Mahatma Phule Vidyalaya Parbhani म. फुले विद्यालय परभणी

21/08/2026

21/08/2026

आदरणीय साहेबांना वाढदिवसानिमित्त निरामय शुभेच्छा...

15/08/2026

80 व्या भारतीय स्वातंत्र्य दिन

02/08/2026

महात्मा फुले विद्यालय, गणेश नगर शाखा, परभणी येथे लोकमान्य टिळक पुण्यतिथी व अण्णाभाऊ साठे जयंती उत्साहात साजरी
महात्मा फुले विद्यालय, गणेश नगर शाखा, परभणी येथे लोकमान्य बाळ गंगाधर टिळक यांच्या पुण्यतिथीनिमित्त तसेच थोर साहित्यिक लोकशाहीर अण्णाभाऊ साठे यांच्या जयंतीनिमित्त अभिवादनाचा कार्यक्रम उत्साहात संपन्न झाला.
कार्यक्रमाच्या अध्यक्षस्थानी श्री. विरसे शिवाजीराव हे होते. प्रमुख पाहुणे म्हणून श्री. प्रदीप चव्हाण सर, श्री. तांबोळी सर, श्री. शिंदे सर, श्री. यवतकर सर यांची उपस्थिती लाभली.
यावेळी मान्यवरांच्या हस्ते लोकमान्य टिळक व अण्णाभाऊ साठे यांच्या प्रतिमेला पुष्पहार अर्पण करून अभिवादन करण्यात आले. उपस्थित मान्यवरांनी त्यांच्या कार्याचा गौरव करत विद्यार्थ्यांना त्यांच्या विचारांचा आदर्श घेऊन राष्ट्रसेवा, शिक्षण आणि समाजकार्यात योगदान देण्याचे आवाहन केले.
यावेळी विद्यार्थ्यानी विचार भाषणातून व्यक्त केले. यामध्ये समृद्धी बनसोडे सपना भिसे यशराज बनसोडे तपस्या सोनटक्के माही शेख
सिरीन शेख साई वायाळ, यांनी विचार मांडले.
यावेळी विरसे सर चव्हाण सर जगताप सर व जुकटे सर यांनी आपले मनोगत मांडले..
या कार्यक्रमास विद्यालयातील सर्व शिक्षक, शिक्षिका तसेच शिक्षकेतर कर्मचारी मोठ्या संख्येने उपस्थित होते. कार्यक्रमाचे वातावरण अत्यंत प्रेरणादायी व उत्साहपूर्ण होते. कार्यक्रम यशस्वीतेसाठी श्री दशरथ राणगीरे ,चापके एन. के. श्री अनिल नाईक, सुजित राठोड, मधुकर रेंगे , गणेश सोळंके, मंचकराव , यांनी प्रयत्न केले

29/07/2026

📰 महात्मा फुले विद्यालय, गणेश नगर शाखेत गुरुपौर्णिमा उत्साहात साजरी
परभणी : महात्मा फुले विद्यालय, गणेश नगर शाखेत आज गुरुपौर्णिमेचा पवित्र सोहळा अत्यंत उत्साहात व भक्तिमय वातावरणात संपन्न झाला.
कार्यक्रमाची सुरुवात ज्ञानदेवता श्री सरस्वती माता, क्रांतीसूर्य महात्मा ज्योतिराव फुले आणि भारतरत्न डॉ. बाबासाहेब आंबेडकर यांच्या प्रतिमांचे पूजन व पुष्पहार अर्पण करून करण्यात आली.
याप्रसंगी विद्यालयातील इयत्ता दहावीच्या विद्यार्थ्यांनी आपल्या सर्व गुरुजनांचा पेन, श्रीफळ व गुलाबपुष्प देऊन आदरपूर्वक सत्कार केला. विद्यार्थ्यांनी गुरूंप्रती कृतज्ञता व्यक्त करणारी मनोगते सादर केली. तसेच गुरूंचे महत्त्व अधोरेखित करणारी भाषणे, गीत सादरीकरण व सांस्कृतिक कार्यक्रमाद्वारे उपस्थितांची मने जिंकली.
या प्रसंगी शिक्षकांनी विद्यार्थ्यांना गुरू-शिष्य परंपरेचे महत्त्व, संस्कारांचे मूल्य आणि जीवनातील गुरूंचे स्थान याविषयी मोलाचे मार्गदर्शन केले. संपूर्ण कार्यक्रमात आदर, कृतज्ञता आणि संस्कारांचा सुंदर संगम अनुभवायला मिळाला.
कार्यक्रमाचे अध्यक्ष श्री. शिवाजीराव विरसे सर यांच्या अध्यक्षतेखाली हा कार्यक्रम संपन्न झाला. यावेळी श्री. प्रदीप चव्हाण सर, श्री. सुभाष यवतकर सर, श्री. शिंदे सर, श्री. सुरेश तांबोळी सर, श्री. सुरेश आल्हाट सर, श्री. मधुकर रेंगे सर तसेच सांस्कृतिक विभाग प्रमुख सौ. सुतार मॅडम, सौ. समृद्धी मस्के मॅडम, सौ. पारवे मॅडम, सौ. पोले मॅडम यांच्यासह विद्यालयातील सर्व शिक्षक, विद्यार्थी व कर्मचारी मोठ्या संख्येने उपस्थित होते.
यावेळी अनेक विद्यार्थ्यांनी "गुरूचे जीवनातील महत्त्व" या विषयावर आपले विचार प्रभावीपणे व्यक्त केले. तसेच श्री. पी. एम. चव्हाण सर व श्री. जगताप सर यांनी उपस्थितांना मार्गदर्शनपर मनोगत व्यक्त केले. कार्यक्रमाच्या अध्यक्षीय समारोपात श्री. शिवाजीराव विरसे सर यांनी गुरूंचे समाजघडणीत असलेले अनन्यसाधारण योगदान अधोरेखित करत विद्यार्थ्यांनी ज्ञान, शिस्त, संस्कार आणि कर्तव्यनिष्ठा या मूल्यांचा अंगीकार करण्याचे आवाहन केले.
कार्यक्रमाच्या शेवटी सर्वांनी गुरूंचा सन्मान राखण्याचा, त्यांच्या मार्गदर्शनानुसार आदर्श विद्यार्थी घडविण्याचा आणि गुरू-शिष्य परंपरेची गौरवशाली परंपरा जपण्याचा संकल्प केला.
— महात्मा फुले विद्यालय, गणेश नगर शाखा, परभणी

25/07/2026

आषाढी एकादशी च्या निमित्ताने गोपाळ दिंडी काढण्यात आली

25/07/2026

महात्मा फुले विद्यालय गणेश नगर
आषाढी एकादशी च्या निमित्ताने गोपाळ दिंडी काढण्यात आली

20/04/2026

महात्मा फुले विद्यालय गणेश नगर शाखेतील इयत्ता सातवी ड चा विद्यार्थी चि. शोएब खान व कु. कोमल थोरात यांना वाढदिवसाच्या शुभेच्छा देताना पर्यवेक्षक श्री शिवाजीराव विरशे सर,वर्गशिक्षक श्री सुरेश तांबोळी सर, श्री प्रदीप चव्हाण सर, श्री श्रीकांत नाईकवाडे सर, श्री योगेश जोशी सर.... 🎂🎂💐💐