Government Technical High School Pala

05/03/2025

"Be part of our peak performers! Enroll now and start your journey to success!"

25/10/2024

05/04/2024

Golden Opportunity 🤩

01/04/2024

01/04/2024

🤩🤩 Admission Started 🤩🤩

22/03/2023

STAFF CLUB (2022-23)
Government Technical High School Pala

20/03/2023

ഒരപൂർവ്വ ചിത്രം Government Technical High School Pala

10/03/2023

▫️എന്താണ് ടെക്നിക്കൽ ഹൈസ്കൂൾ❓️

✅️കേരള സർക്കാരിന്റെ സാങ്കേതിക വിദ്യാഭ്യാസവകുപ്പിന് കീഴിൽ പ്രവർത്തിക്കുന്ന ഹൈസ്കൂളുകൾ ആണ് ടെക്നിക്കൽ ഹൈസ്കൂളുകൾ (മുൻപ് ജെ.ടി.എസ് എന്നാണ് അറിയപ്പെട്ടിരുന്നത് ).കേരളത്തിൽ 14 ജില്ലകളിലായി 39 ടെക്നിക്കൽ ഹൈസ്കൂളുകൾ ആണ് നിലവിൽ ഉള്ളത്. കാസർഗോഡ് ജില്ലയിൽ ചെറുവത്തൂർ, മൊഗ്രാൽ പുത്തൂർ എന്നിവിടകളിലായി 2 ടെക്നിക്കൽ ഹൈസ്കൂളുകൾ ഉണ്ട്‌.

▫️എന്താണ് ടെക്നിക്കൽ ഹൈസ്കൂളുകളുടെ പ്രത്യേകത❓️

✅️ഏഴാം തരം പൂർത്തിയാക്കിയ കുട്ടികളെ സാധാരണ രീതിയിലുള്ള വിദ്യാഭ്യാസ സമ്പ്രദായത്തിൽ നിന്നും സാങ്കേതികവും ഉത്പാദനോന്മുഖവുമായ വിവിധ തൊഴിലുകൾക്ക് സജ്ജരാക്കത്തക്ക വിധത്തിൽ പൊതുവിദ്യാഭ്യാസരീതി ഉൾക്കൊള്ളിച്ചു കൊണ്ടുള്ള ഒരു പാഠ്യപദ്ധതിയിലേക്ക് തിരിച്ചു വിടുക എന്നുള്ളതാണ് ടെക്നിക്കൽ ഹൈസ്കൂൾ പഠനം കൊണ്ട് ഉദ്ദേശിക്കുന്നത്.എഞ്ചിനീയറിംഗ് മേഖലകളിൽ ഉപരിപഠനവും ജോലിയും ആഗ്രഹിക്കുന്ന വിദ്യാർത്ഥികൾക്കുള്ള അടിസ്ഥാന പാഠശാലയാണ് ഇത്.

▫️എന്താണ് ടെക്നിക്കൽ ഹൈസ്കൂളുകളിൽ പഠിപ്പിക്കുന്നത്❓️

✅️പൊതു വിഷയങ്ങളായ മലയാളം, ഇംഗ്ലീഷ്, ഫിസിക്സ്‌, കെമിസ്ട്രി, സോഷ്യൽ സയൻസ്,മാത്‍സ്,ഇൻഫർമേഷൻ ടെക്നോളജി എന്നിവയ്ക്ക് പുറമേ എഞ്ചിനീയറിഗ് വിഷയങ്ങളായ ജനറൽ എഞ്ചിനീയറിങ്, എഞ്ചിനീയറിംഗ് ഡ്രോയിങ് എന്നിവയും തിരഞ്ഞെടുക്കപ്പെട്ട പ്രത്യേക ട്രേഡ് ഉൾപ്പെടെ വിവിധ ട്രേഡുകളിൽ തിയറി,വർക്ഷോപ്പ് പരിശീലനവുമാണ് ടെക്‌നികൽ ഹൈസ്കൂളുകളിൽ പഠിപ്പിക്കുന്നത്.പൊതു വിദ്യാലയങ്ങളിലുള്ള ബയോളജി,ഹിന്ദി എന്നീ വിഷയങ്ങൾക്ക് പകരമായാണ് എഞ്ചിനീയറിംഗ് വിഷയങ്ങൾ പഠിപ്പിക്കുന്നത്.ഹൈസ്കൂൾ വിദ്യാഭ്യാസത്തോടൊപ്പം സാങ്കേതിക തൊഴിൽ പരിശീലനം കൂടി ലഭിക്കുന്നു എന്നുള്ളത് ഈ പാഠ്യപദ്ധതിയുടെ പ്രത്യേകതയാണ്.

