SDC SNGS College Pattambi

21/05/2022

സർട്ടിഫിക്കറ്റ് ഇൻ അക്കൗണ്ടിംഗ് ടെക്നീഷ്യൻ

സംസ്ഥാന സർക്കാർ കമ്പനിയായ അസാപ്പും ഐ.സി.എ.ഐയും സംയുക്തമായി നടത്തുന്ന സർട്ടിഫിക്കറ്റ് ഇൻ അക്കൗണ്ടിംഗ് ടെക്നിഷ്യൻ കോഴ്സിൽ സീറ്റ് ഒഴിവ്. 300 മണിക്കൂർ ദൈർഘ്യവും 45 ദിവസത്തെ ഇന്റേൺഷിപ്പും നൽകുന്ന കോഴ്സ് ഗവ വിക്ടോറിയ കോളേജിലാ നടക്കുന്നത്. ശനി, ഞായർ അവധി ദിവസങ്ങളിലായാണ് ക്ലാസ് നടത്തുന്നത്. കോഴ്സ് ഫീസ് അടക്കാൻ ഇ.എം.ഐ സൗകര്യവും കാനറാ ബാങ്കിന്റെ സ്കിൽ ലോണും ലഭ്യമാണ്. കൂടുതൽ വിവരങ്ങൾ 8089736215 നമ്പറിലും www.asapkerala.gov.in ലും ലഭിക്കും.

10/05/2022

മികവോടെ മുന്നോട്ട്: 90
-----

നൈപുണ്യ വികസനത്തിന് ഊന്നലുമായി ഇന്‍ഡസ്ട്രി ഓണ്‍ ക്യാമ്പസ്

* പഠനത്തോടൊപ്പം വരുമാനം

ഉന്നതവിദ്യാഭ്യാസ മേഖലയില്‍ നൈപുണ്യ പരിശീലനത്തിന് ഊന്നല്‍ നല്‍കുക എന്നത് സംസ്ഥാന സര്‍ക്കാരിന്റെ വിദ്യാഭ്യാസ ലക്ഷ്യങ്ങളിലൊന്നാണ്. അത്യാധുനിക യന്ത്രങ്ങളും ഉപകരണങ്ങളും ഉപയോഗിച്ച് പോളിടെക്‌നിക് ക്യാമ്പസുകളില്‍ ഉല്‍പ്പാദനം നടത്തുകയും അതുവഴി വിദ്യാര്‍ത്ഥികള്‍ക്ക് പഠനത്തോടൊപ്പം വരുമാനവും ഉറപ്പുവരുത്തുകയും ചെയ്യുന്ന ഉന്നത വിദ്യാഭ്യാസ വകുപ്പിനു കീഴിലുള്ള 'അസാപ്' മേല്‍നോട്ടത്തില്‍ നടപ്പാക്കുന്ന പദ്ധതിയാണ് ഇന്‍ഡസ്ടി ഓണ്‍ ക്യാമ്പസ്. 2019ലാണ് പദ്ധതിക്ക് തുടക്കമിട്ടത്. സംസ്ഥാനത്തെ 41 സര്‍ക്കാര്‍ പോളി ടെക്‌നിക്കുകളിലായി 6.5 കോടി രൂപയുടെ പദ്ധതിയാണ് ആവിഷ്‌കരിച്ചത്.

