डे केअर सेंटर प्राथमिक शाळा, नाशिक

https://docs.google.com/forms/d/e/1FAIpQLSc86WkJOJpgpOfHtjUPQzy8vAPpyuGSZGGBMGYhLn1XjTST9g/viewform

*ज्ञानवर्धिनी विद्याप्रसारक मंडळ नाशिक संचलित डे केअर सेंटर शाळेची स्थापना 1994 साली करण्यात आली.* *तेव्हापासून ते आज पावेतो शाळेतून शेकडो विद्यार्थ्यांनी ज्ञानार्जन करून तदनंतरच्या आयुष्यात विविध क्षेत्रात उत्तुंग यश प्राप्त केले.* *ज्ञान,विज्ञान,कला,मनोरंजन, क्रीडा,उद्योग,शिक्षण,साहित्य व इतरही क्षेत्रात यशस्वी ठरलेल्या माजी विद्यार्थ्यांची माहिती व फोटो 'फेम गॅलरी'स्वरूपात शाळेत लावावयाचे निश्चित करण्यात आले आहे.*
*आपण शाळेचे माजी विद्यार्थी असाल तर तुम्ही स्वतः खालील माहिती भरावी तसेच आपल्या परिचित विद्यार्थ्यांना हि लिंक शेअर करावी हि विनंती.*
*अधिक माहितीसाठी -*
राजेशदादा -9890502911 या क्रमांकावर संपर्क करावा.

💐💐भावपूर्ण श्रद्धांजली 💐💐

https://youtu.be/wPpCBZIU0Ds?si=FCjyXpY2DFgzfePD. *गुरुपौर्णिमेचे औचित्य साधून डे केअर सेंटर प्राथ.शाळेत कथामालेस प्रारंभ*.
ज्ञानवर्धिनी विद्या प्रसारक मंडळ संचलित डे केअर सेंटर प्राथमिक शाळेत गुरुपौर्णिमा मोठ्या उत्साहात साजरी करण्यात आली. या कार्यक्रमास प्रमुख अतिथी म्हणून विद्या प्रबोधिनी प्रशाळा सोसायटीच्या शालेय समिती अध्यक्ष सौ. सुवर्णा महेश दाबक, शाळेच्या मुख्याध्यापिका श्रीमती. माधुरी मरवट, बाल मंदिराच्या मुख्यताई सौ. पुनम सोनवणे, इंग्रजी माध्यमाच्या मुख्याध्यापिका सौ. तनुजा कुलकर्णी आदी मान्यवर उपस्थित होते. कार्यक्रमाची सुरुवात प्रतिमापूजनाने करण्यात आली. गुरुपौर्णिमेनिमित्त आजपासून शाळेत कथामालेचा प्रारंभ केला जातो. त्यानिमित्ताने इयत्ता पहिली ते चौथीतील दिक्षिता आहेर, अनघा इंगळे, श्रुती पाटील, स्वरा चौधरी, वेदिका दवंगे या विद्यार्थ्यांनी गुरु शिष्यांच्या जोड्या, गुरुकुल पद्धती, याविषयी माहिती चे सादरीकरण केले. इयत्ता पहिलीतील विद्यार्थ्यांनी गुरु व शिष्यांची वेशभूषा केली. इयत्ता दुसरीतील विद्यार्थ्यांनी द्रोणाचार्य व एकलव्य या प्रसंगाचे नाट्यीकरण केले. इयत्ता चौथीतील तनिष्का लिटे,आरोही मोरे व कार्तिकी लांडगे या विद्यार्थिनींनी लोकनृत्याचे प्रकार सादर केले. शाळेतील सर्व शिक्षकांनी मिळून "गुरुने दिला ज्ञानरूपी वसा.".... व "खरा तो एकची धर्म "....या प्रार्थनेचे सादरीकरण केले. या कार्यक्रमात कब बुलबुल अंतर्गत राज्यस्तरावर घेण्यात आलेल्या गोल्डन एरो परीक्षेत प्राविण्य मिळालेल्या विद्यार्थ्यांना प्रमाणपत्राचे वाटप करण्यात आले .प्रमुख अतिथिनी आपल्या मनोगतातून शाळेत होणाऱ्या प्रत्येक उपक्रमांमध्ये विद्यार्थ्यांनी सहभागी व्हावे. त्यातूनच आपले व्यक्तिमत्व घडत असते असे सांगितले. शाळेच्या मुख्याध्यापिका श्रीमती. माधुरी मरवट यांनी विद्यार्थ्यांना आपली एकाग्रता कशी वाढवावी याविषयी मार्गदर्शन केले व कार्यक्रमाचे आभार प्रदर्शन देखील केले. या कार्यक्रमाचे सूत्रसंचालन सौ. मेघा जगताप व श्री .संपत चिमटे यांनी केले. सर्वांच्या सहकार्याने कार्यक्रम यशस्वीरित्या पार पडला.

