Mgv Sph College of Hotel Management

महात्मा गांधी विद्यामंदिर संचलित, समाजश्री प्रशांतदादा हिरे कॉलेज ऑफ मॅनेजमेंट अँड टेकनॉलॉजि महाविद्यालयात कै. रेणुका (आजी) हिरे यांच्या २६ व्या पुण्यतिथीनिमित्त आदरांजलीपर कार्यक्रम अत्यंत श्रद्धापूर्वक पार पडला. महाविद्यालय विकास समितीचे प्रमुख डॉ. संतोष तांबे यांच्या मार्गदर्शनाखाली आयोजित या कार्यक्रमात आजींच्या प्रतिमेला पुष्पहार अर्पण करून उपस्थितांनी कृतज्ञतेने अभिवादन केले. कार्यक्रमाच्या अध्यक्षस्थानी प्राचार्य डॉ. दिलीप शिंदे होते.
अध्यक्षीय भाषणात प्राचार्य डॉ. शिंदे यांनी कै. रेणुका (आजी) हिरे यांच्या जीवनप्रवासाचा सखोल आणि प्रेरणादायी आढावा मांडला. त्यांनी नमूद केले की, कठीण परिस्थितीतून वाटचाल करताना आजींनी जिद्द, संयम आणि समाजाभिमुख दृष्टी कायम ठेवली. संस्थेच्या स्थापनेपासून ते विकासापर्यंतच्या प्रत्येक टप्प्यावर त्यांचे योगदान मोलाचे राहिले असून त्यांनी कर्मवीरांच्या कार्याला भक्कम पाठबळ दिले. त्यांच्या शिस्तप्रिय वृत्ती, दूरदृष्टी आणि मूल्यनिष्ठ भूमिकेमुळे संस्थेची प्रगती अधिक बळकट झाली. आजींचे जीवनमूल्ये आणि कार्यपरंपरा ही आजच्या पिढीसाठी प्रेरणादायी ठेवा आहे. विद्यार्थ्यांनी त्यांच्या आदर्शातून प्रेरणा घेऊन समाजाप्रती आपली जबाबदारी जपावी, असे आवाहन त्यांनी यावेळी केले.
यावेळी उपप्राचार्य डॉ. गणेश तेलतुंबडे यांनीही आपले मनोगत व्यक्त करत सांगितले की, आजींचे जीवन हे मूल्याधिष्ठित कार्याचे उत्तम उदाहरण आहे. त्यांनी संस्थेच्या प्रत्येक उपक्रमात निष्ठा आणि समर्पणाची परंपरा रुजवली. विद्यार्थ्यांनी त्यांच्या साधेपणा, कर्तव्यनिष्ठा आणि सामाजिक बांधिलकीचा आदर्श आपल्या जीवनात अंगीकारावा, असे आवाहन त्यांनी केले.
कार्यक्रमाचे सूत्रसंचालन व आभार प्रदर्शन उपप्राचार्य डॉ. गणेश तेलतुंबडे यांनी केले. ग्रंथालय विभागाच्या वतीने आयोजित या कार्यक्रमाला प्राध्यापक, कर्मचारी व विद्यार्थी मोठ्या संख्येने उपस्थित राहून आजींच्या स्मृतींना विनम्र अभिवादन केले.


#कै_रेणुका_आजी_हिरे
#२६वी_पुण्यतिथी #आदरांजली #विनम्र_अभिवादन

Class was in session... but not in the classroom! 🔪🔥
Huge shoutout to our amazing alum, Mr. Sagar Abhang owner of ABHANG SHET Corner , Adgaon Naka, for hosting our Food production specialization students! We spent the morning diving deep into the "bones" of the kitchen.
From the logic behind the "hot line" to the strategic placement of the walk-in, our students got to see exactly how a professional kitchen layout impacts speed, safety, and service.
Textbooks are great, but the smell of prep and the sound of a working kitchen are the best teachers. Thank you Sagar for showing us to help our students bridge the gap between theory and the "real world."

