MES Renuka Swaroop Memorial Girls High School,

रेणुका स्वरूप प्रशालेत महिलादिन उत्साहात साजरा

""महिलांनी स्वतःच्या आरोग्याकडे लक्ष द्यावे शरीर आणि मन दोन्हीही आनंदी ठेवावे."
महिला दिनाचे औचित्य साधून आपले विचार प्रकट केले शाळेच्या माजी विद्यार्थिनी असलेल्या प्रोफेसर डॉक्टर अनघा जोशी यांनी. या इंदिरा युनिव्हर्सिटीच्या कुलगुरू असून क्रिकेट रणजी करंडक खेळाडू आहेत .

शाळेतील सर्व शिक्षिका शिक्षकेतर महिला वर्गाचे या निमित्ताने शाळेतील पुरुष शिक्षक शिक्षकेतर वर्गाने कार्यक्रमाचे सर्व नियोजन करून पुष्प व पेन देऊन आदर व्यक्त केला.

कार्यक्रमाचे प्रास्ताविक मा. पर्यवेक्षक श्री अनासपुरे सर यांनी केले तर आभार प्रदर्शन मा. उपमुख्याध्यापक श्री जगताप सर यांनी केले.
सूत्रसंचालन श्री वाळके सर यांनी केले.

अशाप्रकारे अतिशय उत्साहात महिला दिनाचा कार्यक्रम प्रशालेत साजरा झाला.

अहवाल: मराठी राजभाषा गौरव दिन सोहळा

शाळा: रेणुका स्वरूप प्रशाला, पुणे

स्थळ: प्रशालेचे मैदान

दिनांक: २७ फेब्रुवारी २०२६

⸻

कार्यक्रमाची उद्दिष्टे

मराठी भाषेचा अभिमान जागृत ठेवण्यासाठी खालील उद्दिष्टे समोर ठेवून हा कार्यक्रम आयोजित करण्यात आला:
1. मराठी भाषेचे महत्व सर्वांना समजून देणे.
2. मराठी भाषेची सखोल ओळख करून देणे.
3. नामवंत मराठी लेखक व कवींच्या अमूल्य कार्याचा परिचय करून देणे.

⸻

प्रमुख उपस्थिती व सुरुवात

या सोहळ्यासाठी प्रमुख पाहुणे म्हणून प्रशालेच्या मुख्याध्यापिका मा.सौ. शुभांगी कांबळे आणि उपमुख्याध्यापक मा.श्री.जगताप सर उपस्थित होते. कार्यक्रमाची सुरुवात ज्ञानपीठ पुरस्कार विजेते कवी वि. वा. शिरवाडकर (कुसुमाग्रज) यांच्या प्रतिमेचे पूजन करून करण्यात आली.

⸻

कार्यक्रमाचा संक्षिप्त वृत्तांत

* प्रस्ताविक: मुख्याध्यापिका माननीय सौ. कांबळे यांनी आपल्या भाषणातून मराठी भाषेचे ऐतिहासिक महत्व आणि तिची समृद्धी यावर प्रकाश टाकला.

* साहित्यिक परिचय: इयत्ता ९ वी ‘ब’ मधील विद्यार्थिनी कु.रोहिणी खेडेकर, कु.शर्वरी काजळे हिने कुसुमाग्रजांच्या जीवनप्रवासाची आणि साहित्याची माहिती दिली.

* हस्तलिखित प्रकाशन: धर्मिक बाईंच्या मार्गदर्शनाखाली तयार करण्यात आलेल्या विशेषांकाचे (हस्तलिखिताचे) प्रकाशन मान्यवरांच्या हस्ते झाले.

सांस्कृतिक सादरीकरण: * विद्यार्थिनींनी कुसुमाग्रजांच्या निवडक कवितांचे सुंदर सादरीकरण केले.

○ कु. जान्हवी वरघंटे हिने नटसम्राट या अजरामर नाटकातील एक प्रवेश अत्यंत जिवंतपणे सादर केला.
○ इयत्ता ८ वी ‘अ’ आणि ‘ब’ मधील विद्यार्थिनींनी अप्रतिम नृत्य सादर करून कार्यक्रमात रंगत आणली.
○ मराठी प्रश्नमंजुषा स्पर्धेत यशस्वी झालेल्या विद्यार्थिनींना बक्षीसे देण्यात आली

⸻

सूत्रसंचालन आणि आभार

कार्यक्रमाचे नेटके सूत्रसंचालन कु.स्नेहा शिंदे आणि कु.अमृता रोडे या विद्यार्थिनींनी केले. हा कार्यक्रम मुख्याध्यापिका सौ. कांबळे बाई आणि उपमुख्याध्यापक श्री. जगताप सर यांच्या मार्गदर्शनाखाली तसेच मराठी विषयाच्या सर्व शिक्षकांच्या सहकार्याने यशस्वीरीत्या संपन्न झाला.