गुरुपौर्णिमा २०२५//डे केअर सेंटर प्राथमिक शाळेत विविध कार्यक्रमांचे आयोजन// ज्ञानवर्धिनी विद्या प्रसारक मंडळ डे केअर सेंटर प्राथमिक शाळेत गुरुपौर्णिमेनिमित्त विविध कार्यक्रमातून गुरुवं...

https://youtu.be/2mfIp3T6I7A?si=ZgelawWHtdLV4UwL. *ज्ञानवर्धिनी विद्या प्रसारक मंडळ नाशिक, डे केअर सेंटर प्राथमिक शाळेत आषाढी एकादशीचा सोहळा उत्साहात संपन्न.*
II पाऊले चालती पंढरीची वाट सुखी संसाराची तोडोनिया गाठ II
या सुंदर अभंगाची आठवण आषाढी एकादशी आल्यानंतर सर्व भक्तगणांना होते. त्यानुसार पंढरीच्या दिशेने त्यांची ओढ लागते याच दिवसाचे औचित्य साधून डे केअर सेंटर प्राथमिक शाळेत आषाढी एकादशी निमित्त कार्यक्रमाचे आयोजन करण्यात आले. कार्यक्रम प्रसंगी प्रमुख अतिथी म्हणून *पर्यावरण संरक्षण इकोमित्रम् चे समन्वयक माननीय श्री. वैभव फेडर व माननीय श्री. सुबोध कुलकर्णी समवेत संस्थेचे सचिव माननीय श्री. गोपाळ पाटील सर उर्फ आबा, शाळेच्या मुख्याध्यापिका माननीय माधुरी मरवट, उपमुख्याध्यापक माननीय कल्पना चव्हाण, माननीय राजेश भुसारे* उपस्थित होते.
कार्यक्रमाची सुरुवात प्रमुखांच्या हस्ते विठ्ठल - रुक्मिणीचे पूजन व वृक्ष पूजनाने करण्यात आली. त्यानंतर इयत्ता सातवीतील मनस्वी मतकर या विद्यार्थिनीने आषाढी एकादशीची माहिती सांगितली तसेच इयत्ता पाचवी ते सातवीच्या विद्यार्थ्यांनी *II विठ्ठल विठ्ठल विठ्ठल विठ्ठल lI तुला साद आली तुझ्या लेकरांची लंका पुरी आज भारावली ll* हे गीत सादर केले.
सदर कार्यक्रमास उपस्थित संस्थेचे सचिव माननीय गोपाळ पाटील सर उर्फ आबा यांनी आपल्या मनोगतातून *राष्ट्रीय विद्यार्थी पर्यावरण स्पर्धा 2025 अंतर्गत पर्यावरण संरक्षण इकोमित्रम् ॲप* विषयी माहिती सांगितली व प्रत्येक विद्यार्थी व प्रत्येक नागरिकांनी पर्यावरण दूत म्हणून काम केले पाहिजे व पर्यावरण संतुलन अबाधित राखण्यासाठी प्रत्येकाने एक तरी झाड लावलेच पाहिजे हा महत्त्वाचा संदेश विद्यार्थ्यांना दिला.
कार्यक्रमाच्या शेवटी सर्व शिक्षक ताईं - दादा यांनी *विठ्ठल विठ्ठल विठ्ठल* या मंत्रमुग्ध करणाऱ्या गाण्यावर सुरेख असे नृत्य सादर केले. उपमुख्याध्यापक माननीय राजेश भुसारे यांनी उपस्थित सर्वांचे आभार मानले.
*Il वृक्षवल्ली आम्हा सोयरे वनचरे ll* या मंगल दिनाचे औचित्य साधून वृक्षदिंडी काढून *'एक पेड़ मां के नाम'* अभियाना अंतर्गत माता पालक व विद्यार्थी यांच्या हस्ते पर्यावरणाचे संवर्धन करण्याच्या उद्देशाने विद्यार्थ्यांच्या घरी जाऊन वृक्षारोपण करण्यात आले. सदर कार्यक्रमाचे सूत्रसंचालन इयत्ता सातवीतील आराध्या खैरनार या विद्यार्थिनीने केले.
कार्यक्रम यशस्वीतेसाठी सर्व शिक्षक ताई- दादा व शिक्षकेतर कर्मचाऱ्यांचे मोलाचे परिश्रम आणि सहकार्य लाभले.