Google Form Link-
https://forms.gle/QqFkAzFi1uDAm22n7

Admissions Open for BHMCT | A.Y. 2026–2027 ✨
Turn your passion for hospitality into a successful profession.
Join BHMCT and explore endless career opportunities worldwide.

महात्मा गांधी विद्यामंदिर संचलित समाजश्री प्रशांतदादा हिरे मॅनेजमेंट अँड टेकनॉलॉजी महाविद्यालय, नाशिक येथील बॅचलर डिग्री ऑफ हॉटेल मॅनेजमेंट अँड कॅटरिंग टेकनॉलॉजी (BHMCT) या विद्याशाखेतील चतुर्थ वर्षातील विद्यार्थी विदित बटाविया आणि ओम वरदे यांनी आंतरमहाविद्यालयीन “सात्विक व्हेजिटेरियन कॉन्टेस्ट” पुणे येथे आयोजित राष्ट्रीय स्पर्धेत तृतीय क्रमांक पटकावून महाविद्यालयाच्या यशात मोलाची भर घातली आहे. त्यांच्या या उल्लेखनीय कामगिरीमुळे महाविद्यालयांमार्फत त्यांचे मनःपूर्वक अभिनंदन करण्यात येत आहे.

ही प्रतिष्ठित स्पर्धा सिम्बिओसीस स्कूल ऑफ कलनरी आर्ट्स अँड न्यूट्रिशनल सायन्सेस, सिम्बिओसिस इंटरनॅशनल (डीम्ड) युनिव्हर्सिटी, पुणे व गोवर्धन स्कूल ऑफ कलनरी आर्ट्स यांच्या सयुंक्तविद्यमाने आयोजित करण्यात आली होती. विद्यार्थ्यांच्या नाविन्यपूर्ण दृष्टीमुळे ही उल्लेखनीय कामगिरी साध्य केली. त्यांच्या कामगिरीचे परीक्षकांनी विशेष कौतुक केले. या स्पर्धेसाठी परीक्षक म्हणून आंतरराष्ट्रीय कीर्तीचे सुप्रसिद्ध शेफ संजीव कपूर तसेच अनंत राघवदासजी यांची प्रमुख उपस्थिती लाभली होती. अशा दिग्गज परीक्षकांच्या उपस्थितीत मिळालेला हा सन्मान विद्यार्थ्यांसाठी निश्चितच प्रेरणादायी ठरला आहे.

या उल्लेखनीय यशाबद्दल सावित्रीबाई फुले पुणे विद्यापीठाचे सिनेट सदस्य व महात्मा गांधी विद्यामंदिर संस्थेचे समन्वयक डॉ. अपूर्व हिरे तसेच महाविद्यालय विकास समितीचे प्रमुख डॉ. संतोष तांबे यांनी विद्यार्थ्यांचे अभिनंदन करून त्यांच्या पुढील वाटचालीस शुभेच्छा दिल्या.तसेच संस्थेचे उपाध्यक्ष डॉ. हरिष आडके, सहसचिव डॉ. व्ही. एस. मोरे, सीईओ डॉ. बी. एस. यादव, प्राचार्य डॉ. बी. एस. जगदाळे, महाविद्यालयाचे प्राचार्य डॉ. दिलीप शिंदे आणि उपप्राचार्य डॉ. गणेश तेलतुंबडे यांनी पुष्पगुच्छ देऊन विद्यार्थ्यांचा सत्कार केला व त्यांच्या उज्ज्वल भविष्यासाठी शुभेच्छा व्यक्त केल्या. या स्पर्धेसाठी विदित बटाविया आणि ओम वरदे यांना महाविद्यालयाचे प्रा. डॉ. चेतन बागुल व प्रा. नितीन जाधव यांचे मोलाचे मार्गदर्शन लाभले.

On 1st December 2025, Samajshree Prashantdada Hiray College of Management and Technology, run by Mahatma Gandhi Vidyamandir's, observed World AIDS Day with the aim of spreading awareness, eliminating misconceptions, and promoting the message of prevention, empathy, and health consciousness among students.

