MMCC Deccan Pune

MMCC Brochure for Admissions AY 2022-23

*Sources of Joy*,an interactive counselling session was organised by Priyadarshini Yuvati Manch and the Students Development Cell on 6th April 2022. Counsellor Mrs Dhanashri Ghare, mentored the students on leading a qualitative, simple and joyful life.She gave valuable tips to help them acknowledge, appreciate and experience joy in the small moments of everyday life.The students were thrilled to share their sources of joy, such as,feeding stray animals, painting, playing cricket, exercising,skill development etc.In their opinion,these activities are stress busters which makes them feel rejuvenated and stay focused.

*एकलव्य फाउंडेशन व सावित्री जोतीराव समाजकार्य महाविद्यालय, यवतमाळ यांची आपल्या मराठवाडा मित्र मंडळ संस्था व वाणिज्य महाविद्यालयाला सदिच्छा भेट*
आदिवासी समाजाच्या विकासासाठी व पुनरुत्थानासाठी कार्यरत असलेल्या एकलव्य फाउंडेशन व सावित्री जोतीराव समाजकार्य महाविद्यालय, यवतमाळ या संस्थांच्या विद्यार्थ्यांनी त्यांच्या पुणे येथील शैक्षणिक सहलीच्या निमित्ताने दि. 1 एप्रिल 2022 रोजी आपल्या मराठवाडा मित्र मंडळ संस्था व वाणिज्य महाविद्यालयाला सदिच्छा भेट दिली. यामध्ये एकूण 12 मुली, 18 मुले आणि 3 शिक्षकांचा सामावेश होता.
सदर भेटीमध्ये सहभागी विद्यार्थ्यांना मराठवाडा मित्र मंडळ संस्था आणि संस्थेअंतर्गत कार्यरत असलेली विविध महाविद्यालय तसेच त्या अंतर्गत चालविण्यात येत असलेली विविध कोर्सेस यासंबंधीची माहिती देण्यात आली. त्याचबरोबर संस्थेच्या परिसरातील वाणिज्य महाविद्यालय, शंकरराव चव्हाण विधी महाविद्यालय, वास्तुविशारद महाविद्यालय, विद्यार्थी मंच इत्यादींच्या भेटी घडवून आणण्यात आल्या. तसेच वाणिज्य महाविद्यालयात वर्षभरात राबविण्यात आलेले विविध शैक्षणिक, सामाजिक व सांस्कृतिक उपक्रम, विविध क्षेत्रात विद्यार्थ्यांनी मिळवलेले यश व कामगिरी, राष्ट्रीय सेवा योजनेमार्फत राबवलेले उपक्रम, संस्थेची शैक्षणिक व सामाजिक क्षेत्रातील वाटचाल इत्यादी संबंधी चित्रफित प्रदर्शित करण्यात आली.
सदर शैक्षणिक सहलीचा एक भाग म्हणून संस्था व महाविद्यालयाच्या भेटीसाठी आलेल्या विद्यार्थ्यांनी मनोगत व्यक्त करताना असे म्हटले की, "समाजकार्य महाविद्यालयात पदवीचे शिक्षण घेत असलेली आदिवासी समाजातील ही आमची पहिलीच पिढी आहे. पुणे हे विद्येचे माहेरघर आहे, त्यामुळे येथील शैक्षणिक संस्था व संस्कृतीचा आदर्श डोळ्यासमोर ठेवून पुढे वाटचाल करण्याचा आमचा मानस आहे.."

संस्थेचे कार्याध्यक्ष माननीय भाऊसाहेब जाधव सर तसेच प्रा. तेज निवळीकर सर यांनी विद्यार्थ्यांना शुभेच्छा दिल्या.

समाजकार्य महाविद्यालयाचे प्रा. विशाल डोळे यांनी संस्थेचे व महाविद्यालयाचे आभार व्यक्त केले.

सदर कार्यक्रमाचे आयोजन दुपारी 5:00 ते सायंकाळी 7:00 या वेळेत करण्यात आले होते.

सदर कार्यक्रम महाविद्यालयाचे प्राचार्य डॉ. देवीदास गोल्हार यांच्या मार्गदर्शनाखाली संपन्न झाला. कार्यक्रमाचे सूत्रसंचालन प्रा. प्रवीण कड यांनी केले. डॉ. संदीप अनपट यांनी कार्यक्रमाचे प्रास्ताविक केले तसेच विद्यार्थ्यांना संस्था व महाविद्यालयांची ओळख करून दिली. प्रा. सुशील गंगणे यांनी कार्यक्रमाचे आभार मानले. प्रा. अमोल चौधरी, प्रा. स्वप्निल कांबळे व राष्ट्रीय सेवा योजनेचे विद्यार्थी यांनी कार्यक्रम यशस्वी होण्यास मोलाची मदत केली.

