Navin Samarth Vidyalaya and Junior College of Science

शिक्षण सप्ताह उपक्रमांतर्गत दुसऱ्या दिवशी मुलभूत संख्याज्ञान आणि साक्षरता दिवस (FLN DAY) साजरा करण्यात आला. यामध्ये एकूण 550 विद्यार्थी आणि 25 शिक्षक सहभागी झाले होते. यामध्ये विद्यार्थ्यांनी विविध खेळ, तक्ते, पेट्या याद्वारे मुलभूत संख्याज्ञान व पायाभूत साक्षरता व संख्याज्ञानाच्या दृष्टीने जाणीय जागृती निर्माण करणे.
पायाभूत साक्षरता व संख्याज्ञान अनुषंगिक यशस्वी उपक्रम व कृती कार्यक्रम यांचे प्रदर्शन करणे.
यासाठी सर्व अध्यापक आणि शाळेच्या मुख्याध्यापिका सौ. काळोखे व पर्यवेक्षक श्री. जांभळे यांचे मार्गदर्शन लाभले.

*नवीन समर्थ विद्यालय व जुनिअर कॉलेज ऑफ सायन्स मध्ये जागतिक योग दिन उत्साहात साजरा*
आंतरराष्ट्रीय योग दिन हा दरवर्षी 21 जून रोजी जगभरात साजरा केला जातो. संयुक्त राष्ट्रांनी या दिनाला मान्यता दिली आहे. भारताचे पंतप्रधान नरेंद्र मोदी यांनी सप्टेंबर 2014 मध्ये झालेल्या संयुक्त राष्ट्रांच्या महासभेत 21 जून हा दिवस 'आंतरराष्ट्रीय योग दिन' म्हणून साजरा करण्यात यावा, असा प्रस्ताव मांडला होता. संयुक्त राष्ट्रांच्या 193 देशांपैकी 175 देशांनी या प्रस्तावाला पाठिंबा दिला होता. त्यानुसार 21 जूनला हा दिवस साजरा केला जातो. 21 जून 2015 रोजी पहिला आंतरराष्ट्रीय योग दिवस जगभर साजरा करण्यात आला.
दररोज योगा केल्याने तुमच्या शरीरावर सकारात्मक परिणाम होतो. शरीर आणि मन शांत करण्यासाठी योगा खूप फायदेशीर मानला जातो. योग केल्याने तुमच्या शरीराला ऊर्जा मिळते. स्नायूंची ताकद वाढते. तसेच यामुळे तुमची श्वसन, ऊर्जा आणि चैतन्य सुधारते.
नवीन समर्थ विद्यालय व जुनिअर कॉलेज ऑफ सायन्स तळेगाव दाभाडे येथील इयत्ता पाचवी ते दहावीच्या ९६५ विद्यार्थ्यांनी सामुदायिक योगासने करून योग दिन मोठ्या उत्साहात साजरा केला. या कार्यक्रमाचे नियोजन व अध्यापिका सौ नेहा बारमुख, सौ आशा सातकर यांनी केले. विद्यालयातील कला अध्यापक श्री योगेश पाटील यांनी आकर्षक फलक लेखन केले. यावेळी विद्यालयातील कुमारी साक्षी गायकवाड, कुमारी योगिता धडके ,कुमारी वैष्णवी पाडांगळे ,कुमारी समीक्षा मुंडे या विद्यार्थिनींनी मराठी, हिंदी ,इंग्रजी, संस्कृत या भाषांमधून योग दिनाची माहिती सर्व विद्यार्थ्यांना सांगितली .विद्यालयाच्या प्राचार्या सौ वासंती काळोखे ,पर्यवेक्षक श्री रेवप्पा शितोळे यांनी आपली मनोगत व्यक्त केली .कार्यक्रम यशस्वी होण्यासाठी शाळेतील सर्व अध्यापक शिक्षकेतर कर्मचारी यांनी विशेष परिश्रम घेतले .कार्यक्रमाचे आभार प्रदर्शन सांस्कृतिक विभाग प्रमुख सौ प्रभा काळे यांनी केले.

नवीन समर्थ विद्यालय व जुनिअर कॉलेज ऑफ सायन्स तळेगाव दाभाडे येथे दिनांक
28/ 6/ 2023 रोजी आषाढी एकादशीचा कार्यक्रम मोठ्या उत्साहात साजरा करण्यात आला. या कार्यक्रमासाठी विद्यालयाच्या प्राचार्या सौ.वासंती काळोखे मॅडम पर्यवेक्षक श्री. रेवाप्पा शितोळे सर ज्येष्ठ शिक्षक सौ. चव्हाण मॅडम सोनकांबळे मॅडम.तसेच शिक्षक प्रतिनिधी सौ.वाघमारे मॅडम यांच्या शुभहस्ते सरस्वती पूजन व पांडुरंगाच्या पालखीचे पूजन करण्यात आले. या कार्यक्रमाचे प्रास्ताविक शाळेतील अध्यापिका सौ. जगताप मॅडम यांनी केले. इयत्ता पाचवी ते आठवीच्या विद्यार्थ्यांनी अभंग सादर केले. त्यानंतर इयत्ता सहावी मधील विद्यार्थ्यांनी संस्कृत इंग्रजीमध्ये भाषण केले. इयत्ता सातवी ची विद्यार्थिनी कु.हर्षाली हिवाळे हिने कीर्तन रुपी सेवेतून विद्यार्थ्यांना 'शिका व मोठे व्हा' संदेश दिला त्यानंतर इयत्ता नववीच्या विद्यार्थ्यांनी आषाढी एकादशीनिमित्त नृत्य सादर केले. या कार्यक्रमात इयत्ता पाचवी व सहावीच्या विद्यार्थ्यांनी संतांची वेशभूषा करून कार्यक्रमाची शोभा वाढवली .या कार्यक्रमाचे सूत्रसंचालन इयत्ता सातवी अ ची विद्यार्थिनी कुमारी सानिका नरोटे व कुमारी सानिका कोरडे यांनी केले .या कार्यक्रमाचे नियोजन सौ जगताप मॅडम व सौ धुमाळ मॅडम यांनी केले या कार्यक्रमासाठी शाळेतील सर्व अध्यापक, अध्यापिका, शिक्षकेतर कर्मचारी, विद्यार्थी यांचे मोलाचे सहकार्य मिळाले .या कार्यक्रमाचे आभार प्रदर्शन शाळेच्या शिक्षक प्रतिनिधी सौ. वाघमारे मॅडम यांनी केले .व कार्यक्रम यशस्वीरित्या पार पडला.