23/08/2026
*. లలితావైభవం 438*
🌹🌻🌺💐🌸🍀🍂
తేదీ:24.08.2026
సోమవారం
🌹💄🍂🌞🪷🌺🍁
*నామము*
*కురుకుళ్ళా*
*సాక్ష్యము*
" *కురుకుళ్లాఖ్యదేవీ శ్రీపురేఅహంకారచిత్తమయప్రాకారయోర్మధ్యే విమర్శమయవాప్యాం అధికృతా. తదుక్తం లలితాస్తవరత్నే వాపీం* *ప్రకృత్య కురువిందమణినిలయాం కులాచలస్పర్ధికుచ నమన్మధ్యాం కుంకుమవిలిప్తగాత్రీం కురుకుళ్ళాం మనసి కుర్మహే సతత మితి.* *తంత్రరాజే చ ద్వావింశే పటలే నిరూపితా తద్రూపా"*
*అర్ధము*
కురుకుళ్ళా కురుకుళ్ళా అనే దేవీ స్వరూపురాలు నా తల్లి లలితాంబిక విశేషము విమర్శమయనాపిక యందు అధికారముగల కురుకుళ్ళా దేవీ స్వరూపురాలు
*భాష్యము*
🌳కురుకుళ్ళా అనేది ఒక దేవత. నా తల్లి లలితాంబిక కట్టిన శ్రీపురములోని అహంకార చిత్తమయ ప్రాకారాల మధ్యలో విమర్శమయమైన బావి యందు ఉంటుంది.
"లలితాస్తవ రత్నం" లో
" *కురువిందతరుణినిలయాం కులాచలస్పర్ధి కుచనమన్మధ్యాం కుంకుమ విలిపగాత్రీం కురుకుళ్ళాం మనసి కుర్మహే సతతం"*
🌴ఈ కురుకుళ్ళా దేవి ఎలా ఉంటుందంటే..? కురువింద రత్నములపై నివసించునది. కుల పర్వతాలను మించిన కుచములును కలిగి ఉండటం వలన ఆ పాలిండ్ల భారముతో నడుము వంగిన తల్లి ఈ కురుకుళ్ళా దేవి.
🌷 కుంకుమ లేపనము గావించబడిన దేహము గల తల్లి అయిన కురుకుళ్ళా దేవిని మన మనస్సులో అపూర్వంగా ధ్యానింతుము. ఇంకా ఏమని చెప్పిందంటే వేదమూ..! ఈ ప్రాకార ఆవరణలో (శ్రీచక్ర) ఆ దేవి పేరు శ్యామ. ఈ తల్లినే కురుకుళ్ళా దేవి అని అంటారు.
🌺ఈ దేవతా స్వరూపములోనే నా తల్లి లలితాపరాభట్టారిక ఉంటుంది. కాబట్టే నా తల్లి జగజ్జణని అయిన లలితాదేవిని కురుకుళ్ళా అని అంటారు. మన శరీరములో ఉన్న సుషుమ్న నాడీ మార్గములో ముఖ్య నాడి కురుకుళ్ళా అని అనబడుతోంది.
🍁 ఆధారచక్రం దగ్గర నుండి సహస్రారం దాకా, గ్రంధి త్రయముతో సహా ఈ ప్రాణ నాడి ఉంటుంది. అందుకే ఈ తల్లిని కురుకుళ్ళా అని అనబడుతోంది.. "భావనోపనిషత్" లో ఈ విధంగా చెప్పబడింది.
" *వారాహీ పితృరూపా, కురుకుళ్ళావళిదేవతా మాతా"*
🌹ఇదే నాడీ వ్యవస్థను తెలియజేయాలంటే..? ఎంత మంది శాస్త్రజ్ఞులు ఎన్ని ఎం.ఆర్.ఐ లేదా సి.టి.స్కాన్ లు పట్టుకుని ఇప్పుడు నాడీ వ్యవస్థ గురించి చెపుతున్నారు. నా తల్లి లలితాదేవి బ్రహ్మాండ పురాణములో ఈ మానవ దేవాలయములో ఉన్న 72,000 నాడీ మండల వ్యవస్థ గురించి ఎప్పుడో చెప్పేశారు వేద వ్యాస భగవాణులు.
