Netaji Alumni Association Pramadom

20/12/2023

#വാകമരച്ചോട്ടിൽ_ഒരുവട്ടംകൂടി
നേതാജി പൂർവ്വ വിദ്യാർത്ഥി സമ്മളനം.
ഓർമ്മകളുടെ തിരുമുറ്റത്തേക്ക് ഏവർക്കും സ്വാഗതം..
Dec.23 2pm

02/10/2016

മല്ലശ്ശേരി പ്രവാസി അസോസിയേഷനും നേതാജി അലുമ്നി uae ചാപ്റ്ററും സംയുക്തമായി സംഘടിപ്പിക്കുന്ന ഓണാഘോഷവും വാര്‍ഷികാഘോഷവും അനുമോദന ചടങ്ങുകളും ഒരു ചരിത്ര വിജയമാക്കുവാന്‍ എല്ലാ പ്രവാസികളോടും വിനീതമായി അഭ്യര്‍ത്ഥിക്കുകയാണ്...പ്രവാസ ജീവിതത്തിലെ തിരക്കുകള്‍ക്കിടയിലും മാസങ്ങളോളം നീണ്ടുനില്ക്കുന്ന തയ്യാറെടുപ്പുകളാണ് പ്രിയ സഹോരങ്ങള്‍ നടത്തിക്കൊണ്ടിരിക്കുന്നത്.അതിന് ഈ സുമനസ്സുകളുടെ ചാലകശക്തി വിദ്യാലയത്തോടും നാടിനോടുമുള്ള നിസ്സീമമായ സ്നേഹാദരങ്ങള്‍ മാത്രമാണെന്ന് തിരിച്ചറിയുന്നു.ആ നന്മ മനസ്സുകളോട് കെെകൊര്‍ക്കുവാന്‍ ഞങ്ങളും എത്തുന്നു.'ഒക്ടോബര്‍ 7'എന്ന സുദിനത്തില്‍...പ്രവാസികളായ എല്ലാവരെയും കാണാനെത്തുന്ന ദിനത്തില്‍ പരമാവധി ആളുകളെ പങ്കെടുപ്പിക്കുവാനും സംഘാടനത്തില്‍ ഭാഗഭാക്കാവാനും ഹൃദയപൂര്‍വ്വം അഭ്യര്‍ത്ഥിക്കുന്നു...ആ ശുഭദിനത്തിനായ് കാത്തിരിക്കുന്നു...🌺🌸🌻

02/10/2016

ചരിത്രം കുറിച്ച് അഭിജിത്ത് അമല്‍ രാജ്
____________________________
ഇറ്റലിയിലെ നൊവാരോയില്‍ വെച്ച് നടന്ന 61ാമത് ലോക റോളര്‍ സ്ക്കേറ്റിംഗ് ചാമ്പ്യന്‍ ഷിപ്പില്‍ ഭാരതത്തെ പ്രതിനിധീകരിച്ച് പങ്കെടുത്ത പ്രമാടം നേതാജി സ്ക്കൂള്‍ വിദ്യാര്‍ത്ഥി അഭിജിത്ത് അമല്‍ രാജ് വെള്ളി മെഡല്‍ കരസ്ഥമാക്കി.ഒന്നാം സ്ഥാനം അമേരിക്കയുടെ കോളിന്‍ മോളിലിയും മൂന്നാം സ്ഥാനം ചെെനയുടെ വാന്‍ ഹാരിയും കരസ്ഥമാക്കി.റോളര്‍ സ്ക്കേറ്റിംഗ് അര്‍ജ്ജുന അവാര്‍ഡ് ജേതാവ് അനൂപ് കുമാര്‍ യാമ നയിക്കുന്ന ഇന്ത്യന്‍ ടീമിലെ ഏക മലയാളി താരമാണ് അഭിജിത്ത് അമല്‍ രാജ്.ജനുവരിയില്‍ അഹമ്മദാബാദില്‍ വെച്ച് നടന്ന ദേശീയ റോളര്‍ സ്ക്കേറ്റിംഗ് ചാമ്പ്യന്‍ ഷിപ്പില്‍ സ്വര്‍ണ്ണമെഡലും ഏറ്റവും മികച്ച സ്ക്കേറ്ററിനുള്ള പുരസ്ക്കാരം കരസ്ഥമാക്കുകയും ചെയ്തു.ഒക്ടോബര്‍ 23 മുതല്‍ നവംമ്പര്‍ 3 വരെ ചെെനയിലെ ലിഷു വില്‍ വെച്ചു നടക്കുന്ന ഏഷ്യന്‍ ചാമ്പ്യന്‍ ഷിപ്പിലേക്ക് തെരഞ്ഞെടുക്കപ്പെട്ടിട്ടുണ്ട്.ലോക റോളര്‍ സ്ക്കേറ്റിംഗ് ചാമ്പ്യന്‍ ഷിപ്പില്‍ മെഡല്‍ നേടുന്ന ഏറ്റവും പ്രായം കുറഞ്ഞ താരമാണ് അഭിജിത്ത് .ചരിത്രത്തില്‍ ഈ നേട്ടം നേടുന്ന ഏക മലയാളി ആയ അഭിജിത്ത് കോന്നി ബിജുവില്ലയില്‍ ബിജുരാജന്റെയും സുജ ബിജുവിന്റെയും ഏക മകനാണ്.

