DPEO PATAN

પાટણ જિલ્લા ખેલ મહાકુંભ 2025 માં pm shri ગૂમડા મસ્જિદ કન્યા પ્રા શાળા,પાટણ એ સમગ્ર જિલ્લામાં બીજો નંબર પ્રાપ્ત કરી ને 100000/- રૂપિયાનું પુરસ્કાર પ્રાપ્ત કરવા બદલ સમગ્ર ટીમ ને ખૂબ ખૂબ અભિનંદન 🌹🌹🌹🌹🌹

શિક્ષણનો ઉજાસ: પાટણ જિલ્લામાં શ્રમિકોના સંતાનો હવે બનશે સુશિક્ષિત! 📚✨
​પાટણ જિલ્લા વહીવટી તંત્ર દ્વારા એક સરાહનીય પહેલ કરવામાં આવી છે. અન્ય રાજ્યોમાંથી મજૂરી અર્થે આવેલા પરિવારોના બાળકો શિક્ષણથી વંચિત ન રહે તે માટે 'કામના સ્થળે જ હંગામી શિક્ષણ' આપવાની વ્યવસ્થા શરૂ કરવામાં આવી છે.

માનનિય જિલ્લા પ્રાથમિક શિક્ષણાધિકારી સાહેબ પાટણની શાળાઓની પ્રેરક મુલાકાત

જિલ્લા પ્રાથમિક શિક્ષણાધિકારી સાહેબ શ્રી નરેન્દ્રસિંહ ચાવડા સાહેબે પાટણ જિલ્લાની સંખારી શાળાની પ્રેરક મુલાકાત લીધી. આ શાળામાં અભ્યાસ કરતી
રબારી રાજલે નૅશનલ મિન્સ કમ મેરીટ સ્કોલરશીપ પરીક્ષામાં ૧૮૦ ગુણ માંથી ૧૬૯ ગુણ પ્રાપ્ત કરી ખુબજ ઉજ્જવળ પરિણામ મેળવેલ છે. સાહેબશ્રીએ શાળાની રૂબરૂ મુલાકાત લઈ શાળાની આ દીકરી તથા તેને આ પરીક્ષાની તૈયારી કરાવનાર તમામ શિક્ષકો અને સમગ્ર શાળા પરિવારને અભિનંદન પાઠવ્યા હતા.
અત્રે નોંધનિય બાબત એ છે કે શાળાઓની સિધ્ધિ તથા શિક્ષકો અને વિદ્યાર્થીઓની સફળતાઓને પ્રોત્સાહિત કરવા જિલ્લા પ્રાથમિક શિક્ષણાધિકારી શ્રી ડૉ.નરેન્દ્રસિંહ ચાવડા સાહેબ અવારનવાર શાળાઓની મુલાકાત લઈ રહ્યા છે જેના કારણે શિક્ષકોના અને વિદ્યાર્થીઓને સારું પરફોર્મન્સ કરવાની પ્રેરણા મળી રહી છે

પાટણ તાલુકાની રૂની પ્રાથમિક શાળામાં વાર્ષિકોત્સવની ભવ્ય ઉજવણી અને દાનની સરવાણી! 🏫✨

પાટણ તાલુકાની રૂની પ્રાથમિક શાળા ખાતે શૈક્ષણિક વર્ષ ૨૦૨૫-૨૬નો વાર્ષિકોત્સવ ખૂબ જ ઉત્સાહભેર ઉજવવામાં આવ્યો. તાલુકા પ્રાથમિક શિક્ષણાધિકારી શ્રી મહેન્દ્રભાઈ મકવાણાના અધ્યક્ષસ્થાને યોજાયેલા આ કાર્યક્રમમાં શાળાના બાળકોએ પોતાની કળાના રંગ પાથર્યા હતા.

કાર્યક્રમની મુખ્ય ઝલક:

🌟 બાળકોની પ્રતિભા: બાલવાટિકા થી ધોરણ ૮ સુધીના ૧૮૦ જેટલા વિદ્યાર્થીઓએ ભાગ લીધો.