പാഠ്യപദ്ധതിയ്ക്ക് അനുസൃതമായി ക്യാംപസുകളില്‍ വ്യവസായങ്ങളുടെ യഥാര്‍ത്ഥ മാതൃക സൃഷ്ടിച്ച് വിദ്യാര്‍ത്ഥികള്‍ക്കു പ്രായോഗിക അറിവ് ആര്‍ജ്ജിക്കാനുള്ള അവസരമൊരുക്കുന്നത് പദ്ധതിയുടെ ഭാഗമാണ്. സി.എല്‍.സി, വെര്‍ട്ടിക്കല്‍ വെല്‍ഡിങ്, ലേസര്‍ കട്ടര്‍, വെല്‍ഡിങ് സ്റ്റേഷന്‍, റോബോട്ടിക്‌സ് ലാബ് തുടങ്ങിയ ഉയര്‍ന്ന നിലവാരത്തിലുള്ള ഉപകരണങ്ങള്‍, ആധുനിക യന്ത്രങ്ങള്‍ തുങ്ങിയവ പോളി ടെക്‌നിക്കുകളില്‍ സജ്ജമാക്കി. പഠനത്തോടൊപ്പം തന്നെ തൊഴില്‍പരിശീലനം നല്‍കുകവഴി മെച്ചപ്പെട്ട തൊഴിലവസരങ്ങള്‍ ലഭ്യമാക്കുക, സ്വന്തമായി സംരംഭങ്ങള്‍ ആരംഭിക്കാന്‍ വിദ്യാര്‍ത്ഥികളെ പ്രാപ്തരാക്കുക എന്നതാണ് പദ്ധതിയുടെ ലക്ഷ്യം. ഇന്‍ഡസ്ട്രി ഓണ്‍ ക്യാമ്പസില്‍ നിന്നുമുള്ള വരുമാനത്തിന്റെ അമ്പത് ശതമാനം വിദ്യാര്‍ത്ഥികള്‍ക്ക് ലഭ്യമാക്കും.

പഠനത്തോടൊപ്പം വരുമാനം നേടുന്നതിനൊപ്പം പഠനം കഴിഞ്ഞിറങ്ങുമ്പോള്‍ തന്നെ ജോലി ചെയ്തതിന്റെ പ്രവൃത്തിപരിചയ സര്‍ട്ടിഫിക്കറ്റുമായി വിദ്യാര്‍ത്ഥികള്‍ക്ക് ക്യാമ്പസ് വിട്ടിറങ്ങാന്‍ പറ്റുമെന്നത് വലിയ നേട്ടമാണ്. വ്യവസായശാലകളുടെ പങ്കാളിത്തത്തോടെ നടക്കുന്ന ഈ പരിശീലനവും ഉല്‍പ്പാദനവും മികച്ച തൊഴിലവസരങ്ങള്‍ കൈവരിക്കുവാനും സ്വന്തമായി സംരംഭങ്ങള്‍ ആരംഭിക്കുവാനും വിദ്യാര്‍ത്ഥികളെ പ്രാപ്തരാക്കും. ഉപരിപഠനം കഴിഞ്ഞു പുറത്തിറങ്ങുന്ന അഭ്യസ്ഥവിദ്യരായവര്‍ക്ക് ഏതു സ്ഥാപനത്തിലും ജോലി ചെയ്യാന്‍ കഴിയും വിധമാണ് ഇന്റേണ്‍ഷിപ്പ് വിഭാവനം ചെയ്തിരിക്കുന്നത്. ഇന്റേണ്‍ഷിപ് ചെയ്യുന്നവര്‍ക്കു സര്‍ക്കാര്‍ പ്രതിമാസം 5,000 രൂപ വീതം നല്‍കും. ചുരുങ്ങിയത് ഇത്രയും തുകയോ കൂടുതലോ സ്ഥാപന ഉടമയും നല്‍കണം. പഠനം പൂര്‍ത്തിയാക്കിയിറങ്ങുന്നവര്‍ക്ക് തുടക്കത്തില്‍ നേരിടുന്ന അനിശ്ചിതത്വം ഒഴിവാക്കാന്‍ ഇത് പ്രയോജനംചെയ്യും.

