Sacred Heart High School Pangada

31/10/2024

പാമ്പാടി ഉപജില്ലാ സ്കൂൾ കലോത്സവത്തിൽ ചരിത്ര വിജയവുമായി തിളങ്ങുന്ന പങ്ങട സേക്രട് ഹാർട്ട് ഹൈസ്കൂളിലെ കൊച്ചു കലാപ്രതിഭകളും അധ്യാപകരും പുതുപ്പള്ളി MLA ശ്രീ ചാണ്ടി ഉമ്മനിൽ നിന്നും ഒന്നാം സ്ഥാനത്തിൻ്റെഓവർ ഓൾ ട്രോഫി ഏറ്റുവാങ്ങുന്നു.

30/10/2024

30/10/2024

01/07/2024

കൂരോപ്പടയുടെ അഭിമാനമായി ജീവൻ ജോസ് ജോജി

കൂരോപ്പട : ഇന്ത്യൻ ടീമിൽ ഇടം നേടിയ ജീവൻ ജോസ് ജോജിക്ക് അഭിനന്ദന പ്രവാഹം. ഇന്ത്യൻ ഹാൻഡ് ബോൾ ടീമിൽ ഇടം നേടിയ രണ്ട് മലയാളികളിൽ ഒരാളായി കോട്ടയം ജില്ലയിൽ കൂരോപ്പട മരങ്ങാട്ട് ഒറ്റത്തയ്യിൽ ജീവൻ ജോസ് മാറിയത് നാടിന് നേട്ടവും അഭിമാനവുമായി. തൃശൂർ സാഹൃദയ കോളജിൽ എം.എസ്.ഡബ്ള്യൂ വിദ്യാർത്ഥിയായ ജീവന് സ്പെയിനിൽ നടക്കുന്ന ലോക ചാമ്പ്യൻഷിപ്പിൽ ഇന്ത്യയെ പ്രതിനിധീകരിച്ച് പങ്കെടുക്കാൻ ജീവനും മലപ്പുറം സ്വദേശിയായ സവിതിനും അവസരം ലഭിച്ചു.
ബ്രസിൽ , പോളണ്ട്, സ്പെയിൻ തുടങ്ങിയ രാജ്യങ്ങളോട് ശക്തമായി പൊരുതുന്നതിന് ഇൻഡ്യൻ ടീമിന് കഴിഞ്ഞു.
പങ്ങട സേക്രഡ് ഹാർട്ട് ഹൈസ്കൂളിൽ നിന്നാണ് ജീവൻ ഹാൻഡ് ബോളിലേക്ക് എത്തിയത്. കായികാധ്യാപകനായ ശ്രീ.ജോർജ് ജോബ് ആണ് ആദ്യ പരിശീലകൻ. സ്കൂൾ വിദ്യാർത്ഥിയായിരിക്കുമ്പോൾ ജില്ലാ സംസ്ഥാന ടീമിൽ ഉൾപ്പെട്ടിരുന്നു.
കൂരോപ്പട മരങ്ങാട്ട് ഒറ്റത്തെയ്യിൽ ജോജി വർഗീസിന്റെയും (കുരോപ്പട അമ്പലപ്പടിയിലെ സ്റ്റൗവ് റിപ്പയറിംഗ് സ്ഥാപനമുടമ) അന്നമ്മയുടെയും മകനാണ് ജീവൻ.
ജീവനെ നാട്ടുകാരും കായികപ്രേമികളും ജനപ്രതിനിധികളും അഭിനന്ദിച്ചു.

26/11/2021

ഹാന്നസ് ട്രൂബ് സ്മാരക അഖില കേരള ക്വിസ് മത്സരം 2021
പങ്ങട: പങ്ങട സേക്രഡ് ഹാർട്ട് ഹൈസ്കൂളിൽ ഹാന്നസ് ട്രൂബ് അഖില കേരള ക്വിസ് മത്സരം നടത്തി. ഒന്നാം സ്ഥാനക്കാർക്കായുള്ള ഹാന്നസ് ട്രൂബ് മെമ്മോറിയൽ എവർറോളിംഗ് ട്രോഫിയും 3000 രൂപ ക്യാഷ് അവാർഡും രാമപുരം എസ്. എച്ച്. ഹൈസ്കൂളിലെ ശ്രുതിനന്ദന എം. എസ്. കരസ്ഥമാക്കി. എ.എസ്. അക്സ, എൽ. എഫ്. എച്ച്. എസ്. വടകര, ദേവിക ജെ. സെൻ്റ് ഷന്താൾസ് എച്ച്. എസ്. മാമ്മൂട് എന്നിവർ യഥാക്രമം രണ്ടും മൂന്നും സ്ഥാനക്കാർക്കായുള്ള 2500, 2000 രൂപയുടെ ക്യാഷ് അവാർഡുകൾ കരസ്ഥമാക്കി. വളരെ വ്യത്യസ്തവും ആകർഷകവുമായ രീതിയിൽ നൂതന സങ്കേതങ്ങൾ ഉപയോഗിച്ച് നടത്തപ്പെട്ട മത്സരത്തിൻ്റെ ക്വിസ് മാസ്റ്റർ ശ്രീ. റെജിമോൻ വി. എം. ആയിരുന്നു.