Principal Dr. Dilip Shinde appreciated the initiative and encouraged students to be responsible citizens. He remarked, “Awareness is the first step toward change. When young minds are informed, society progresses. HIV is preventable, treatable, and manageable, but stigma is not—unless we speak, educate, and act. Every student here is a torchbearer of knowledge and humanity.”

Vice Principal Dr. Teltumbade added that only when misinformation and stigma are removed from society can we truly work towards a healthier and inclusive community. Individuals living with HIV deserve respect, support, and dignity—this is the true spirit of humanity.” Let us stand together to support those affected, promote scientific understanding, and create a world where compassion replaces judgment.

महात्मा गांधी विद्यामंदिर संचलित, समाजश्री प्रशांतदादा हिरे कॉलेज ऑफ मॅनेजमेंट अँड टेक्नॉलॉजी पंचवटी ( नाशिक) महाविद्यालयाचे प्राचार्य "डॉ दिलीप शिंदे" यांनी राष्ट्रीय पातळीवर पुन्हा एकदा आपल्या नेतृत्वाची छाप पाडली आहे. त्यांना "सी. पी. एच. आर. सर्विसेस प्रायव्हेट लिमिटेड, पुणे" यांच्या वतीने आयोजित "National Leadership Summit 2025" मध्ये प्रतिष्ठित “Excellency In Academic Administration Award” हा पुरस्कार प्रदान करण्यात आला.
हा सन्मान २९ नोव्हेंबर २०२५ रोजी पार पडलेल्या भव्य सोहळ्यात देण्यात आला. यंदाच्या परिषदेसाठी प्रभावी “Beyond Skills – Build What AI Can’t: Purpose, Leadership, and Legacy” अशी थीम निवडण्यात आली होती, जी आधुनिक शिक्षणातील मूल्याधारित नेतृत्वाचे महत्व अधोरेखित करणारी ठरली. या गौरवशाली सोहळ्यासाठी शिक्षणक्षेत्रातील प्रमुख व्यक्तींना आमंत्रित करण्यात आले होते, ज्यामध्ये: President म्हणून प्रो. डॉ. प्रकाश दिवाकरण (Director - Himalaya University व CEO - Infinite Global Research Conference Pvt. Ltd.) "Chief Guest" मिस्टर नीरज शर्मा (Vice Chairman – The Lexicon Group & Director – Pune Times Mirror, Civic Mirror and Multifit) Guest of Honour श्री. सागर खैरनार (HR Business Partner – Lotte India Corporation Limited, Havmor) Special Guest श्री. जिग्नेश फुरिया (Owner & Managing Director – Nirali Prakashan) यांचा समावेश होता. या समारंभात देशभरातील निवडलेल्या एकूण २६ शैक्षणिक, औद्योगिक आणि प्रशासकीय व्यक्तींना पुरस्कारांनी सन्मानित करण्यात आले. या पुरस्काराने त्यांच्यातील उल्लेखनीय योगदानाची दखल घेतली ती म्हणजे उत्कृष्ट "Institutional Administration, Governance", Outcome Based Education & Academic Planning मधील नवकल्पना, डिजिटल शिक्षण, संशोधन, कौशल्य आणि इनोव्हेशनवर आधारित उपक्रम, राष्ट्रीय आणि आंतरराष्ट्रीय शैक्षणिक संलग्नता व MoU भागीदारी दिसली. डॉ. शिंदे यांच्या कार्यकाळात महाविद्यालयाने: विद्यार्थी-केंद्रित शिक्षण पद्धती विकसित केली, स्टार्टअप, उद्योजकता आणि संशोधन संस्कृती बळकट केली, रोजगारोन्मुख अभ्यासक्रमांचे पुनर्रचना केली आणि आधुनिक तंत्रज्ञानावर आधारित शिक्षण पद्धती अंगीकारली.

