Chhiahtlang

Chhiahtlang Serchhip Town huam chhunga awm Chhiahtlang khaw chanchin tlangpui pho chhuahna atan leh vawn ṭhatna atan he page hi siam a ni.

CHHIAHTLANG TIMES T**I[09/07/2026, 11:50 a.m] C. Laltlankima: *ZIRNA LAM THIL HOTE PAKHAT* Kan tu leh faten First ...
09/07/2026

CHHIAHTLANG TIMES T**I

[09/07/2026, 11:50 a.m]
C. Laltlankima:

*ZIRNA LAM THIL HOTE PAKHAT*

Kan tu leh faten First Term exam an nei zo thawkhat hlawm tawhin a lang a....khang an exam zawhnate kha in lamah an lo hawn a nih chuan lo enpuiin a tih dik lohte lo hrilh teh u.

Zirna hi a pumpui thuin Education kan han ti mai a, mahse thil eng emaw han zir a, han thiam tak mai hi Learning a ni. Hei tak hi sikul leh in lamah naupang enkawltuten kan ngaihpawimawh a ṭul hle.

Naupang thiamna hi an exam result aṭangin kan teh lo thei lova, hetih karah hian examah lo tiṭha chiah lo mahse chu exama a tihsualte lo kawhhmuh a, a dik zawk han hrilh hian an dam chhungin an hre duh bik. A chhan chu an exam hi an la serious ve a, ni danga kan hrilh pawha an hriat hleih theih loh hi exam boruakah chuan an thluak a hriam a, an tihsual zet hnua a dikna han hriat phei chu an ui ve em em a, hemi boruak tak hi naupang nuna LEARNING a tak taka a thlen awlsam hun lai tak a ni.

An exam zawhna lo ennawn pui ula, an dik loh laite hau mai lovin an lehkhabuah te lo zawnpui ula, an note te han ennawn leh se......an exam nawn kher dawn lo, mahse an thiam kha a pawimawh ber lai a ni e.

Kan tu leh fate zawhna ilo zirpui leh ang u.

[09/07/2026, 11:59 a.m]
MC Lalbuatsaiha:
Zirtirtu țheuh² hi aw...

[09/07/2026, 12:01 p.m]
Lalṭanpuia Hnamte:
I sawi ṭha lutuk, ka nau duh tak.👍😀

Nia, han en nawnpui khan an chian leh phah zual dawn a, an rilru-ah a intuh nghet tlat tawh dawn a ni.
👍👍

03/07/2026

TUIK*M BIAL MLA KHUALBUK:

Zoram Medical College & Hospital (ZMCH) pantu Tuikum Bial mipuite tana buatsaih ‘MLA Khualbuk’ chu June ni 30 2026 Thawhlehni khan Tuikum Bialtu MLA leh Minister PC. Vanlalruata chuan Falkawn-ah a hawng.

He MLA KHUALBUKa thleng tur te tana hriat tur pawimawh te:

1. Tuikum MLA Khualbuk hi thlen man awm lo, a thlawna thlen theih a ni.

2. Tui a harsat avangin hak lai inthlakna tur bak insuk phal a ni lo.

3. Zuk leh hmuam Room chhungah tih loh tur a ni.

4. Zu leh ruihhlo ken luh phal a ni lo. Khualbuk chhungah Zu ruih phal a ni lo.

5. Matress leh lukham dah a ni. Mutnaa sin tur erawh mahni intum a ngai.

6. Mahni bungruate fel taka vawn tur a ni. Bungraw bo thuah Khualbukin mawh a phur lo ang.

7. Eirawngbawlna gas a harsat em avangin chaw leh chawhmeh siam a rem lo a, Thingpui lum erawh phal a ni.

8. Khualbuk luh dawn leh chhuah dawnah a enkawltu hrilh zel tur a ni. Enkawltu - Pu Zairemmawia Ph: 8730921655.

9. Khualbuk lut tur ten Tuikum Bial mi kan ni ngei a ni tih lanna Identification Card eng emaw ber (Voter ID, Aadhaar Card, Driving Lisence, PAN Card, etc.) Khualbuk Enkawltu hnenah entir hmasak tur a ni.

10. Damlo kan awmpui ngei a ni tih lanna emaw kan inentir ngei a ni tih lanna thlalak emaw a lehkha emaw an nei ngei tura beisei a ni. (Hengin a huamloh thil serious bikah chuan Block hruaitute Biak tur a ni.)

Chhiahtlang School hrang hrang dinhmun...
03/07/2026

Chhiahtlang School hrang hrang dinhmun...