22/09/2016

Malayala Manorama Gulf Edition

21/07/2016

ചാന്ദ്ര ദിനത്തിൽ ചുവർ ചിത്രവുമായ് ദേവുവും ഹിമയും ..
_______________________________________________
ഇന്ന് ജൂലെെ 21 ,ചാന്ദ്ര ദിനത്തിൽ ദേവു.പി.ദാസും,ഹിമ.പി.ദാസും ചിത്രങ്ങൾ വരച്ചത് കടലാസിലല്ല ഫിസിക്സ് ലാബിന്റെ ചുവരിലാണ്..സഹോദരിമാരായ ഇവർ സംസ്ഥാന ചിത്രരചനാ മൽസരങ്ങളിലെ വിജയികളാണ്.റബ്ക്കോ ഉദ്യോഗസ്ഥനും ചിത്രകാരനുമായ പ്രേംദാസിന്റെയും പഞ്ചായത്ത് ഉദ്യോസ്ഥ വിജയശ്രീയുടെ മക്കളാണ്.

20/07/2016

പുതുതലമുറയ്ക്ക് മണ്ണിനെ അറിയാൻ പഴമയുടെ കൃഷി പാഠവുമായ് പരമുപിള്ളച്ചേട്ടൻ..
______________________________
പരമു പിള്ളച്ചേട്ടൻ എന്നുവിളിക്കുന്ന ശ്രീ.പരമേശ്വരൻ നായർക്ക് വയസ്സ് 85.പൂർണ്ണ ആരോഗ്യവാൻ.70 വർഷമായി നാട്ടിലെ നല്ല കർഷകനാണ്.പ്രമാടത്തിന്റെ കാർഷിക സമൃദ്ധിയും കർക്കിടകത്തിനറെ കഷ്ടതകളും വിവിധ കൃഷിരീതികളും തുടങ്ങി കുട്ടികളോട് പറയാൻ അറിവുകളനവധി...ഇന്ന് രണ്ടര മണിക്കൂർ കുട്ടികൾ മണ്ണിന്റെ മണമറിഞ്ഞു..മഹത്വമറിഞ്ഞു...മണ്ണിൽ ഇറങ്ങാൻ മനസ്സുണർന്നു...പരമുപിള്ളച്ചേട്ടന് നന്ദി...

18/07/2016

മണ്ടേല ദിനം...മനുഷ്യാവകാശപ്രവർത്തകർക്ക് എന്നും ആവേശമായ നെൽസൺ മണ്ടേലയുടെ ജന്മദിനമാണ് ഇന്ന്..ജൂലെെ 18 എെക്യരാഷ്ട്രസഭ മണ്ടേല ദിനമായി ആചരിക്കുന്നു.