महात्मा गांधी विद्यामंदिर संचलित समाजश्री प्रशांतदादा हिरे कॉलेज ऑफ मॅनेजमेंट अँड टेक्नॉलॉजी महाविद्यालयात २६ नोव्हेंबर संविधान दिन अत्यंत उत्साहात साजरा करण्यात आला. भारतीय संविधानाची विचारधारा आणि त्याचे राष्ट्रनिर्मितीतील महत्त्व विद्यार्थ्यांपर्यंत पोहोचविण्याच्या उद्देशाने सावित्रीबाई फुले पुणे विद्यापीठाचे सिनेट सदस्य व महात्मा गांधी विद्यामंदिर संस्थेचे समन्वयक डॉ. अपूर्व हिरे तसेच महाविद्यालय विकास समिती प्रमुख डॉ. संतोष तांबे यांच्या मार्गदर्शनाखाली या उपक्रमाचे आयोजन करण्यात आले.

कार्यक्रमाच्या प्रमुख अतिथी म्हणून प्राचार्य डॉ. दिलीप शिंदे यांनी भारतीय संविधानाची वैशिष्ट्ये, लोकशाहीची पायाभरणी आणि न्याय, समता, स्वातंत्र्य व बंधुता या मूल्यांची आवश्यकता यावर सखोल भाष्य केले. त्यांनी संविधान रचना प्रक्रियेत डॉ. बाबासाहेब आंबेडकरांच्या दूरदृष्टीचे कौतुक करत विद्यार्थ्यांना जबाबदार नागरिक म्हणून कर्तव्ये पार पाडण्याचे आवाहन केले.

कार्यक्रमातील मुख्य आकर्षण म्हणजे महाविद्यालयातील प्रा. रवींद्र नाईकवाडे यांचे प्रभावी, प्रेरणादायी भाषण होय. त्यांनी भारतीय संविधानाची निर्मिती, त्यातील मूल्यव्यवस्था आणि जागतिक पातळीवरील महत्त्व याबद्दल विद्यार्थ्यांना अत्यंत सखोल माहिती दिली. भाषणाच्या सुरुवातीला त्यांनी स्वातंत्र्योत्तर भारताला एक सक्षम, लोकशाही आणि न्यायाधिष्ठित राज्यव्यवस्था देण्यासाठी संविधानाची गरज कशी निर्माण झाली याचे इतिहासपूर्वक स्पष्टीकरण केले.

यावेळी त्यांनी संविधान निर्मितीसाठी कार्यरत असलेल्या समितीची माहिती देत, संविधान मसुदा समितीचे अध्यक्ष डॉ. भीमराव रामजी आंबेडकर यांचे योगदान विशेषत्वाने अधोरेखित केले. त्यांनी नमूद केले की, भारतीय संविधानाच्या निर्मितीत २ वर्षे ११ महिने आणि १८ दिवस मन:पूर्वक योगदान देणारे डॉ. आंबेडकर हे केवळ मसुदा समितीचे अध्यक्ष नव्हते, तर भारतीय लोकशाहीचे दूरदर्शी वास्तुकार होते. त्यांनी जगातील विविध संविधानांचा अभ्यास करून भारतीय समाज, संस्कृती, विविधता, आर्थिक परिस्थिती आणि सामाजिक स्तरांनुसार सर्वसमावेशक संविधान तयार केले.
प्रा. रवींद्र नाईकवाडे यांनी संविधान निर्मितीत योगदान देणाऱ्या प्रमुख सदस्यांची नावेही सांगितली, ज्यात डॉ. राजेंद्र प्रसाद, पंडित जवाहरलाल नेहरू, सरदार वल्लभभाई पटेल, बी.एन. राऊ, के.एम. मुन्शी, अल्लादी कृष्णस्वामी अय्यर, सैय्यद मोहम्मद सादुल्ला, ताडो निळकंठ, सरोजिनी नायडू आणि इतर सदस्यांचा उल्लेख होता. यावेळी त्यांनी संविधानातील प्रमुख घटक—मौलिक हक्क, मूलभूत कर्तव्ये, राज्यघटनेतील मार्गदर्शक तत्त्वे, न्यायपालिका, कार्यकारी व विधिमंडळ यावर सुव्यवस्थितपणे प्रकाश टाकला.

