What are the opening hours?

Monday 10:30am - 5pm Tuesday 10:30am - 5pm Wednesday 10:30am - 5pm Thursday 10:30am - 5pm Friday 10:30am - 5pm Saturday 7:30am - 1pm

http://www.pilvaicollege.ac.in/

Pilvai College, AT. PO. Pilvai, Ta. Vijapur, Dist. Mehsana, Pilvai (2026)

02/10/2026

ડૉ જાનીએ રેફરી તરીકે સેવા આપી...
BHUPAL NOBLES' UNIVERSITY,
UDAIPUR માં પંડ્યા શાર્દુલ કુમાર દ્વારા
ANALYTICAL METHOD DEVELOPMENT OF A STABILITY-INDICATING UPLC METHOD FOR DETERMINING ANTIEPILEPTIC DRUGS IN PHARMACEUTICAL DOSAGE FORMS ટાઇટલ ઉપર રસાયણ શાસ્ત્ર વિષય માં PhD thesis જમા કરાવેલ હતી... યુનિવર્સીટી દ્વારા રેફરી તરીકે ડૉ જી. આર. જાની ની નિમણુંક કરી હતી. તેમનો ઓન line viva તા. 1/10/26 ના રોજ સંપન્ન થયો. ઉપચાર્ય ડૉ. ગૌરાંગ જાનીએ તેમાં રેફરી તરીકે સેવા આપેલ તે બદલ કૉલેજ પરીવાર શુભકામનાઓ સહ અભિનંદન પાઠવે છે.
ડૉ સંજય શાહ,
આચાર્ય,
પિલવાઈ કૉલેજ.

29/09/2026

શ્રદ્ધાંજલિ...
આજરોજ પિલવાઇ કોલેજમાં તાજેતરમાં દિવંગત થયેલા ઉત્તર-પૂર્વ ગુજરાત ઉચ્ચ કેળવણી મંડળ, પીલવાઈના મંત્રી સ્વ. ત્રિભુવનભાઇ એમ.પટેલ તથા વ્યવસ્થાપક મંડળના સદસ્ય સ્વ.મણાજી પ્રતાપજી વિહોલનો શ્રદ્ધાંજલિ કાર્યક્રમ યોજાઈ ગયો. સ્વર્ગસ્થ મંત્રી ત્રિભુવનભાઈનું લાંબી માંદગી બાદ દુઃખદ અવસાન થયું હતું. તેમના અવસાનથી સંચાલક મંડળને ના પૂરી શકાય તેવી ખોટ પડી છે. સદગત ખૂબ જ સાલસ, માયાળુ અને સરળ સ્વભાવના હતા. મંત્રી તરીકેની દીર્ઘકાલીન સેવાઓ દરમિયાન તેમનું મંડળ તથા મંડળ સંચાલિત સંસ્થાઓના વિકાસમાં અભૂતપૂર્વ અને નોંધપાત્ર યોગદાન રહ્યું છે.
વ્યવસ્થાપક મંડળના સભ્ય સ્વ મણાજી વિહોલ પણ નિખાલસ અને સરળ વ્યક્તિત્વ ધરાવતા હતા. વ્યવસ્થાપક મંડળના સદસ્ય તરીકે તેમની કામગીરી પ્રશંસનિય અને નોંધપાત્ર હતી.
શ્રદ્ધાંજલિ કાર્યક્રમમાં મંડળના હોદ્દેદારો, ટ્રસ્ટીઓ, વ્યવસ્થાપક મંડળના સદસ્યો, મંડળ સંચાલિત ત્રણેય સંસ્થાના કર્મચારીઓ તથા વિદ્યાર્થીઓ મોટી સંખ્યામાં ઉપસ્થિત રહ્યા હતા. સૌએ બંને સદગતને યાદ કરી ભાવભીની શ્રદ્ધાંજલિ આપી હતી. સૌએ બંને સદગતના આત્માને શાંતિ માટે બે મિનિટનું મૌન પાળ્યું હતું તથા તેમના પરિવારને આ આઘાત સહન કરવાની શક્તિ આપવા પરમ કૃપાળુ પરમાત્માને પ્રાર્થના કરી હતી.
ડૉ સંજય શાહ
આચાર્ય
પિલવાઇ કોલેજ

28/09/2026

પિલવાઇ કોલેજમાં ફિનીશીંગ સ્કૂલ, બેચના બે મોડ્યુલ પૂર્ણ થયા.

