26/07/2023
ഡൽഹി നഗരത്തിലുടനീളമുള്ള 11,000 അംഗനവാടികളിലെ 1.8 ലക്ഷം കുട്ടികൾക്ക് അന്താരാഷ്ട്ര നിലവാരമുള്ള 'ഖേൽ പിടാര' വിദ്യാഭ്യാസ കിറ്റ് നൽകി.
കുട്ടികളെ കളിമണ്ണ്, മണൽ, കളിപ്പാട്ടങ്ങൾ തുടങ്ങി വിവിധ കളി സാമഗ്രികൾ ഉപയോഗിച്ച് പഠിക്കാനും കളിക്കാനും സഹായിക്കാനാണ് ഖേൽ പിടാര ശ്രമിക്കുന്നത്.
അംഗനവാടികൾ ആണ് രാജ്യത്തിന്റെ അടിത്തറ പാകുന്നത്. കോടികണക്കിന് കുട്ടികളുടെ ഭാവി നന്നാക്കുന്നതിൽ അംഗനവാടികളുടെ സ്വാധീനം വലുതാണ്. അംഗൻവാടി ജീവനക്കാരെ സ്വദേശത്തും വിദേശത്തും ഉള്ള സ്ഥാപനങ്ങളിൽ പരിശീലനത്തിനയക്കും. അവരുടെ മറ്റു ചുമതലകൾ കുറച്ചു, കുട്ടികളുടെ കാര്യങ്ങൾക്ക് ശ്രദ്ധ കേന്ദ്രികരിക്കാൻ സഹായിക്കും.
"ഇന്ത്യയിൽ മാത്രമല്ല, ലോകമെമ്പാടുമുള്ള ബാല്യകാല പരിപാടികൾ പഠിച്ചതിന് ശേഷമാണ് ഈ കിറ്റ് രൂപകൽപന ചെയ്തത്. ഇതിൽ പഠന സാമഗ്രികളും കുട്ടികൾക്കുള്ള കളിയും വിനോദത്തിനുള്ള വസ്തുക്കളും അടങ്ങിയിരിക്കുന്നു. തുടക്കം മുതൽ, എല്ലാ കുട്ടികൾക്കും മികച്ച വിദ്യാഭ്യാസം ഉറപ്പാക്കുക എന്നതാണ് ഞങ്ങളുടെ ലക്ഷ്യം, അവർ പണക്കാരനെന്നോ ദരിദ്ര കുടുംബത്തിൽ നിന്നോ ഉള്ളവരാണെന്നോ വ്യത്യാസമില്ലാതെ," ചടങ്ങിൽ സംബന്ധിച്ച ശ്രീ. കെജ്രിവാൾ പറഞ്ഞു.
