ण टीमसाठी हा अत्यंत अभिमानाचा, आनंदाचा आणि प्रेरणादायी क्षण आहे.

03/07/2026

चीनची प्रगती का झाली? कारण…

"वर्षभराचा विचार असेल तर पीक लावा. दशकाचा विचार असेल तर झाडे लावा. पण आयुष्यभराचा विचार असेल तर माणसं घडवा."

ही चिनी म्हण केवळ प्रेरणादायी नाही, तर चीनच्या विकासाचा मूलमंत्र आहे. शेती, उद्योग किंवा समाज कोणत्याही क्षेत्रात शाश्वत बदल घडवायचा असेल तर ज्ञानाची आणि कौशल्याची गुंतवणूक सर्वात महत्त्वाची असते. पिके एका हंगामापुरती, झाडे अनेक वर्षांसाठी; पण योग्य प्रशिक्षण आणि शिक्षण घेतलेली माणसं अनेक पिढ्यांचे भविष्य घडवतात.

म्हणूनच प्रत्येकाने स्वतः शिकत राहावे आणि इतरांनाही शिकण्याच्या संधी उपलब्ध करून द्याव्यात. खऱ्या अर्थाने विकास हा इमारतींमध्ये नाही, तर सक्षम, विचारशील आणि प्रशिक्षित माणसं घडवण्यात असतो.

29/06/2026

विहीर पाडून बघावी म्हणतात, ते उगाच नाही!

शेतीत काही निर्णय असे असतात की ते घेताना सोपे वाटतात, पण ते पूर्ण करताना तुमचा खरा कस लागतो. माझ्यासाठी २०२५ मधला विहीर खोदण्याचा निर्णय काहीसा तसाच होता.

माझ्या शेतात पाण्याची थोडी टंचाई जाणवत होती. म्हणून ठरवलं की यावर्षी विहीर आणखी खोल करायची. मला वाटलं काम अगदी सोपं असेल. कॉन्ट्रॅक्टरला काम द्यायचं आणि काही दिवसांत विहीर तय्यार. त्याप्रमाणं डिसेंबरमध्ये काम सुरू झालं. आधीच ४० फूट खोल असलेल्या विहिरीला आणखी २० फूट खाली न्यायचं ठरलं. सगळं प्लॅनिंग झालं, खर्च ठरला आणि कामाला सुरुवात झाली.

पण पहिल्याच टप्प्यात अडचणी सुरू झाल्या.

विहिरीत खूप पाणी होतं. ते काढण्यातच बरेच दिवस गेले. पाणी कमी झालं की पुन्हा जमिनीतून झरे सुरू व्हायचे. मग ब्लास्टिंग सुरू झालं. काही फूट काम पुढे गेलं आणि अचानक कॅनॉलला पाणी आलं. विहिरीत पुन्हा एकदा पाणी भरलं आणि जोमानं सुरू झालेलं काम पुन्हा बंद झालं.

परत ये रे माझ्या मागल्या सारखं झालं. मग पुन्हा पाणी काढा, पुन्हा काम सुरू करा, पुन्हा कॅनॉलला पाणी आणि पुन्हा एकदा काम बंद. असं करता करता डिसेंबर, जानेवारी, फेब्रुवारी आणि मार्च गेले. शेतात दगडांचे ढीग, पाईपलाईन, मोटारी आणि सतत चालणारी धावपळ हे नॉर्मलच झालं. मग कधी पाणी दुसऱ्या विहिरीत टाकायचं, कधी ओढ्यात सोडायचं असं करत होतो. पण त्यामुळे खर्च वाढत होता आणि वेळही जात होता.

यामध्ये जितकी धावपळ माझी झाली नाही तितकी धावपळ माझ्या वडिलांची झाली. कारण, ब्लास्टिंगच्या वेळी मोटारी काढणं, पाणी उपसणं, कामगारांशी बोलणं हे सगळं त्यांनी मी गावाकडं नसताना हाताळलं.
शेवटी लगेच पावसाळा जवळ आला आणि सगळच काम थांबवावं लागलं. मग बरेच दिवस गेले. आणि मग सहा महिन्यांच्या प्रयत्नांनंतर आम्ही ठरवलं २० फूट नाही, तर फक्त १३ फूट विहीर खोल करूयात. आणि मग २० नाही पण निदान १३ फूट खोल विहीर आम्ही करू शकलो.

या संपूर्ण अनुभवातून एक गोष्ट मला शिकायला मिळाली शेतीमध्ये कोणतंही काम बाहेरून दिसतं तितकं सोपं नसतं. अनेकदा आपण खर्चाचा अंदाज लावतो, पण वेळ, मॅनेजमेंट, अनपेक्षित अडचणी यांची गणितं विसरतो. कधी कधी तर ती गणितं सोडवणं मुश्किल होतं, पण म्हणून त्यांना इग्नोर करून चालत नाही. कारण शेतीत यश फक्त पैशांवर अवलंबून नसतं; ते प्लॅनिंग, संयम आणि परिस्थितीनुसार डिसिजन घेण्याच्या क्षमतेवरही अवलंबून असतं.

