MES Bal Shikshan Mandir

MES Bal Shikshan Mandir The aim of this Marathi Medium School set up in 1922, is to develop children to be responsible citizens. The School houses an excellent library for children.

Personal attention is given to children with special needs.

*म.ए. सो. वर्धापन दिन *पारतंत्र्याच्या काळात विद्यार्थ्यांच्या मनात देश प्रेमाची भावना निर्माण करण्यासाठी तसेच स्थानिक ल...
21/11/2025

*म.ए. सो. वर्धापन दिन *
पारतंत्र्याच्या काळात विद्यार्थ्यांच्या मनात देश प्रेमाची भावना निर्माण करण्यासाठी तसेच स्थानिक लोकशिक्षणाचे काम अधिक परिणामकारक होण्यासाठी आद्य क्रांतिवीर वासुदेव बळवंत फडके, श्री वामन प्रभाकर भावे व श्री लक्ष्मण नरहर इंदापूरकर यांनी लोकशिक्षणाचा ध्यास घेतला, योगदानाने व ज्ञानदानाने त्यांची स्वप्नपूर्ती झाली. यांचे फलित म्हणजे आज 165 वर्षांचा भरलेला महाराष्ट्र एज्युकेशन सोसायटीचा ज्ञानवृक्ष.
म. ए. सो. संस्थेचा 165 वा वर्धापन दिन दिनांक १९/११/२०२५ रोजी बाल शिक्षण मंदिर शाळेत उत्साहात
साजरा करण्यात आला. यावेळी प्रमुख पाहुणे म्हणून शाळेचे माजी विद्यार्थी कर्नल डॉक्टर प्रमोद माधव वेलणकर (भूलतज्ञ) लाभले. कार्यक्रमाचे प्रास्ताविक व पाहुण्यांची ओळख सौ. मंजुश्री गायकवाड बाई यांनी करून दिली. शाळेच्या मुख्याध्यापिका मा. सौ. मोनिका खेडलेकर मॅडम यांनी संस्थेच्या भरीव कामगिरी विषयी माहिती दिली. शिक्षक श्री. विजय कंक सरांनी महाराष्ट्र एज्युकेशन सोसायटीचा इतिहास वृत्तांत सादर केला.
प्रमुख अतिथी डॉक्टर श्री प्रमोद माधव वेलणकर यांनी आपले मनोगत व्यक्त करताना बाल शिक्षण मंदिर शाळेचे आपल्या जीवनात असलेले महत्त्व सांगितले.
या दिनाचे औचित्य साधून शाळेत इयत्ता १ ली ते इयत्ता ४थी विद्यार्थ्यांचे मनोरंजनात्मक खेळ घेण्यात आले. संगीत खुर्ची ,ठसे गेम्स , बादलीत चेंडू टाकणे या खेळातील विजेत्यांना आकर्षक शालोपयोगी वस्तू बक्षीस स्वरूपात देण्यात आल्या.
या कार्यक्रमाचे सूत्रसंचालन शाळेच्या शिक्षिका सौ. गौरी जोशी बाई यांनी केले.
अशाप्रकारे म. ए. सो. संस्थेचा 165 वा वर्धापन दिन मोठ्या उत्साहात व आनंदात साजरा करण्यात आला.

To Know More Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

बालदिन मोठं मन लहान शरीर, हसणे हसवणे यात खंबीर, परमेश्वराची सावली आहेत हे बालवीर. लहान मुले म्हणजे गुलाबाची ...
17/11/2025

