डे केअर सेंटर प्राथमिक शाळा, नाशिक

15/08/2026

**डे केअर सेंटर स्कूलमध्ये ८० व्या स्वातंत्र्यदिनाचा अभूतपूर्व उत्साह; 'व्यसनमुक्त भारता'चा पाहुण्यांचा संदेश**

**नाशिक:** येथील डे केअर सेंटर स्कूलमध्ये भारताचा ८० वा स्वातंत्र्यदिन प्रचंड उत्साह, देशप्रेम आणि अभूतपूर्व देशभक्तीच्या वातावरणात साजरा करण्यात आला.

कार्यक्रमाला प्रमुख पाहुणे म्हणून लाभलेले प्रसिद्ध व्यावसायिक तथा माजी लष्करी अधिकारी कारभारी पांडुरंग धात्रक आणि इंदिरा नगरचे पोलीस स्टेशन चे पोलीस निरीक्षक धनराज पाटील यांच्या गरिमामय उपस्थितीने सोहळ्याची शोभा वाढवली. तसेच ज्ञानवर्धिनी विद्या प्रसारक मंडळाच्या सचिव डॉ. अॅड. अंजलीताई पाटील, नानासाहेब, अनुज दादा, समन्वयक वासंती पाठक यांच्यासह शाळेच्या सर्व विभागांचे प्राचार्य अनुजा पाठक, राजेश भुसारे, तनुजा कुलकर्णी, मंजुषा सरनाईक व अर्चना आहेर प्रामुख्याने उपस्थित होते. शिक्षक, विद्यार्थी, शाळा व्यवस्थापन सदस्य आणि पालकांच्या उत्स्फूर्त सहभागामुळे हा सोहळा अत्यंत संस्मरणीय ठरला.

**भारत माता पूजनाने प्रारंभ**
सुरुवातीला मान्यवरांच्या हस्ते भारत मातेच्या प्रतिमेचे पूजन करण्यात आले. यानंतर राष्ट्रगीत, ध्वजगीत आणि राज्यगीताच्या सुरांनी परिसर दुमदुमून गेला. स्वातंत्र्यदिनाचे औचित्य साधत, या दिवशी वाढदिवस असलेल्या विद्यार्थ्यांचा शाळेच्या वतीने विशेष सत्कार करून त्यांना शुभेच्छा देण्यात आल्या.

**विद्यार्थ्यांचे कलाविष्कार आणि प्रबोधन**
सर्व विभागांतील विद्यार्थ्यांनी एकापेक्षा एक सरस देशभक्तीपर गीते सादर करत उपस्थितांमध्ये राष्ट्राभिमान जागवला. तसेच आपल्या प्रेरणादायी भाषणांतून देशभक्ती, राष्ट्रीय एकता, कर्तव्यभावना आणि सुजाण नागरिकत्वाची मूल्ये प्रभावीपणे मांडली. शालेय आवारात विद्यार्थ्यांनी तयार केलेल्या देशभक्तीपर वस्तू, कलाकृती आणि नाविन्यपूर्ण प्रकल्पांचे विशेष प्रदर्शन भरवण्यात आले होते. या प्रदर्शनाने विद्यार्थ्यांची कल्पकता आणि मातृभूमीबद्दलची कृतज्ञता अधोरेखित केली.

**'व्यसनमुक्त तरुणाई'ची गरज: मान्यवरांचे आवाहन**
धनराज पाटील यांनी आपल्या मार्गदर्शनातून विद्यार्थ्यांना उज्ज्वल भविष्यासाठी प्रेरित केले. देशाच्या प्रगतीसाठी 'व्यसनमुक्त तरुण' आणि 'व्यसनमुक्त भारत' घडवणे ही काळाची गरज असल्याचे सांगत, विद्यार्थ्यांनी निरोगी व जबाबदार जीवनशैली अवलंबावी आणि समाजात सकारात्मक योगदान द्यावे, असे आवाहन त्यांनी केले.

केवळ एक उत्सव न राहता, स्वातंत्र्याचा खरा अर्थ हा एक जबाबदार नागरिक बनणे, देशाचा आदर करणे आणि सशक्त भारतासाठी एकत्र काम करणे हाच आहे, या संदेशासह सोहळ्याची सांगता झाली.