🌼అందుకే ఈ ప్రపంచములో సనాతన ధర్మానికి ఉన్న పవిత్రత మరియూ శక్తీ ఏ ఇతర మతాలకూ లేవు. ఏ మతములో కూడా భవిష్యత్ లో జరగబోయేదీ.. మరియు జరిగినదీ చెప్పగలిగే జ్యోతిష్య శాస్త్రము ఉన్న అతి ధర్మ మార్గమైన మతం ఒక్క హైందవ సనాతన ధర్మమే..! అలా ఎప్పుడో ఈ బ్రహ్మాండాన్నంతటినీ నా తల్లి లలితాదేవి స్థిర నివాసమైన శ్రీ చక్రములో నిర్మించింది యావత్ ప్రపంచాన్ని.
🥀అలా ఆ శ్రీచక్రానికి ప్రధాన దేవత నా తల్లి జగన్మాత అయిన లలితాదేవి. నా తల్లి లలితాంబిక శరీరము నుండి వచ్చిన కాంతిపుజాలు అష్ట సిద్ధులైన అణిమాది దేవ్వతలు. అలాగే ఉపాసన చేసే అమ్మ భక్తుడు లేదా ఆరాధన చేసే భక్తుడి తండ్రి వారాహి. తల్లి కురుళ్ళాదేవి.
🌸ఇక్కడ మాతా అంటే..? ఉపాసకుడి లేదా సాధకుని కోరికలను తీర్చేది. ఐహిక వాంచలను తీర్చీ మోక్షాన్ని ప్రసాదించేది. మానవ శరీరములో ఉన్న సుషుమ్నా నాడీ మండలములో ప్రాణ నాడి అని చెప్పబడే సుషుమ్నా నాడినే "కురుకుళ్ళా" అని అంటారు.
🍂సుధా సింధువు మధ్యన మణిద్వీపమందున్న నా తల్లి పరమేశ్వరి అయిన లలితాపరాభట్టారిక ఈ పట్టణానికి చిత్తము - అహంకారము అనబడే రెండు ప్రాకారాల మధ్య విమర్శ రూపమైన బావియందు ఉండేది కురుకుళ్ళా దేవి అనే దేవత. కాబట్టీ ఆ తల్లిని మాతగా భావించాలి.
🌻అందుకే నా తల్లి జగన్మాత అయిన లలితాపరాభట్టారికను కురుకుళ్ళా అని పిలుస్తున్నారు వేద వ్యాస భగవాణులు మరియు జగద్ గురువులైన భగవత్పాద విరచిత ఆది శంకరాచార్యుల వారు.
రేపు ఇంకో నామముతో అమ్మ వైశిష్ట్యము తెలుసుకుందామా.
జై భవానీ తల్లీ లలితా పరాభట్టారికా..!
🌻🍀🌹🍁🌸💐🌺
సదా మీ ఆధ్యాత్మిక సేవలో
మీ
చిన్నిక్రిష్ణ.
లలితోపాసకులు, లలితాపీఠం,
లలితా చారిటబుల్ ట్రష్ట్,
అనాధ ఆశ్రమము, (పిల్లలు మరియు వృద్ధులు)
గోశాల, లలితా త్రిపురాంతకేశ్వర వేణుగోపాల స్వామి ఆలయం, చుట్టూరా 108 దేవతల గోపురాలు, అమ్మవారి ఆవిర్భావ ఇతిహాసపు మ్యూజియం, ఫ్రీజర్ బాక్సు మరియు కైవల్య రథం సేవలు, అనాథ శవాల దహనం.
లలితా పురం కోసంగిపురం జ.
పలాసా మరియు కాశీబుగ్గ. చరవాణి:8500272747
*గమనిక* :
🙏🏾🌹🙏🏾🌹🙏🏾🌹🙏🏾
ఇందులో ఏమైనా దోషాలు గానీ ఇంకా ఏదైనా సందేహ నివృత్తి గానీ కావాలంటే..? కేవలము మెస్సెజ్ ద్వారా నాకు తెలియజేయగలరు.
దానిని సద్విమర్శగా స్వీకరించి మరలా మీ సలహాలను మరియు సూచనలను ఇందులో చేర్చి మీకు వివరణ ఇవ్వబడును.
ఎందుకంటే..? సమాజానికి తప్పుడు సమాచారము అందకూడదు.
