Darul Hidaya Kandanakam

29/11/2025

Hearty Congratulations!

31/08/2024

*കാമ്പസിനെ ഹരിതാഭമാക്കാൻ പൂർവ്വ വിദ്യാർത്ഥിനികൾ*

കാലടി: കാമ്പസിനെ ഹരിതാഭമാക്കാനൊരുങ്ങി പൂർവ്വവിദ്യാർത്ഥിനികൾ. കണ്ടനകം ദാറുൽ ഹിദായ റസിഡൻഷ്യൽ ഹയർ സെക്കൻഡറി സ്കൂൾ പൂർവ്വ വിദ്യാർത്ഥിനികളാണ്
സ്കൂളിൻ്റെ മുപ്പതാം വാർഷികത്തിൽ
പത്തേക്കർ കാമ്പസിൽ വിവിധ തരം ഫലവൃക്ഷ തൈകൾ നട്ട് ഹരിതാഭമാക്കാൻ തീരുമാനിച്ചത്. 1995 -ൽ സ്ഥാപിതമായ സ്കൂളിൽ 29 ബാച്ചുകളാണ് പഠിച്ചിറങ്ങിയത്. സ്കൂൾ കാമ്പസിൽ മാവിൻ തൈ നട്ട് മാനേജർ പി.വി മുഹമ്മദ് മൗലവി പദ്ധതിയുടെ ഉദ്ഘാടനം നിർവ്വഹിച്ചു. സ്കൂളിലെ 2000-02 ബാച്ചിലെ പൂർവ്വ വിദ്യാർത്ഥിനി പി.വി സുഹറയാണ് ആദ്യ തൈ സംഭാവന ചെയ്തത്. പൂർവ്വ വിദ്യാർത്ഥിനി എക്സിക്യൂട്ടീവ് രൂപീകരണ യോഗം സ്കൂൾ മാനേജർ പി.വി മുഹമ്മദ് മൗലവി നിർവ്വഹിച്ചു. പി.ടി.എ പ്രസിഡൻ്റ് സുനിൽ മൂത്തേടത്ത് അധ്യക്ഷത വഹിച്ചു. സ്കൂൾ ആലുംനി അഡ്ഹോക് കമ്മിറ്റിയുടെ ഭാരവാഹികളായി സുഹറ പി.വി (പ്രസിഡൻ്റ്), ഷഫ്ന വി, അൻസിയ കെ.ടി (വൈസ് പ്രസിഡൻ്റുമാർ), പ്രിൻസി കെ.പി (ജന. സെക്രട്ടറി), ഷിറീൻ, നഹല ഒ.വി, ഫാഇസ (സെക്രട്ടറിമാർ), റംസീന ടി (ട്രഷറർ) എന്നിവരേയും, ഓരോ ബാച്ചിലേയും രണ്ട് വീതം പ്രതിനിധികളെ എക്സിക്യൂട്ടീവ് കമ്മിറ്റി അംഗങ്ങളായും തെരഞ്ഞെടുത്തു. സ്കൂൾ മുപ്പതാം വാർഷികത്തിൻ്റെ സമാപനത്തോടനുബന്ധിച്ച് മെഗാ ആലുംനി സംഗമം വിളിച്ചുചേർക്കും. ഇതിന് മുന്നോടിയായി മുഴുവൻ ബാച്ചുകളിലേയും വിദ്യാർത്ഥിനികളെ ഉൾപ്പെടുത്തി വിപുലമായ ആലുംനി എക്സിക്യുട്ടീവ് വിളിച്ചുചേർക്കും. അൻവർ സാദത്ത് ഹുദവി, അസ്ഹർ പി.കെ, സുഹറ പി.വി, പ്രിൻസി കെ.പി, അൻസിയ കെ.ടി, ഷിറീൻ, ഷഫ്ന വി, റുഷ്ദ സയാന തുടങ്ങിയവർ സംസാരിച്ചു. പ്രിൻസിപ്പൽ എൻ. അബ്ദുൽ ഖയ്യൂം സ്വാഗതവും അഡ്ഹോക് കമ്മിറ്റി ട്രഷറർ റംസീന ടി നന്ദിയും പറഞ്ഞു. ഷറീന എം, ഷരിഫ ടി.പി, നിഷ ടി.ജി, ജിഷ ജോസ്, ഷമീന സി.എം, റഷീദ കെ, നൗഫൽ എ ഖാദർ, സ്കൂൾ യൂനിയൻ ഭാരവാഹികളായ റിസ്‌ല അബ്ദുൽ റസാഖ്, നാഷിദ വി.വി, സന പർവീൻ തുടങ്ങിയർ നേതൃത്വം നൽകി.