**जय हिंद! 🇮🇳**

**वंदे मातरम! 🇮🇳**

14/08/2026

#नाशिकच्या_चिमुकल्यांची_लेखणी_पुन्हा_बोलणार!*
ज्ञानवर्धिनीची 27 वी जिल्हास्तरीय 'बालकवी स्पर्धा' 11 सप्टेंबर 2026 रोजी.

*नाशिक* : मुलांच्या मनातील भावना कवितेच्या रूपात व्यक्त करण्याची संधी देणारी आणि सन 2025 मध्ये सलग 25 तास स्वरचित काव्य वाचनाचा वंडर बुक ऑफ वर्ल्ड रेकॉर्डमध्ये विश्वविक्रम नोंदवलेली *ज्ञानवर्धिनी विद्याप्रसारक मंडळ, नाशिक* आयोजित 27 वी जिल्हास्तरीय 'बालकवी स्पर्धा' यंदा दिमाखात होत आहे. कवीवर्य आनंद जोर्वेकर व त्रंबक बापूजी ठोमरे यांच्या स्मृतीप्रीत्यर्थ गेल्या 27 वर्षांपासून सातत्याने होणारी ही स्पर्धा राज्यभरात प्रसिद्ध आहे./

ही स्पर्धा *शुक्रवार, 11 सप्टेंबर 2026 रोजी सकाळी 9.00 वाजेपासून डे केअर सेंटर शाळा, 62, रामनगर, राजीव नगर जवळ, वडाळा-पाथर्डी रोड, नाशिक* येथे संपन्न होणार आहे.

*'बालकवी स्पर्धा' म्हणजे काय?*
ज्ञानवर्धिनीची 'बालकवी स्पर्धा' ही केवळ स्पर्धा नसून ती बालकांच्या सुप्त काव्यगुणांना वाव देणारे व्यासपीठ आहे. येथे मुले निसर्ग, नाती, देशप्रेम, समाज अशा विविध विषयांवर मराठी भाषेतून स्वरचित कविता लिहितात आणि ती सादर करतात. गेल्या 27 वर्षात या व्यासपीठावरून अनेक बालकवी घडले आहेत. 'उचला आपली लेखणी आणि व्यक्त व्हा काव्यरूपात' हे या स्पर्धेचे ब्रीदवाक्य आहे.

*4 गट, बालवाडी ते बारावी वयोगटांसाठी संधी*
स्पर्धेत या वयोगटातील विद्यार्थी सहभागी होऊ शकतात. स्पर्धा 4 गटांमध्ये विभागली आहे:

1. *प्रथम गट - किलबिल गट* : बालवाडी ते 2 री.
_प्रकार_ : अभिनयगीत / बडबडगीत
_संपर्क_ : 7978424790
2. *द्वितीय गट - बाल गट* : 3 री ते 5 वी.
_प्रकार_ : अन्यरचित काव्यवाचन
_संपर्क_ : 9860263684
3. *तृतीय गट - किशोर गट* : 6 वी ते 8 वी.
_प्रकार_ : स्वरचित काव्यवाचन
_संपर्क_ : 9922469966
4. *चतुर्थ गट - कुमार गट* : 9 वी ते 12 वी.
_प्रकार_ : स्वरचित काव्यवाचन
_संपर्क_ : 9604079916