શ્રી યુ.પી. આર્ટ્સ, શ્રીમતી એમ. જી. પંચાલ સાયન્સ અને શ્રી વી. એલ. શાહ કોમર્સ કોલેજ પિલવાઇ ખાતે તા . 18/09/2026 ના રોજ KCG દ્વારા સંચાલિત Finishing School ની Batch- 5ની શરૂઆત કરવામાં આવેલી તેના ચાર મોડયુલ પૈકી Life skills & Employability Skill અંગેના પ્રથમ બે મોડ્યુલ આજે તારીખ 28-09-2026 ના રોજ પૂર્ણ થયા છે. આ બંને મોડ્યુલ માટે ટ્રેનર કુંતલબેન ગોર દ્વારા માર્ગદર્શન આપવામાં આવ્યું હતું.
વિદ્યાર્થીઓએ કોર્સમાં પ્રવૃત્તિઓ દ્વારા જીવનમાં ઘણીજ ઉપયોગી માહિતી શીખ્યાનો આનંદ વ્યક્ત કર્યો હતો.
કોલેજના પ્રિન્સિપાલ ડો સંજય શાહે બન્ને મોડ્યુલ ની પરીક્ષામાં પાસ થયેલ વિદ્યાર્થીઓ ને અભિનંદન આપ્યા હતા.
ડૉ સંજય શાહ
આચાર્ય
પિલવાઇ કોલેજ

26/09/2026

ગૌરવપૂર્ણ સિદ્ધિ: Officer's Training Academy, Gwalior ખાતે રિફ્રેશર કોર્સમાં લેફ્ટનન્ટ ડૉ. જિજ્ઞાશાબેન વાઘેલાનું ઉત્કૃષ્ટ પ્રદર્શન

ઓફિસર્સ ટ્રેનિંગ એકેડેમી (OTA), ગ્વાલિયર ખાતે 31 ઓગસ્ટ 2026 થી 19 સપ્ટેમ્બર 2026 દરમિયાન આયોજિત 21 દિવસીય અને 10 દિવસીય DLP સઘન રિફ્રેશર કોર્સમાં શ્રી યુ. પી. આર્ટ્સ, શ્રીમતી એમ. જી. પંચાલ સાયન્સ અને શ્રી વી. એલ. શાહ કોમર્સ કોલેજના અર્થશાસ્ત્ર વિષયના પ્રોફેસર લેફ્ટનન્ટ ડો. જિજ્ઞાશાબેન વાઘેલાએ સફળતાપૂર્વક તાલીમ પૂર્ણ કરી સમગ્ર કોલેજ, NCC યુનિટ અને 1 ગુજરાત બટાલિયન, અમદાવાદનું ગૌરવ વધાર્યું છે.

આ કઠિન અને શિસ્તબદ્ધ સૈન્ય તાલીમ કાર્યક્રમમાં તેમણે પોતાની ઉત્કૃષ્ટ નેતૃત્વ ક્ષમતા અને સમર્પણનો પરિચય આપ્યો હતો. આ કઠિન અને શિસ્તબદ્ધ સૈન્ય તાલીમ દરમિયાન તેમણે Exercise-Yuva Shakti અને Exercise -Shakti જેવા મહત્વપૂર્ણ વ્યૂહાત્મક અભ્યાસોમાં અસાધારણ સક્રિયતા દાખવી ભાગ લીધો હતો, તેમજ આઈ.પી. લેક્ચરમાં સચોટ અને અસરકારક રજૂઆત કરી હતી. વ્યવહારિક તાલીમ હેઠળ તેમણે ઉત્સાહપૂર્વક ડ્રીલ પરેડ, મેપ રીડિંગ, અત્યાધુનિક શસ્ત્ર તાલીમ (Weapon Training) અને ફાઈરિંગ વિગેરેમાં ભાગ લીધો હતો. આ તાલીમનું સૌથી મોટું આકર્ષણ એ રહ્યું કે તેમણે મેપ રીડિંગમાં Finding Own Position, Map to Ground અને Ground to Map-લશ્કરી નકશા વાચન અને નેવિગેશન કૌશલ્યના જટિલ અભ્યાસમાં સમગ્ર કોર્સમાં પ્રથમ સ્થાન પ્રાપ્ત કરીને વિશેષ ગૌરવ અપાવ્યું હતું.