02/01/2024

*കണ്ടനകത്ത് സ്നേഹരാമം പദ്ധതി നടപ്പിലാക്കി*

എടപ്പാൾ: കണ്ടനകം ദാറുൽ ഹിദായ സ്കൂളിലെ എൻ എസ് എസ് യൂണിറ്റ് കെഎസ്ആർടിസി പരിസരം മാലിന്യമുക്തമാക്കി പൂന്തോട്ടം നിർമ്മിച്ച് സ്നേഹരാമം പദ്ധതി നടപ്പിലാക്കി. പരിപാടി കാലടി ഗ്രാമപഞ്ചായത്ത് പ്രസിഡന്റ് ബാബു കെ ജി ഉദ്ഘാടനം ചെയ്തു. വൈസ് പ്രസിഡന്റ് ബൽക്കീസ് കൊരണപ്പറ്റ അധ്യക്ഷത വഹിച്ചു.
ദാറുൽ ഹുദയാ പ്രിൻസിപ്പൽ അബ്ദുൽ ഖയൂബ് സ്വാഗതം പറഞ്ഞ ചടങ്ങിൽ വികസനകാര്യ സ്റ്റാൻഡിങ് കമ്മിറ്റി ചെയർമാൻ ആനന്ദൻ കെ കെ വാർഡ് മെമ്പർ ബഷീർ തുറയാറ്റിൽ അസിസ്റ്റന്റ് സെക്രട്ടറി ബിനേഷ് സി, എൻഎസ്എസ് കോഡിനേറ്റർ അഷിത കെഎസ്ആർടിസി എൻജിനീയർ അനീഷ് പിടിഎ പ്രസിഡന്റ് യൂസഫ് ഹരിത കർമ്മ സേന കോഡിനേറ്റർ നയന, തുടങ്ങിയവർ സംബന്ധിച്ചു.പരിപാടിക്ക് റയാ സി വി, അമൽ ദിയ എന്നിവർ നന്ദി അറിയിച്ചു.

01/01/2024

കെ.എസ്.ആർ.ടി.സി ബസ് സ്റ്റേഷൻ പരിസരത്തെ സ്നേഹാരാമമാക്കി കണ്ടനകം ദാറുൽ ഹിദായ എൻ.എസ്.എസ് യൂനിറ്റ് വിദ്യാർത്ഥിനികൾ..

കാലടി ഗ്രാമപഞ്ചായത്തിലെ കെ.എസ്.ആര്‍.ടി.സി വര്‍ക്ക്‌ഷോപ്പിന് സമീപം കണ്ടനകം ദാറുല്‍ ഹിദായ എന്‍.എസ്.എസ് യൂണിറ്റിന...

28/09/2023

https://newspaper.mathrubhumi.com/malappuram/news/malappuram-1.8941483

അത്തപ്പൂക്കളമത്സരം: ദാറുൽ ഹിദായയ്ക്ക് വിജയം

എടപ്പാൾ: മുഖ്യതിരഞ്ഞെടുപ്പ് ഓഫീസറുടെ കാര്യാലയം നടത്തിയ അഖില കേരള അത്തപ്പൂക്കളമത്സരത്തിൽ കണ്ടനകം ദാറുൽ ഹിദായ റസിഡൻഷ്യൽ ഹയർസെക്കൻഡറി സ്‌കൂൾ സംസ്ഥാനതലത്തിൽ മൂന്നാം സ്ഥാനവും ജില്ലാതലത്തിൽ ഒന്നാം സ്ഥാനവും നേടി.

വോട്ടർപട്ടികയിൽ യുവവോട്ടർമാരുടെ പ്രാതിനിധ്യം വർധിപ്പിക്കാനായുള്ള സ്വീപ് പ്രവർത്തനങ്ങളുടെ ഭാഗമായി തിരഞ്ഞെടുപ്പ് വിഭാഗവും ഇലക്ടറർ ലിറ്ററസി ക്ലബ്ബുകളും ചേർന്നാണ് കോളേജുകൾക്കും സ്‌കൂളുകൾക്കുമായി മത്സരം നടത്തിയത്. ജില്ലയിൽനിന്ന് മൂന്ന് സ്ഥാപനങ്ങളാണ് സംസ്ഥാന മത്സരത്തിലേക്ക് യോഗ്യത നേടിയത്.