ഇന്‍ഡസ്ട്രി ഓണ്‍ ക്യാമ്പസ് സംരംഭത്തിലൂടെ ഇതുവരെ പോളി ടെക്‌നിക്കുകളുടെ അടിസ്ഥാന സൗകര്യ വികസനത്തിലേക്കായി കേരളത്തിലെ 41 പോളിടെക്‌നിക്കുകളിലായി 692,99,607.95 രൂപയുടെ ഉപകരണങ്ങള്‍ സ്ഥാപിക്കാന്‍ സാധിച്ചു. ഇന്‍ഡസ്ട്രി ഓണ്‍ കാമ്പസ് പരിപാടിയുടെ ഭാഗമായി സംരംഭക യൂണിറ്റുകള്‍ ആരംഭിക്കുകയും അതുവഴി വരുമാനം ഉണ്ടാക്കാനും സാധിച്ചത് മൂന്ന് സ്ഥാപനങ്ങള്‍ക്കാണ്. ഗവ. പോളിടെക്‌നിക്ക് കോളേജ് പാലക്കാട്, ഗവ. പോളിടെക്‌നിക്ക് കോളേജ് ആറ്റിങ്ങല്‍, ഗവ പോളിടെക്‌നിക്ക് കോളേജ് പെരുമ്പാവൂര്‍ എന്നിവയാണവ. 34,07,578 രൂപയാണ് ഇവരുടെ വരുമാനം. കൂടാതെ 21 ഗവ: പോളി ടെക്‌നിക്ക് സ്ഥാപനങ്ങളാണ് വിവിധ വ്യവസായ സ്ഥാപനങ്ങളുമായി ധാരണാപത്രം ഒപ്പുവെച്ച് നിര്‍മ്മാണത്തിന് സജ്ജമായിരിക്കുന്നത്.

നവ വൈജ്ഞാനിക സമൂഹം സൃഷ്ടിക്കുന്നതിന്റെ ഭാഗമായി ഉന്നത വിദ്യാഭ്യാസ സ്ഥാപനങ്ങളെ വ്യവസായ സംരംഭങ്ങളുമായി ബന്ധിപ്പിക്കുന്നതിനുള്ള ശ്രമങ്ങള്‍ അതിവേഗം പുരോഗമിക്കുകയാണ്. വിദ്യാര്‍ത്ഥികള്‍ ആര്‍ജ്ജിയ്ക്കുന്ന അറിവിനെ, സമൂഹത്തിനു പ്രയോജനപ്രദമായ നൂതന ആശയങ്ങളാക്കി മാറ്റാനും പദ്ധതി ലക്ഷ്യമിടുന്നു.

10/05/22 IPRD

15/03/2022

കെ- സ്‌കില്‍സ് ഉദ്ഘാടനം ചെയ്തു

അസാപ്പിന്റെ നേതൃത്വത്തില്‍ കെ-സ്‌കില്‍സ് സമ്പൂര്‍ണ നൈപുണ്യ വികസന പദ്ധതി ജില്ലാ കലക്ടര്‍ മൃണ്‍മയി ജോഷി ഉദ്ഘാടനം ചെയ്തു. അസാപ്പിന്റെ 2022 ആനുവല്‍ പരിശീലന കലണ്ടര്‍ പ്രകാശനം ചെയ്താണ് ഉദ്ഘാടനം നടത്തിയത്.കെ സ്‌കില്‍സിന്റെ പ്രാധാന്യത്തെപ്പറ്റിയും ഇപ്പോഴത്തെ തലമുറയ്ക്ക് അതിന്റെ ആവശ്യകതഎന്നീ സംബന്ധിച്ച് കലക്ടര്‍ സംസാരിച്ചു. പതിനഞ്ചിലധികം തൊഴില്‍ മേഖലകളിലായി നൂറിലധികം കോഴ്‌സുകളാണ് ഒരേസമയം ലോഞ്ച് ചെയ്യപ്പെടുന്നത്.ഐ. ടി, മീഡിയ, ഹെല്‍ത്ത് കെയര്‍, ലിംഗ്വിസ്റ്റിക്‌സ്, ബാങ്കിംഗ് തുടങ്ങിയ വിവിധ മേഖലകളിലെ ഹ്രസ്വകാല സ്‌കില്‍ കോഴ്‌സുകള്‍ യുവാക്കള്‍ക്ക് മികച്ച തൊഴിലവസരങ്ങള്‍ നല്‍കുമെന്നും കലക്ടര്‍ പറഞ്ഞു. നൂറിലധികം കോഴ്‌സുകളുടെ സംക്ഷിപ്ത വിവരണവും, ജോലി സാധ്യതകളും, സമയക്രമവും കലണ്ടറില്‍ ഉള്‍പ്പെടുത്തിയിട്ടുണ്ട്.