આ કોર્સ દરમિયાન તેમણે આર્મી સ્પેશિયલ સબ્જેક્ટ્સ અને કોમન સબ્જેક્ટ્સનો ગહન સૈદ્ધાંતિક અભ્યાસ કરીને સૈન્ય રણનીતિ, રાષ્ટ્રીય સુરક્ષા, આપત્તિ વ્યવસ્થાપન અને વિવિધ સામાજિક સેવાઓ વિગેરે જેવા વિષયોનું વિગતવાર જ્ઞાન મેળવ્યું હતું. આ સમગ્ર સૈન્ય તાલીમથી તેમનામાં ઉચ્ચ નેતૃત્વ ગુણો, માનસિક દ્રઢતા, ત્વરિત નિર્ણાયક ક્ષમતા, આત્મવિશ્વાસ અને ટીમવર્ક જેવા વ્યક્તિત્વ વિકાસના પાસાંઓ વધુ મજબૂત બન્યા છે.

મેપ રીડિંગમાં પ્રથમ સ્થાન મેળવીને ઝળહળતી સિદ્ધિ હાસિલ કરનાર લેફ્ટનન્ટ ડો. જિજ્ઞાશાબેન વાઘેલાનો આ ઉચ્ચસ્તરીય અનુભવ અને તાલીમ ભવિષ્યમાં કોલેજના વિધાર્થીઓ અને NCC યુનિટના કેડેટ્સને પ્રેરણા પૂરી પાડવામાં અને રાષ્ટ્રસેવામાં અત્યંત ઉપયોગી નીવડશે. પ્રિન્સિપાલશ્રી ડૉ. સંજય શાહએ સમગ્ર કોલેજ પરિવાર તરફથી લેફ્ટનન્ટ ડૉ. જિજ્ઞાશાબેન વાઘેલાને ખૂબ ખૂબ અભિનંદન અને શુભેચ્છાઓ પાઠવી હતી.

ડૉ સંજય શાહ
આચાર્ય
પિલવાઇ કોલેજ

25/09/2026

સ્પર્ધાત્મક પરીક્ષાના માર્ગદર્શન અંગેનો સેમીનાર યોજાયો.. તા. 25/09/2026
પીલવાઈ કોલેજમાં કેરિયર ગાઈડન્સ સેલના માર્ગદર્શન હેઠળ આજરોજ વિવિધ સ્પર્ધાત્મક પરીક્ષા ના માર્ગદર્શન અંગેનો સેમિનાર યોજાઈ ગયો. સેમિનારની શરૂઆત ડો કવિતા વ્યાસ દ્વારા ગવાયેલી મધુર પ્રાર્થનાથી થઈ હતી. સેમિનારના મુખ્ય વક્તા અને પીડી ગુરુકુળ, ગાંધીનગરના ડાયરેક્ટર ડૉ કેવલ ત્રિવેદી દ્વારા વિદ્યાર્થીઓને રસપ્રદ રીતે વિવિધ સ્પર્ધાત્મક પરીક્ષાઓ અંગે માર્ગદર્શન અને મોટીવેશન આપવામાં આવ્યું હતું. આ સેમિનારમાં મોટી સંખ્યામાં વિદ્યાર્થીઓ જોડાયા હતા. કોલેજના આચાર્ય ડો સંજય શાહ તથા સંચાલક મંડળના મંત્રીશ્રી મુકેશસિંહ વિહોલ દ્વારા વિદ્યાર્થીઓને સ્પર્ધાત્મક પરીક્ષાઓ આપી સફળ કારકિર્દી પ્રાપ્ત કરવા આહવાન કરવામાં આવ્યું હતું. સમગ્ર કાર્યક્રમનું સંકલન ડો કમલેશ પટેલ તથા અધ્યાપકોની ટીમ દ્વારા કરાયું હતું તથા કાર્યક્રમનું સંચાલન ડો કે એન પટેલ તથા ડો અરવિંદ તળપદા દ્વારા કરવામાં આવ્યું હતું.
ડો સંજય શાહ
આચાર્ય
પીલવાઈ કોલેજ