സോഷ്യൽ മീഡിയ ലൈക്കുകളുടെ അടിസ്ഥാനത്തിലാണ് വിജയികളെ തിരഞ്ഞെടുത്തത്. കോഴിക്കോട് ദേവഗിരി, തിരുവനന്തപുരം ഓൾസെയിന്റ്‌സ് കോളേജുകൾക്കാണ് ഒന്നും രണ്ടും സ്ഥാനങ്ങൾ.

വിജയിച്ച ടീമിനെ സ്‌കൂളിൽ നടന്ന യോഗം അനുമോദിച്ചു. പ്രിൻസിപ്പൽ എൻ. അബ്ദുൾ ഖയ്യും അധ്യക്ഷനായി. പി.ടി.എ. പ്രസിഡന്റ് പി.പി. യൂസഫ്, എം.പി. ബൾക്കീസ്, എം. ഷറീന, പി.കെ. അസ്ഹർ, ജിഷ ജോസ്, കെ. റഷീദ, ടി.ജി. നിഷ, എ. നൗഫൽ ഖാദർ, സി.എം. ഷണീന, റിഫഷിറിൻ, ഫിന മിൻഷ എന്നിവർ പ്രസംഗിച്ചു.

എടപ്പാൾ : മുഖ്യതിരഞ്ഞെടുപ്പ് ഓഫീസറുടെ കാര്യാലയം നടത്തിയ അഖില കേരള അത്തപ്പൂക്കളമത്സരത്തിൽ കണ്ടനകം ദാറുൽ ഹിദായ...

27/09/2023

കണ്ടനകം ദാറുൽ ഹിദായയിലെ രണ്ട് വിദ്യാർത്ഥിനികൾക്ക് ഇൻസ്പെയർ സ്കോളർഷിപ്പ്

എടപ്പാൾ: കണ്ടനകം റസിഡൻഷ്യൽ ഹയർ സെക്കൻ്ററി സ്കൂളിൽ നിന്ന് ഈ വർഷം പ്ലസ് ടു പഠനം പൂർത്തിയാക്കിയ രണ്ട് വിദ്യാർത്ഥിനികൾക്ക് ഇൻസ്പെയർ സ്കോളർഷിപ്. അലീന ഹനീഫ, ഫാത്തിമത്ത് മുഹ്സിന. സി എന്നീ മിടുക്കികളാണ് കേന്ദ്ര സർക്കാറിന് കീഴിലെ ശാസ്ത്ര സാങ്കേതിക മന്ത്രാലയം ശാസ്ത്ര വിഷയങ്ങളിൽ ഉന്നത പഠനത്തെ പ്രോൽസാഹിപ്പിക്കുന്നതിൻ്റെ ഭാഗമായി അനുവദിക്കുന്ന സ്കോളർഷിപ്പിന് അർഹത നേടിയത്. കേന്ദ്ര / സംസ്ഥാന അംഗീകൃത ബോർഡുകളിൽ നിന്ന് പ്ലസ്ടു പൂർത്തിയാക്കി ഉയർന്ന ഒരു ശതമാനം പരിധിക്കുള്ളിൽ വരുന്നവർക്കാണ്
ഇൻസ്പയർ സ്കോളർഷിപ് ഫോർ ഹയർ എജുക്കേഷൻ എന്ന പേരിലുള്ള ഈ സ്കോളർഷിപ്പിന് യോഗ്യത ലഭിക്കുക.

സ്കോളർഷിപ്പ് തുക ലഭിക്കണമെങ്കിൽ യു.ജി.സി അംഗീകൃത കോളേജ് / യൂണിവേഴ്സിറ്റിയിൽ
നാച്ചുറൽ സയൻസ്, ബേസിക് സയൻസ് വിഷയങ്ങളിൽ മൂന്ന് വർഷ ബി.എസ്.സി/ ബി.എസ്.സി ഓണേർസ്/ നാല് വർഷ ബി.എസ്.സി/ അഞ്ച് വർഷ ഇൻ്റഗ്രേറ്റഡ് എം.എസ്.സി/ബി.എസ് എം.എസ് പ്രോഗ്രാമുകളിൽ പ്രവേശനം നേടിയിരിക്കണം. സ്കോളർഷിപ്പ് തുകയായി ഒരു വർഷം 60,000 രൂപയും Summer Time Reseach Project ന് വേണ്ടി 20,000 രൂപയും ലഭിക്കും. ബിരുദ കോഴ്സിന് ആദ്യ വർഷം മുതൽ കോഴ്സ് കാലാവധി പൂർത്തിയാക്കുന്നത് വരെയോ അല്ലെങ്കിൽ പരമാവധി അഞ്ച് വർഷം വരെയോ സ്കോളർഷിപ്പ് ലഭിക്കും.

