DR P K Rajan Memorial Campus Nileswaram

15/08/2026

25/06/2024

ഏവർക്കും സ്വാഗതം
കണ്ണൂർ സർവകലാശാലയുടെ മുഖ്യ ശില്പി ഡോ.പി.കെ.രാജന്റെ ഓർമ്മയ്ക്കായി മലയാള വിഭാഗം ഏർപ്പെടുത്തിയ ഡോ.പി.കെ.രാജൻ സ്മാരക സാഹിത്യ അവാർഡ് സമർപ്പണം(2023 ) നാളെ മലയാള വിഭാഗത്തിൽ വച്ച് നടക്കുന്നതാണ്. സർവകലാശാലയുടെ ബഹു. സിൻഡിക്കേറ്റംഗം ഡോ.എ.അശോകൻ യുവ എഴുത്തുകാരൻ മൃദുൽ വി.എം. ന് അവാർഡ് തുകയും പ്രശസ്തിപത്രവും കൈമാറും. പ്രസ്തുത ചടങ്ങിൽ ഇ.പി.രാജഗോപലൻ മാഷ് അനുസ്മരണ പ്രഭാഷണം നിർവഹിക്കും .തുടർന്നുള്ള പാനൽ ചർച്ചയിൽ കെ.വി. മണികണ്ഠദാസ് , ജെബിൻ മഠത്തിൽ, അമൽ രാജ് പാറമ്മേൽ , സുഹൈല ബി എന്നിവർ പങ്കെടുക്കും കൃഷ്ണദാസ് പി ചർച്ച നയിക്കും

06/03/2023

കണ്ണൂർ സർവകലാശാല മലയാളവിഭാഗം ഫോക്കസ് പുൾ ഫിലിം ക്ളബ്ബ്, ഡോ.പി.കെ.രാജൻ മെമ്മോറിയൽ കാമ്പസ് നീലേശ്വരം, കേരള സംസ്ഥാന ചലച്ചിത്ര അക്കാദമിയുടെ സഹകരണത്തോടെ Behind d Screen എന്ന പേരിൽ ത്രിദിന ചലച്ചിത്ര ശില്പശാല സംഘടിപ്പിക്കുന്നു. മാർച്ച് 8,9,10 തീയതികളിലായിട്ടാണ് ശില്പശാല ആസൂത്രണം ചെയ്തിട്ടുള്ളത്. 08.03.2023 ബുധനാഴ്ച്ച രാവിലെ ചലച്ചിത്രസംവിധായകനും കേരള സംസ്ഥാന ചലച്ചിത്ര അക്കാദമി ജനറൽ കൗൺസിൽ അംഗവുമായ ശ്രീ.മനോജ് കാന ശില്പശാല ഉദ്ഘാടനം ചെയ്യും. തുടർന്നുള്ള സെഷനുകളിൽ വിനോയ് തോമസ് (തിരക്കഥ), രതീഷ് ബാലകൃഷ്ണ പൊതുവാൾ (സംവിധാനം), വിനോദ്‌ സുകുമാരൻ(എഡിറ്റിങ്), രംഗനാഥ് രവി( സൗണ്ട് ഡിസൈനിംഗ്), വിനോദ് ഇല്ലമ്പള്ളി( സിനിമാറ്റോഗ്രഫി), അനുമോൾ (അഭിനയം) എന്നിവർ ക്ലാസ്സ് കൈകാര്യം ചെയ്യും. കേരളത്തിലുടനീളമുള്ള വ്യത്യസ്ത കോളെജ്/ ക്യാമ്പസുകളിൽ നിന്നുള്ള വിദ്യാർഥികൾ ഡെലിഗേറ്റുകളായി പങ്കെടുക്കുന്നു. നിർമ്മാല്യം, ചിദംബരം, വിധേയൻ എന്നീ സിനിമകളുടെ സ്ക്രീനിംഗ് ഉണ്ടായിരിക്കും.