19/09/2026

NSS અને NCC દ્વારા યોજાયેલ 'વૃક્ષારોપણ કાર્યક્રમ'નો અહેવાલ
તારીખ: ૧૯ સપ્ટેમ્બર, ૨૦૨૬
સ્થળ: પિલવાઈ કોલેજ કેમ્પસ
આજરોજ પિલવાઈ કોલેજ ખાતે રાષ્ટ્રીય સેવા યોજના (NSS) અને નેશનલ કેડેટ કોર્પ્સ (NCC) ના સંયુક્ત ઉપક્રમે પર્યાવરણ સંરક્ષણ અને જાગૃતિના હેતુથી એક દિવસીય 'વૃક્ષારોપણ કાર્યક્રમ'નું સફળ આયોજન કરવામાં આવ્યું હતું.
આ પ્રસંગે કોલેજના આચાર્યશ્રી, NSS પ્રોગ્રામ ઓફિસર ડૉ. દિલીપકુમાર ધોરિયા, ઇતિહાસ વિભાગના અધ્યાપક ડૉ. મહેશ પટેલ તેમજ વિવિધ વિભાગોના અધ્યાપકગણ, NSSના સ્વયંસેવકો અને NCCના કેડેટ્સ મોટી સંખ્યામાં ઉત્સાહભેર ઉપસ્થિત રહ્યા હતા.
કાર્યક્રમ દરમિયાન ડૉ. દિલીપકુમાર ધોરિયા અને ડૉ. મહેશ પટેલ દ્વારા વિદ્યાર્થીઓને પર્યાવરણ જતન અંગેનો પ્રેરણાદાયી સંદેશ આપવામાં આવ્યો હતો. તેમણે પર્યાવરણનું મહત્ત્વ સમજાવતા જણાવ્યું હતું કે, "વૃક્ષો એ આપણી સૃષ્ટિનો આધાર છે. કેવળ વૃક્ષ વાવવું પૂરતું નથી, પરંતુ તેનું સંતોષકારક જતન અને ઉછેર કરવો એ આપણી સાચી જવાબદારી છે." આ સાથે ઉપસ્થિત પ્રોગ્રામ ઓફિસરે વિદ્યાર્થીઓને પ્રકૃતિ પ્રત્યેની તેમની ફરજો વિશે માર્ગદર્શિત કર્યા હતા.
ત્યારબાદ, કોલેજ કેમ્પસના વિવિધ વિસ્તારો અને રમત-ગમતના મેદાનની આસપાસ છાંયડો આપતા વૃક્ષો અને છોડ વાવવામાં આવ્યા હતા. આચાર્યશ્રી, અધ્યાપકો, NSSના સ્વયંસેવકો અને NCC કેડેટ્સે સ્વહસ્તે છોડ રોપીને તેમના ઉછેરની જવાબદારી સ્વીકારી હતી. NSS અને NCC ના વિદ્યાર્થીઓએ 'પર્યાવરણ બચાવો, વૃક્ષો વાવો' ના નારા સાથે સમગ્ર કેમ્પસમાં વૃક્ષારોપણનો સંદેશ પ્રસરાવ્યો હતો.
જ્ઞાનવર્ધક અને સેવાકીય પ્રવૃત્તિના અંતે ઉપસ્થિત સૌ માટે અલ્પાહારની વ્યવસ્થા કરવામાં આવી હતી. સમગ્ર કાર્યક્રમનું આયોજન અને સંચાલન NSS અને NCC યુનિટ તેમજ સ્વયંસેવકો અને કેડેટ્સના સહિયારા પ્રયાસોથી ખૂબ જ સુચારૂ અને સફળતાપૂર્વક સંપન્ન થયું હતું.