🎭 સાંસ્કૃતિક કાર્યક્રમો: 'બાકી સબ ફર્સ્ટ ક્લાસ હૈ', 'ધ સ્કૂલ ડ્રામા', 'રણછોડ રંગીલા', 'દ્વારિકાનો નાથ' અને 'દેશભક્તિ ગીત' જેવી ૧૪ જેટલી કૃતિઓ દ્વારા બાળકોએ સામાજિક જાગૃતિ અને રાષ્ટ્રભક્તિનો સંદેશ આપ્યો.

💰 દાનની સરવાણી: શાળાના વિકાસ માટે દાતાઓ દ્વારા અંદાજે રૂ. ૫.૨૫ લાખ જેટલું માતબર દાન મળ્યું છે.

ઉદાર દાતાઓનું યોગદાન:

શ્રીમતી લક્ષ્મીબેન ગાન્ડાભાઈ રબારી (સરપંચશ્રી): રૂ. ૧,૧૧,૧૧૧/- (કોમ્પ્યુટર લેબ ફર્નિચર માટે).

શ્રી ઈશ્વરભાઈ જી. ચૌધરી (શિક્ષક): માતુશ્રી પુરીબેનના સ્મરણાર્થે રૂ. ૧,૦૦,૦૦૧/- (ભાષા ખંડ વિકાસ માટે).

શ્રીમતી ભારતીબેન પી. પટેલ (શિક્ષિકા): રૂ. ૩૫,૦૦૦/- (સ્વેટર અને અન્ય વસ્તુઓ માટે).

અન્ય દાતાઓ દ્વારા પણ વસ્તુ સ્વરૂપે સહયોગ પ્રાપ્ત થયો છે.

શાળાના આચાર્ય શ્રી ઇબ્રાહિમભાઈ ખોખરે તમામ દાતાઓનો આભાર વ્યક્ત કર્યો હતો. ગ્રામજનો અને શિક્ષકોના સહયોગથી થયેલો આ કાર્યક્રમ ખરેખર પ્રેરણાદાયી રહ્યો.

https://divya.bhaskar.com/2uktYHbPS0b

પાટણમાં 190 બાળકોને કામના સ્થળે... બાળ મજૂરી નાબૂદી અભિયાન હેઠળ વહીવટી તંત્રનો...

https://www.facebook.com/share/1ApwsXRjgm/

શિક્ષણ સૌ માટે – સપનાઓને મળતો નવો માર્ગ 🌱
સમગ્ર શિક્ષા કચેરી, પાટણના માર્ગદર્શનથી તથા
બી.આર.સી. ભવન, સિધ્ધપુર અને સી.આર.સી. કાકોશીના સંયુક્ત પ્રયત્નોથી
ઇંટ ભઠ્ઠામાં મજૂરી અર્થે આવેલ કામદારોના બાળકો—
જેઓ શાળામાં ભણવાની વયજૂથના છે—
તેમને શિક્ષણનો અધિકાર કાયદા (RTE) અનુસાર
ગુણવત્તાયુક્ત શિક્ષણ મળી રહે તે માટે
બાળકોનું સર્વે કરી
સ્પેશિયલ ટ્રેનિંગ પ્રોગ્રામ હેઠળ શિક્ષણ વર્ગ શરૂ કરવામાં આવ્યો છે.
આ પહેલ માત્ર વર્ગ શરૂ કરવાનો પ્રયાસ નથી,
પણ બાળમજૂરી સામે આશાનો દીવો છે,
અને દરેક બાળકના ઉજ્જવળ ભવિષ્ય તરફનું મજબૂત પગલું છે.
જ્યાં પુસ્તકો પહોંચે છે, ત્યાં ભાગ્ય બદલાય છે.
દરેકના માટે શિક્ષણ – એ જ સાચું રાષ્ટ્ર નિર્માણ.
#શિક્ષણસૌમાટે


#સમગ્રશિક્ષા