आषाढी एकादशी 2025-26//डे केअर सेंटर प्राथमिक शाळेतील वारकऱ्यांचा वृक्षदिंडीत भरभरून प्रतिसाद.... ज्ञानवर्धिनी विद्या प्रसारक मंडळ नाशिक संचलित डे केअर सेंटर प्राथमिक शाळेतील पहिले ते सातवीच्या वारकऱ्यांनी वृ...

ज्ञानवर्धिनी विद्या प्रसारक मंडळ डे केअर सेंटर प्राथमिक शाळेत 26 जून रोजी कालिदास दिन साजरा करण्यात यावेळी इयत्ता पहिली ते सातवीच्या विद्यार्थ्यांनी संस्कृत मधून श्लोक, माहिती, संवाद सादरीकरण केले.

26 जून कालिदास दिन//डे केअर सेंटर प्राथमिक शाळा ज्ञानवर्धिनी विद्या प्रसारक मंडळ नाशिक संचलित डे केअर सेंटर शाळेत 26 जून कालिदास दिनानिमित्त इयत्ता पहिली ते सात.....

*डे केअर सेंटर च्या प्रांगणात शाळेच्या पहिल्या दिवसाचे औचित्य साधून आनंद मेळावा जल्लोषात साजरा..*
ज्ञानवर्धिनी विद्या प्रसारक मंडळ डे केअर सेंटर शाळेत पहिल्या दिवसाचे औचित्य साधून आपल्या शाळेचा वैशिष्ट्यपूर्ण उपक्रम म्हणजे आनंद मेळाव्याचे आयोजन करण्यात आले होते. या कार्यक्रमास प्रमुख अतिथी म्हणून UPSC मार्फत घेतलेल्या CDS परीक्षेत यश मिळवून सैन्यदलात लेफ्टनंट पदी निवड झालेला माजी विद्यार्थी मोहित भास्कर उपस्थित होते. समवेत संस्थेचे सचिव माननीय गोपाळ पाटील सर उर्फ आबा, संस्थेच्या सहसचिव माननीय ॲड.अंजलीताई पाटील, प्राथमिक विभागाच्या मुख्याध्यापिका माननीय माधुरी मरवट, माध्यमिक व उच्च माध्यमिक विभागाच्या मुख्याध्यापिका माननीय अनुजा पाठक, माजी मुख्याध्यापिका माननीय वासंती पाठक, इंग्रजी विभागाच्या मुख्याध्यापिका माननीय विद्या अहिरे, प्री-प्रायमरी विभागाच्या मुख्याध्यापिका माननीय तनुजा कुलकर्णी, आनंदवन बाल मंदिर विभागाच्या मुख्याध्यापिका माननीय पूनम सोनवणे आदी मान्यवर उपस्थित होते.
कार्यक्रमाची सुरुवात प्रमुख अतिथींच्या हस्ते सरस्वती पूजन व वृक्ष पूजनाने करण्यात आली. कार्यक्रम प्रसंगी सुरुवातीला आपल्या परंपरेनुसार अभिजात संस्कृतीला धरून प्रत्येक अतिथींचे औक्षण करून स्वागत करण्यात आले. त्यानंतर स्वरधारा संगीत ॲप चे उद्घाटन व प्रकाशन करण्यात आले. प्रत्येक विद्यार्थ्याला शास्त्रीय संगीताची ओळख व्हावी व त्यात त्यांना गोडी निर्माण व्हावी व प्रत्येक विद्यार्थ्याला संधी मिळावी यासाठी बालवाडीतील विद्यार्थ्यांपासून ते इयत्ता पाचवी पर्यंतच्या विद्यार्थ्यांना स्वरधारा या ॲपद्वारे संगीत शिकण्याची संधी मिळणार आहे.