ડૉ. સંજય શાહ
આચાર્યશ્રી,
પિલવાઈ કોલેજ

16/09/2026

મોટીવેશન વ્યાખ્યાન યોજાયું....
પિલવાઈ કોલેજમાં ભૌતિકશાસ્ત્ર વિભાગ અને ઈનોવેશન ક્લબના ઉપક્રમે તજજ્ઞ વ્યાખ્યાન યોજાઈ ગયું.
તારીખ: 16 /09 /26 ને બુધવારે ૧૨:૩૦ કલાકે બીજા સેશનમાં શ્રી વી.એન.ઓઝા,મોટીવેશનલ સ્પીકર દ્વારા યુવાનોમાં મૂળભૂત મૂલ્યોના વિકાસ, તેમની રાષ્ટ્ર અને માતા પિતા પ્રત્યેની જવાબદારી,વડીલોનું સન્માન, કઠોર પરિશ્રમ, જીવન અને કોલેજ પરીક્ષામાં ૧૦૦% સફળતા માટેની ગુરુચાવી આપી.વિધાર્થીઓ તેમના અલગ અંદાજથી ઘણા પ્રભાવિત થયા.બધાને ખૂબ મજા આવી.આ વ્યાખ્યાન જીવન ઉપયોગી રહ્યું. જેનો કોલેજના વિદ્યાર્થીઓએ વિશાળ સંખ્યામાં હાજર રહી રસપૂર્વક લાભ લીધો..મહેમાનનું સ્વાગત ડૉ.નીલાબેન પટેલ,ફેકલ્ટી ઈનચાર્જ, સાયન્સ દ્વારા કરવામાં આવ્યું. વિલાસબેન પરમાર( ઇનોવેશન ક્લબ,કોઓર્ડિનેટર) અને ડૉ.સી.એ.પટેલ દ્વારા આભાર વ્યક્ત કરવામાં આવ્યો.સમગ્ર કાર્યક્રમ ડૉ.સી.એ.પટેલના માર્ગદર્શન (અધ્યક્ષ, ભૌતિકશાસ્ત્ર) દ્વારા કરવામાં આવ્યો.
ધન્યવાદ
આચાર્યશ્રી,
ડૉ.સંજય શાહ,
પિલવાઇ કોલેજ

16/09/2026

પિલવાઈ કોલેજમાં ભૌતિકશાસ્ત્ર વિભાગ અને ઈનોવેશન ક્લબના ઉપક્રમે તજજ્ઞ વ્યાખ્યાન યોજાયું.
તારીખ: 16 /૦9 /26 ને બુધવારે 11:00 કલાકે સેમિનાર હોલમાં ઇન્સ્પાયરીંગ લાઈફ ઓફ ડોક્ટર વિક્રમ સારાભાઈ-ધ ફાધર ઓફ ઇન્ડિયન સ્પેસ પ્રોગ્રામ વિષય પર પ્રોફેસર ડો. સી કે ચૌહાણ એસોસિયેટ, પ્રોફેસર ઇન ફિઝિક્સ, એમ એન સાયન્સ કોલેજ, વિસનગર દ્વારા પીપીટી નો ઉપયોગ કરી બહુ જ માહિતી અને જ્ઞાનસભર વક્તવ્ય આપવામાં આવ્યું. જેનો કોલેજના વિદ્યાર્થીઓએ વિશાળ સંખ્યામાં હાજર રહી રસપૂર્વક લાભ લીધો. આ કાર્યક્રમનું સંચાલન ડોક્ટર શૈલેષભાઈ સુથાર (ભૌતિક શાસ્ત્ર વિભાગ)દ્વારા કરવામાં આવ્યું.મહેમાનનું સ્વાગત ડૉ.વિલાસબેન પરમાર( ઇનોવેશન ક્લબ,કોઓર્ડિનેટર) અને ડૉ.સી.એ.પટેલ દ્વારા કરવામાં આવ્યું.સમગ્ર કાર્યક્રમ ડૉ.સી.એ.પટેલ માર્ગદર્શન (અધ્યક્ષ, ભૌતિકશાસ્ત્ર) દ્વારા કરવામાં આવ્યો.
ધન્યવાદ
આચાર્યશ્રી,
ડૉ.સંજય શાહ,
પિલવાઇ કોલેજ

