https://youtube.com/c/LearnWithGurpreet

Learn with gurpreet, Patiala (2026)

15/10/2023

13/10/2023

🌹

02/10/2023

ਹੁਨਰ, ਹੌਸਲਾ, ਵਫਾ, ਲਿਆਕਤ
ਤੇਰੇ ਅੰਦਰ ਤਰਦੇ ਨੇ,
ਖੁਸ਼ੀਆਂ, ਇਸ਼ਕ, ਤਰੱਕੀ ਓਹਦੇ
ਜਿਹੜੇ ਕੋਸ਼ਿਸ਼ ਕਰਦੇ ਨੇ ॥

01/10/2023

🌹

29/09/2022

ਕੋਈ ਚਾਰ ਕੁ ਸਾਲ ਪਰਾਣੀ ਗੱਲ ਆ । ਕੇਰਾਂ ਮੈਂ ਘਰ ਗਿਆ ਤਾਂ ਮਾਸੜ ਹੁਰੀਂ ਆਗੇ ,ਸ਼ਾਮ ਨੂੰ ਰੋਟੀ -ਰੂਟੀ ਖਾ ਕੇ ਬਹਿਗੇ ਸਾਡੇ ਆਲ਼ੇ ਸਾਰੇ ਜਾਣੇ ।ਗੱਲਾਂ ਚੱਲ ਪੀਆਂ ਵਿਆਹ ਦੀਆਂ ਕਹਿੰਦੇ ਬੀ,"ਆ ਨਮਾਂ ਈ ਕੰਮ ਜਿਆ ਚੱਲ ਪਿਆ ਜਿਨੂੰ ਲਵ ਮੈਰਜ ਕਹਿੰਦੇ ਆ" ।ਅੱਧੇ ਜਾਣੇ ਤਾਂ ਕਹਿਦੇ ਵੀ,"ਚੱਲ ਵਧੀਆ ਜਵਾਕ ਸਿਆਣੇ ਆ ਆਪ ਈ ਦੇਖ ਲੈਂਦੇ ਆ ਆਵਦੇ ਸਾਬ ਨਾਲ਼"।

ਪਰ ਮਾਸੀ ਜਮਾਂ ਖਲਾਫ ਕਹਿੰਦੀ- "ਆਪਾਂ ਨੀ ਜਮਾ ਬੀ ਹਾਮੀ ਭਰਦੇ ਐਹ ਜੇ ਜਬਾਕਾਂ ਦੀ ।ਆ ਸਾਡੇ ਗਵਾਂਡ 'ਚ ਹੋਇਆ ਸੀ ਪਿਛੇ ਜੇ । ਪੈਲਾਂ ਪੈਲਾਂ ਤਾਂ ਆਏਂ ਜਾਇਆ ਕਰਨ ਸੈਰ ਕਰਨ, ਬੀ ਬਸ ਏਹੀ ਆ ਪਿੰਡ ਚ’ ਜੋੜੀ। ਬਾਕੀ ਤਾਂ ਬਸ ਟੈਮ ਟਪੌਂਦੇ ਫਿਰਦੇ ਆ । ਪਰ ਜਦੋਂ ਲੰਘੇ ਚਾਰ ਕੁ ਮੀਨੇ , ਕਹਿੰਦੇ - ਬਈ ਹੋਗੇ ਛਿਤਰੋ-ਛਿਤਰੀ। ਮੁੰਡਾ ਤਾਂ ਬਾਲ਼ਾ ਈ ਕੁੱਟਿਆ ਕਰੇ ਕੁੜੀ ਨੂੰ । ਬਚਾਰੀ ਤੇ ਤਰਸ ਬੀ ਆਇਆ ਕਰੇ ਨਾਲ਼ੇ ਗੁੱਸਾ ਬੀ । ਬਸ ਮੈ ਲਾ ਲਿਆ ਸਾਬ ਬੀ ਆ ਹੈਨੀ ਕੋਈ ਕੰਮਾਂ ਚੋਂ ਕੰਮ ਮਰਜੀ ਨਾਲ਼ ਵਿਆਹ ਕਰੌਣ ਦਾ"।

ਤੇ ਓਦਾਂ ਈ ਮੈ ਬੀ ਬਕੀਲਾਂ ਬਾਗੂੰ ਦਲੀਲ ਜੀ ਦੇਣ ਲੱਗੱਆ ਕਿ, "ਹੋਇਆ ਤਾ ਖਮਾਣੋ ਆਲ਼ੀ ਭੂਆ ਦੀ ਬੱਡੀ ਕੁੜੀ ਦਾ ਵੀ ਸੀ।ਉਹ ਤਾਂ ਤਾਏ ਹੋਰਾਂ ਨੇ ਆਬਦੀ ਮਰਜੀ ਨਾਲ਼ ਕੀਤਾ ਸੀ ਦੇਖ ਪਰਖ ਕੇ ।ਪਹਿਲਾਂ ਤਾਂ ਕਹਿੰਦੇ ਸੀ ਮੁੰਡਾ ਬਾਲ਼ਾ ਈ ਸਾਊ ਆ ਬਾਦ 'ਚ ਤਾਂ ਉਨਾਂ ਦਾ ਬੀ ਬਥੇਰਾ ਕਲ਼ੇਸ਼ ਹੋਇਆ। ਕਹਿੰਦੇ ਸੀ ਮੁੰਡਾ ਬਾਲ਼ਾ ਈ ਕੁੱਟਦਾ ਮਾਰਦਾ ਕੁੜੀ ਨੂੰ । ਪਰ ਹੁਣ ਜੇ ਖਾਣੇ ਛਿੱਤਰ ਈ ਆ ਤਾਂ ਘੱਟੋ ਘੱਟ ਬੰਦਾ ਤਾਂ ਆਬਦੀ ਪਸੰਦ ਦਾ ਹੋਣਾ ਚਾਈਦਾ ।"
ਕੇਰਾਂ ਤਾਂ ਸਾਰੇ ਚੱਕਰਾਂ ਚ’ ਪਾਤੇ ਕਹਿੰਦੇ - "ਗੱਲ ਤਾਂ ਬੀ ਠੀਕ ਆ ਛੋਟਿਆ ਤੇਰੀ।"

ਅੱਜ ਉਦਾਂ ਈ ਬਰਨਾਲ਼ੇ ਵੱਲ ਦੀਆਂ ਖਬਰਾਂ ਮਬੈਲ ਚ’ ਦੇਖ ਕੇ ਗੱਲ ਯਾਦ ਆਗੀ । ਬਾਕੀ ਬਾਈ ਮੌਜੂਦਾ ਸਰਕਾਰ ਨਾਲ਼ ਨਾਂ ਜੋੜਿਓ ਇਹਨੂੰ ਕੋਈ।
ਲਿਖਤਮ- ਗੁਰਪ੍ਰੀਤ ਸਿੰਘ(ਥਾਪਰ ਆਲ਼ੇ ਰਸਚਰ ਸਕਾਲਰ)