24/07/2026
देशी गोवंश संवर्धनाच्या दिशेने एक महत्त्वपूर्ण पाऊल.🇮🇳
महात्मा फुले कृषी विद्यापीठ, राहुरी अंतर्गत अजितदादा पवार देशी गाय संशोधन व प्रशिक्षण केंद्र, कृषी महाविद्यालय, पुणे येथे शुध्द देशी गोवंश जतन व संवर्धन दिनानिमित्त भव्य देशी गोवंश प्रदर्शन, परिसंवाद, मार्गदर्शिका प्रकाशन व शेतकरी जनजागृती कार्यक्रम उत्साहात संपन्न झाला.
कार्यक्रमाचे उद्घाटन मा. कृषिमंत्री श्री. दत्तात्रय भरणे यांच्या हस्ते झाले. तसेच विविध क्षेत्रातील मान्यवर उपस्थित होते.
यावेळी देशी गोवंशाचे संवर्धन, आधुनिक संशोधन, शेतकरी प्रशिक्षण, तंत्रज्ञानाचा वापर आणि देशी वंशांचे जतन याबाबत सखोल मार्गदर्शन करण्यात आले. देशी गोवंशाच्या माध्यमातून शाश्वत शेती, नैसर्गिक शेती आणि ग्रामीण अर्थव्यवस्था बळकट करण्याचा दृढ संकल्प व्यक्त करण्यात आला.
या कार्यक्रमाला लाभलेला शेतकरी, पशुपालक, संशोधक व नागरिकांचा उत्स्फूर्त प्रतिसाद देशी गोवंश संवर्धन चळवळीला नवी ऊर्जा देणारा ठरला.
देशी गोवंश संवर्धन हेच समृद्ध शेती आणि आत्मनिर्भर भारताचे बळ!
