11/08/2026
जिजाऊ आयटीआयच्या उज्वल निकालाची परंपरा कायम
गुणवंत विद्यार्थ्यांचे घवघवीत यश; विविध ट्रेडमध्ये विद्यार्थ्यांची उल्लेखनीय कामगिरी
परभणी : नॅशनल कौन्सिल फॉर व्होकेशनल ट्रेनिंग (NCVT) अंतर्गत घेण्यात आलेल्या अखिल भारतीय व्यवसाय परीक्षा जुलै 2026 च्या निकालात धर्मापुरी, पाथरी रोड, परभणी येथील जिजाऊ खाजगी औद्योगिक प्रशिक्षण संस्थेने घवघवीत यश संपादन केले आहे. संस्थेच्या विविध ट्रेडमधील विद्यार्थ्यांनी उल्लेखनीय गुण मिळवत संस्थेच्या उज्वल निकालाची परंपरा कायम राखली आहे.
संस्थेतून सर्वाधिक ९८.१७ टक्के गुण मिळवत इलेक्ट्रिशियन ट्रेडमधील कर्णेश्वर कानडे याने प्रथम क्रमांक मिळविला. इलेक्ट्रिशियन ट्रेडच्या प्रथम वर्षात कर्णेश्वर कानडे ९८.१७ टक्के प्रथम, सांची काळे ९६.८३ टक्के द्वितीय तर अश्विनी पारवे ९६.३३ टक्के गुणांसह तृतीय आली.
इलेक्ट्रिशियन ट्रेडच्या द्वितीय वर्षात नकुल घुगे आणि गणराज बोबडे यांनी प्रत्येकी ९८.३३ टक्के गुण मिळवत संयुक्त प्रथम क्रमांक पटकावला. मारुती ढोणे यांनी ९७.६६ टक्के गुणांसह द्वितीय तर गोपाळ डोंबे यांनी ९७ टक्के गुणांसह तृतीय क्रमांक मिळविला.
फिटर ट्रेडच्या प्रथम वर्षात पवन पवार यांनी ९० टक्के गुणांसह प्रथम, अंकुश कासिदे यांनी ८२.८३ टक्के गुणांसह द्वितीय तर ऋषिकेश घाडगे यांनी ८१.८३ टक्के गुणांसह तृतीय क्रमांक मिळविला. द्वितीय वर्षात ऋषिकेश कांगणे यांनी ९५.६६ टक्के गुणांसह प्रथम, निखिल शिंदे यांनी ९३.१६ टक्के गुणांसह द्वितीय तर रत्नदीप डोंगरे यांनी ८९.८३ टक्के गुणांसह तृतीय क्रमांक मिळविला.
वायरमन ट्रेडच्या प्रथम वर्षात भागवत देसाई यांनी ८६.६३ टक्के गुणांसह प्रथम, प्रजावती वाकडे यांनी ८६.६० टक्के गुणांसह द्वितीय तर अर्जुन गरुड यांनी ८२.३३ टक्के गुणांसह तृतीय क्रमांक मिळविला. द्वितीय वर्षात महेश शेळके यांनी ९५ टक्के गुणांसह प्रथम, हर्षदा दुधडे यांनी ९१.१६ टक्के गुणांसह द्वितीय तर जायद खान यांनी ८८.५० टक्के गुणांसह तृतीय क्रमांक मिळविला.
नवीन तंत्रज्ञानाशी नाळ जोडणाऱ्या जिओ इन्फॉर्मेटिक असिस्टंट या ट्रेडमध्ये प्रसाद बिडवे यांनी ८४.१७ टक्के गुणांसह प्रथम, शैलेश रणेर यांनी ८२.३३ टक्के गुणांसह द्वितीय तर पंढरी तरवटे यांनी ८१.६७ टक्के गुणांसह तृतीय क्रमांक मिळविला.
महिला व मुलींसाठी विशेष उपयुक्त असलेल्या बेसिक कॉस्मेटोलॉजी ट्रेडमध्ये सुप्रिया भालेराव यांनी ८९.५० टक्के गुणांसह प्रथम, पल्लवी लिपरे यांनी ८८.१७ टक्के गुणांसह द्वितीय तर मनीषा शेंगोळे यांनी ८७.८३ टक्के गुणांसह तृतीय क्रमांक मिळविला.
संस्थेतील २७ प्रशिक्षणार्थींनी ९० टक्क्यांपेक्षा अधिक गुण मिळवून यश संपादन केले, तर ८५ ते ९० टक्के गुण मिळविणारे ७० प्रशिक्षणार्थी आणि ८० ते ८५ टक्के गुण मिळविणारे ३२ प्रशिक्षणार्थी उत्तीर्ण झाले आहेत. ९० टक्क्यांपेक्षा अधिक गुण मिळविणाऱ्या प्रशिक्षणार्थींमध्ये शिवराज गबाळे, श्रीनिवास कराड, मारुती जाधव, श्रुती होंडे, तुषार डोंबे, विशाल राठोड, शेख आदिल, विष्णू राठोड, विठ्ठल सांगळे, पांडुरंग राऊत, श्रीनिवास पोळ, वैभव लोखंडे आणि सुरज लोखडे यांचा समावेश आहे.
या उल्लेखनीय निकालाबद्दल संस्थेचे अध्यक्ष श्री. रामराव लोहट, सचिव श्री. नितीन लोहट, कोषाध्यक्ष श्रीमती उषा लोहट, प्राचार्य श्री. ज्ञानेश्वर तरवटे, गट निदेशक श्री. सिद्धेश्वर जाधव परिक्षा विभागप्रमुख श्री कैलास कुलथे तसेच संस्थेतील सर्व निदेशक, शिक्षक व शिक्षकेतर कर्मचारी यांनी गुणवंत विद्यार्थ्यांचे अभिनंदन केले असून त्यांच्या पुढील शैक्षणिक व व्यावसायिक वाटचालीस शुभेच्छा दिल्या आहेत.
जिजाऊ खाजगी औद्योगिक प्रशिक्षण संस्थेच्या या यशामुळे परभणी जिल्ह्यातील व्यावसायिक शिक्षण क्षेत्रात संस्थेचे नाव पुन्हा एकदा अधोरेखित झाले आहे.
