10/03/2024
رمضان اور قرآن
✍️پرویز اختر ہاشمی ندوی
سورہ بقرہ آیت نمبر 185 میں قرآن اور رمضان کے تعلق سے بہت ہی غیر معمولی بات کا ذکر ہے جس میں رب کریم کا فرمان ہے کہ رمضان وہ مہینہ ہے جس میں قرآن نازل ہوا اس بات میں کئی نکات ہیں سب سے پہلے تو قرآن کی عظمت کا کھلا پیغام ہے پھر رمضان کی اہمیت کا اعلان ہے اس کے بعد قرآن کی تین خصوصیت کا بیان ہے, ہدایت, کھلی ہدایت اور ( فرقان) یعنی حق و باطل کا الگ الگ ہو جانا,
,,ہدایت,, عام ہے ,,کھلی ہدایت,, خاص ہے ,,فرقان,, خاص الخاص ہے اس میں دو طرح کی بات ہے ایک تو یہ کہ قرآن میں یہ تینوں چیزیں ہیں دوسرے یہ کہ انسانی زندگانی میں عملی طور پر ان تینوں سے سابقہ پڑتا ہے.
سچا انسان رب کی ہدایت پا لیتا ہے کچھ لوگ اللہ کی جب کھلی ہدایت دیکھتے ہیں تب راہیاب ہوتے ہیں اور ایسے بھی ہوتے ہیں جنہیں یوم الفرقان (روز قیامت) کو حق دکھےگا تب محض پچھتاوے کے سوا کچھ حاصل نہ ہوگا.
تو ( تراویح ) قرآن کی افہام و تفہیم رمضان میں روزے کے بعد خاص عملیات میں سے ہے لہذا مساجد میں تفسیر قرآن کا ضرور نظم کریں اور اپنے طور پر بھی ترجمہ و تفسیر پڑھیں قرآن کا حلقہ لگائیں قرآن کی صدا بلند کریں, قرآن, قرآن کی آیت پر تبادلہ خیال کریں غور و فکر اور تدبر کریں یہ سب خوب کریں ہر آن کریں ہر جگہ کریں کہ رمضان قرآن کا مہینہ ہے ایسا کرنے پر ہی رمضان اور قرآن کا جو تعلق ہے اسکا حق ادا ہوگا.
علماء کی ذمہداری ہے ،، هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ ,, ان تینوں قرآنی خصوصیات کو عوام کے سامنے واضح کریں جسے سمجھنا اور عمل کرنا نزول قرآن کا مقصد ہے جس میں پوری انسانیت کیلئے نفع و کامیابی ہے.