इयत्ता दहावी व बारावीच्या गुणवंत विद्यार्थ्यांचा सत्कार करण्यात आला व राज्यस्तरीय इंग्लिश मॅरेथॉन परीक्षेत प्राविण्य मिळवणाऱ्या इयत्ता चौथी ते दहावीच्या विद्यार्थ्यांना प्रमुख पाहुण्यांच्या हस्ते बक्षीस वितरण करण्यात आले. तसेच कोणताही विद्यार्थी शिक्षणाच्या प्रवाहातून वंचित राहू नये या उद्देशाने महाराष्ट्र राज्य पाठ्यपुस्तक निर्मिती व अभ्यासक्रम संशोधन मंडळ या संस्थेमार्फत पाठ्यपुस्तकाची निर्मिती झालेल्या पुस्तकांचे आनंद मेळाव्याचे औचित्य साधून प्रतिनिधिक स्वरूपात मान्यवरांच्या हस्ते मोफत पाठ्यपुस्तकाचे वितरण करण्यात आले.
शाळेच्या प्रांगणात विविध प्रकारच्या स्टॉलची उभारणी करण्यात आली होती विद्यार्थ्यांच्या कलागुणांना प्रोत्साहन देण्यासाठी व ज्या अभिजातकला लुप्त होताना दिसत आहेत त्यांची ओळख विद्यार्थ्यांना होण्यासाठी विविध प्रकारच्या कला मेळाव्याचे आयोजन करण्यात आले होते त्यामध्ये लिंपण आर्ट, मंडल आर्ट, पॉट पेंटिंग, वारली पेंटिंग, मेहंदी, रांगोळी, चित्रकला, मातीकाम अशा वेगवेगळ्या प्रकारच्या कलादालनांचे आयोजन करण्यात आले होते. यावेळी महाराष्ट्रातील एक अभिजात पारंपारिक नृत्य प्रकार म्हणजे पाच पावली या नृत्यावर विद्यार्थी , सर्व शिक्षक ताई दादा व पालकांनी नृत्य करण्याचा आनंद घेतला. तसेच पारंपारिक खेळांचे व विविध खाद्यपदार्थांचे स्टॉल देखील उपलब्ध असल्यामुळे विद्यार्थ्यांनी आणि पालकांनी हसत खेळत विविध कला सादर करत खाण्याचाही आनंद घेतला.
आजचे प्रमुख अतिथी मोहित भास्कर यांनी आपल्या शालेय जीवनापासून ते सैन्य दलात लेफ्टनंट पदी निवड होईपर्यंतचे सर्व अनुभव आपल्या मनोगतातून सांगितले. तसेच माननीय गोपाळ पाटील सर उर्फ आबा यांनी खरे शिक्षण हे पहिली ते दहावीपर्यंत शाळेतच मिळत असते. तसेच प्रत्येक विद्यार्थी घडविण्यामागे बालवाडी पासून ते कॉलेज पर्यंतच्या सर्व शिक्षक ताई-दादांचा मोलाचा वाटा असतो असे त्यांनी आपल्या मनोगतातून सांगितले. त्याचप्रमाणे त्यांनी आपल्या मनोगतातून माध्यमिक व उच्च माध्यमिक विभागाच्या मुख्याध्यापक पदी सौ. अनुजा पाठक यांची निवड झाल्याचे व वासंती पाठक सेवानिवृत्त झाल्याचेही घोषित केले. व त्यांच्या पुढील वाटचालीसाठी शुभेच्छा दिल्या. यावेळी पालकांच्या हस्ते माननीय अनुजा ताई पाठक व वासंतीताई पाठक यांचा सत्कार करण्यात आला. अशाप्रकारे आनंद मेळावा हा आपला वैशिष्ट्यपूर्ण उपक्रम जल्लोषात व उत्साहात संपन्न झाला.
या कार्यक्रमाचे सूत्रसंचालन शिक्षिका पूजा केदार व प्रतिभा साळुंखे यांनी केले. कार्यक्रम यशस्वीतेसाठी सर्व विभागातील शिक्षक ताई-दादा व शिक्षकेतर कर्मचारी यांचे मोलाचे सहकार्य लाभले. https://www.instagram.com/reel/DK3ooK4NwUZ/?igsh=azhzbzBjcXhmbGx0