बालदिन
मोठं मन लहान शरीर,
हसणे हसवणे यात खंबीर, परमेश्वराची सावली आहेत हे बालवीर.
लहान मुले म्हणजे गुलाबाची फुले असे आपण म्हणतो. फुले आणि लहान मुले आवडणारे स्वतंत्र भारताचे पहिले पंतप्रधान म्हणजे पंडीत जवाहरलाल नेहरू. मुलांच्या शिक्षणावर आणि कल्याणावर भर देणारे तसेच मुलांवरील प्रेमासाठी ओळखले जाणारे चाचा नेहरू.
चाचा नेहरूंचा आदर ,सन्मान करण्यासाठी त्यांच्या जन्मदिनी म्हणजे 14 नोव्हेंबर रोजी शाळेत मोठ्या उत्साहात बालदिन साजरा करण्यात आला.
शाळेत बाल दिनाची सुरुवात बालवाडी ते चौथीच्या विद्यार्थ्यांसाठी बालगीतांच्या श्रवणाने करण्यात आली. बालवाडीच्या विद्यार्थ्यांच्या पालकांसाठी आज पालक कार्यशाळा घेण्यात आली . शाळेत पाल्यांनी आपल्या पालकांबरोबर डबा खाल्ला.
इयत्ता पहिली व दुसरीच्या विद्यार्थ्यांसाठी फुलपाखरू, डोरेमॉन यासारख्या चित्रांचे विद्यार्थ्यांकडून रंगभरण करून घेण्यात आले. त्याचप्रमाणे इयत्ता तिसरी व चौथीच्या विद्यार्थ्यांसाठी शाळेच्या माजी विद्यार्थिनी चित्रकार धनश्री केळकर यांनी *चित्ररंगवा या अंतर्गत बाल दिनाच्या शुभेच्छा देणाऱ्या चित्राचे रंगभरण स्वतः मार्गदर्शनाद्वारे करून घेतले.
बाल चिमुकल्यांसाठी शाळेत कागदी कपांचा मनोरा रचने, चेहऱ्याचे मुखवटे बनविणे, बाहुली बनविणे,विदूषकाला खडे चारणे इत्यादी अनेक मनोरंजनात्मक खेळ घेण्यात आले. बम बम बोले या गाण्यावर विद्यार्थ्यांनी वेगवेगळ्या प्राणी ,पक्षांचे मुखवटे लावून अभिनय सादर करण्याचा आनंद लुटला. उत्कृष्ट रंगभरण, खेळातील कौशल्याबद्दल विद्यार्थ्यांचे या विशेषदिनी विशेष कौतुक करून मुलांचे लाडके चाचा नेहरू यांच्या प्रति आदर व्यक्त करण्यात आला.
शाळेच्या माजी विद्यार्थिनी डॉ. भक्ती दातार यांनी विद्यार्थ्यांना दातांचे आरोग्य या विषयावर ॲनिमेटेड फिल्मचा व्हिडिओ दाखवून मार्गदर्शन केले. शाळेच्या मा.मुख्या. खेडलेकरबाई यांनी विद्यार्थ्यांना बाल दिनानिमित्त शुभेच्छारुपी आशीर्वाद दिले.
शाळेतील शिक्षिका सौ. मंजुश्री गायकवाड यांनी बालवाडी ते चौथीच्या सर्व विद्यार्थ्यांना माहिती सांगितली.
उद्याचा देश घडविणाऱ्या बालगोपाळांना बालदिनाच्या खूप खूप शुभेच्छा!!

Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

दीपावलीअंधारावर प्रकाशाचा, वाईट गोष्टींवर चांगल्याचा आणि अज्ञानावर ज्ञानाच्या विजयाचे प्रतीक म्हणून दिवाळी या सणाला ओळखल...
16/10/2025