*स्पर्धेविषयी..
प्रत्येक गटातील विजेत्यांना आकर्षक मोमेंटो देऊन गौरवण्यात येणार असून सर्व सहभागी विद्यार्थ्यांना सहभाग प्रमाणपत्र दिले जाणार आहे.
हे ही जिल्हास्तरीय बालकवी स्पर्धा असल्याने कळवण, दिंडोरी, सटाणा, सिन्नर, त्रंबक, इगतपुरी, निफाड,नांदुर्डी, मनमाड ,पेठ नांदगाव ,चांदवड ,येवला मालेगाव या सर्व तालुक्यांमध्ये ही स्पर्धा होणार आहे. या स्पर्धांमध्ये तालुक्यातील इयत्ता तिसरी ते पाचवीच्या विद्यार्थी अन्यरचित काव्यवाचन स्पर्धेत सहभागी होऊ शकतात तर इयत्ता सहावी ते बारावीचे विद्यार्थी स्वरचित काव्य वाचनात सहभागी होऊ शकतात.
शहरी विद्यार्थ्यांबरोबरच ग्रामीण भागातील विद्यार्थ्यांना देखील आपली काव्य प्रतिभा व्यक्त करण्यासाठी एक प्रभावी व्यासपीठ या स्पर्धेच्या निमित्ताने मिळणार आहे. या स्पर्धांमध्ये प्रथम आणि द्वितीय विजेते विद्यार्थी जिल्हास्तरावरील स्पर्धेसाठी नाशिक शहरातील डे केअर सेंटर शाळेत आयोजित केलेला स्पर्धेत सहभागी होत असतात.

स्पर्धेसाठी प्रवेश फी *50/- रुपये* आहे. इच्छुकांनी *7 सप्टेंबर 2026* पर्यंत नाव नोंदणी करणे आवश्यक आहे. नोंदणीसाठी फोन पे, गुगल पे, पेटीएम किंवा QR Code Scan ची सुविधा उपलब्ध आहे.

या उपक्रमासाठी *रेडिओ विश्वस 90.8, तळ्याची वाडी अॅग्रोटुरिझम अँड कल्चरल सेंटर आणि कल्याणी महिला नागरी सह. पतसंस्था* यांचे सहकार्य लाभले आहे.

*मार्गदर्शक*
या स्पर्धेसाठी ज्ञानवर्धिनीचे *अध्यक्ष श्री. गोपाळ पाटील*, *सचिव डॉ. अंजली पाटील*, *सहसचिव श्री. अनिल भंडारी* यांच्या मार्गदर्शनाखाली तसेच *संचालक मंडळ सदस्य श्री. अजय ब्रह्मचा, श्रीमती छाया निखाडे, श्रीमती शोभना पाटील, श्री. संजय कंक, श्री. विवेक साखेडकर, समन्वयक सौ. वासंतीताई पाठक आणि समस्त ज्ञानवर्धिनी परिवार* यांच्या अथक परिश्रमातून ही स्पर्धा यशस्वी होत आहे.

जिल्ह्यातील सर्व शाळा आणि काव्यप्रेमी पालकांनी जास्तीत जास्त विद्यार्थी या स्पर्धेत सहभागी करावेत असे आवाहन आयोजकांनी केले आहे.

12/08/2026

मनःपूर्वक अभिनंदन बेटा !

25/07/2026

आषाढी एकादशी सोहळा

काही क्षणचित्रे !!

24/07/2026

*ज्ञानवर्धिनी विद्या प्रसारक मंडळ संचलित डे केअर सेंटर प्राथमिक शाळा व आनंदवन बालमंदिरात आषाढी एकादशी उत्साहात साजरी*