ജില്ലാ ഇൻഫർമേഷൻ ഓഫീസ് പാലക്കാട്

25/01/2022

*ഗ്രാഫിക് ഡിസൈനർ കോഴ്സ് 50% സബ്‌സിടിയോടെ നിങ്ങളുടെ വീടുകളിലിരുന്നു പഠിക്കാൻ അവസരം.*

അഡോബ് സോഫ്റ്റ് വെയറുകളായ Adobe Photoshop, Adobe Premiere Pro, Adobe After Effects, Adobe Illustrator, Adobe Indesign, Articulate Storyline എന്നീ സോഫ്റ്റ് വെയറുകൾ 216 മണിക്കൂർ (6 മാസം) കൊണ്ട് പഠിക്കാനുള്ള അവസരമാണ് അസാപ് ഒരുക്കുന്നത്.

ഈ സോഫ്റ്റ് വെയ്റുകളുടെ എല്ലാം 6 മാസത്തെ ലൈസൻസും കോഴ്സിനോടൊപ്പം വിദ്യാർത്ഥികൾക്ക് ലഭ്യമാക്കുന്നു...

കോഴ്സ് കാലാവധി - 216 മണിക്കൂർ

ഫീസ് - Rs 16000 (സെർട്ടിഫിക്കേഷനും ഉൾപ്പടെ)

സബ്‌സിഡി ഫീസ് - Rs 8000 + GST

പഠിപ്പിക്കുന്ന സോഫ്റ്റ് വെയറുകൾ

*1. Adobe Photoshop*
*2. Adobe Premiere Pro*
*3. Adobe After Effects*
*4. Adobe Illustrator*
*5. Adobe Indesign*
*6. Articulate Storyline*

എന്നീ സോഫ്റ്റ് വെയറുകൾ വളരെ കുറഞ്ഞ നിരക്കിൽ പഠിക്കാനുള്ള അവസരമാണ് വിദ്യാർത്ഥികൾക്കായി അസാപ് ഒരുക്കിയിട്ടുള്ളത്.

26 വയസ്സോ അതിൽ താഴെയുള്ള ബിരുദധാരികളായ റൂറൽ യുവതികൾക്കാണ് നിലവിൽ ഈ കോഴ്സ് പഠിക്കാൻ സാധിക്കുന്നത്.

പ്ലേസ്മെന്റ്: കോഴ്സ് വിജയകരമായി പൂർത്തിയാക്കുന്ന 100% വിദ്യാർത്ഥികൾക്കും പ്ലേസ്മെന്റ് അസിസ്റ്റൻസ് ലഭ്യമാക്കുന്നതാണ്.

കൂടുതൽ വിവരങ്ങൾക്ക് https://asapkerala.gov.in/course/graphic-designer/ എന്ന വെബ്സൈറ്റ് സന്ദർശിക്കുക