आनंदमेळावा अर्थात शाळेचा पहिला दिवस !

उन्हाळ्याची सुट्टी संपली आणि ज्ञानवर्धिनी परिवाराची लगबग सुरू झाली ते पुढील वर्षाच्या नियोजनासाठी!
प्राथमिक विभागातही माननीय माधुरी ताईंच्या मार्गदर्शनाखाली विविध विषयांवर सहविचार सभा घेतल्या जात आहेत. दिनांक 5 जून म्हणजेच **जागतिक पर्यावरण दिन* *
दैनंदिन अध्यापन करत असतानाच शिक्षकाचे पाऊल वर्गात पडल्याबरोबर विद्यार्थी उत्साही व्हावा म्हणून शिक्षकाने वातावरण निर्मिती करणे आवश्यक आहे. विद्यार्थ्याबरोबरच शिक्षकही उत्साही आणि आनंदी असावा यासाठी माधुरीताई सभेच्या सुरुवातीला कुठलीतरी एक ऍक्टिव्हिटी घेऊन सभेला सुरुवात करतात. आज सभेच्या सुरुवातीला जागतिक पर्यावरण दिन कळत नकळतपणे साजरा करण्यात आला. पूजाताईने सुविचाराच्या माध्यमातून सांगितले की ,झाडे ज्याप्रमाणे मातीशी घट्ट राहून आपली मूळ धरणीच्या आत विकसित करतात आणि आपल्या ध्येयापर्यंत उंच उंच वाढत जातात त्याचप्रमाणे माणसानेही नेहमी वागले पाहिजे आणि झाडांचा आदर्श आपल्या डोळ्यासमोर ठेवला पाहिजे. पल्लवी ताईने वृक्ष संवर्धन ही काळाची गरज आहे हे आपल्या वक्तृत्वातून स्पष्ट केले. विद्याताईने आणि अर्चनाताईने छान कृतीयुक्त गीत घेतले. प्रियंका ताईने पर्यावरणाशी संबंधित काही घोषवाक्य सगळ्यांकडून म्हणून घेतली.
आणि मा.माधुरी ताईंनी 25 वर्षापासून आपण चालू ठेवलेला *एक विद्यार्थी एक वृक्ष* हा प्रकल्प आपल्याला कशा पद्धतीने पुढे न्यायचा आहे याविषयी मार्गदर्शन केले तसेच चर्चा घडवून आणली.

Upsc मार्फत घेतलेल्या CDS परीक्षेत डे केअर सेंटर शाळेचा माजी विद्यार्थी मोहित भास्कर यांची सैन्य दलात *लेफ्टनंट पदी* निवड झाली आहे.
मोहितचे हार्दिक अभिनंदन !
💐💐

डे केअर सेंटर शाळेत वार्षिक क्रीडा स्पर्धा बक्षीस वितरण कार्यक्रम पालकांच्या उपस्थितीत संपन्न झाला.

डे केअर सेंटर प्राथमिक शाळा//वार्षिक क्रीडा स्पर्धा बक्षीस वितरण कार्यक्रम डे केअर सेंटर प्राथमिक शाळेत वार्षिक क्रीडा स्पर्धा बक्षीस वितरण कार्यक्रम पालकांच्या उपस्थितीत संपन्न.