Erabang Nodal Uchha Vidyalaya

23/12/2025

1988 batch
batch feast

23/12/2025

*ପ୍ରବାସ ଅନୁଚିନ୍ତା*
ବିରଞ୍ଚି ନାରାୟଣ ତ୍ରିପାଠୀ

ହିମ ସୁନ୍ଦରୀଙ୍କ ପ୍ରୀତି ପୁଲକକୁ
ଆପଣେଇ ନେବାପାଇଁ
ଆସିଥିଲି ସିନା ତାଙ୍କ ଘର ବୁଲି
ହାୟ ମନ ବୁଝେ ନାହିଁ।
ଦେଖିଲି ସୁନ୍ଦରୀ ବେଢାଇଛି ଦେହେ
ମୁକୁତା ରଙ୍ଗର ଶାଢୀ
ସବୁଜ ରଙ୍ଗର କେତେ କୁଟି କମ
ତାରାଫୁଲ ଧାଡି ଧାଡି।
ଅଧରେ ଫୁଟିଛି ସୁରୁଯ କିରଣ
ଆରକ୍ତ ମଧୁର ଛଟା
ଆଲିଙ୍ଗନ ଆଶେ ବଢାଉଛି ହାତ
ଖ୍ରୀଷ୍ଟମାସ ବୃକ୍ଷଲଟା।
ଯେତେ ଡାକିଲେବି ହାଏ-ହାଲୋ
ବୋଲି ପାରୁନାହିଁ ମନ କିଣି
ଖିଆଲି ମନ ମୋ ବନ୍ଧା ଆନ ପାଶେ
ହୃଦୟ ପାରେ ଯେ ଜିଣି।
ନୟନେ ନାଚଇ ଉତ୍କଳ ରୂପସୀ
ତା'ଚାରୁ ଚିତ୍ର ପ୍ରତିମା
ଶୟନେ ସପନେ ଭାବି ତା'ର କଥା
ନିଦ ଆସେ ନାହିଁ ଜମା।
ଭୁବନେଶ୍ବରର ସେ ପୁସ୍ତକ ମେଳା
"ହିମଦରବାର" ମଧୁ
ଋକ୍ଷି -ବଳରାମ ମାଟିର ସାହିତ୍ଯ
ମୋ ପାଇଁ ମହକ ସିନ୍ଧୁ।
ବନ୍ଧୁ ମିଳନର ଶୁଭ ଅବସର
ସାହିତ୍ଯ- ସଙ୍ଗୀତ ସୁର
ଏପରି ରାଇଜେ ମିଳିବ କୋଉଠୁ
"ଢୁମ୍ପା"ର ସ୍ବର ଲହର।
ଓଡିଶୀ ଲାବଣ୍ଯ କାଶ ହାସ ଛଟା
ତା' ଜବା ଅଧର ମଧୁ
ମିଳେନା ଗୀଟାର୍ ସ୍ବର ଲହରିରେ
ଦିନଯାଏ କାନ୍ଦୁ କାନ୍ଦୁ।
ଭୋଗର ସକଳ ମଧୁର ଐଶ୍ବର୍ଯ୍ଯ
ଚଉପାଶେ ଅଛି ଭରି
ବୁଝେନା ତଥାପି ଅମାନିଆ ମନ
ମାଆ ମମତା ସୁମରି।
ହେବ କେବେ ଦେଖା ପ୍ରିୟ ବନ୍ଧୁ-
ସଖା ହସିଲା ମୁଖ-କମଳ
ବୁଣିବି ମାନସେ ପ୍ରଭାତ- ପ୍ରଦୋଷେ
ଭାବ ପୀରତିର ଜାଲ।
ଭାବି ଭାବି ଖାଲି ଦିବସରେ ଏଠି
ମୋ ମାଟି ମାଆର କଥା
କେବେ ଲୋଟିବି ମୁଁ ତା'ସ୍ନେହ ପଣତେ
ଭାବି ଘୂରିଯାଏ ମଥା।
ହେ ସୁରୂଯ ଦେବ ! ହେ ଦିନ ବାନ୍ଧବ!
ମୋ ପ୍ରିୟ ଜନଙ୍କ ପାଶେ
କହିବ ବୁଝାଇ ବିରହୀ ଯକ୍ଷ ମୁଁ
ଝୁରୁଛି ବରଫ ଦେଶେ।
କଳାର ଈଶ୍ବର! ମୋ କଳା ଠାକୁର!
ତୁମେ ପରା ସର୍ବ ସାକ୍ଷୀ
କେବେ ଫିଟିବ ମୋ ପ୍ରବାସ ବନ୍ଧନ
ଲୋତକେ ଭିଜେ ମୋ ଆଖି।
ହେ ବନ୍ଧୁ ପ୍ରବର! କରିବନି ଦୂର
ଥିଲେ ଯେତେଦୂରେ କାହିଁ
ତୁମ ପ୍ରୀତିପାଶେ ବନ୍ଧା ଏ ଜୀବନ
ଶ୍ରଦ୍ଧା -ସୁମନାସ ନେଇ।।

ବିରଞ୍ଚି ନାରାୟଣ ତ୍ରିପାଠୀ
ଅଣ୍ଟାରିଓ,କାନାଡା

15/12/2025

ଜୟ ଜଗନ୍ନାଥ ..🙏🏻🙏🏻

15/12/2025

15/12/2025

14/12/2025

Have A Good Day To All...🕺💃🕺💃