Chhiahtlang mihring leh in awm zat. Compiled by Pu C. Laltlankima
03/07/2026

Chhiahtlang mihring leh in awm zat. Compiled by Pu C. Laltlankima

28/12/2025

CHHIAHTLANG KHAW CHHUNG

K*M 2025 CHHUNGA KAN LUNGDUH CHATUAN RAM PAN TA TE

CHHIM VENG BRANCH:

1. Hmingthansangi K- 36
Thih ni : May 19, 2025
Lumenpui

2. Zachawia K-92
Thih ni : May 24, 2025
Lumenpui

3. K. Hrangzâma K- 80
Thih ni : December 9, 2025
Vui nghal a ni

KAWN VENG BRANCH:

1. Lalrinchhana K-32
Thih ni : January 8, 2025
Vui nghal a ni

2. Vanthawmi K-73
Thih ni : January 18, 2025
Lumenpui

3. Lalthangi K-77
Thih ni : February 3, 2025
Vui nghal a ni

4. R. Zirlianthanga K-65
Thih ni : March 5, 2025
Lumenpui

5. H. Vanlalruati K-44
Thih ni : March 3, 2025
Lumenpui

6. C. Lalrinmawii K-50
Thih ni : May 25, 2025
Lumenpui

7. Zaithanmawii K-78
Thih ni May 27, 2025
Lumenpui

8. David Lalneihkima K-49
Thih ni : September 12, 2025
Lumenpui

ZOTUITHIANG BRANCH:

1. Ṭhuamliana K-77
Thih ni : January 29, 2025
Lumenpui

2. Thanseii K-90
Thih ni : February 20, 2025
Lumenpui

3. Malsawmkimi K-17
Thih ni : March 14, 2025
Lumenpui

4. K. Lalpianthanga K 78
Thih ni : October 29, 2025
Lumenpui

5. Lalhlira K-80
Thih ni : November 10, 2025
Vui nghal a ni

CHANMARI BRANCH:

1. Rosiamliana K-36
Thih ni : May 19, 2025
Lumenpui

2. T. Lalramnghaka K-40
Thih ni : May 21, 2025
Khumtung lamah vui a ni

3. Lalrohlua K-38
Thih ni : August 5, 2025
Lumenpui

4. Ramthianghlimi K-80
Thih ni : November 10, 2025
Vui nghal a ni

5. Zomuansanga K-25
Thih ni : December 21, 2025
Serchhipa vui Chhiahtlang a phum

HMAR VENG BRANCH:

1. Dokhûma K-75
Thih ni : January 18, 2025
Lumenpui

2. Lalrindika Varte K-52
Thih ni : February 5, 2025
Lumenpui

3. Lalruatkima K-45
Thih ni : March 12, 2025
Lumenpui

4. Zairemmawii K-48
Thih ni : March 13, 2025
Lumenpui

5. Lalruatfela K -32
Thih ni : July 1, 2025
Lumenpui

6. Lalremtluanga K-49
Thih ni : September 12, 2025
Lumenpui

7. Zokungi K-76
Thih ni : October 21, 2025
Vui nghal a ni

Thu lakna: Pu RC. Hmangaihsanga, Kawn Veng

19/12/2025

ZIRTIRTU LAK THAR LEH AN POST TIH DANGLAMTE

Dt. 19.12.2025 a Director, School Education Deparment-in Office Order a tih chhuahah Casual Teacher tura lak thar mi 234 hming tarlan a ni a, Chhiahtlang aṭangin mi paruk an tel.

Lak thar zinga Chhiahtlang mi leh an thawhna tur hetiang hi a ni:

1. H. Lalrinsiami (Sl. # 86)
D/o Pu H. Lalmawia, HV
Govt. P/S, Ngentiang

2. Ngurliankima (Sl. # 92)
S/o Pu RC. Vanlalawia (L), VCH
Govt. P/S-III, Chhiahtlang

3. Lalmuanawmi (Sl. # 96)
D/o Pu C. Lalnunmawia, KV
Govt. P/S-I, Keiṭum

4. Andy C. Lalmuankimi (Sl. # 128)
D/o Pu C. Ramnghinglova, VCH
Govt. P/S, Zodin Ralsadi

5. Melody VL. Fakzuali (Sl. # 150)
D/o Pu R. Zonunsanga, KV
Govt. P/S, Darlâk

6. Laldampuii (Sl. #218)
D/o Pu V. Vanlalnghaka, VH
Govt. P/S, Tlangmawi

Casual Teacher thawk mek zingah Govt. P/S-II, East Lungdar-a thawk lai Vanlalnundiki d/o Pu Lalfela, Kawn Veng chu Govt. P/S-II, Chhiahtlangah sawn luh a ni a, Regular Teacher T. Lalhriatpuii, Govt. P/S-III, Chhiahtlanga thawk lai chu Govt. Midland P/S, Sechhipah sawn chhuah a ni thung.

Address

North Vanlaiphai
796181

Telephone

+919615556947

Website

Alerts

Be the first to know and let us send you an email when Chhiahtlang posts news and promotions. Your email address will not be used for any other purpose, and you can unsubscribe at any time.

Shortcuts

Share

Category