दीपावली

अंधारावर प्रकाशाचा, वाईट गोष्टींवर चांगल्याचा आणि अज्ञानावर ज्ञानाच्या विजयाचे प्रतीक म्हणून दिवाळी या सणाला ओळखले जाते.
स्नेहाचा सुगंध दरवळला,
आनंदाचा सण आला,
विनंती आमची परमेश्वराला,
सौख्य ,समृद्धी लाभो,
बाशिमवासियांना....
दिवाळीमध्ये महत्त्व असते ते आकाशकंदील ,किल्ला आणि पणत्यांचे. इयत्ता पहिली व दुसरीच्या सर्व विद्यार्थ्यांनी या सणानिमित्त शुभेच्छा भेटकार्ड बनविले तसेच पणत्यांवर आकर्षक अशी रंगांची उधळण केली. त्याचप्रमाणे इयत्ता तिसरी व चौथीच्या विद्यार्थ्यांची आकाशकंदील बनवण्याची कार्यशाळा शनिवार दि. ०४/१०/२०२५ रोजी घेण्यात आली. आपल्या ताई, दादांप्रमाणेच शिशु शाळेतील विद्यार्थ्यांनीदेखील आपल्या चिमुकल्या हातांनी पणत्या रंगवून, आकाशकंदील बनविले. विद्यार्थ्यांनी बनविलेल्या सुंदर ,सुबक आकाशकंदिलांनी तसेच रंगीबेरंगी पणत्यांनी शाळेची सजावट करण्यात आली.
विद्यार्थ्यांनी बनविलेले शुभेच्छा भेटकार्ड , रंगीबेरंगी पणत्या , आकाश कंदील शाळेस भेट देणाऱ्या अतिथींना आवर्जून दे७ण्यात आले. इयत्ता तिसरी व चौथीच्या विद्यार्थ्यांनी शिक्षक व पालकांच्या मदतीने पर्यावरणपूरक किल्ले बनविले. पर्यावरणपूरक किल्ल्यांचे उद्घाटन मंगळवार दि. ०७/१०/२०२५ रोजी इतिहास अभ्यासक मा.बापूराव अंकुश मोरे सर यांच्या शुभहस्ते करण्यात आले. याप्रसंगी विद्यार्थ्यांनी छत्रपती शिवाजी महाराजांच्या तसेच डॉ. बाबासाहेब आंबेडकरांच्या पुस्तकांचे वाचन करावे ,आपले वाचन वाढवावे असा संदेश प्रमुख अतिथींनी दिला.
शाळेच्या अंगणी बसूनी,
आकाशकंदील बनविले मिळूनी,
बालचमुंच्या हातांनी ,
सजल्या पणत्या विविध रंगांनी,
शिवनेरी, सिंधुदुर्गची ख्याती मोठी,
*विद्यार्थ्यांनी साकारली त्याची प्रतिकृती,
अवघे जमले बालशिक्षण मंदिरी,
प्रमुख अतिथी कौतुक करी.
दिवाळीनिमित्त सर्व विद्यार्थ्यांना दिवाळी फराळाचे वाटप करण्यात आले. शाळेच्या मा.मुख्याध्यापिका सौ. खेडलेकर बाईंनी सर्व विद्यार्थी, पालक, शिक्षक, शिक्षकेतर कर्मचारी तसेच शाळेचे हितचिंतक यांना दिवाळीनिमित्त शुभेच्छा दिल्या.

To Know More Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

वाचन प्रेरणा दिन शरीरासाठी जसा व्यायाम गरजेचा असतो तसेच मेंदूसाठी वाचन महत्त्वाचे असते. बुधवार दि. 15/ 10/ 25 रोज...
15/10/2025

वाचन प्रेरणा दिन
शरीरासाठी जसा व्यायाम गरजेचा असतो तसेच मेंदूसाठी वाचन महत्त्वाचे असते. बुधवार दि. 15/ 10/ 25 रोजी शाळेत वाचन प्रेरणा दिन साजरा करण्यात आला. इयत्ता पहिली ते चौथीच्या सर्व विद्यार्थ्यांनी वाचनाचे महत्त्व लक्षात घेऊन पुस्तक प्रतिकृतीमध्ये व वाचन प्रेरणा दिन या शब्दमांडणीत बसून आवडीच्या पुस्तकांचे वाचन केले. तसेच शिशुवर्गातील बालचमुंनी क-- कमळाचा याप्रमाणे वाचनासाठी कमळ या शब्द मांडणीत बसून ताई - दादांच्या सोबतीने चित्र व अक्षरकार्डांचे वाचन करण्याचा प्रयत्न केला.
शाळेच्या मा. मुख्याध्यापिका सौ. खेडलेकरबाईंच्या शुभहस्ते डॉ. ए.पी.जे अब्दुल कलाम यांच्या प्रतिमेचे पूजन करण्यात आले. या दिनाचे महत्त्व सौ. मनीषा कदम यांनी विद्यार्थ्यांना सांगितले.
भारतरत्न डॉ. कलाम यांच्या कार्यात्मक स्मृती जतन करण्याच्या उद्देशाने 15 ऑक्टोबर हा त्यांचा जन्मदिवस *वाचन प्रेरणा दिन म्हणून मोठ्या उत्साहात, आनंदात बालसाहित्य वाचनाद्वारे आपल्या शाळेत बालचमुंनी साजरा केला. शांतताप्रिय प्रसिद्ध अशा *भारतीय शास्त्रज्ञ, *भारताचे 11 वे राष्ट्रपती आणि भारताचे मिसाईल मॅन म्हणून ओळखल्या जाणाऱ्या डॉ. कलाम यांच्या स्मरणार्थ विद्यार्थ्यांमध्ये वाचनाची आवड निर्माण व्हावी, आजीवन शिकण्याची सवय लावण्यासाठी प्रेरणा देणे हे उद्दिष्ट लक्षात घेऊन हा दिन साजरा करण्यात आला.
वाचन आहे मनाचे अन्न,
वाचनाने होते मन प्रसन्न ,
नियमित वाचनाची धरू कास,
जीवनात येईल प्रगतीचा प्रकाश.
एकंदरीत विद्यार्थ्यांनी डॉ.कलाम यांच्या जीवनातील महत्त्वपूर्ण प्रसंगाचे श्रवण करून वाचन वाढवणे महत्त्वाचे आहे हे समजून घेतले व वाचन वाढविण्याचा संकल्प केला.