त्यांनी स्पष्टपणे सांगितले की,“जर भारतीय संविधान हा आपला सांगोपांग मार्गदर्शक ग्रंथ आहे, तर डॉ. बाबासाहेब आंबेडकर हे त्याचे हृदय आणि विचारांचे केंद्रस्थानी असलेले महान व्यक्तिमत्त्व आहेत.” आपल्या मांडणीत त्यांनी संविधानाचे प्रमुख अंग मौलिक हक्क, मूलभूत कर्तव्ये, राज्यघटनेतील मार्गदर्शक तत्त्वे, कार्यकारी व्यवस्था, न्यायपालिका आणि विधिमंडळ या विषयांवर सखोल पण सुटसुटीत पद्धतीने माहिती दिली.

कार्यक्रमादरम्यान विद्यार्थ्यांकडून संविधान प्रस्तावना व मूलभूत कर्तव्यांचे वाचन करून घेण्यात आले. या उपक्रमाच्या यशस्वीतेसाठी राष्ट्रीय सेवा योजना विभाग प्रमुख प्रा. योगेश संधान आणि प्रा. योगेश्वर जाधव यांनी विशेष परिश्रम घेतले. कार्यक्रमाची सांगता राष्ट्रगीताने झाली

We are delighted to announce that Dr. Ganesh Ramesh Teltumbde, Vice-Principal of Samajshree Prashantdada Hiray College of Management & Technology, and Member of the Board of Studies (Financial Management), Savitribai Phule Pune University, has been honoured with the Global Distinguished Teacher Award 2025 by the renowned organisation MTC Global, Delhi, during the 15th Global Education Summit held in Pune.
This year, out of 614 national and international nominations, 51 awards were conferred across 18 categories, and it is a matter of great pride that Dr. Teltumbde represented our college on the global platform.
MTC Global is a reputed non-profit global think-tank working in over 30 countries with a network of more than 30,000 professionals, dedicated to enhancing employability, leadership, and collaboration between academia and industry.
A felicitation ceremony was conducted at the college in the presence of dignitaries, where Principal Dr. Dilip Shinde honoured Dr. Teltumbde with a bouquet, a certificate of honour, and a memento. Faculty members, department heads, and students marked their presence and expressed their joy.
Dr. Teltumbde has an impressive academic profile with two PhDs in Management and Commerce, NET & SET qualifications, 16 years of teaching experience, intellectual property contributions including national and international patents & copyrights, 61 research papers, 16 books, 8 book chapters, and participation in 40+ national and international conferences.
Earlier, he received several national and international recognitions, including:
🏅 Maha Emirates Best Finance Innovator – Dubai
🏅 Global Academic Excellence Award
🏅 Educational & Research Excellence Award – EMG-SSM Trust
🏅 Judicial Human Rights Council Achievement Award
🏅 Distinguished Academician in Higher Education – GRF International
🏅 Best Vice-Principal & Outstanding Teacher Award – MGV
The Management, Principal, Faculty, and Students of the college congratulate Dr. Ganesh Ramesh Teltumbde and extend best wishes for his future achievements. You continue to inspire us and make the institution proud at the global level!

महात्मा गांधी विद्यामंदिर संचलित समाजश्री प्रशांतदादा हिरे कॉलेज ऑफ मॅनेजमेंट अँड टेक्नॉलॉजी, पंचवटी नाशिक येथे "नशा मुक्त भारत अभियानांतर्गत" विद्यार्थ्यांनी उत्स्फूर्त सहभाग नोंदवत शपथ ग्रहणाचा कार्यक्रम यशस्वीरीत्या पार पडला.

