Namati Vidyapith

07/07/2025

টিহু মহাবিদ্যালয়ত যোৱা ৫,৬ আৰু ৭ জুলাই,২০২৫ তাৰিখত অনুষ্ঠিত Mathematics Olympiad Training Programme ত অংশগ্ৰহণ কৰা আমাৰ বিদ্যালয়ৰ ছাত্ৰ-ছাত্ৰীসকল।

05/07/2025

23/06/2025

IMPORTANT NOTICE
Date: 23-6-2025

We are delighted to invite all former students of Namati Vidyapith Higher Secondary School to the upcoming Alumni Meet, which will be held in January,2026( Date yet to be finalised) at the school campus.

This is a wonderful opportunity to reconnect with old friends, reminisce about school days, and celebrate the bond we all share with our alma mater.

We look forward to your gracious presence and enthusiastic participation.

Thank you
Alumni Committee
Namati Vidyapith Higher Secondary School.

বিশেষ জাননী
তাৰিখ:২৩-৬-২০২৫ ইং

আমি অতি আনন্দিত যে, অহা ২০২৬ ইং বৰ্ষৰ জানুৱাৰী মাহ (তাৰিখ নিৰ্দিষ্ট কৰা হোৱা নাই এতিয়ালৈক) ত বিদ্যালয়ৰ সকলো প্ৰাক্তন ছাত্ৰ ছাত্ৰীক সামৰি এখন "প্ৰাক্তন বিদ্যাৰ্থী সন্মিলন" ৰ আয়োজন কৰা হৈছে।

উক্ত অনুষ্ঠানটো আপোনালোকৰ স্কুলীয়া দিনৰ লগৰীয়াবোৰৰ সৈতে পুনৰ সংযোগ কৰা, বিদ্যালয়ৰ পুৰণি দিনবোৰ পুনৰ জী উঠাৰ আৰু আপোন বিদ্যালয়খনৰ লগত থকা অম্লান বান্ধোনটিক সুদৃঢ় কৰাৰ এক সুৱৰ্ণ আৰু অপূৰ্ব সুযোগ।

আপোনালোকৰ স্নেহভৰা উপস্থিতিৰ লগতে উৎসাহভৰা অংশগ্ৰহণক আদৰিবলৈ আমি অধীৰ আগ্ৰহেৰে বাট চাই আছো।

ধন্যবাদ
প্ৰাক্তন বিদ্যাৰ্থী সমিতি
নমাটি বিদ্যাপীঠ উচ্চতৰ মাধ্যমিক বিদ্যালয় ।

19/06/2025

যোৱা ১১/৬/২০২৫ ইং তাৰিখ বুধবাৰে বিদ্যালয়ৰ ছাত্ৰ একতা সভাৰ নিৰ্বাচন ২০২৫-২৬ অনুস্থিত হৈ যায়। ভাৰতৰ নিৰ্বাচন আয়োগে নিৰ্বাচন পৰিচালনাৰ বাবে বান্ধি দিয়া প্ৰায় সকলো বিধি মানি আয়োজিত এই নিৰ্বাচন প্ৰক্ৰিয়াৰ যোগেদি ছাত্ৰ-ছাত্ৰীসকলৰ মাজত গণতান্ত্ৰিক ব্যৱস্থাত চৰকাৰ গঠনৰ বাবে কিদৰে নিৰ্বাচন অনুস্থিত কৰা হয় তাৰ ওপৰত ব্যৱহাৰকাৰিক শিক্ষা প্ৰদানৰ প্ৰয়াস কৰা হয়।