To Know More Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

सत्र परीक्षा एक सुरू होण्यापूर्वी वेध लागतात ते दिवाळी सुट्टीचे तसेच मातीचे किल्ले बनविण्याचे. मातीचे किल्ले बनविणे ही आ...
15/10/2025

सत्र परीक्षा एक सुरू होण्यापूर्वी वेध लागतात ते दिवाळी सुट्टीचे तसेच मातीचे किल्ले बनविण्याचे. मातीचे किल्ले बनविणे ही आनंदाची आणि कौशल्याची बाब असते. मुलांच्या निरीक्षणशक्ती, कल्पनाशक्ती तसेच सृजनशीलतेचा विकास किल्ले बनविण्यातून होतो.
शाळेच्या माननीय मुख्याध्यापिका सौ. मोनिका खेडलेकर यांच्या मार्गदर्शनाखाली शाळेमध्ये पर्यावरणपूरक किल्ले बनविण्याचे काम सुरू झाले. यासाठी शिवनेरी किल्ला व सिंधुदुर्ग किल्ला यांची निवड केली. किल्ला बनविण्यासाठी पर्यावरणपूरक साहित्याचा वापर केला. गुगलचा आधार घेऊन किल्ल्याचा नकाशा पाहणे, किल्ल्याची इतर माहिती गोळा करणे, किल्ल्याची दिशा ठरविणे अशी कामे गटागटाने बालचमूंनी केली. किल्ल्यावरील मंदिरे, विहिरी यांच्या दिशा नकाशाच्या आधारे ठरवल्या.
या स्पर्धेचे परीक्षण मा. श्री. अमित वर्दे सर व मा. श्री. बापू मोरे सर यांनी केले. यावेळी शाळेच्या माननीय मुख्याध्यापिका उपस्थित होत्या. विद्यार्थ्यांनी किल्ल्याची माहिती तसेच शिवरायांच्या जन्माचा पाळणा गायन, त्यांच्या पराक्रमाचे वर्णन करणारे पोवाडे गायन, शौर्यगीत गायन, संवाद सादरीकरण, किल्ल्याचे आत्मवृत्त, शिवगर्जना यांचे सादरीकरण विद्यार्थ्यांनी केले. विद्यार्थ्यांच्या या उत्तम सादरीकरणामुळे अवघी शाळा "शिवमय" झाली.
इयत्ता तिसरीच्या शिवनेरी किल्ल्यास प्रथम क्रमांकाचे पारितोषिक मिळाले. विद्यार्थ्यांच्या उत्तम सादरीकरणाचे उपस्थित मान्यवरांनी विशेष कौतुक केले.