27 फेब्रुवारी रोजी प्रशालेच्या मैदानावर मराठी राजभाषा गौरव दिन साजरा साजरा करण्यात आला. या कार्यक्रमाचे सूत्रसंचालन 7वी गुलाब मधील कु.पूर्वा गायकवाड व 6 वी गुलाब मधील कु .ओवी मांणकीकर या विद्यार्थिनींनी केले. कार्यक्रमाला प्रमुख पाहुण्या श्रीम.विद्या साताळकर उपस्थित होत्या. प्रथमतः प्रमुख पाहुण्या श्रीमती विद्या सातारकर व मा. पर्यवेक्षक श्री. अनासपुरे सर यांनी कवी.वि वा शिरवाडकर यांच्या प्रतिमेचे पूजन करून कार्यक्रमाला सुरुवात झाली. मा. पर्यवेक्षक श्री.अनासपुरे सर यांनी प्रास्ताविकातून मराठी भाषेचे महत्त्व सांगितले. त्यानंतर सहावी गुलाब मधील कु .मानसी आमडेकर या विद्यार्थिनीने मराठी राजभाषेचे महत्त्वाचे महत्त्व समजावून सांगितले. त्यानंतर इयत्ता सातवी गुलाब मधील कु सृष्टी शिंदे या विद्यार्थिनीनेपाहुण्यांचा परिचय करून दिला.
इयत्ता सहावी गुलाब मधील विद्यार्थिनींनी अभंग सादर केला अभंगाचे बोल होते पापाची वासना नको दावू डोळा, त्याहून मी आंधळा बराच त्यानंतर इयत्ता सहावी गुलाब मधील विद्यार्थिनींनी महाराष्ट्रातील संत यांच्या माहितीचा पोवाडा सादर केला. कृतिका शेंडगे या विद्यार्थिनींने नाट्यछटा
बाहुलीचे लग्न करायचं ही नाट्यछटा सादर केली. इयत्ता सातवी गुलाब मधील कु. राधिका ढवळे या विद्यार्थिनीने
श्री समर्थ रामदास स्वामी यांच्या विषयी वक्तृत्व सादर केले त्यानंतर प्रमुख पाहुण्या श्रीमती विद्या साताळकर यांनी आपले मनोगत व्यक्त केले. मनोगतातून त्यांनी विद्यार्थिनींना खाऊचे पैसे साठवून पुस्तक खरेदी करण्याचा सल्ला दिला विद्यार्थिनींकडून मराठी भाषेचा अभिमान बाळगण्यासाठीची प्रतिज्ञा म्हणून घेतली. इयत्ता सातवी गुलाब मधील पूर्वा गायकवाड हिने आभाराने
कार्यक्रमाची सांगता झाली
हा कार्यक्रम प्रशालेचे पर्यवेक्षक माननीय अनासपुरे सर यांच्या मार्गदर्शनाने संपन्न झाला

कला -क्रीडा दिन 2025- 26
दिनांक 18 फेब्रुवारी 2026, बुधवार रोजी प्रशालेचा कला क्रीडा दिन भावे प्राथमिक सभागृहात पार पडला. प्रशालेतील विद्यार्थिनींनी कला आणि क्रीडा क्षेत्रात मिळवलेले यश याचे कौतुक करणे त्यांना प्रोत्साहन व प्रेरणा देणे या हेतूने
प्रशालेत 18 फेब्रुवारी 2026 रोजी कला क्रीडा दिन साजरा करण्यात आला .या कार्यक्रमाचे प्रास्ताविक सन्माननीय मुख्याध्यापिका श्रीमती कांबळे मॅडम यांनी केले. वर्षभर विविध स्पर्धेत राष्ट्रीय आंतरराष्ट्रीय सर्व स्तरांवर कला आणि क्रीडा या क्षेत्रात विद्यार्थिनी सहभागी होतात उत्तम यश मिळवतात त्यांचे याप्रसंगी कौतुक करण्यात आले.
आपल्या प्रशालेची माजी विद्यार्थिनी श्रीमती पल्लवी गंडाळे यांच्या हस्ते विद्यार्थ्यांना बक्षीस वितरण करण्यात आले तसेच या यशामागे त्यांचे कोचेस व शिक्षक यांचा सुद्धा सत्कार करण्यात आला. माननीय प्रमुख पाहुण्या श्रीमती पल्लवी गंडाळे यांनी विद्यार्थिनींना खेळाचे महत्व स्पष्ट करून सांगितले. खेळामुळे आपली कल्पनाशक्ती वाढते ,आत्मविश्वास वाढतो ,वेळेचे उत्तम नियोजन करता येते. यासंदर्भात त्यांना माहिती दिली कार्यक्रमाचे सूत्रसंचालन प्रशालेतील ज्येष्ठ क्रीडा शिक्षिका श्रीमती माळी मॅडम यांनी केले बक्षीस यादी वाचनाचे कार्य प्रशालेतील ज्येष्ठ क्रीडा शिक्षिका श्रीमती निर्मला शिंदे मॅडम व श्रीमती चंचला धार्मिक मॅडम यांनी केले. प्रशालेतील उत्तम खेळाडू म्हणून बक्षीस पात्र विद्यार्थिनी कुमारी ध्वजा जैन हिला प्रशालेतील ज्येष्ठ क्रीडा शिक्षिका सोनवणे मॅडम यांच्यातर्फे बक्षीस देण्यात आले. प्रशालेचे माननीय उपमुख्याध्यापक श्री जयसिंग जगताप सर प्रशालेचे पर्यवेक्षक श्री अनासपुरे सर व माननीय मुख्याध्यापिका श्रीमती कांबळे मॅडम यांच्या मार्गदर्शनाने व नियोजनाने कार्यक्रम अतिशय वेळेत व उत्तमरीत्या पार पडला.