11/09/2026

શિક્ષક દિવસની અનોખી ઉજવણી : વિદ્યાર્થીઓ બન્યા એક દિવસના શિક્ષક

પિલવાઈ, ૧૧ સપ્ટેમ્બર ૨૦૨૬:
ઉત્તર-પૂર્વ ગુજરાત ઉચ્ચ કેળવણી મંડળ સંચાલિત શ્રી યુ. પી. આર્ટ્સ, શ્રીમતી એમ. જી. પંચાલ સાયન્સ અને શ્રી વી. એલ. શાહ કોમર્સ કોલેજ, પિલવાઈ ખાતે ડૉ. જે.ડી. તલાટી વિદ્યાસંકુલમાં શિક્ષક દિવસની ઉજવણી અનોખી અને શૈક્ષણિક રીતે અર્થસભર રીતે કરવામાં આવી હતી.

શિક્ષક દિવસ નિમિત્તે કોલેજમાં વિદ્યાર્થીઓને શિક્ષકની ભૂમિકા નિભાવવાની તક આપવામાં આવી હતી. આ પ્રવૃત્તિમાં કોલેજના પ્રિન્સિપાલ, વાઈસ પ્રિન્સિપાલ, ઓફિસ સુપ્રિટેન્ડેન્ટ, આર્ટ્સ, સાયન્સ અને કોમર્સ ફેકલ્ટીના ઈન્ચાર્જ સહિત વિવિધ જવાબદારી ધરાવતા સભ્યોની ભૂમિકા વિદ્યાર્થીઓએ ઉત્સાહપૂર્વક નિભાવી હતી.

ત્રણેય ફેકલ્ટીના મળીને કુલ ૯૭ વિદ્યાર્થીઓએ ‘ટીચર’ બનીને શિક્ષણકાર્યમાં ઉત્સાહભેર ભાગ લીધો હતો. વિદ્યાર્થીઓએ વર્ગખંડમાં જઈને પોતાના વિષયને અનુરૂપ અધ્યાપન કાર્ય કર્યું. શિક્ષક તરીકે વર્ગ સંચાલન, વિદ્યાર્થીઓ સાથે સંવાદ, વિષય રજૂઆત અને શિક્ષણની વિવિધ પદ્ધતિઓનો અનુભવ મેળવ્યો. આ પ્રવૃત્તિ દ્વારા વિદ્યાર્થીઓને શિક્ષકની જવાબદારી, પડકારો અને શિક્ષણકાર્યની ગંભીરતાનો પ્રત્યક્ષ અનુભવ થયો.

શિક્ષણ કાર્ય પૂર્ણ થયા બાદ ભાગ લેનાર વિદ્યાર્થીઓએ પોતાના અનુભવો અને અભિપ્રાયો વ્યક્ત કર્યા હતા. અનેક વિદ્યાર્થીઓએ જણાવ્યું કે શિક્ષકની ભૂમિકા ભજવવાથી શિક્ષણકાર્ય જેટલું સરળ દેખાય છે તેના કરતાં વાસ્તવમાં વધુ જવાબદારીપૂર્ણ અને પડકારજનક છે. વિદ્યાર્થીઓને શિક્ષક તરીકે ઊભા રહીને સમયનું આયોજન, વર્ગનું સંચાલન, વિષયને સરળ રીતે સમજાવવો અને વિદ્યાર્થીઓનું ધ્યાન કેન્દ્રિત રાખવા જેવી બાબતોનો નવો અનુભવ થયો.

આ પ્રસંગે કોલેજના ઉપાચાર્ય ડૉ. ગૌરાંગ જાની સાહેબે તમામ વિદ્યાર્થીઓને પ્રોત્સાહિત કર્યા હતા. તેમણે વિદ્યાર્થીઓના ઉત્સાહ અને સર્જનાત્મકતાને બિરદાવી તેમને આશીર્વાદ આપ્યા હતા. સાથે સાથે તેમણે કોલેજમાં યોજાતી વિવિધ શૈક્ષણિક, સાંસ્કૃતિક, સહશૈક્ષણિક અને સામાજિક પ્રવૃત્તિઓ અંગે વિદ્યાર્થીઓને માહિતગાર કર્યા હતા તથા આવી પ્રવૃત્તિઓમાં સક્રિયપણે જોડાવા માટે પ્રેરણા આપી હતી.