To Know More Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

सर्व मंगल मांगल्ये शिवे सर्वार्थ साधिके शरण्ये त्रंबके गौरी नारायणी नमोस्तुते आश्विन महिन्यातील नवरात्र उत्सवात शाळेत शा...
15/10/2025

सर्व मंगल मांगल्ये शिवे सर्वार्थ साधिके
शरण्ये त्रंबके गौरी नारायणी नमोस्तुते
आश्विन महिन्यातील नवरात्र उत्सवात शाळेत शारदोत्सव साजरा करण्यात आला.
या काळात शाळा परिसरातील बालवाडीच्या ताईंनी देवीची नवरात्राची माहिती सांगितली. २५ सप्टेंबर रोजी वरद किशोर अस्तेकर या विद्यार्थ्याने मनाचे श्लोक सादरीकरण केले. यावेळी श्री अमित वर्दे सर व श्री शशांक सहस्त्रबुद्धे सर यांच्या हस्ते विद्यार्थ्यांना मनाच्या श्लोकांच्या पुस्तकाचे वितरण करण्यात आले. बालवाडीच्या विद्यार्थिनींनी नवदुर्गांचा वेश धारण करून
त्यांची रूपे सादर केली.
२९ सप्टेंबर २०२५ रोजी मुलींसाठी भोंडल्याचा कार्यक्रम घेण्यात आला. यावेळेस पारंपारिक पोशाखातील विद्यार्थिनींनी भोंडल्याची गाणी सादर केली. यावेळेस शाळेतर्फे खिरापत वाटण्यात आली.
१ ऑक्टोबर २०२५ रोजी खंडेनवमी निमित्त शाळेत पाटी पूजन करण्यात आले. इयत्ता पहिली ते चौथीच्या सर्व विद्यार्थ्यांनी पाटीवर सरस्वती काढून आणली. दसऱ्यानिमित्त शाळेत प्रसाद देण्यात आला.
खूप उत्साहात शाळेत नवरात्र उत्सव साजरा झाला.

To Know More Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

कै. व पु.काळे आंतरशालेय कथाकथन स्पर्धा सन 2025-2026 शाळेचे माजी विद्यार्थी, थोर कथाकथनकार, सुप्रसिद्ध साहित्यिक कै व. ...
21/09/2025

कै. व पु.काळे आंतरशालेय कथाकथन स्पर्धा

सन 2025-2026

शाळेचे माजी विद्यार्थी, थोर कथाकथनकार, सुप्रसिद्ध साहित्यिक कै व. पु. काळे यांच्या स्मरणार्थ शनिवार दिनांक 20/9/2025 रोजी आंतरशालेय कथाकथन स्पर्धा शाळेत संपन्न झाली. यंदा स्पर्धेचे 23 वे वर्ष होते. स्पर्धेच्या उद्घाटनाचा कार्यक्रम शाळेने स्पर्धकांचा वाढता सहभाग पाहता पीवायसी कम्युनिटी हॉल येथे आयोजित केला. यावर्षी स्पर्धेत विशेष म्हणजे पुणे शहर व परिसरातील 28 नामांकित शाळांमधील एकूण 175 विद्यार्थ्यांनी सहभाग घेतला होता.
स्पर्धेचे उद्घाटन संघचालक राष्ट्रीय स्वयंसेवक संघ पुणे महानगर माननीय श्री. रविंद्रजी वंजारवाडकर सर यांच्या शुभहस्ते झाले. स्पर्धेच्या उद्घाटन प्रसंगी शाला समितीच्या अध्यक्षा मा. मैत्रेयी देसाई, शाळेच्या मा. मुख्याध्यापिका सौ मोनिका खेडलेकर, सर्व शिक्षक, शिक्षकेतर कर्मचारी, सहभागी शाळांचे स्पर्धक, पालक शिक्षक इ. उपस्थित होते.
स्पर्धेचे पारितोषिक वितरण मा. गीतांजली शर्मा, शाळा समितीच्या महामात्रा मा. डॉक्टर अश्विनी पाटील आणि शाळेच्या मा. मुख्याध्यापिका यांच्या शुभहस्ते झाले.
स्पर्धेचा निकाल पुढील प्रमाणे
प्रथम क्रमांक
गार्गी ज्ञानेश वैद्य
मा स गोळवलकर गुरुजी प्राथमिक विद्यालय
द्वितीय क्रमांक
श्रुतिका संजय फाटक
अभिनव विद्यालय इंग्रजी माध्यम
तृतीय क्रमांक
धृती बेझबरुआ बिश्वजीत
सिम्बॉयसिस शाळा
उत्तेजनार्थ क्रमांक एक
कैवल्या अमित लोखंडे
साने गुरुजी प्राथमिक विद्यालय
उत्तेजनार्थ क्रमांक दोन
तन्वी नवनाथ मोटे
म ए सो भावे प्राथमिक शाळा