पुणे ग्रँड टुर आंतरराष्ट्रीय सायकल स्पर्धा २०२६ घोष वादन:-
आज शुक्रवार दिनांक २३/०१/२६ पुणे ग्रँड टुर आंतरराष्ट्रीय सायकल स्पर्धा आयोजित केली होती. या स्पर्धेत अनेक देशी विदेशी सायकल स्वारांनी सहभाग घेतलेला होता. या स्पर्धेप्रसंगी स्वागतासाठी आपल्या रेणुका स्वरूप प्रशालेच्या घोष पथकास स प महाविद्यालयात चौकात पोलीस विभागाने आमंत्रित केले होते.
याप्रसंगी रेणुका स्वरूप घोष पथकाने उत्तम वादन करून टिळक रोड वरील उपस्थितांची मनं जिंकली. एकूण ४० घोष वादकांनी विविध रचनांचे वादन केले. आजच्या घोष पथकाच्या वादनाचे पोलीस प्रशासनाने विशेष कौतुक केले.

रेणुका स्वरूप प्रशालेत प्रजासत्ताक दिन उत्साहात साजरा

रेणुका स्वरूप प्रशालेच्या प्रांगणात रेणुका स्वरूप हायस्कूल, भावे प्राथमिक, पूर्व प्राथमिक, रेणुका करिअर कोर्स असा रेणुका परिवारातर्फे प्रजासत्ताक दिन साजरा करण्यात आला‌.

वीर पत्नी श्रीमती दिपाली विजय मोरे, गरवारे कॉलेज ऑफ कॉमर्सच्या प्राध्यापिका श्रीमती प्रणिता जोगळेकर, मा. उपशिक्षणाधिकारी माध्यमिक विभाग श्रीमती छाया महिंद्रकर तसेच रेणुका स्वरूप चे मा. उपमुख्याध्यापक जयसिंग जगताप यांच्या हस्ते ध्वजारोहण करण्यात आले याप्रसंगी रेणुका परिवाराचे सर्व पदाधिकारी उपस्थित होते.

ध्वजगीत, राज्य गीत, ध्वज प्रतिज्ञा, समूहगीत सादर केले गेले. प्रात्यक्षिकांमध्ये घोषवादन, वंद्य वंदे मातरम या गीतावरील कवायत, देशभक्तीपर पंजाबी लोक नृत्य यांनी उपस्थितांचे मने जिंकली.

विद्यार्थिनींना साक्षरतेची, कॉपीमुक्त परीक्षांची शपथ दिली गेली. क्रांतिकारक व महिला समाज सुधारक या विषयावर आधारित हस्तलिखिताचे प्रकाशन करण्यात आले.

घोषवादनाच्या तालावर एनसीसी कॅडेट्सनी मानवंदना दिली. एनसीसी कॅडेट्स ना रँक प्रदान करण्यात आले.

महाराष्ट्र कन्या क्रिकेटपटू स्मृती मंधाना यांचे रांगोळीतून व्यक्तिचित्र श्रीमती यशोदिनी कुलकर्णी यांनी रेखाटले होते त्यांच्या माहितीचे प्रदर्शन भरवले गेले.

वीरपत्नी श्रीमती दिपाली विजय मोरे यांच्या शौर्य गाथेने सारेच भारावून गेले. मा. प्रणिता जोगळेकर तसेच मा.छाया महिंद्रकर यांनी आपल्या भाषणातून प्रजासत्ताक दिनाच्या शुभेच्छा दिल्या.

अशाप्रकारे स्फूर्तीदायक आणि भरगच्च कार्यक्रमांनी ओतप्रोत भरलेला असा प्रजासत्ताक दिनाचा कार्यक्रम मा. उपमुख्याध्यापक श्री. जगताप सर आणि पर्यवेक्षक श्री. अनासपुरे सर यांच्या उत्तम मार्गदर्शनाखाली संपन्न झाला.

आचार्य श्री डी. बी. दादावाला जुनिअर कॉलेज पुणे 11 आयोजित
दादावाला करंडक
!!अभिजया!!
'इंडियन फोक डान्स कॉम्पिटिशन -2025' या स्पर्धेत
आपल्या प्रशालेस प्रथम क्रमांकाचे पारितोषिक मिळाले सर्व सहभागी विद्यार्थींनीचे व त्यांना मार्गदर्शन केलेल्या श्रीमती बाजारे मनिषा मॅडम व श्रीमती शितोळे रुपाली मॅडम यांचे प्रशालेतर्फे मनःपूर्वक अभिनंदन💐💐💐💐💐💐💐💐