VEDH Parbhani

Parbhani Talks

"वेध (Vocational Education Direction and Harmony) हा व्यवसाय मार्गदर्शन परिषद म्हणून चालू झालेला आय.पी.अेच्.चा उपक्रम आता पंचविशीच्या उंबरठयावर येऊन ठेपलाय. वेधचा आणखी एक अर्थ म्हणजे मोती, माणिक इत्यादी रत्नांना छिद्र करण्याची क्रिया! ही क्रिया योग्य ठिकाणी योग्य पद्धतीने झाली तरच तो मोती अगर माणिक एका धाग्यात गुंफून त्याचा आकर्षक हार बनविता येतो. वेध परिषदेच्या व्यासपीठावर विविध व्यावसायिक क्षेत्

रातल्या अग्रगण्य व्यक्तींना आमंत्रित करून आपल्या जीवनाचे श्रेयस् आणि प्रेयस् गवसल्याने यांचे योग्य छिद्र, योग्य ठिकाणी योग्य वेळी पाडले गेल्याने अत्यंत सुंदर सर ओवले गेलेले आहेत. हे व्यासपीठ व्यवसायाची निवड कशी करावी ह्या टप्यावर सुरु झाले आणि योग्य मार्गक्रमणामुळे आजच्या तारुण्याच्या उंबरठयावर कसे जगायचे हे सांगणारे व्यासपीठ बनले आहे. म्हणून ठाण्यापासून सुरु झालेल्या या उपक्रमाचा विस्तार आज महाराष्ट्रातल्या पुणे, नाशिक, औरंगाबाद, लातूर, अहमदनगर, कल्याण, परभणी, कोल्हापूर, पेण यांसारख्या विविध शहरांत झाला आहे." "उत्तम पॅकेजिंग आणि सशक्त आशय यांची सांगड नेटकी असेल तर काय जादू घडते याचं वेध हे मूर्तिमंत उदाहरण आहे. वेधचा आणखी एक अर्थ चित्ताकर्षणपणा! तो तुम्हाला या उपक्रमात नेहमीच अनुभवायला मिळेल. आज पंचवीस वर्षांनंतरही काळ बदलला, पिढया बदलल्या पण वेध मात्र आपलं आकर्षण कायम ठेऊन आहे. वेधच्या सूत्रात वेधचे यश आहे. छिद्र पडलेल्या मोत्याला, माणकांना एकत्र गुंफून त्याचा सुंदर आकर्षक हर बनविण्यासाठी धागा लागतो. त्याचप्रमाणे एखाद्या कार्यक्रमाला सूत्र आले. (सूत्र म्हणजेच सूत, धागा, तंतू) तर आपले विचार आपल्याला प्रभावीपणे व नेमकेपणाने मांडता येतात. १९९५ पासून वेधची रचना एका सूत्रापासून होऊ लागली म्हणूनच ही परिषद आता करियर कॉन्फरन्स कडून करियर पर्स्पेक्टीव्ह्ज् कॉन्फरन्स कडे जायला लागली आहे. ज्यांच्या विचारांचा प्रभाव अनेक वर्ष टिकतो ती खरी कर्तृत्ववान माणसे. या माणसांविषयी अनेक जणांच्या मनात कृतज्ञता असते. अशी एक नाही तर अनेक माणसं वेधच्या व्यासपीठावरून आज गेली पंचवीस वर्ष लोकांना एका सूत्राच्या छत्रीखाली भेटत आहेत. म्हणूनच वेध नावाचे संस्कारपीठ आज महाराष्ट्रभर विस्तारले आहे. आत्मज्ञान ही ब्रह्मज्ञानाची पहिली पायरी आहे. त्या पायरीपर्यंत पोचवण्याचं काम वेध परिषद करते."

28/11/2025

वर्तमानपत्रातून वार्तांकन प्रसिद्ध...

26/11/2025

What Students Really Felt | Vikrant Lohar Feedback | Parbhani Talks 2025

25/11/2025

200 पेक्षा अधिक पशु पक्ष्यांचे आवाज काढणारा अवलिया सुमेध वाघमारे...

25/11/2025

23 नोव्हेंबरचा परभणी टॉक्स- प्रेक्षकांच्या अफाट उपस्थितीत अत्यंत यशस्वीपणे पार पडला!

या वर्षीच्या परभणी टॉक्समध्ये विविध क्षेत्रातील मान्यवरांनी त्यांचे अनुभव, संघर्ष आणि प्रेरणादायी प्रवास प्रेक्षकांसमोर उलगडून दाखवले.

सत्राची सुरुवात झाली अशोक रोकडे यांच्या प्रभावी चर्चेने. आपत्ती व्यवस्थापन आणि White Army यांचा प्रवास त्यांनी मांडला

यानंतर ज्योती गवते यांनी त्यांच्या धावण्यातील संघर्षांपासून ते यशापर्यंतचा प्रवास मांडला.

सुमेध वाघमारे च्या रूपात जंगल भेटायला आले. त्यांनी आवाजातून जंगलाशी एकरूप होत, निसर्गाची जादू प्रेक्षकांपर्यंत पोहोचवली.

राहीबाई पोपेरे मावशींनी त्यांच्या सहज, प्रेमळ आणि मनात उतरणाऱ्या बोलण्यातून प्रत्येक प्रेक्षकाला आपलेसे केले. बियाणांची जपणूक ते निसर्ग संवर्धनापर्यंत त्यांनी मांडलेल्या विचारांनी प्रत्येकाला पुन्हा निसर्गाशी नातं जोडण्यास प्रेरित केलं.

परमवीर चक्र विजेते योगेंद्र सिंह यादव यांचे टायगर हिलच्या लढाईतील चित्तथरारक प्रसंग त्यांनी इतक्या जिवंतपणे मांडला की सभागृहात एक क्षणासाठीही श्वास रोखला गेला. त्यांच्या शौर्यकथेनं संपूर्ण हॉलमध्ये देशभक्तीचा आणि प्रेरणेचा उद्गार जागा झाला.

या सर्व मुलखावेगळ्या व्यक्तींना ऐकताना प्रत्येक प्रेक्षक अक्षरशः खिळून बसला होता. सकाळी दहापासून ते दुपारी चार वाजेपर्यंत सर्वांनी एकाग्रतेने, उत्साहाने आणि मनापासून प्रत्येक वक्त्याला ऐकले.

नवी ऊर्जा, नवी जिद्द आणि नवा विचार घेऊन प्रत्येजण बाहेर पडला!

या सर्व पाहुण्यांना बोलत करणाऱ्या सुसंवादिनी धनश्री प्रधान दामले याचे विशेष आभार.