18/06/2025

আজি ১৮ জুন ২০২৫ ইং তাৰিখ বুধবাৰে নমাটি বিদ্যাপীঠ উচ্চতৰ মাধ্যমিক বিদ্যালয় প্ৰাঙ্গণত বিদ্যালয়ৰ প্ৰাক্তন ছাত্ৰ তথা ডিব্ৰুগড় বিশ্ববিদ্যালয়ৰ ৰাজনীতি বিজ্ঞান বিভাগৰ প্ৰাক্তন মুৰব্বী অধ্যাপক ড° কামিনীমোহন ডেকাৰ সোৱঁৰণত তেওঁৰেই পৱিত্ৰ ওপজা দিনটোত তেওঁৰ পত্নী শ্ৰীমতী উৎসা ডেকা আৰু তেওঁৰ সুপুত্ৰ শ্ৰীযুত কুশনাভ ডেকা দেৱে এই বৰ্ষৰ মেট্ৰিক পৰীক্ষাত বিদ্যালয়ৰ ভিতৰত প্ৰথম আৰু দ্বিতীয় সৰ্বোচ্চ নম্বৰপ্ৰাপ্ত পৰীক্ষাৰ্থী ক্ৰমে কৃতাৰ্থ ডেকাক ৬০ হেজাৰ আৰু হৰ্ষিতা তালুকদাৰক ৪০ হেজাৰ টকাৰ চেক "বিশেষ জলপানি" ৰূপে প্ৰদান কৰে। লগতে এই বিশেষ জলপানি প্ৰদান কাৰ্যটো আগন্তুক বৰ্ষবোৰতো ১৮ জুনৰ এই বিশেষ দিনটোতে অনুষ্ঠিত কৰিব বুলি ঘোষনা কৰে।

উল্লেখ্য যে, শ্ৰদ্ধাৰ শ্ৰীযুত কুশনাভ ডেকাদেৱ সম্প্ৰতি চুইডেনস্হিত Volvo Car AB নামৰ প্ৰতিষ্ঠানটোত এগৰাকী Software Engineer ৰূপে কৰ্মৰত। আজিৰ এই পৱিত্ৰ দিনটোত আমি নমাটি বিদ্যাপীঠ পৰিয়ালবৰ্গ‌ই শ্ৰদ্ধাৰ ডেকাদেৱৰ এই শিপা সন্ধানী তথা আশা-শুধীয়া পদক্ষেপক শ্ৰদ্ধাসহকাৰে আদৰণি জনাইছো ।

ধন্যবাদ ।

30/04/2025

HS Final Result 2025

12/04/2025

আজি ১২/৪/২০২৫ ইং তাৰিখে অসমীয়া সমাজ জীৱনত গৰু বিহুৰ তাৎপৰ্যৰ দিশটো ব্যৱহাৰিক ৰূপত শিকোৱাৰ উদ্দেশ্যে বিদ্যালয়ৰ নৱম আৰু দশম শ্ৰেণীৰ ছাত্ৰ-ছাত্ৰীসকলৰ মাজত জাক (ঠাই ভেদে জাগ, থূপা নামেৰেও জনা যায়) প্ৰস্তুতকৰণ আৰু লাও-বেঙেনাৰ মালা বনোৱা প্ৰতিযোগিতা অনুষ্ঠিত কৰা হয়। এই প্ৰতিযোগিতাত অংশগ্ৰহণৰ জৰিয়তে ছাত্ৰ-ছাত্ৰীসকলে গৰু বিহুৰ দিনা তাহানিৰে পৰা আমাৰ সমাজত চলি অহা লোকবাদ আৰু বিহু সম্বন্ধীয় বহুতো নজনা কথা শিকিবলৈ সুযোগ পায়।

11/04/2025

HSLC Examination 2025 Result.

Appeared= 52
Passed = 40
1st Div. = 25 (* Star=5)
2nd Div = 15
3rd Div = Nil
Failed = 12
Pass Percentage = 77.92%

Subject code
01= Assamese(MIL)
C1= English
C2= G. Mathematics
C3= G. Science
C4= S. Science
19= Adv Mathematics
51= Private Security
53= Agriculture