MMCC Student Achievement

मराठवाड्यातील ग्रामीण भागातून शेतकरी कुटुंबातून आलेला आपला माझी विद्यार्थी *श्री गोरखनाथ सुरासे* 2018-19 बॅच याची नुकतीच महाराष्ट्र लोकसेवा आयोगाच्या परीक्षेत उत्तीर्ण होऊन *पोलिस उपनिरीक्षक* पदी निवड झाली. त्यानिमित्त त्याचा सत्कार आपल्या संस्थेचे कार्याध्यक्ष *आदरणीय भाऊसाहेब जाधव सर* यांच्या हस्ते करण्यात आला. या प्रसंगी संस्थेचे पदाधिकारी श्री तेज निवळीकर सर, महाविद्यालयाचे प्राचार्य डॉ देविदास गोल्हार सर, वाणिज्य विभाग प्रमुख प्रा. सारंग एडके सर, संगणक शास्त्र विभाग प्रमुख डॉ. संदीप अनपट सर, परीक्षा विभाग प्रमुख प्रा. सुशील सर, एन. एस. एस. कार्यक्रम आधिकारी प्रा. प्रवीण कड सर, इ. उपस्थित होते.

✍️
On the occasion of Worlds Women’s Day
Two students of our department got awarded for their sincere hard work as a ‘Young Journalist’
1. Aporva Sinha MAJMC Part-2
(Journalist-The Indian Express)
felicitated by DIG Pune.
✍️
2. Noopur Patil MAJMC Part-1 (Journalist-Maharashtra Times)
felicitated by MNS.
It is really a proud moment.

आज आपल्या महाविद्यालयात एक अनोखा कार्यक्रम पार पडला. `एम्प्लॉयी ऍप्रिसिएशन प्रोग्राम ` म्हणजेच कर्मचारी प्रशंसा कार्यक्रम!
`IQAC` आणि `टीचर्स फोरम` यांनी एकत्रितपणे हा कार्यक्रम आयोजित केला होता.
महाविद्यालयाचे प्राचार्य डॉ. देविदास गोल्हार यांनी प्राध्यापकांना प्रशंसापत्र (letter of appreciation) व एक भेटवस्तू देऊन गौरविले आणि आपले मनोगत व्यक्त केले. या वेळी प्रा. गायकवाड, प्रा. शेख, प्रा. पारखी व इतर प्राध्यापकांनी आपले अनुभव आणि संस्थेप्रती प्रेम व आदर व्यक्त केला.
या प्रसंगी महाविद्यालयाचे वरिष्ठ प्राध्यापक डॉ. सारंग एडके यांनी सर्वाना मोलाचे मार्गदर्शन केले आणि आपल्या महाविद्यालयाच्या वाटचालीवर प्रकाश टाकला.
कार्यक्रमाचे सूत्रसंचालन डॉ. अनपट यांनी केले आणि आभार प्रदर्शन प्रा. सुशील सरांनी केले.
हा अतिशय अनोखा कार्यक्रम असून आपल्या कामाची दखल व प्रशंसा हे अतिशय प्रेरणादायी आहे असे उद्गार बहुतेक प्राध्यापकांनी यावेळी काढले.

*मराठवाडा मित्र मंडळाचे वाणिज्य महाविद्यालय राष्ट्रीय सेवा योजना विशेष श्रमसंस्कार शिबिर 2021-2022 यशस्वीपणे संपन्न...*

मराठवाडा मित्र मंडळ वाणिज्य महाविद्यालयाच्या राष्ट्रीय सेवा योजनेचे 7 दिवसीय निवासी विशेष श्रमसंस्कार शिबिर मौजे चिंचवड, पोस्ट: बेलावडे, तालुका: मुळशी, जिल्हा : पुणे येथे दि. 30 जानेवारी 2022 ते दि. 05 फेब्रुवारी 2022 या कालावधीत यशस्वीपणे पार पडले.

या श्रमसंस्कार शिबिरामध्ये महाविद्यालयातील 22 विद्यार्थिनी आणि 33 विद्यार्थी असे एकूण 55 स्वयंसेवक सहभागी झाले होते.

या शिबिराचे उद्घाटन दि. 31 जानेवारी 2022 रोजी सकाळी 11:00 वा. चिंचवड येथे लोकसेवा परिवाराचे संस्थापक मा. श्री माणिककाका शेडगे व सौ शुभांगीताई शेडगे यांच्या हस्ते मोठ्या उत्साहात करण्यात आले. महाविद्यालयाचे प्राचार्य डॉ. देवीदास गोल्हार यांनी या कार्यक्रमाचे अध्यक्षस्थान भूषवले. याप्रसंगी चिंचवड गावच्या सरपंच श्रीमती शोभाताई ज्ञानेश्वर कंधारे आणि चिंचवड ग्रामपंचायतीचे सदस्य आणि प्रतिष्ठित मान्यवर व नागरिक देखील उपस्थित होते. तसेच याप्रसंगी महाविद्यालयातील प्रा. सारंग एडके, डॉ. नासिर शेख, डॉ. मुरलीधर गायकवाड, डॉ. संदीप अनपट, इत्यादी उपस्थित होते. या उद्घाटनपर कार्यक्रमाचे सूत्रसंचालन रासेयो कार्यक्रम अधिकारी प्रा. प्रवीण कड यांनी केले तर कार्यक्रमाचे प्रास्ताविक प्रा. सुशील गंगणे यांनी केले. प्रा. अमोल चौधरी यांनी आभार प्रदर्शन केले.