To Know More Contact us
☎ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

ज्ञानाचा प्रकाश देण्या--- दिवा अखंड जळतो! जीवनाचा खरा अर्थ शिक्षकांमुळेच कळतो. सोम...
10/09/2025

ज्ञानाचा प्रकाश देण्या---
दिवा अखंड जळतो!
जीवनाचा खरा अर्थ
शिक्षकांमुळेच कळतो.
सोमवार दिनांक ८ सप्टेंबर २०२५ रोजी बाल शिक्षण मंदिर शाळेत शिक्षक दिन साजरा करण्यात आला.
या कार्यक्रमाच्या सुरुवातीला मा.मुख्याध्यापिका सौ. मोनिका खेडलेकर यांच्या हस्ते डॉ. सर्वपल्ली राधाकृष्णन यांच्या प्रतिमेचे पूजन करण्यात आले. याप्रसंगी बाईंनी सर्वांना शिक्षक दिनाच्या शुभेच्छा दिल्या.
शिक्षक दिनाचे औचित्य साधून इयत्ता चौथीच्या वर्गातील विद्यार्थ्यांनी शिक्षकांची भूमिका पार पाडत अध्यापनाचा आनंद घेतला.
रोजच्या प्रमाणे परिपाठासाठी मुले जमली मात्र आज पूर्ण परिपाठ शिक्षक रुपी विद्यार्थ्यांनी घेतला. चौथीतील श्रेया वाणी या विद्यार्थिनीने मुख्याध्यापकीय मनोगत सुद्धा व्यक्त केले. विशेष उल्लेखनीय बाब म्हणजे विद्यार्थ्यांनी सेवकांची भूमिका पार पाडत शाळेची घंटा सुद्धा दिली. इयत्ता तिसरीच्या विद्यार्थ्यांनी पूर्व प्राथमिक वर्गावर अध्यापन करीत गाणी, गोष्टींचा आनंद घेतला.
मा. मुख्याध्यापिका सौ. खेडलेकरबाई यांच्या हस्ते या शिक्षक रुपी विद्यार्थ्यांचे कौतुक करण्यात आले.
शिक्षक दिनाचे औचित्य साधून लायन्स क्लब कोथरूड विभागाचे अध्यक्ष मा. गिरीश गणात्रा यांच्या हस्ते सर्व गुरूजनांचा सन्मान करण्यात आला.
अशाप्रकारे अतिशय उत्साहात शिक्षक दिन साजरा करण्यात आला.

To Know More Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

गणेशोत्सवरूप सुंदर पवित्र मनोहर,एकदंत तू तूच विघ्नहर,सुखकर्ता तू परम विघ्नेश्वर,सर्व सिद्धीचा तूच परमेश्वर. अशा या श्रीग...
04/09/2025

गणेशोत्सव
रूप सुंदर पवित्र मनोहर,
एकदंत तू तूच विघ्नहर,
सुखकर्ता तू परम विघ्नेश्वर,
सर्व सिद्धीचा तूच परमेश्वर.
अशा या श्रीगणेशाच्या गणेशोत्सवातून शाळेतील बालचमुंच्या सृजनशीलता, सामाजिक बांधिलकी,नेतृत्वगुणास वाव मिळावा म्हणून यावर्षी शाळेने प्लास्टिकमुक्त गणपती सजावट तसेच स्वच्छतेचा ध्यास ध्यानी घेऊन गणेशोत्सव साजरा केला. शाळेतील विद्यार्थ्यांच्या ढोल पथकाच्या गजरात बुधवार दि.27/08/2025रोजी गणेशाचे स्वागत करून श्री गणेशाची प्रतिष्ठापना मा.मुख्याध्यापिकांच्या सहकार्याने उपस्थित विद्यार्थी, पालक,शिक्षकवृंद यांच्या समवेत करण्यात आली.
इको फ्रेंडली सजावट.
स्वच्छतेचे महत्व सांगणारे तसेच पर्यावरण रक्षणाचा मंत्र देणाऱ्या घोषवाक्यांचा, शब्दपट्ट्यांचा वापर करून बाप्पांच्या आवडीचे मोदक,आवडीच्या पत्री यांच्या सजावटीने विद्यार्थ्यांपर्यंत,उपस्थितांपर्यंत विविध बोधपर संदेश पोहोचविले.शाळेतील इयत्ता दुसरी ते चौथीच्या एकूण 180 विद्यार्थ्यांनी पर्यावरणस्नेही बीजगणेश मूर्ती कार्यशाळेत सहभागी होऊन मूर्ती बनविल्या.