आज कोणी मला विचारलं की ‘विहीर पाडून बघावी’ या म्हणीचा अर्थ काय, तर मी फक्त हसेन आणि सांगेन, “काही गोष्टींची खरी किंमत पैसे नाही, तर अनुभवच सांगतात.”

-संतोष जाधव (इंडियन फार्मर)

15/05/2026

शेतकऱ्यांना 'कर्ता' करणारा #दीपस्तंभ हरपला..

भावपूर्ण श्रद्धांजली आनंद नाडकर्णी सर

आमच्या संपूर्ण 'द फार्म' टीमने #कर्ता_शेतकरी या कार्यक्रमाचे सर्व एपिसोड मागील महिन्यात बघितले त्यावर सखोल चर्चा केली. आम्ही सोमवारपासून होणाऱ्या आमच्या डेमो बॅचमध्ये त्यातील काही सेशन घेणार होतो. त्याची येणारी प्रतिक्रिया सरांना कळविण्याची इच्छा होती पण काळाचा महिमा कुणाच्या हातात नाही.

'कर्ता शेतकरी' हा सरांनी विकसित केलेला उपक्रम सगळ्या शेतकरी वर्गापार्यात पोहचविणे हीच त्यांना खरी श्रद्धांजली असेल..

13/05/2026

📍आमच्या यशाच्या प्रवासातील #शिलेदार…

कोणत्याही प्रयत्नशील आणि नवी वाट निर्माण करणाऱ्या आंत्रप्रेन्युअरच्या यशामागे एक प्रभावी टीम असते. त्या टीमच्या बळावरच अशक्यप्राय गोष्टी शक्य होत असतात.

आज अशाच एका खास, खंबीर आणि समर्पित टीम मेंबरचा वाढदिवस आहे - वैष्णवी राऊत.

माझ्या टीममध्ये आजपर्यंत ज्या सगळ्या लोकांनी काम केले, त्यांनी पुढील टीमसाठी प्रचंड मेहनतीचा आणि समर्पणाचा वारसा निर्माण केला; हे आमचे भाग्यच म्हणावे लागेल. त्या मौल्यवान व्यक्तींमधील एक माणिक म्हणजे आमच्या टीमच्या वैष्णवी मॅडम.

पुण्यात असताना सकाळ-संध्याकाळ शाळेतील मुलांचे क्लासेस घेणे, दिवसभर ऑफिसचे काम करणे आणि घरी वेळ उरला तरी ऑफिसची जबाबदारी सांभाळणे इतके व्यस्त असूनही त्यांनी प्रत्येक कामाला १००% न्याय दिला. अगदी रविवार असला तरी त्यांचा मला फोन यायचा, “सर, आज मी निवांत आहे; काही काम असेल तर सांगा.”

आजच्या काळात घड्याळाकडे पाहून ऑफिसची वेळ ठरवणारे, कामाच्या दिवशी मुद्दाम दांडी मारणारे आणि जबाबदाऱ्या टाळणारे अनेक लोक आपण पाहतो. पण द फार्मकडे स्वतःची कंपनी म्हणून पाहणारी वैष्णवी म्हणजे या मानसिकतेला दिलेली एक चपराकच आहे.

मागील सहा महिन्यांत आम्ही नाशिकला आल्यापासून तिने दिवसाचे १२–१५ तास काम करून आमच्या प्रोजेक्टला एक वेगळी उंची देण्याचा प्रामाणिक प्रयत्न केला. वैष्णवी कोणतेही काम करत आहे म्हटले की आम्ही निर्धास्त असायचो, कारण तिची परफेक्शनची पातळी खरोखरच अप्रतिम आहे.

कदाचित तिच्या कष्टांएवढा मोबदला आम्ही तिला देऊ शकलो नाही, याची खंत मला कायम राहील.

पुढील काही महिन्यांत ती नव्या प्रवासाला सुरुवात करणार आहे. मोठा भाऊ म्हणून माझे आणि माझ्या कुटुंबाचे आशीर्वाद व प्रेम तिच्यासोबत कायम राहील.

आमच्याकडे शिकलेल्या अनेक नाविन्यपूर्ण गोष्टींच्या बळावर भविष्यात ती एक यशस्वी आणि प्रतिथयश #उद्योजिका बनेल, याची आम्हाला खात्री आहे.

आज वैष्णवीचा वाढदिवस आहे. तिचे हे सातत्य, प्रेरणा आणि कष्टाळूपणाचे गुण आयुष्यभर असेच तेजाने झळकत राहोत, हीच पांडुरंग चरणी प्रार्थना.

-रितेश पोपळघट, द फार्म

The Farm

29/08/2026

06/08/2026

02/08/2026

25/07/2026

24/07/2026

20/07/2026

03/07/2026

29/06/2026

15/05/2026

13/05/2026

Address

Telephone

Website

Alerts

Contact The School

Shortcuts

Share

Listing takedown request