11/07/2016

08/07/2016

വിദ്യാജ്യോതി...ഒരുലക്ഷം രൂപയുടെ സ്ക്കോളർഷിപ്പുമായ് 1986ബാച്ച് പൂർവ്വവിദ്യാർത്ഥികൾ നേതാജിയിൽ...
____________________________
മുപ്പത് വർഷങ്ങൾക്ക് മുൻപ് പഠിച്ചവിദ്യാലയത്തിലേക്ക് 1986 ബാച്ച് പൂർവ്വവിദ്യാർത്ഥികൾ ഇന്ന് കടന്നുവന്നത് ഒരുലക്ഷംരൂപയുടെ സ്ക്കോളർഷിപ്പുമായാണ്.വിദ്യാ ജ്യോതി എന്ന ഈ പദ്ധതിക്ക് ശ്രീ വിനോദ്,ശ്രീ അനൂപ് ,ശ്രീ.പ്രഭ,ശ്രീ.രാജേന്ദ്രപ്രസാദ് ,ശ്രീ.റെജി,ശ്രീ.അനിൽ എന്നിവർ നേതൃത്ത്വം നല്കി.25 വിദ്യാർത്ഥികൾക്കാണ് ധനസഹായം ലഭിച്ചത്.കഴിഞ്ഞ വർഷവും 15 വിദ്യാർത്ഥികൾക്ക് സ്ക്കോളർഷിപ്പ് നല്കിയിരുന്നു.വർഷങ്ങൾക്ക് ശേഷവും മാതൃവിദ്യാലയത്തെ ഓർക്കുവാനും പുതുതലമുറയ്ക്ക് തണലേകാനും ഈ സുമനസ്സുകൾക്ക് കഴിഞ്ഞതിൽ നേതാജിയുടെ ഹൃദയം നിറഞ്ഞ നന്ദി അറിയിക്കട്ടെ ...

06/07/2016

ആഘോഷങ്ങളുടെ ചുവന്നാക്ഷരങ്ങളില്‍, തീയ്യതികളുടെ ചാക്രികതയില്‍ ഒരിക്കല്‍ കൂടി കലണ്ടര്‍ നമ്മെ ഓര്‍മ്മപ്പെടുത്തുന്നു ബലി പെരുന്നാള്‍.....
ആഘോഷങ്ങളെല്ലാം സന്തോഷം പരസ്പരം പകരാന്‍, വേദനകള്‍ മറന്നു പുഞ്ചിരിക്കാന്‍ നമുക്കു വീണു കിട്ടുന്ന മുഹൂര്‍ത്തങ്ങളാണ്‌ .ജാതി-മത-വര്‍ണ്ണ-രാഷ്ട്രീയ അതിര്‍ വരമ്പുകള്‍ നമ്മെ ഏതു വേറിട്ട കള്ളികളില്‍ നിര്‍ത്തുമ്പോഴും, ആ വേര്‍തിരിവുകള്‍ എത്ര ദുര്‍ബ്ബലമാണെന്നു നമ്മെ ബോധ്യപ്പെടുത്തി, നമുക്ക് പരസ്പരം ഒഴുകി നിറഞ്ഞ് അലിയാന്‍ കഴിയുന്നു എന്നുള്ളതാണു ഓരോ ആഘോഷവും നമുക്കു നല്‍കുന്ന സന്ദേശവും....

ഒരോ മതങ്ങള്‍ക്കും സംസ്ക്കാരങ്ങള്‍ക്കും ദേശങ്ങള്‍ക്കും എല്ലാ വിഭാഗങ്ങള്‍ക്കും അവരുടേതായ അഘോഷങ്ങളും പങ്കുവെക്കലുകളും ഉണ്ട് . അവയെല്ലാം സങ്കുചിതങ്ങളായ വീക്ഷണങ്ങള്‍ മാറ്റി വെച്ചു കൊണ്ടു പൊതു സമൂഹത്തിന്‍റേതായി മാറുമ്പോള്‍ മാത്രമാണ് അവ അക്ഷരാര്‍ത്ഥത്തില്‍ ആഘോഷങ്ങള്‍ ആയി മാറുന്നത് .

എത്ര രൂപങ്ങളില്‍, എത്ര വര്‍ണ്ണങ്ങളില്‍ ,എത്ര ഭാഷകളില്‍ ,എത്ര വാക്കുകളില്‍ നിര്‍വ്വചിച്ചാലും മനുഷ്യന്‍റെ മനസ്സിന്‍റെ നന്മകളിലേക്ക് ഊര്‍ന്നിരങ്ങുന്ന , അവന്‍റെ അന്തരാത്മാവിന്‍റെ തെളിനീര്‍ അരുവിയില്‍ മുഖം നോക്കുന്ന ദൈവം എന്ന വിശുദ്ദാത്മാവ് നമ്മെ ഏല്‍പ്പിച്ചു പോയ വിശുദ്ദ മുഹൂര്‍ത്തങ്ങളാണ്‌ ഒരോ ആഘോഷങ്ങളും.......