27/12/2021

മെഗാ ജോബ് ഫെയർ : 2022 ലേക്ക് രജിസ്റ്റർ ചെയ്യാം

പാലക്കാട് ജില്ലാ ഭരണകൂടത്തിന്റെ നേതൃത്വത്തിൽ 2022 ജനുവരി 16 ന് നടക്കുന്ന മെഗാ ജോബ് ഫെയറിലേക്ക് തൊഴിൽദാതാക്കൾക്ക് ഡിസംബർ 26 വരെ രജിസ്റ്റർ ചെയ്യാം. തൊഴിലന്വേഷകർക്ക് ഡിസംബർ 26 മുതൽ ജനുവരി 9 വരെ രജിസ്റ്റർ ചെയ്യാവുന്നതാണ്. വിവിധ യോഗ്യതകൾ ഉള്ള ആയിരത്തിന്നടുത്ത് ഉദ്യോഗാർത്ഥികൾക്ക് മേളയിൽ പങ്കെടുക്കാം. മികച്ച ഉദ്യോഗാർത്ഥികളെ തേടുന്ന തൊഴിൽദാതാക്കൾ www.statejobportal.kerala.gov.in എന്ന വെബ്സൈറ്റിൽ രജിസ്റ്റർ ചെയ്ത് മേളയിൽ പങ്കാളികളാകാം. ജില്ലാഭരണകൂടം, ജില്ലാ പ്ലാനിംഗ് ഓഫീസ്, ജില്ലാ നൈപുണ്യവികസന കമ്മിറ്റി എന്നിവയുടെ സംയുക്താഭിമുഖ്യത്തിൽ കേരള അക്കാദമി ഫോർ സ്കിൽ എക്സലൻസിന്റെ മേൽനോട്ടത്തിലാണ് പാലക്കാട് ഗവ. വിക്ടോറിയ കോളേജിൽ മേള സംഘടിപ്പിക്കുന്നത്. കൂടുതൽ വിവരങ്ങൾക്ക് 7306402567 എന്ന നമ്പറിൽ ബന്ധപ്പെടണം.

17/12/2021

ഫിനാന്‍സ് സ്‌കില്‍ ഡെവലപ്‌മെന്റ് എക്‌സിക്യൂട്ടീവ് നിയമനം

അസാപിന്റെ ഫിനാന്‍സ് സെക്ടറിന് കീഴില്‍ ഫിനാന്‍സ് സ്‌കില്‍ ഡെവലപ്‌മെന്റ് എക്‌സിക്യൂട്ടീവിനെ നിയമിക്കുന്നു. ബാങ്കിംഗ്/ നോണ്‍ ബാങ്കിംഗ്/ ഇന്‍ഷുറന്‍സ്/ സ്റ്റോപ്പ് ബ്രോക്കിങ് മേഖലകളില്‍ മൂന്നു വര്‍ഷത്തെ പ്രവൃത്തി പരിചയമുള്ള ബിരുദധാരികള്‍ക്ക് www.asapkerala.gov.in ല്‍ ഡിസംബര്‍ 28 നകം അപേക്ഷിക്കാവുന്നതാണ്. ഫോണ്‍: 9495999703.

10/12/2021

07/12/2021

02/11/2021

12/07/2021

അസാപ്പിലൂടെ ഓൺലൈൻ കോഴ്സുകൾ പഠിക്കാം

സംസ്ഥാന സർക്കാരിന്റെ തൊഴിൽ നൈപുണ്യ പരിശീലന സംരംഭമായ അസാപ് കേരള അത്യാധുനിക തൊഴിൽ മേഖലകളിൽ ഓൺലൈനായി പരിശീലനം നൽകുന്നു.

ദേശീയ-അന്തർദേശീയ വ്യവസായ-പരിശീലന സ്ഥാപനങ്ങളുമായി ചേർന്ന് നൽകുന്ന മികച്ച കോഴ്സുകളിൽ വ്യാവസായിക പ്രവർത്തി പരിചയമുള്ള അധ്യാപകർ പരിശീലനം നൽകുന്നു. വാരത്തിലോ വാരാന്ത്യത്തിലോ നടക്കുന്ന കോഴ്സുകൾ സുഗമമായി ഓൺലൈനായി പഠിക്കാവുന്നതാണ്. വിജയകരമായി കോഴ്സ് പൂർത്തിയാക്കുന്നവർക്ക് അതാത് ഇൻഡസ്ടറി അംഗീകരിച്ച സർട്ടിഫിക്കറ്റുകൾ ലഭിക്കുന്നതാണ്.