हा उपक्रम सावित्रीबाई फुले पुणे विद्यापीठाचे सिनेट सदस्य आणि महात्मा गांधी विद्यामंदिर संस्थेचे समन्वयक डॉ. अपूर्व हिरे यांच्या प्रेरणेतून राबविण्यात आला. शिक्षणासोबत सामाजिक मूल्यांची रुजवण व्हावी, विद्यार्थी संयमी व जबाबदार नागरिक बनावेत या उद्देशाने डॉ. अपूर्व हिरे यांनी सातत्याने अशा उपक्रमांना प्रोत्साहन दिले आहे. कार्यक्रमास महाविद्यालय विकास समिती प्रमुख डॉ. संतोष तांबे यांचे मोलाचे मार्गदर्शन लाभले.

कार्यक्रमाला संबोधित करताना प्राचार्य डॉ. दिलीप शिंदे यांनी व्यसनमुक्तीचे महत्त्व अधोरेखित केले. त्यांनी म्हटले, “नशेमुळे तरुणाईची प्रगती, कुटुंबाचे स्वास्थ्य आणि समाजाची उभारणी धोक्यात येते. विद्यार्थी हे राष्ट्राचे भविष्य आहेत. नशामुक्त आयुष्य हा केवळ संकल्प नाही, तर देशप्रेमाचा साक्षात पुरावा आहे.”

त्यानंतर उपप्राचार्य डॉ. गणेश तेलतुंबडे यांनी, व्यसनविरोधी लढ्याची व्यापकता स्पष्ट केली. त्यांनी सांगितले, “नशामुक्त भारताचा पाया शिक्षणसंस्थांमध्ये रुजतो. आज तुम्ही घेतलेली शपथ ही आयुष्यभराची बांधिलकी आहे. आपण स्वतः नशेपासून दूर राहू आणि आपल्या मित्रपरिवाराला, समाजाला योग्य दिशा देऊ—हीच खरी देशसेवा.”

महाविद्यालयाच्या ग्रंथपाल श्रीमती रुपाली शार्दूल यांनी विद्यार्थ्यांना शपथ देत उपक्रमाची सांगता केली. याप्रसंगी विद्यार्थ्यांनी तंबाखू, दारू, ड्रग्स यांसह सर्व प्रकारच्या व्यसनांना दूर ठेवण्याची एकमुखी शपथ घेतली. “नशा मुक्त भारत—आपले कर्तव्य, आपली शपथ” हा नारा तरुणाईच्या जागृत विचारांचे प्रतिबिंब ठरला. या उपक्रमास महाविद्यालयातील सर्व शाखेतील प्राध्यापक, कर्मचारी वृंद व विद्यार्थी मोठ्या प्रमाणावर उपस्थित होते.