આ સમગ્ર કાર્યક્રમનો મુખ્ય ઉદ્દેશ માત્ર શિક્ષક દિવસની ઉજવણી કરવાનો ન હતો, પરંતુ ‘શિક્ષક બનવું એટલે શું?’ તેનો જીવંત અનુભવ વિદ્યાર્થીઓને કરાવવાનો હતો. વિદ્યાર્થીઓએ એક દિવસ માટે શિક્ષકની ભૂમિકા ભજવીને શિક્ષણપ્રક્રિયાને નવી દૃષ્ટિથી અનુભવી હતી.

આ રીતે પિલવાઈ કોલેજમાં ઉજવાયેલો શિક્ષક દિવસ વિદ્યાર્થીકેન્દ્રિત શિક્ષણ, અનુભવ આધારિત અધ્યયન અને જવાબદારીની ભાવનાના વિકાસનું ઉત્તમ ઉદાહરણ બની રહ્યો. ૯૭ વિદ્યાર્થીઓની સક્રિય ભાગીદારીથી કાર્યક્રમમાં ઉત્સાહ, શૈક્ષણિક સર્જનાત્મકતા અને આનંદનું વાતાવરણ સર્જાયું હતું.

— અહેવાલ —
ડૉ. મનુભાઈ પ્રજાપતિ

ડૉ સંજય શાહ
આચાર્ય
પિલવાઇ કોલેજ

11/09/2026

'આત્મહત્યા નિવારણ' દિવસની ઉજવણી...
આજ રોજ તા-૧૧-૦૯-૨૦૨૬ નાં રોજ શ્રી યુ. પી. આર્ટસ, શ્રીમતિ એમ. જી. પંચાલ સાયન્સ અને શ્રી વી. એલ. શાહ કોમર્સ કોલેજ ખાતે 'આત્મહત્યા નિવારણ' દિવસની ઉજવણી કરવામાં આવી હતી. જેમા મનોવિજ્ઞાન વિભાગનાં અધ્યક્ષ ડૉ. કવિતાબેન વ્યાસ દ્વારા વિદ્યાર્થીઓને આત્મહત્યા એટલે શું? તેના કારણો, આત્મહત્યા માટે પ્રેરિત વ્યક્તિમાં જોવા મળતા વિવિધ સંકેતો, શારીરિક ફેરફારો તેમજ તેને રોકવા માટે આપણે શું કરી શકીયે? તે વિષે ઊંડી સમજ આપી હતી. તેમજ કોઈ વ્યક્તિ આત્મહત્યા કરવાનો પ્રયાસ કરી રહી છે. તેવું લાગે ત્યારે ક્યાં સંપર્ક કરવો જેમકે... વિવિધ હેલ્પલાઇન નંબર, નજીક નાં સલાહ કેન્દ્રો વગેરે વિષે વિદ્યાર્થીઓને માહિતગાર કરવામાં આવ્યા હતા. વિદ્યાર્થીઓએ મોટી સંખ્યામાં ઉપસ્થિત રહી કાર્યક્રમને માણ્યો હતો. તેમજ આ તબક્કે કોલેજ કેમ્પસમાં હાજર તમામ સ્ટાફમિત્રોએ પણ હાજર રહી કાર્યક્રમને સફળ બનાવ્યો હતો.
ડૉ સંજય શાહ
આચાર્ય
પિલવાઇ કોલેજ

Pilvai College

02/10/2026

29/09/2026

28/09/2026

26/09/2026

25/09/2026

19/09/2026

16/09/2026

16/09/2026

11/09/2026

11/09/2026

Address

Opening Hours

Telephone

Website

Alerts

Contact The School

Shortcuts

Share

Category

Listing takedown request

Monday	10:30am - 5pm
Tuesday	10:30am - 5pm
Wednesday	10:30am - 5pm
Thursday	10:30am - 5pm
Friday	10:30am - 5pm
Saturday	7:30am - 1pm