കോഴ്സുകളുടെ വിശദാംശങ്ങൾ:

1. ബികോം, ബിബിഎ, ബി.എ. എക്കണോമിക്സ് / ബി.എസ്.സി മാത്‍സ് യോഗ്യതയുള്ളവർക്കായി ജി.എസ്.ടി അക്കൗണ്ട്സ് അസിസ്റ്റന്റ്, അക്കൗണ്ടിംഗ് എക്സിക്യൂട്ടീവ്

2. ഗ്രാമീണ മേഖലയിൽ ഗ്രാഫിക് ഡിസൈനിങ് ഓൺലൈനായി അഭ്യസിക്കാൻ താത്പര്യമുള്ള ബിരുദം പൂർത്തിയാക്കിയ വനിതകൾക്കായി ഗ്രാഫിക് ഡിസൈനർ കോഴ്‌സ്

3. എഞ്ചിനീയറിംഗ് & കമ്പ്യൂട്ടർ സയൻസ് യോഗ്യതയുള്ളവർക്ക് (2019,2020,2021 വർഷങ്ങളിൽ കോഴ്സ് പൂർത്തിയാക്കിയവർക്കും,വരുന്ന വർഷം-2022 ഇൽ പൂർത്തിയാകുന്നവർക്കും) ചേരുവാനായി സൈബർ സെക്യൂരിറ്റി, ആമസോൺ വെബ് സർവീസ്-ക്‌ളൗഡ്‌ കമ്പ്യൂട്ടിങ് , ഡാറ്റ സയൻസിലെ ഫുൾ സ്റ്റാക്ക് ഡെവലപ്പർ കോഴ്സ്

4.ഹെൽത്ത് കെയർ മേഖലയിൽ ക്ലിനിക്കൽ റിസർച്ച് & ഫാർമ കോവിജിലൻസ് കോഴ്സ് - MD, MS, MBBS, BDS, BHMS, BAMS, BUMS, BPT, B Pharm, Bachelor's or Master's Degree in Life Sciences, Maths, Pharmacology, Pharmacy, Medical Emergency, Nursing, Biochemistry, Microbiology പൂർത്തിയാക്കിയവർക്കും ഫാർമസ്യൂട്ടിക്കൽ കമ്പനികളിലും ഹോസ്പിറ്റലുകളിലും വർക്ക് ചെയ്യുന്ന ബയോ ടെക്നോളജി പ്രൊഫെഷനലുകൾക്കും കോഴ്സിൽ ചേരാവുന്നതാണ്(കോഴ്സ് അംഗീകാരം: കൗൺസിൽ ഫോർ ക്ലിനിക്കൽ റിസർച്ച് ഫൌണ്ടേഷൻ USA & ഫാർമസ്യൂട്ടിക്കൽ സൊസൈറ്റി ഓഫ് ഇന്ത്യ)

മേൽപറഞ്ഞ കോഴ്സുകളുടെ വിശദാംശങ്ങൾക്കും രെജിസ്ട്രേഷനുമായി 9495999733 എന്ന നമ്പറുകളിലേക്കു ബന്ധപ്പെടുകയോ താഴെ കൊടുത്തിരിക്കുന്ന വെബ്സൈറ്റ് സന്ദർശിക്കുകയോ ചെയ്യുക
www.asapkerala.gov.in

18/06/2021

ASAP launches online courses...!!!!

Learn *GST Accounts Assistant and Accounts Executive course* through online...!!!

ASAP Kerala brings you the opportunity to learn GST Accounts Assistant course and Accounts Executive course from your own home...!!!

Course details

*GST Accounts Assistant*
Course Duration: *106 Hours*
Course Fees: *Rs 9000*
Eligibility: *B Com, BBA, BSC / BA Economics, BSc/ BA Maths*

*Accounts Executive (Payables and Receivables)*
Course Duration: *150 Hours*
Course Fees: *Rs 12,100*
Eligibility: *B Com, BBA, BSC / BA Economics, BSc/ BA Maths*

Dont waste this opportunity to become a *GST Account Assistant or an Accounts Executive* from your own home.

Get certified by *National Skill Development Council...!!!*

For more details and registration, kindly visit: http://asapkerala.gov.in/?q=node/1235