Teachers Pala

10/05/2020

We are here to help you find all stuffs for aided school staffs line orders, forms, previous questions etc

22/03/2020

News Breaking...!!!

21/03/2020

15/03/2020

💠💠💠💠💠💠
*ഐ.സി.ടി. പരിശീലനത്തിനുള്ള തയ്യാറെടുപ്പ്*

എൽപി,യുപി സ്കൂളുകളിലെ പരീക്ഷകൾ ഒഴിവാക്കുകയും കുട്ടികൾക്ക് അവധി നൽകുകയും ചെയ്ത സാഹചര്യത്തിൽ 11,274 സ്കൂളുകൾ കേന്ദ്രീകരിച്ച് 81,000 അധ്യാപകർക്ക് കൈറ്റിന്റെ നേതൃത്വത്തിൽ ഓൺലൈനായി ഐടി പരിശീലനം നൽകുന്നു.

ഈ പരിശീലനം വിജയകരമായി പൂർത്തിയാക്കുന്ന അധ്യാപകർക്കെ അവധിക്കാല പരിശീലനത്തിൽ പങ്കെടുക്കാൻ കഴിയൂ.

അവധിക്കാല പരിശീലനത്തിന്റെ ആദ്യദിനം പ്രത്യേക പരീക്ഷയും നടത്തുന്നതാണ്. ഇന്ത്യയിൽ ആദ്യമായാണ് പൂർണമായും ഡിജിറ്റൽ സംവിധാനം പ്രയോജനപ്പെടുത്തി ഇത്ര കുറഞ്ഞ സമയത്ത് ഇത്രയും കൂടുതൽ പേർക്ക് പ്രത്യേക പരിശീലനം നൽകുന്നത്.

സാധാരണ ഒരു കേന്ദ്രത്തിൽ 25 അധ്യാപകർക്കു രണ്ടു പരിശീലകരെ വീതം അനുവദിച്ചു 3 ബാച്ചുകളായി ആയിരത്തിലേറെ കേന്ദ്രങ്ങളിൽ നടത്തുന്ന പരിശീലനമാണ് പ്രത്യേക സാഹചര്യത്തിൽ സ്കൂളുകളിലെ ഹൈടെക് സംവിധാനം പ്രയോജനപ്പെടുത്തി 5 ദിവസത്തിനകം പൂർത്തിയാകുന്ന വിധത്തിൽ ഓൺലൈനായി നടത്തുന്നത്. ഇംഗ്ലീഷ് പരിജ്ഞാനം മെച്ചപ്പെടുത്താൻ കൈറ്റ് ആവിഷ്കരിച്ച ഇ-ക്യൂബ് ഇംഗ്ലീഷ് പദ്ധതിയുടെ ഭാഗമായി ഏപ്രിൽ-മേയ് മാസം പരിശീലനം എല്ലാ പ്രൈമറി അധ്യാപകർക്കും നൽകാൻ നേരത്തെ തീരുമാനിച്ചിരുന്നു. ഇതിന്റെ ആദ്യ ഭാഗമാണ് ഈ മാസം 18 മുതൽ 27 വരെ നടത്തുക.

മുൻപ് 12,000 അധ്യാപകർക്കു പൂർണമായും ഓൺലൈനായി കൈറ്റ് പരിശീലനം നൽകിയിട്ടുണ്ട്. ‘സമഗ്ര’ വിഭവ പോർട്ടലിൽ മുഴുവൻ അധ്യാപകർക്കും ലോഗിൻ സംവിധാനവും ഒരുക്കിയിട്ടുണ്ട്.ആവശ്യമായ കാര്യങ്ങൾ അധ്യാപകരുടെ സമഗ്ര ലോഗിനിൽ ലഭ്യമാക്കി ഓൺലൈൻ ഹാജർ ഉൾപ്പെടെയുള്ള മോണിറ്ററിങ് സംവിധാനങ്ങളിലൂടെയാണു പരിശീലനം.

അധ്യാപകർ ഓരോ ദിവസവും പരിശീലനം പൂർത്തിയാക്കുമ്പോൾ മൊഡ്യൂളിൽ നിർദേശിച്ച ഉൽപന്നങ്ങൾ ഡിജിറ്റൽ രൂപത്തിൽ തയാറാക്കി ശേഖരിക്കണം. ഇത് ഓൺലൈനായി മെന്റർമാർ പരിശോധിക്കും. സ്കൂളുകളിലെ ഐടി കോ-ഓർഡിനേറ്റർമാർ പ്രഥമാധ്യാപകരെ ഈ ദിവസങ്ങളിൽ സഹായിക്കും. കൈറ്റ് വിക്ടേഴ്സ് ചാനലിൽ പ്രത്യേക സംപ്രേഷണം ഉണ്ടായിരിക്കും.സ്കൂളിലെ ബ്രോഡ്ബാൻഡ് ഇന്റർനെറ്റിനു പുറമേ അധ്യാപകർക്കു പരിശീലനത്തിനായി അവരുടെ മൊബൈൽ ഫോൺ ഉപയോഗിച്ചു ഡിജിറ്റൽ റിസോഴ്സുകൾ ലഭ്യമാക്കാനും സൗകര്യം ഒരുക്കിയിട്ടുണ്ട്.
💠💠💠💠💠💠