ज्ञानवर्धिनी विद्या प्रसारक मंडळ संचलित डे केअर सेंटर प्राथमिक शाळा व आनंदवन बालमंदिर येथे आषाढी एकादशीचा पवित्र उत्सव अत्यंत भक्तिमय आणि उत्साहपूर्ण वातावरणात साजरा करण्यात आला. विठ्ठल-रुक्मिणी यांच्या प्रतिमेचे पूजन करून कार्यक्रमाची मंगलमय सुरुवात करण्यात आली. त्यानंतर प्रमुख पाहुण्यांच्या हस्ते वृक्षारोपण करून पर्यावरण संवर्धनाचा संदेश देण्यात आला.
या कार्यक्रमास संस्थेचे अध्यक्ष मा. गोपाळ पाटील सर, संचालक मंडळ सदस्य मा. शोभनाताई पाटील, दिव्य मराठीच्या संपादक मा. दीप्तीताई राऊत, त्यांचे सहकारी मा. नितीन शेळके, शाळेच्या समन्वयक मा. वासंतीताई पाठक, तसेच अडावदकर ज्वेलर्सतर्फे मा. पल्लवी अडावदकर मॅडम व त्यांच्या सहकारी उपस्थित होत्या. याप्रसंगी प्राथमिक विभागाचे मुख्याध्यापक मा. राजेश भुसारे, उपमुख्याध्यापिका मा. कल्पना चव्हाण, आनंदवन बालमंदिराच्या मुख्याध्यापिका मा. मंजुषा सरनाईक, मा. अर्चना आहेर तसेच इतर मान्यवर उपस्थित होते. कार्यक्रमात प्रमुख पाहुण्यांचा पुष्पगुच्छ व स्मृतिचिन्ह देऊन सत्कार करण्यात आला.
कार्यक्रमाची सुरुवात इयत्ता तिसरीच्या विद्यार्थ्यांनी आषाढी एकादशीचे धार्मिक, सांस्कृतिक आणि ऐतिहासिक महत्त्व प्रभावीपणे सांगून केली. त्यानंतर इयत्ता चौथीच्या विद्यार्थ्यांनी सादर केलेल्या मधुर अभंग गायनाने संपूर्ण परिसर भक्तिरसाने भारावून गेला.
बालवाडीतील चिमुकल्या विद्यार्थ्यांनी "विठूचा गजर" या गीतावर सादर केलेल्या मनमोहक नृत्याने उपस्थितांची मने जिंकली. इयत्ता पहिलीच्या विद्यार्थ्यांनी संतपरंपरेची माहिती सादर करत संतांच्या कार्याचा परिचय करून दिला. विद्यार्थिनींनी "रखुमाई" या गीतावर सादर केलेल्या आकर्षक नृत्याला उपस्थितांकडून उत्स्फूर्त दाद मिळाली. तसेच इयत्ता चौथीच्या विद्यार्थ्यांनी पारंपरिक वेशभूषेत सादर केलेल्या दिंडी नृत्याने वारकरी संप्रदायाची भक्ती, परंपरा आणि संस्कृतीचे सुंदर दर्शन घडवून कार्यक्रमाची रंगत अधिकच वाढवली.
यावेळी प्रमुख अतिथी मा. दीप्तीताई राऊत यांनी शाळेच्या उपक्रमांचे भरभरून कौतुक केले. आपल्या मनोगतातून त्यांनी विद्यार्थ्यांना संतांच्या विचारांचा आदर्श घेऊन संस्कार, सेवा, पर्यावरण संवर्धन आणि सामाजिक मूल्ये जपण्याचे आवाहन केले. संस्थेचे अध्यक्ष मा. गोपाळ पाटील सर यांनी विद्यार्थ्यांच्या कलागुणांचे तसेच शिक्षकांच्या परिश्रमांचे विशेष कौतुक केले. तसेच दिव्य मराठीतर्फे राबविण्यात येत असलेल्या ७५ लाख वृक्ष लागवड अभियानाचे स्वागत करून प्रत्येक विद्यार्थी व पालकांनी किमान एक तरी वृक्ष लावावा, असे आवाहन केले.
कार्यक्रमाचे सूत्रसंचालन विद्या पाटील व वर्षाताई यांनी प्रभावीपणे केले. आभार प्रदर्शन शाळेचे मुख्याध्यापक मा. राजेश भुसारे यांनी केले. आपल्या आभार प्रदर्शनात त्यांनी या कार्यक्रमातून विद्यार्थ्यांमध्ये संतपरंपरेबद्दल आदर, भारतीय संस्कृतीची जपणूक आणि पर्यावरण संरक्षणाची जाणीव निर्माण करण्याचा महत्त्वपूर्ण संदेश दिला. कार्यक्रमाच्या यशस्वी आयोजनासाठी शाळेतील सर्व शिक्षक व शिक्षकेतर कर्मचाऱ्यांचे मोलाचे सहकार्य लाभले.

संपूर्ण कार्यक्रम भक्तिमय, उत्साहपूर्ण आणि आनंदमय वातावरणात संपन्न झाला.

24/07/2026

आज शाळेत साजरा झालेला आषाढी एकादशीचा सोहळा.

21/07/2026