महात्मा गांधी विद्यामंदिर संचलित समाजश्री प्रशांतदादा हिरे कॉलेज ऑफ मॅनेजमेंट अँड टेक्नॉलॉजी येथे ‘वाचन प्रेरणा दिन’ साजरा करण्यात आला. भारतरत्न डॉ. ए. पी. जे. अब्दुल कलाम यांच्या जयंतीनिमित्त आयोजित हा कार्यक्रम सावित्रीबाई फुले पुणे विद्यापीठाचे सिनेट सदस्य व महात्मा गांधी विद्यामंदिर संस्थेचे समन्वयक डॉ. अपूर्व हिरे व महाविद्यालय विकास समिती प्रमुख डॉ. संतोष तांबे यांच्या मार्गर्दर्शनाखाली मोठ्या उत्साहात साजरा करण्यात आला.
कार्यक्रमाची सुरुवात ग्रंथालयात दीपप्रज्वलनाने आणि “वाचनाचा दीप—विचारांचा प्रवास” या संकल्पनेने झाली. महाविद्यालयाचे प्राचार्य डॉ. दिलीप शिंदे यांच्या शुभहस्ते दिप्रज्वलन व प्रतिमापूजनाने करण्यात आली. यानंतर प्राचार्य डॉ. दिलीप शिंदे यांनी विद्यार्थ्यांना संबोधित करताना सांगितले, “वाचन ही फक्त माहिती मिळवण्याची प्रक्रिया नाही, ती आत्मशोधाची वाट आहे. पुस्तक हे आपल्या आयुष्याचे शांत गुरु असते जे न बोलता शिकवते, न थकता मार्ग दाखवते. ”त्यांनी पुढे सांगितले,“ आजच्या डिजिटल युगात विद्यार्थी सोशल मीडियावर वेळ घालवतात, पण जर त्या वेळेत काही मिनिटे ग्रंथांच्या सान्निध्यात घालवली, तर विचारांची खोली आणि निर्णयक्षमता दोन्ही वाढतात. वाचनातून व्यक्तिमत्त्व घडते, नेतृत्व तयार होते आणि समाजात सकारात्मक बदल घडवण्याची ताकद मिळते.” त्यांच्या प्रेरणादायी भाषणातून केवळ शिक्षकाची नव्हे तर विद्यार्थ्यांच्या भविष्याची काळजी घेणाऱ्या मार्गदर्शकाची झलक दिसली.
तद्नंतर महाविद्यालयाचे उपप्राचार्य डॉ. गणेश तेलतुंबडे यांनी वाचनाची नवी दृष्टी देत विद्यार्थ्यांना विचार करायला लावले. त्यांनी सांगितले, “वाचन हे केवळ बुद्धीला नाही, तर मनालाही संस्कारित करते. आजच्या स्पर्धात्मक जगात यशस्वी होण्यासाठी माहितीपेक्षा मनाची परिपक्वता अधिक महत्त्वाची आहे आणि ती वाचनातूनच येते." ते पुढे म्हणाले , “पुस्तक आपल्याला शांत बसायला शिकवते, ऐकायला शिकवते आणि स्वतःला समजून घ्यायला भाग पाडते. ज्या तरुण पिढीने वाचनाचा संस्कार जपला, ती पिढी समाजाला नवी दिशा देईल.”
कार्यक्रमातील विशेष आकर्षण ठरले हॉटेल मॅनेजमेंट विभागातील समर्थ पाखरे या विद्यार्थ्याचे प्रभावी भाषण. त्याने वाचनाच्या माध्यमातून जीवनात झालेले बदल स्वतःच्या अनुभवातून मांडले. त्याचे विचार होते , “वाचन म्हणजे शब्दांचे संग्रह नव्हे, तर स्वतःला पुन्हा शोधण्याची प्रक्रिया. प्रत्येक पुस्तक हे एका नव्या व्यक्तीला भेटण्यासारखे असते.
वाचताना आपण विचार करतो, आणि विचार करताना आपण वाढतो.” त्याच्या भाषणाने उपस्थित प्राध्यापक आणि विद्यार्थी दोघेही भारावून गेले.
कार्यक्रमादरम्यान ग्रंथालय समिती प्रमुख प्रा. नितीन जाधव यांनी महाविद्यालयीन ग्रंथालयाची वैशिष्ट्ये सांगितली. त्यांनी सांगितले की, आपल्या ग्रंथालयात सध्या २५,००० हून अधिक पुस्तके उपलब्ध आहेत. यात शैक्षणिक ग्रंथांसह मराठी, हिंदी आणि इंग्रजी भाषांतील कथा, कादंबऱ्या, चरित्रे, आत्मचरित्रे, साहित्य व प्रेरणादायी पुस्तकांचा समावेश आहे. यासोबतच हॉटेल मॅनेजमेंट आणि एमबीए शाखेतील राष्ट्रीय व जागतिक स्तरावरील नावाजलेले जर्नल व मासिके देखील उपलब्ध आहेत. तसेच ई बुक्स व इतर ऑनलाईन रिसोर्सेस देखील उपलब्ध आहेत.
या कार्यक्रमाचे सुत्रसंचालन एम. बी. ए. विभागातील विद्यार्थिनी स्नेहा वर्मा हिने केले. कार्यक्रमास आय. क्यू. एसी. व नॅक प्रमुख डॉ. चेतन बागुल यांची उपस्थिती लाभली. तसेच महाविद्यालयातील सर्व प्राध्यापक व विद्यार्थी मोठ्या संख्येने उपस्थित होते.
कार्यक्रमाच्या शेवटी सर्व प्राध्यापक आणि विद्यार्थ्यांनी एकत्र येऊन ‘दररोज १५ मिनिटे वाचन’ करण्याचा संकल्प केला.

