18/07/2026
अत्यंत अभिमानाची आणि आनंदाची बाब! 🌸🏆
ब्लूमफिल्ड्स नर्सरी स्कूलच्या संस्थापक सदस्या व मुख्याध्यापिका मा. सौ. नूतन संदीप बडदे मॅडम यांना शिक्षण क्षेत्रातील त्यांच्या उल्लेखनीय व अमूल्य योगदानाबद्दल “यशस्विनी महिला गौरव पुरस्कार” प्रदान करण्यात आला आहे, ही आमच्यासाठी अत्यंत अभिमानाची आणि आनंदाची गोष्ट आहे.
हा सन्मान त्यांच्या बालशिक्षणातील अविरत समर्पणाचा, विद्यार्थ्यांमध्ये नैतिक मूल्यांची जोपासना, सांस्कृतिक जाणीव आणि दर्जेदार शिक्षण देण्याच्या त्यांच्या अथक प्रयत्नांचा गौरव आहे.
सन २०१७ मध्ये “ना नफा – ना तोटा” या उदात्त तत्त्वावर, समाजातील सर्व स्तरांतील मुलांना समान संधी देत मूल्याधिष्ठित शिक्षण मिळावे या ध्येयाने ब्लूमफिल्ड्स प्री-स्कूलची स्थापना करण्यात आली.
या उदात्त कार्यात संस्थापक सदस्या सौ. हेमलता निलेश घुले यांच्या सहकार्याने, सौ. नूतन बडदे मॅडम गेली अनेक वर्षे प्रामाणिकपणे, निष्ठेने आणि अपार समर्पणाने कार्य करत असून असंख्य बालकांच्या आयुष्यात सकारात्मक परिवर्तन घडवत आहेत.
हा प्रतिष्ठेचा पुरस्कार स्वीकारताना मा. नूतन बडदे मॅडम यांनी हा सन्मान संपूर्ण ब्लूमफिल्ड्स परिवाराला—समर्पित शिक्षकवृंद, उत्साही विद्यार्थी आणि विश्वासू पालक—यांना समर्पित केला. हा पुरस्कार केवळ त्यांचा नसून, आपल्या सर्वांच्या एकत्रित प्रयत्नांचा सन्मान असल्याची भावना त्यांनी व्यक्त केली.
मा. सौ. नूतन बडदे मॅडम यांचे या मानाच्या पुरस्काराबद्दल मनःपूर्वक हार्दिक अभिनंदन! 💐
आपले समर्पण, संवेदनशीलता आणि निःस्वार्थ सेवाभाव आम्हा सर्वांसाठी सदैव प्रेरणादायी राहतील. आपल्या या यशाचा आम्हाला मनापासून अभिमान आहे. भविष्यातही आपल्या हस्ते अनेक पिढ्यांचे भविष्य उज्ज्वल घडत राहो, हीच मनःपूर्वक शुभेच्छा!
🙏 विशेष आभार
मा. श्री. गणेश गायकवाड – महागणपती मल्टी स्टेट को-ऑपरेटिव्ह क्रेडिट सोसायटी लि.
आणि
मा. सौ. स्वाती योगेश टिळेकर – राधिका स्वयं सहायता महिला बचत गट, हडपसर
यांचे, या सन्मानासाठी आणि त्यांच्या मोलाच्या सहकार्याबद्दल मनःपूर्वक धन्यवाद.
🌸 ब्लूमफिल्ड्स परिवारासाठी हा खरोखरच अभिमानाचा आणि प्रेरणादायी क्षण आहे! 🌸