▫️പഠനം പൂർത്തിയാക്കുന്ന കുട്ടികൾക്ക് സർട്ടിഫിക്കറ്റ് ലഭിക്കുമോ❓️

✅️പത്താം ക്ലാസ്സ്‌ വിജയിക്കുന്ന കുട്ടികൾക്ക് ടി.എച്ച്. എസ്. എൽ.സി(THSLC) സർട്ടിഫിക്കറ്റും ദേശീയ നൈപുണ്യ പദ്ധതി ലെവൽ 2(NSQF Level 2) സർട്ടിഫിക്കറ്റും ലഭിക്കും.ടി.എച്ച്. എസ്. എൽ.സി സർട്ടിഫിക്കറ്റ് എസ്.എസ്. എൽ.സിക്ക് തുല്യമാണ്.

▫️ടെക്നിക്കൽ ഹൈസ്കൂൾ ഇംഗ്ലീഷ് മീഡിയം ആണോ❓️

✅️ടെക്നിക്കൽ ഹൈസ്കൂളിലെ പഠനമാധ്യമം ഇംഗ്ലീഷ് ആണെങ്കിലും മലയാളം മീഡിയത്തിൽ പഠിച്ചവർക്കും പ്രവേശനം നേടാവുന്നതാണ്.പ്രവേശനം നേടുന്നവരുടെ ഇംഗ്ലീഷ് ഭാഷാ പ്രാവീണ്യം വർധിപ്പിക്കുന്നതിനായി എട്ടാം ക്ലാസ്സിലും ഒൻപതാം ക്ലാസ്സിലും 'എൻറിച്ച് യുവർ ഇംഗ്ലീഷ്' എന്ന പ്രത്യേകം കോഴ്സ് കൂടി പാഠ്യപദ്ധതിയിൽ ഉൾപ്പെടുത്തിയിട്ടുണ്ട്.

▫️ടെക്നിക്കൽ ഹൈസ്കൂകളിൽ ആൺകുട്ടിക്ക് മാത്രമാണോ പ്രവേശനം❓️

✅️അല്ല.ഏഴാം തരം പൂർത്തിയാക്കിയ ആൺകുട്ടികൾക്കും പെൺകുട്ടികൾക്കും പ്രവേശനമുണ്ട്.

▫️വിദ്യാർത്ഥികൾക്ക് കലാ-കായിക മത്സരങ്ങളിൽ പങ്കെടുക്കാൻ കഴിയുമോ❓️

✅️കലാമേള,കായിക മേള, ശാസ്ത്രസാങ്കേതിക മേള മുതലായ പാഠ്യേതര പ്രവർത്തനങ്ങൾ ടെക്നിക്കൽ ഹൈസ്കൂളുകളിലെ കുട്ടികൾക്ക് പ്രത്യേകമായാണ് സംഘടിപ്പിക്കപ്പെടുന്നത്.സ്കൂൾ തലത്തിൽ വിജയിക്കുന്ന കുട്ടികൾക്ക് നേരിട്ട് സംസ്ഥാന തലത്തിൽ പങ്കെടുക്കുവാനും ഗ്രേസ് മാർക്ക്‌ നേടുവാനും അവസരം ലഭിക്കുന്നു.

▫️പൊതുവിദ്യാലയങ്ങളിൽ ലഭിക്കുന്ന സ്ക്കോളർഷിപ്പുകളും മറ്റ് സൗജന്യങ്ങളും ടെക്നിക്കൽ ഹൈസ്കൂളുകളിൽ ലഭ്യമാണോ❓️

✅️പൊതുവിദ്യാലയങ്ങളിലേത് പോലെ അർഹരായ കുട്ടികൾക്ക് കേന്ദ്ര-സംസ്ഥാന സർക്കാരുകളുടെ വിവിധ സ്ക്കോളർഷിപ്പുകൾ ലഭിക്കുന്നു. എട്ടാം ക്ലാസ്സിലെ എല്ലാ വിദ്യാർത്ഥികൾക്കും ഉച്ചഭക്ഷണവും അർഹരായ വിദ്യാർത്ഥികൾക്ക് സൗജന്യ യൂണിഫോമും ലഭിക്കുന്നു. കൂടാതെ എഞ്ചിനീയറിംഗ് വിഷയങ്ങളുമായി ബന്ധപ്പെട്ട എല്ലാ പാഠപുസ്തകങ്ങളും വിദ്യാർത്ഥികൾക്ക് സൗജന്യമാണ്.