തുടർന്ന് നടന്ന ഹാന്നസ് ട്രൂബ് അനുസ്മരണ സമ്മേളനം ചങ്ങനാശ്ശേരി അതിരൂപത മുൻ കോർപ്പറേറ്റ് മാനേജർ റവ. ഫാദർ മാത്യു നടമുഖത്ത് ഉദ്ഘാടനം ചെയ്തു. സ്കൂൾ മാനേജർ റവ. ഫാദർ ജോൺ കൊച്ചുമലയിൽ, പാമ്പാടി സബ് ഇൻസ്പെക്ടർ ശ്രീ. ജോയി തോമസ്, ആൻസ് ഓർഗാനിക് ഫാം & ആൻസ് ഫിറ്റ്നസ് സെൻ്റർ ഡയറക്ടർ ശ്രീമതി അന്നമ്മ ട്രൂബ് വയലുങ്കൽ, സ്കൂൾ ഹെഡ്മാസ്റ്റർ ശ്രീ. റെജിമോൻ വി. എം.,പി. ടി. എ. പ്രസിഡൻ്റ് ശ്രീ. അനിൽ കൂരോപ്പട, ശ്രീമതി എൽസമ്മ എം. ജെ., ശ്രീമതി ആശ മേരി ഈപ്പൻ എന്നിവർ പ്രസംഗിച്ചു.

14/07/2021

SSLC 100% RESULT 🎉🎉പ്രിയപ്പെട്ട രക്ഷിതാക്കളേ, സ്നേഹം നിറഞ്ഞ വിദ്യാർത്ഥികളേ,

2020 -2021 ലെ SSLC പരീക്ഷയുടെ ഫലപ്രഖ്യാപനം നടന്നു കഴിഞ്ഞിരിക്കുന്നു.
പരീക്ഷയെഴുതിയ മുഴുവൻ കുട്ടികൾക്കും വിജയം നേടിക്കൊടുക്കാൻ നമ്മുടെ വിദ്യാലയത്തിനു സാധിച്ചിരിക്കുന്നു.

100% വിജയം എന്ന പാരമ്പര്യം നമ്മൾ തുടരുന്നു.

പരീക്ഷയെഴുതിയ 68 പേരിൽ 11 കുട്ടികൾ എല്ലാ വിഷയങ്ങൾക്കും A+ നേടിയിരിക്കുന്നു.

അഭിമാനാർഹമായ ഈ വിജയം കരസ്ഥമാക്കാൻ അത്യദ്ധ്വാനം ചെയ്ത വിദ്യാർത്ഥികളെയും
അവർക്ക് സർവ്വാത്മനാ പിൻതുണ നൽകിയ മാതാപിതാക്കളെയും പ്രത്യേകം അഭിനന്ദിക്കുന്നു.

ഈ കുട്ടികളെ തികഞ്ഞ ആത്മാർത്ഥതയോടെയും അർപ്പണ മനോഭാവത്തോടെയും പരിശീലിപ്പിച്ച എന്റെ അധ്യാപക സഹോദരങ്ങൾ എല്ലാവരെയും ഹൃദയപൂർവ്വം അ ഭിനന്ദിക്കുന്നതിനും ഈ അവസരം വിനിയോഗിക്കുന്നു.

SSLC വിജയികളായ മുഴുവൻ വിദ്യാർത്ഥികൾക്കും തുടർന്നുള്ള പഠന കാലയളവിൽ കൂടുതൽ മികച്ച വിജയം ആശംസിക്കുകയും ഈശ്വരാനുഗ്രഹം പ്രാർത്ഥിക്കുകയും ചെയ്യുന്നു

ഹെഡ്മാസ്റ്റർ