श्रीमंत दगडूशेठ हलवाई सार्वजनिक गणपती ट्रस्ट आयोजित गणेशोत्सव स्पर्धेत
विद्यार्थ्यांनी गुरुवार दि.28/08/2025 रोजी विविध कार्यक्रमांचे सादरीकरण केले.त्यात गणपतीचे अभिनय गीत,अथर्वशीर्ष पठण,स्वच्छतेवर आधारित कृतीयुक्त गीत,स्वच्छता-आरोग्य यांचे महत्त्व सांगणारे इंग्रजी नाटक,गणपतीची इंग्रजीतून माहिती इत्यादींचा समावेश होता.याचे परीक्षण श्रीमंत दगडूशेठ हलवाई सार्वजनिक गणपती ट्रस्ट,पुणे यांचेमार्फत मा.अ.ल.देशमुख (शिक्षणतज्ञ)मा.मोहित चांदोरकर यांनी केले.
विनायक नवयुग मित्र मंडळ ट्रस्ट भांडारकर रोड या मंडळासमोर इयत्ता पहिली ते चौथीतील विद्यार्थ्यांनी सामाजिक बांधिलकीच्या जाणीवेतून विविध कार्यक्रमांच्या सादरीकरणाद्वारे स्नेहपूर्ण सलोखा निर्माण केला.
श्रीमंत दगडूशेठ हलवाई सार्वजनिक गणेशोत्सव मंडळ,पुणे येथे शाळेतील इयत्ता पहिली ते चौथीतील विद्यार्थी,मा.मुख्याध्यापिका,शिक्षक व पालक यांनी सामूहिक अथर्वशीर्ष पठणात दि.4/09/2025रोजी सहभाग घेतला.


To Know More Contact us
☎️ 020-25654982

शुक्रवार दिनांक 29 ऑगस्ट 2025 रोजी म.ए..सो.बालशिक्षण मंदिर शाळेत राष्ट्रीय क्रीडा दिन साजरा करण्यातआला. या कार...
31/08/2025

शुक्रवार दिनांक 29 ऑगस्ट 2025 रोजी म.ए..सो.बालशिक्षण मंदिर शाळेत राष्ट्रीय क्रीडा दिन साजरा करण्यातआला.
या कार्यक्रमास शाळेच्या माजी विद्यार्थिनी सौ. ज्योती ब्रम्हें या प्रमुख पाहुण्या म्हणून उपस्थित होत्या.
प्रसिद्ध भारतीय हॉकीपट्टू मेजर ध्यानचंद यांना मानवंदना देऊन व त्यांच्या प्रतिमेचे पूजन करुन कार्यक्रमाची सुरुवात करण्यात आली.
या वेळेस मुलांनी क्रीडा प्रतिज्ञा घेतली. मुलांना राष्ट्रीय क्रीडा दिनाचे महत्त्व सांगण्यात आले. प्रमुख पाहुण्या ज्योती ब्रम्हें यांनी मुलांना व्यायाम व आहार यांचा आरोग्याशी असणारा संबंध हा विविध उदाहरणातून समजावून दिला.
त्यांनी मुलांकडून विविध व्यायाम प्रकार व आसने करून घेतली. या कार्यक्रमांमध्ये मुलांनी फनी गेम्स चा मनमुराद आनंद लुटला.
राष्ट्रीय क्रीडा दिनाच्या घोषवाक्याने कार्यक्रमाची सांगता करण्यात आली.