01/11/2022

ഡോ.പി.കെ.രാജൻ സ്മാരക സാഹിത്യ പുരസ്കാരം സമർപ്പിച്ചു
കണ്ണൂർ സർവകലാശാല ഡോ.പി.കെ.രാജൻ മെമ്മോറിയൽ കാമ്പസിൽ മലയാള വിഭാഗത്തിൻ്റെയും ഭരണഭാഷാ സമിതിയുടെയും ആഭിമുഖ്യത്തിൽ കേരളപ്പിറവി ദിനാഘോഷവും ഭരണഭാഷാവാരാഘോഷത്തിൻ്റെ ഉദ്ഘാടന സമ്മേളനവും ഇന്ന് രാവിലെ 10.30 മണിക്ക് നടന്നു.സർവകലാശാല രജിസ്ട്രാർ പ്രൊഫ. ജോബി കെ.ജോസ് ഉദ്ഘാടനം ചെയ്തു. സർവകലാശാലാ സിൻഡിക്കേറ്റ് മെമ്പർ ഡോ.ടി.പി.അഷ്റഫ് അധ്യക്ഷത വഹിച്ചു.പ്രസ്തുത സമ്മേളനത്തിൽ കണ്ണൂർ സർവ്വകലാശാല മുൻ വൈസ് ചാൻസലറുടെ ഓർമ്മയ്ക്കായി മലയാള വിഭാഗം ഏർപ്പെടുത്തിയ ഡോ.പി.കെ.രാജൻ സ്മാരക സാഹിത്യ പുരസ്കാരം കവി വീരാൻ കുട്ടിക്ക് സമർപ്പിച്ചു. ഓരോ വർഷവും മലയാള ആനുകാലികങ്ങളിൽ പ്രസിദ്ധീകരിക്കപ്പെടുന്ന സർഗാത്മക രചനകളിൽ നിന്ന് വിദ്യാർഥികളുടെ ജൂറിയാണ് പുരസ്കാരജേതാവിനെ തിരഞ്ഞെടുക്കുന്നത് എന്നത് അവാർഡിൻ്റെ മാറ്റുകൂട്ടുന്നു. ഭാഷാപോഷിണിയിൽ പ്രസിദ്ധീകരിക്കപ്പെട്ട വീരാൻ കുട്ടിയുടെ 'കറുപ്പ് 'എന്ന കവിതയാണ് ഈ പ്രാവശ്യത്തെ പുരസ്കാരം നേടിയത്. 5001 രൂപയും പ്രശസ്തി പത്രവുമാണ് പുരസ്കാരം. അതിനോടൊപ്പം തന്നെ ഒന്നാം വർഷം എം.എ. മലയാളം വിദ്യാർത്ഥികൾ തയ്യാറാക്കിയ കോങ്കണ്ണ് കൈയെഴുത്ത് മാസികയുടെ പ്രകാശനവും നടന്നു. മാസിക പൂർണ്ണമായും മലയാള ലിപിയിൽ തയ്യാറാക്കിയതാണ്.പുറമേ അക്കങ്ങൾ, ചിഹ്നനങ്ങൾ എന്നിവയും മലയാളത്തിലാണ്. മാസികയുടെ പ്രകാശനം ശ്രീ.വീരാൻ കുട്ടി നിർവഹിച്ചു. അനുവിന്യ ഏറ്റുവാങ്ങി.ഉദ്ഘാടന സമ്മേളനത്തിൽ മലയാള വിഭാഗം മേധാവി ഡോ.റീജ വി., ഡോ. പ്രീതി, ശ്രീരാജ് ഫാതിമത് റിസ്വാന, രേവതി വിജയൻ, ഡോ.അബ്ദുൾ റഫീക് എന്നിവർ സംസാരിച്ചു. ഉച്ചതിരിഞ്ഞ് വിദ്യാർഥികളുടെ സാംസ്കാരിക പരിപാടികളും സംഘടിപ്പിച്ചു. .

02/12/2021

https://m.facebook.com/story.php?story_fbid=459359202215435&id=100044240779100

08/09/2021

*കണ്ണൂർ സർവകലാശാല മലയാള വിഭാഗം*

*നവ സമീപനങ്ങളും സങ്കല്പനങ്ങളും*

വെബ് ലെക്ചർ സീരീസ് 2

ലെക്ചർ 2
* ഡോ.കവിത ബാലകൃഷ്ണൻ*

* കാഴ്ച,
കാഴ്ച്ചപ്പാടാകുന്നതെങ്ങനെ?*

ഇന്ന് * രാവിലെ * 10.30

ഗൂഗിൾ മീറ്റ് ലിങ്ക്👇
https://meet.google.com/vwr-resp-rgd

09/08/2021

Kerala Research Scholar Association..