26/09/2023

അത്തപ്പൂക്കള മത്സരം:
കണ്ടനകം ദാറുൽ ഹിദായക്ക് സംസ്ഥാനതലത്തിൽ മൂന്നാം സ്ഥാനം

എടപ്പാൾ: കേരള മുഖ്യ തിരഞ്ഞെടുപ്പ് ഓഫീസറുടെ കാര്യാലയം സംഘടിപ്പിച്ച 'അത്തപ്പൂക്കള മത്സര'ത്തിൽ കണ്ടനകം ദാറുൽ ഹിദായ റസിഡൻഷ്യൽ ഹയർ സെക്കൻ്ററി സ്കൂൾ സംസ്ഥാനതലത്തിൽ മൂന്നാം സ്ഥാനവും ജില്ലാതലത്തിൽ ഒന്നാം സ്ഥാനവും കരസ്ഥമാക്കി. വോട്ടർ വിദ്യാഭ്യാസവും ഇലക്ട്രൽ പങ്കാളിത്തവും വർദ്ധിപ്പിക്കാൻ കേന്ദ്ര തെരഞ്ഞെടുപ്പ് കമ്മീഷൻ ആവിഷ്കരിച്ച 'സ്വീപ്' പ്രവര്‍ത്തനങ്ങളുടെ ഭാഗമായാണ് ഓണത്തോെടനുബന്ധിച്ച് മത്സരം സംഘടിപ്പിച്ചത്.

സംസ്ഥാനത്തെ വിവിധ കോളജുകളും ഹയർ സെക്കൻ്ററി സ്കൂളുകളുമാണ് മത്സരത്തിൽ പങ്കെടുത്തത്. കോഴിക്കോട് ദേവഗിരി സെന്റ് ജോസഫ്‌സ് ഓട്ടണമസ് കോളജിന് ഒന്നാം സ്ഥാനവും, തിരുവനന്തപുരം ഓള്‍ സെയിന്റ്‌സ് കോളജിന് രണ്ടാംസ്ഥാനവും ലഭിച്ചു. തൃശ്ശൂര്‍ ശ്രീ കേരളവര്‍മ്മ കോളജിന് പ്രോത്സാഹന സമ്മാനം ലഭിച്ചു. സമ്മാനദാനം ദേശീയ വോട്ടേർസ് ദിനമായ 2024 ജനുവരി 25ന് നടക്കും.

സംസ്ഥാനതലത്തിൽ മൂന്നാം സ്ഥാനം നേടിയ സ്കൂൾ ടീം അംഗങ്ങളെ ദാറുൽ ഹിദായ റസിഡൻഷ്യൽ എച്ച്.എസ്.എസ് സ്റ്റാഫ് കൗൺസിലും, പി.ടി.എ യും, സ്കൂൾ യൂനിയനും അഭിനന്ദിച്ചു. പ്രിൻസിപ്പൽ എൻ അബ്ദുൽ ഖയ്യൂം, പി.ടി.എ പ്രസിഡൻ്റ് പി.പി യൂസുഫ്, സ്കൂൾ ഇലക്ട്രൽ ലിറ്ററസി ക്ലബ് കോഡിനേറ്റർ ബൽക്കീസ് എം.പി, ഷറീന എം, അസ്ഹർ പി.കെ, ജിഷ ജോസ്, റഷീദ കെ, നിഷ ടി.ജി, നൗഫൽ എ ഖാദർ, ഷമീന സി.എം, സ്കൂൾ ചെയർപേർസൻ റിഫ ഷിറിൻ, വൈസ് ചെയർപേർസൻ ഫിന മിൻഷ സംസാരിച്ചു.

02/06/2023

Plus Two Results 2023

വിജയത്തിളക്കവുമായി വീണ്ടും കണ്ടനകം!

16 പേർക്ക് Full A+
5 പേർക്ക് 5 A+
26 പേർക്ക് 90% above
51 പേർക്ക് 80% above

എട്ടിലൊന്ന് പേർക്ക് Full A+..!
നാലിലൊന്ന് പേർക്കും 90% ..!!
പകുതിയിലേറെ പേർക്കും ഡിസ്റ്റിംഷൻ..!!!

അഭിനന്ദനങ്ങൾ!

DHRHSS FOR WOMEN Darul Hidaya Kandanakam

28/07/2021

26/11/2020

Constitution Day

13/10/2020

A new creation from our NSS volunteers They wrote, composed and sang. Thanks a lot my students.