*ഗ്രൂപ്പിൽ അംഗങ്ങളാകുന്നതിനായി ലിങ്കിൽ ക്ലിക്ക് ചെയ്യുക*

WhatsApp Group Invite

08/03/2020

The Corporate Educational Agency, Diocese of Palai, invites applications for the post of UPST/HST in various subjects. The duly filled applications along with true copies of qualifications certificates and character certificate, should reach the Corporate office before 4.00 p.m. 24th March 2020. (Application forms are available at the Corporate Office)

08/03/2020

അന്താരാഷ്ട്ര വനിതാദിന ആശംസകൾ...!

26/02/2020

2020-21 പ്രവർത്തന വർഷത്തിലെ തസ്തികനിർണ്ണയത്തിന് അടിസ്ഥാനമാക്കുവാനുദ്ദേശിക്കുന്ന, പരിഷ്കരിക്കപ്പെടുന്ന വിദ്യാർത്ഥി അധ്യാപക അനുപാതത്തെക്കുറിച്ച് ടീച്ചേഴ്സ് പാലായുടെ വിശദമായൊരു വിശകലനം

26/02/2020

ബഹുമാനപ്പെട്ട ധനകാര്യ വകുപ്പ് മന്ത്രി ബഡ്ജറ്റ് അവതരണവേളയിൽ പരാമർശിച്ച അധ്യാപകരുടെ തസ്തിക നിർണ്ണയം, നിയമനാംഗീകാരം എന്നീ വിഷയങ്ങളിൽ ബഹുമാനപ്പെട്ട പൊതുവിദ്യഭ്യാസ ഡയറക്റ്റർ തുടർനടപടിക്കായി നൽകിയ മറുപടിക്കത്തിലെ പ്രസക്ത ഭാഗങ്ങൾ വിശകലനം ചെയ്യുന്നു.

ഒന്നുമുതൽ എട്ടുവരെ ക്ലാസ്സുകളിലെ വിദ്യാർത്ഥി അധ്യാപക അനുപാതംതാഴെ പറയുന്നതുപോലെ പരിഷ്കരിക്കപ്പെടുന്നു.

1 മുതൽ 5 വരെ ക്ലാസ്സുകളിൽ

1 മുതൽ 35 വരെ കുട്ടികൾക്ക് - 1 ഡിവിഷൻ
36 മുതൽ 65 വരെ കുട്ടികൾക്ക് - 2 ഡിവിഷൻ
66 മുതൽ 95 വരെ കുട്ടികൾക്ക് - 3 ഡിവിഷൻ
96 മുതൽ 125 വരെ കുട്ടികൾക്ക് - 4 ഡിവിഷൻ
126 മുതൽ 205 വരെ കുട്ടികൾക്ക് - 5 ഡിവിഷൻ
206 മുതൽ 245 വരെ കുട്ടികൾക്ക് - 6 ഡിവിഷൻ
246 മുതൽ 285 വരെ കുട്ടികൾക്ക് - 7 ഡിവിഷൻ

6 മുതൽ 8 വരെ ക്ലാസ്സുകളിൽ

1 മുതൽ 40 വരെ കുട്ടികൾക്ക് - 1 ഡിവിഷൻ
41 മുതൽ 75 വരെ കുട്ടികൾക്ക് - 2 ഡിവിഷൻ
76 മുതൽ 110 വരെ കുട്ടികൾക്ക് - 3 ഡിവിഷൻ
111 മുതൽ 145 വരെ കുട്ടികൾക്ക് - 4 ഡിവിഷൻ എന്ന രീതിയിൽ...

ഹെഡ്റ്റീച്ചർ പോസ്റ്റിലെ അധ്യാപക നിയമനത്തിന്‌

എൽ.പി. വിഭാഗത്തിൽ - 1500 - ൽ അധികവും
യു.പി. വിഭാഗത്തിൽ - 100 - ൽ അധികവും കുട്ടികൾ ആവശ്യമാണ്‌

(എൽ.പി. വിഭാഗത്തിൽ നിഷ്കർഷിക്കുന്ന “1500” എന്നത് അക്ഷരത്തെറ്റാവാൻ സാധ്യത.)

അധിക തസ്തികകൾ

ആറാം സാധ്യായദിനത്തിലെ കുട്ടികളുടെ എണ്ണത്തിനനുസരിച്ചധിക തസ്തികകൾക്ക് അർഹതയുള്ള സ്കൂളുകളുടെ വിശദ റിപ്പോർട്ട് എ.ഇ.ഒ / ഡി.ഇ.ഒ സർക്കാരിനയയ്ക്കുകയും ആയത് പരിശോധിച്ച് 15 ദിവസത്തിനകം സർക്കാർ ഉചിതമായ തീരുമാനം എടുക്കുകയും ചെയ്യുന്നു.