പൊള്ളുന്ന മണല്‍ക്കാട്ടില്‍ പ്രിയതമയേയും കൈക്കുഞ്ഞിനേയും തനിച്ചാക്കി ദൈവ നിയോഗത്തിലേക്കു യാത്രയായി കര്‍മ്മയോഗിയായ പ്രവാചകന്‍ ഇബ്രാഹിം (അ) !

ഉഷ്ണഭൂമിയില്‍ ദാഹിച്ചു തളര്‍ന്ന പിഞ്ചു കുഞ്ഞ് വെള്ളത്തിനായി കരഞ്ഞു തളര്‍ന്നപ്പോള്‍ വിശന്നു പൊരിഞ്ഞ തന്‍റെ മാറില്‍ കുഞ്ഞിനു നല്‍കാന്‍ ഒരിറ്റു മുലപ്പാല്‍ പോലും ഇല്ലെന്നറിഞ്ഞ ഹാജറാ ബീവി വിധിയെ പഴിച്ചില്ല,

ഞങ്ങള്‍ക്കിനി ആരെന്ന ചോദ്യത്തിന്‍ നിങ്ങള്ക്ക് അള്ളാഹു ഉണ്ടെന്ന ആശ്വാസ വചനത്തെ മാത്രം മുറുകെ പിടിച്ച് തപസ്സിരുന്നുമില്ല.

കുഞ്ഞിനെ മരുഭൂമിയില്‍ കിടത്തി സഫാ-മാര്‍വ്വാ മലകള്‍ക്കിടയില്‍ ഒരിത്തിരി ദാഹജലം ലഭിക്കുമോ എന്നു തേടി ഓടി അലഞ്ഞു. പ്രാര്‍ത്ഥനകള്‍ക്കൊപ്പം മനുഷ്യ പ്രയത്നം കൂടി വേണമെന്ന പാഠത്തിനു അടി വരയിടുകയായിരുന്നു അവര്‍!

തളര്‍ന്നു കൈക്കാല്‍ ഇട്ടടിച്ച കുഞ്ഞിന്‍റെ കാല്‍ക്കീഴില്‍ മണല്‍ത്തരികള്‍ വകഞ്ഞു മുകളിലേക്ക് ഉറവ പൊട്ടീ ദിവ്യജലം...!

ദാഹം തീരുവോളം ഹാജറായും മകന്‍ ഇസ്മായീലും ആ തെളിനീര്‍ കുടിച്ചു .അണ മുറിയാത്ത പ്രവാഹത്തെ കെട്ടി നിര്‍ത്താന്‍ ചുറ്റുമുള്ള കല്ലുകള്‍ കൂട്ടി വെച്ചു നോക്കീ ഹാജറാ ബീവി ...!

എന്നിട്ടും ജലപ്രവാഹം നില്‍ക്കാതായപ്പോള്‍ ഹാജറാ വെള്ളത്തോട്‌ മൊഴിഞ്ഞൂ...

'സംസം' ശമിക്കൂ പ്രവാഹമേ..!

മരുഭൂമിയില്‍ കെട്ടി നില്‍ക്കും ജല സാനിധ്യം കണ്ട് മുകളില്‍ വട്ടമിട്ടു പറന്നൂ പരുന്തുകള്‍ ..!

ദൂരെ നിന്നു പരുന്തുകള്‍ വലം വെക്കുന്നതു കണ്ട് വെള്ളം ലഭിക്കുന്നിടത്ത് കച്ചവടക്കാർ തമ്പടിക്കാന്‍ വന്നൂ
വിശ്രമ സങ്കേതങ്ങള്‍ പൊതു വാണിഭ കേന്ദ്രങ്ങളും അധിവാസ പ്രദേശങ്ങളുമായി ജനപഥം വളര്‍ന്നു .. അങ്ങിനെ മക്കാ എന്ന വിശുദ്ധ നഗരമുണ്ടായീ എന്നു ചരിത്രം...!ഏവർക്കും നേതാജിയുടെ ഈദ് മുബാറക്ക്...

05/07/2016

ബേപ്പൂർ സുൽത്താൻ അനുസ്മരണം നേതാജിയിൽ ....