Patiala Society of Education " pmkvy "

ਚੰਗੇਜ਼ ਖਾਨ ਨੇ ਇੱਕ ਵਾਰ ਬੁਖਾਰਾ ਸ਼ਹਿਰ ਉੱਤੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਉਹ ਸਿੱਧੇ ਤੌਰ ‘ਤੇ ਅਜਿਹਾ ਨਹੀਂ ਕਰ ਸਕਿਆ। ਇਸ ਲਈ ਉਸਨੇ ਸ਼ਹਿਰ ਦੇ ਲੋਕਾਂ ਨੂੰ ਸੁਨੇਹਾ ਭੇਜਿਆ: “ਜੇ ਤੁਸੀਂ ਸਾਡੇ ਨਾਲ ਹੋ, ਤਾਂ ਤੁਸੀਂ ਸੁਰੱਖਿਅਤ ਹੋ।” ਬੁਖਾਰਾ ਦੇ ਲੋਕ ਦੋ ਧੜਿਆਂ ਵਿੱਚ ਵੰਡ ਗਏ। ਇੱਕ ਧੜਾ ਚੰਗੇਜ਼ ਖਾਨ ਦੀ ਗੱਲ ਸੁਣਨ ਲਈ ਤਿਆਰ ਨਹੀਂ ਸੀ, ਜਦਕਿ ਦੂਜੇ ਧੜੇ ਨੇ ਉਸਦੀ ਪੇਸ਼ਕਸ਼ ਮੰਨ ਲਈ। ਸਹਿਮਤੀ ਵਾਲੇ ਸਮੂਹ ਨੂੰ ਚੰਗੇਜ਼ ਖਾਨ ਨੇ ਦੂਜਾ ਸੁਨੇਹਾ ਭੇਜਿਆ: “ਜਿਨ੍ਹਾਂ ਨੇ ਇਨਕਾਰ ਕੀਤਾ ਹੈ, ਉਹਨਾਂ ਨਾਲ ਲੜਨ ਵਿੱਚ ਸਾਡੀ ਮਦਦ ਕਰੋ। ਜੇ ਤੁਸੀਂ ਇਹ ਕਰ ਦਿੰਦੇ ਹੋ, ਤਾਂ ਅਸੀਂ ਤੁਹਾਨੂੰ ਸ਼ਹਿਰ ਦਾ ਮਾਲਿਕ ਬਣਾ ਦੇਵਾਂਗੇ।” ਇਸ ਨਾਲ ਦੋਵੇਂ ਗੁੱਟਾਂ ਵਿੱਚ ਝਗੜਾ ਛਿੜ ਗਿਆ। ਚੰਗੇਜ਼ ਖਾਨ ਦਾ ਸਾਥ ਦੇਣ ਵਾਲਾ ਸਮੂਹ ਜਿੱਤ ਤਾਂ ਗਿਆ, ਪਰ ਫਿਰ ਚੰਗੇਜ਼ ਖਾਨ ਦੀਆਂ ਫੌਜਾਂ ਨੇ ਉਹਨਾਂ ਨੂੰ ਵੀ ਮਾਰ ਮੁਕਾਇਆ। ਚੰਗੇਜ਼ ਖਾਨ ਨੇ ਕਿਹਾ: “ਜੇ ਇਹ ਲੋਕ ਜਿਉਂਦੇ ਰਹਿਣ ਦੇ ਹੱਕਦਾਰ ਹੁੰਦੇ, ਤਾਂ ਇਹ ਸਾਡੇ ਲਈ ਆਪਣੇ ਹੀ ਲੋਕਾਂ ਦੇ ਵਿਰੁੱਧ ਨਾ ਲੜਦੇ। ਜੋ ਆਪਣੇਆਂ ਨੂੰ ਧੋਖਾ ਦੇ ਸਕਦਾ ਹੈ, ਉਹ ਬਿਗਾਨਿਆਂ ਨਾਲ ਧੋਖਾ ਕਿਉਂ ਨਹੀਂ ਕਰੇਗਾ!” ਨੋਟ: ਉਪਰੋਕਤ ਲੋਕ ਕਥਾ ਉਹਨਾਂ ਚੱਵਲਾਂ ਲਈ ਹੈ ਜੋ ਦੁਸ਼ਮਣ ਦੇ ਕੁਹਾੜੇ ਦਾ ਹੱਥਾ ਬਣ ਕੇ ਆਪਣੇ ਹੀ ਲੋਕਾਂ ਨੂੰ ਨੁਕਸਾਨ ਪਹੁੰਚਾਉਂਦੇ ਹਨ। ਪਰ ਯਕੀਨ ਕਰੋ—ਇਹ ਨਾ ਘਰ ਦੇ ਹੁੰਦੇ ਹਨ, ਨਾ ਘਾਟ ਦੇ।