(തസ്തിക നിർണ്ണയം സംബന്ധിച്ച അപ്പീലുകളെക്കുറിച്ച് പ്രതിപാദിച്ചിട്ടില്ല)

അധികതസ്തികയ്ക്ക് അർഹതയുള്ള എയ്ഡഡ് സ്കൂളുകളിൽ സംരക്ഷിതാധ്യാപകരെ നിയമിക്കണമെന്നും സംരക്ഷിതാധ്യാപകരെ ലഭ്യമല്ലെങ്കിൽ ജില്ലാ വിദ്യാഭ്യാസ ഡയറക്ടറുടെ / ഉപഡയറക്ടറുടെ അനുമതിയോടെ ദിവസവേതനാടിസ്ഥനത്തിൽ നിയമിക്കണമെന്നും നിർദ്ദേശിക്കുന്നു.

നിയമനാംഗീകാരം

നിയമനം നടന്ന് 15 ദിവസത്തിനകം മാനേജർ സമർപ്പിക്കുന്ന പ്രൊപ്പോസൽ എ.ഇ.ഒ / ഡി.ഇ.ഒ പരിശോധിച്ച് (എത്ര ദിവസത്തിനകം എന്ന് പറയുന്നില്ല) വിശദമായ റിപ്പോർട്ടുസഹിതം സർക്കാരിലേയ്ക്ക് അയയ്ക്കുകയും ആയത് സർക്കാർ പരിശോധിച്ച് 15 ദിവസങ്ങൾക്കകം ഉചിതമായ തീരുമാനം എടുക്കുകയും ചെയ്യുന്നു.

നിയമനാംഗീകാരവിഷയത്തിൽ പിന്തുടർന്നുപോന്നിരുന്ന ഡി.ഇ.ഒ / ഡി.ഡി.ഇ / ഡി.പി.ഐ എന്നീ ഘട്ടങ്ങളായുള്ള അപ്പീൽ സാധ്യതകൾ ഇനി ഉണ്ടാവില്ല. പകരം ആവശ്യമെങ്കിൽ സർക്കാർ തീരുമാനത്തിനെതിരെ റിവ്യൂ സമർപ്പിക്കാവുന്നതാണ്‌.

തസ്തികനിർണ്ണയം, നിയമനാംഗീകാരം എന്നീ വിഷയങ്ങളിൽ നൽകപ്പെട്ടിരിക്കുന്ന നിർദ്ദേശങ്ങൽ 2020-21 അധ്യയന വർഷം മുതൽ ആരംഭിക്കാവുന്നതാണെന്നും തസ്തിക നിർണ്ണയത്തിൽ വ്യാജവിദ്യാർത്ഥികളുടെ അഡ്മിഷനുകൾ കണ്ടെത്തിയാൽ കാരണക്കാരായ പ്രഥമാധ്യാപകനേയും ക്ലാസ്സ് അധ്യാപകനേയും അച്ചടക്കനടപടികളിലൂടെ സർവ്വീസിൽ നിന്നും പുറത്താക്കുന്നതിനും ആയതിനായി ചട്ടഭേദഗതി വരത്തുന്നതിനും നിർദ്ദേശമുണ്ട്.

മേൽപ്പറഞ്ഞ നിർദ്ദേശങ്ങളെല്ലാം അധിക തസ്തിക നിർണ്ണയത്തിനും പുതുതായി ജോലിയിൽ പ്രവേശിക്കുന്നവർക്കും മാത്രം ബാധകമെന്ന മൂഢസ്വർഗ്ഗത്തിലാവരുത് അധ്യാപകരായ നാം. അടുത്ത അധ്യയനവർഷത്തിൽ ഓരോ സ്കൂളിലും തസ്തികകൾ സൃഷ്ടിക്കപ്പെടുന്നത്പരിഷ്കരിച്ച വിദ്യാർത്ഥി അധ്യാപക അനുപാതത്തിലാവും . അധികമായി കണ്ടെത്തുന്നവർ പുറത്തേയ്ക്കും പുറകിലേയ്ക്കും ഒക്കെ മാറേണ്ടിവരുമെന്ന് സാരം...

അഡ്മിൻ, Teachers Pala Whatsapp Group

വാട്സ്ആപ് ഗ്രൂപ്പുകളിൽ അംഗങ്ങളാകുന്നതിനായി ലിങ്കിൽ ക്ലിക്ക് ചെയ്യുക

Teachers Pala - 01

https://chat.whatsapp.com/JFtyAZC9PUB3yNtYO5rvGs

Teachers Pala - 02

https://chat.whatsapp.com/F1BRxPTPTIiBFWOV5oVAJm

Teachers Pala - 03

https://chat.whatsapp.com/KRQssGm3vav2ccJjDEoQYj

WhatsApp Group Invite

26/02/2020

"അറിവിന്റെ പാതയിൽ പ്രകാശമേന്തുന്ന, പാലായിൽ പഠിച്ച / പാലായിൽ ജോലി ചെയ്യുന്ന /പാലായിൽ ജീവിക്കുന്ന / പാലായെ സ്നേഹിക്കുന്ന പാലായിലെ അധ്യാപകരുടെ കൂട്ടായ്മയിലേക്ക് എല്ലാ അധ്യാപകർക്കും സ്വാഗതം..."