महात्मा गांधी विद्यामंदिर संचलित समाजश्री प्रशांतदादा हिरे मॅनेजमेंट अँड टेक्नॉलॉजी महाविद्यालयातील एम. बी. ए. विभागातील विद्यार्थिनी कुमारी पूजा पवार हिने इंटर कॉलेज ऍथलेटिक्स (हेप्टॅथलॉन) स्पर्धेत व्दितीय क्रमांक पटकवून नाशिक विभागाच्या संघात निवड मिळवण्याचा मान मिळवला आहे. तिच्या या उल्लेखनीय कामगिरीमुळे महाविद्यालयाचे नाव उज्ज्वल झाले आहे.
या यशाबद्दल महाविद्यालयाचे प्राचार्य डॉ. दिलीप शिंदे व उपप्राचार्य डॉ. गणेश तेलतुंबडे यांनी तिचे मनःपूर्वक अभिनंदन केले. तसेच महात्मा गांधी विद्यामंदिर संस्थेचे समन्वयक व सावित्रीबाई फुले पुणे विद्यापीठाचे सिनेट सदस्य डॉ. अपूर्व हिरे व महाविद्यालय विकास समिती प्रमुख डॉ. संतोष तांबे यांनीही पूजाच्या या यशाबद्दल विशेष कौतुक व्यक्त केले व तिच्या उज्ज्वल भविष्यास शुभेच्छा दिल्या. पूजाच्या या यशाबद्दल आपले मत व्यक्त करतांना डॉ. अपूर्व हिरे यांनी सांगितले की, “महात्मा गांधी विद्यामंदिर नेहमीच विद्यार्थ्यांच्या सर्वांगीण विकासासाठी वचनबद्ध आहे. पूजा पवार हिचे यश हे संस्थेच्या मूल्याधिष्ठित शिक्षणप्रणालीचे प्रतिबिंब आहे. अशा विद्यार्थ्यांनी उच्च शिखरावर पोहोचावे, हीच अपेक्षा.”
यासोबतच महाविद्यालयाचे प्राचार्य डॉ. दिलीप शिंदे म्हणाले, “विद्यार्थ्यांनी शैक्षणिक क्षेत्राबरोबरच क्रीडा, संस्कृती आणि सामाजिक क्षेत्रातही आपले कौशल्य दाखवावे, हीच आजच्या शिक्षणाची खरी दिशा आहे. पूजाने याचा उत्कृष्ट आदर्श घालून दिला आहे.” तर उपप्राचार्य डॉ. गणेश तेलतुंबडे यांनी सांगितले, “क्रीडा ही केवळ शारीरिक नव्हे तर मानसिक आणि व्यक्तिमत्व विकासाची शाळा आहे. पूजाच्या यशाने आमच्या विद्यार्थ्यांना प्रेरणादायी संदेश दिला आहे.”
या स्पर्धेस नाशिक जिल्ह्यातील एकूण १०० महाविद्यालयातील ५०० पेक्षा अधिक विद्यार्थी सहभागी झाले होते. तर एमजीव्ही एसपीएच सीएमटी नाशिक या महाविद्यालयातील एकूण १० विद्यार्थ्यांनी आपला सहभाग नोंदवला होता. अशी माहिती महाविद्यालयाचे शारीरिक संचालक श्री. ओंकार परदेशी यांनी दिली. तसेच पूजाच्या या घवघवीत यशासाठी त्यांचे मार्गदर्शन व परिश्रम महत्त्वाचे ठरले. यासोबतच नियमित सराव, शिस्तबद्ध तयारी आणि दृढ निश्चयामुळे पूजाने हे यश मिळवले. पूजा पवार हिच्या पुढील वाटचालीस संपूर्ण महाविद्यालय परिवाराकडून हार्दिक शुभेच्छा!