▫️ഇവിടെ പഠനം പൂർത്തിയാക്കുന്ന വിദ്യാർത്ഥികളുടെ ഉപരിപഠന സാധ്യത എന്തൊക്കെയാണ്❓️

✅️THSLC വിജയിക്കുന്ന കുട്ടികൾക്ക് പോളി ടെക്‌നിക് കോളേജ്, ഐ. ടി. ഐ, വി.എച്ച്. എസ്. ഇ,പ്ലസ് ടു എന്നിവിടങ്ങളിൽ തുടർപഠനത്തിന് അവസരം ഉണ്ട്.
പോളിടെക്‌നിക്കുകളിൽ ഡിപ്ലോമ പ്രവേശനത്തിന് ഓരോ ബ്രാഞ്ചിലും 10% സീറ്റ്‌ ടെക്നിക്കൽ ഹൈസ്കൂൾ വിദ്യാർത്ഥികൾക്ക് സംവരണം ചെയ്തിരിക്കുന്നു.ഡിപ്ലോമ പഠനത്തിന് ശേഷം എഞ്ചിനീയറിങ് കോളേജുകളിൽ ബി.ടെക് പഠനത്തിന് ലാറ്ററൽ എൻട്രി സ്കീം വഴി നേരിട്ട് രണ്ടാം വർഷത്തിലേക്ക് പ്രവേശനം നേടാവുന്നതാണ്.

▫️ടെക്നിക്കൽ ഹൈസ്കൂളിൽ പഠിച്ച വിദ്യാർത്ഥികളുടെ തൊഴിൽ സാധ്യത എന്തൊക്കെയാണ്❓️

✅️THSLC വിജയിക്കുന്ന കുട്ടികൾക്ക് കേന്ദ്ര-സംസ്ഥാന സർക്കാരുകളുടെ കീഴിലുള്ള വിവിധ സ്ഥാപനങ്ങളിൽ തൊഴിൽ അവസരം ലഭിക്കുന്നതാണ്.
THSLC സർട്ടിഫിക്കറ്റ് കേരള പി.എസ്.സി നടത്തുന്ന എഞ്ചിനീയറിംഗ് കോളേജ് /പോളിടെക്നിക്ക് /ടെക്നിക്കൽ ഹൈസ്കൂൾ ട്രേഡ്സ്മാൻ തസ്തികയിലേക്കുള്ള പരീക്ഷകൾക്ക് അംഗീകരിച്ചതാണ്.കൂടാതെ അർദ്ധ സർക്കാർ സ്ഥാപങ്ങളായ KSRTC,KSEB,KELTRON തുടങ്ങിയ സ്ഥാപനങ്ങളിൽ ടെക്‌നിഷ്യൻ തസ്തികളിലും അവസരമുണ്ട്‌
കേന്ദ്ര സർക്കാരിന്റെ കീഴിലുള്ള തന്ത്ര പ്രധാന സ്ഥാപങ്ങളായ ISRO,DRDO,BHEL എന്നിവിടങ്ങളിലും പൊതുമേഖല സ്ഥാപനങ്ങളായ ഇന്ത്യൻ റെയിൽവേ,കൊച്ചിൻ ഷിപ്പ് യാർഡ്,ഹിന്ദുസ്ഥാൻ ലാറ്റക്സ്,ഫാക്ട് തുടങ്ങിയ സ്ഥലങ്ങളിലും തൊഴിലവസരമുണ്ട്.
ഇത് കൂടാതെ സ്വന്തമായി തൊഴിൽ സംരംഭക പരിപാടികൾ തുടങ്ങാനും ഇവർക്ക് കഴിയുന്നതാണ്.