To Know More Contact us
☎ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

पर्यावरणस्नेही बीजगणेश मूर्ती कार्यशाळा आस लागली बाप्पा तुझ्या येण्याची, हातून मूर्ती घडो पर्यावरणस्नेहाची. विद्येची...
25/08/2025

पर्यावरणस्नेही बीजगणेश मूर्ती कार्यशाळा
आस लागली बाप्पा तुझ्या येण्याची,
हातून मूर्ती घडो पर्यावरणस्नेहाची.
विद्येची ,बुद्धीची देवता म्हणून आपण गणपती बाप्पास ओळखतो. लहान मुलांच्या कल्पनाशक्तीला, सुप्त कलागुणांना वाव देण्यासाठी तसेच पर्यावरण रक्षणाप्रती आपल्या लहान जबाबदारीची ओळख होण्यासाठी गणेशोत्सवानिमित्त शाळेत पर्यावरणस्नेही बीजगणेश मूर्ती बनविण्याच्या कार्यशाळेचे आयोजन शनिवार दि. 23 ऑगस्ट 2025 रोजी करण्यात आले. शाळेतील इ. दुसरी ते चौथीच्या 180 विद्यार्थ्यांनी या कार्यशाळेत सहभाग घेतला.
कार्यशाळेत विद्यार्थ्यांनी विविध वनस्पतींच्या बिया वापरून शाडूमातीपासून गणेश मूर्ती तयार केल्या. गणेशाची मूर्ती बनविल्यानंतर विद्यार्थ्यांनी मनोभावे सामूहिकरित्या शाळेच्या मुख्याध्यापिका , शिक्षक व शिक्षकेतर कर्मचारी यांच्यासमवेत गणपती स्तोत्र व अथर्वशीर्षचे पठण केले. याच वेळेस इयत्ता पहिलीच्या विद्यार्थ्यांनी बाल गणेशाच्या चित्रात रंगभरण केले. गणेशचतुर्थीला याच बीजगणेशाच्या मूर्तीची प्रतिष्ठापना घरी करण्याचा विद्यार्थ्यांनी संकल्प केला.
बाशिमचा बाप्पा येईल घरोघरी,
उत्सवाची शोभा वाढविल दारोदारी.
🌹 गणपती बाप्पा मोरया🌹

To Know More Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

आला रे आला गोविंदा आला बाल शिक्षण मंदिरी रंगला गोपाळ कालागोविंदा रे गोपाळा' या आवाजात बाल शिक्षण मंदिरी बाल गोपाळांचा मे...
19/08/2025

आला रे आला गोविंदा आला
बाल शिक्षण मंदिरी रंगला गोपाळ काला

गोविंदा रे गोपाळा' या आवाजात बाल शिक्षण मंदिरी बाल गोपाळांचा मेळा दही हंडी फोडण्यासाठी जमला. यंदा कृष्णजन्माष्टमीनिमित्ताने स्वच्छता संदेशाची दहीहंडी हा उपक्रम राबविण्यात आला. स्वच्छता वसे दारी, तेथे आरोग्य वास करी' हा मंत्र अंगीकारून विद्यार्थ्यांनी स्वच्छता, आरोग्य, पौष्टिक आहार, पर्यावरणरक्षणाचे महत्व सांगणाऱ्या संदेश पताका तयार केल्या. या पताकांच्या तोरणाने हंडी सजवली. त्याचप्रमाणे स्वच्छतेबाबतच्या पाळावयाच्या नियम पट्ट्या तयार करून हंडीत टाकल्या. हंडी फोडल्यानंतर नियम पट्ट्यांचे विद्यार्थ्यांनी वाचन केले व त्यानुसार त्याचे पालन सुरु केले.
यावेळी विद्यार्थ्यांनी श्रीकृष्णाच्या जीवनावरील प्रसंग, गाणी सादर केली. शाळेच्या मा. मुख्याध्यापिका सौ. मोनिका खेडलेकर यांनी द‌हीहंडीचे महत्व सांगितले. शाळेतर्फे देण्यात आलेल्या दहीकाल्याचा विद्यार्थ्यांनी आस्वाद घेतला.

To Know More Contact us
☎️ 020-25654982
📍 Address -
M.E.S. Bal Shikshan Mandir, Deccan Gymkhana, Pune - 411004.

Address

759/91, Bhandarkar Road, Opposite To. C Hindu Gymkhana, Deccan Gymkhana, Pune/
Pune
411004

Website

,

Alerts

Be the first to know and let us send you an email when MES Bal Shikshan Mandir posts news and promotions. Your email address will not be used for any other purpose, and you can unsubscribe at any time.

Shortcuts

Share

Category