08/06/2024

টিহুত আৰ্যভট্ট বিজ্ঞান কেন্দ্রৰ বিভিন্ন প্ৰতিযোগিতা সমাপন


বিশেষ প্ৰতিবেদকৰ প্ৰতিবেদন, প্ৰতিবেদক লাইভ, ৮ জুন, ২০২৪

অসম প্ৰযুক্তিবিদ্যা আৰু পৰিৱেশ পৰিষদৰ অন্তৰ্গত আৰ্যভট্ট বিজ্ঞান কেন্দ্রৰ নলবাৰী জিলাৰ টিহু খণ্ডৰ দ্বাৰা আজি টিহুৰ বিবেকানন্দ বিদ্যা নিকেতনত টিহু খণ্ড উন্নয়নৰ অধীনৰ বিদ্যালয়বোৰৰ ষষ্ঠ শ্রেণীৰপৰা দ্বাদশ শ্রেণীৰ ছাত্ৰ-ছাত্ৰীৰ মাজত বিজ্ঞান ভিত্তিক আৰ্হি, আকস্মিক বক্তৃতা, চিত্ৰাংকণ আৰু ধাৰণা প্রতিযোগিতাৰ আয়োজন কৰা হয় । এই উপলক্ষে আহা আমি পৃথিৱীখন বচাও শীর্ষক বিষয়ৰ চিত্রাংকন প্রতিযোগিতাত টিহুৰ এঞ্জেল একাডেমিৰ তাপসী কাশ্যপ প্ৰথম, টিহুৰ শংকৰদেৱ বিদ্যা নিকেতনৰ উপাসনা ঠাকুৰীয়া দ্বিতীয় আৰু টিহুৰ বিবেকানন্দ বিদ্যা নিকেতনৰ শিক্ষাৰ্থী নিকিতা হালৈয়ে তৃতীয় স্থান লাভ কৰে । আকস্মিক বক্তৃতা প্রতিযোগিতাত নমাটি বিদ্যাপীঠ উচ্চতৰ মাধ্যমিক বিদ্যালয়ৰ কৃতার্থ ডেকা প্রথম, নমাটি বিদ্যাপীঠ উচ্চতৰ মাধ্যমিক বিদ্যালয়ৰ জৱলিকা ডি কাশ্যপ দ্বিতীয় আৰু হাৰিভাঙা উচ্চতৰ মাধ্যমিক বিদ্যালয়ৰ শান্তনু কলিতাই তৃতীয় স্থান অধিকাৰ কৰে । বিজ্ঞান ভিত্তিক আৰ্হি প্ৰতিযোগিতাত নমাটি বিদ্যাপীঠ উচ্চতৰ মাধ্যমিক বিদ্যালয়ৰ অনুৰাগ ডেকা আৰু সাগৰ সংগম দাসৰ দলে প্ৰথম, টিহুৰ আৰ্যভট্ট একাডেমিৰ ধৃতিৰাজ চৌধুৰী আৰু বিটুষ্মিতা ডেকাৰ দলে দ্বিতীয় তথা টিহুৰ বিবেকানন্দ বিদ্যা নিকেতনৰ হেমৰাজ মেধি আৰু উপকূল কাশ্যপৰ দলে তৃতীয় স্থান লাভ কৰে । প্ৰতিযোগিতা সমাপন হোৱাৰ পাছতে আৰ্যভট্ট বিজ্ঞান কেন্দ্রৰ টিহু খণ্ডৰ সভাপতি দীপালী ডেকাৰ পৌৰোহিত্যত হোৱা তথা আর্যভট্ট বিজ্ঞান কেন্দ্রৰ টিহু খণ্ডৰ খণ্ড সমন্বয়ক অণিমা কলিতা ডেকা আৰু শিক্ষক হিতেশ মেধিয়ে আঁত ধৰা বঁটা বিতৰণ অনুষ্ঠানত নলবাৰী জিলা সাহিত্য সভাৰ সম্পাদক পংকজ বেজবৰুৱা, নলবাৰী জিলা আৰ্যভট্ট বিজ্ঞান কেন্দ্ৰৰ জিলা সমন্বয়ক প্ৰদীপ মহন্ত, টিহুৰ বিবেকানন্দ বিদ্যা নিকেতনৰ উপদেষ্টা প্ৰমোদ ডেকাই প্ৰতিযোগিতাত বিজয়ী প্ৰতিযোগীসকলৰ মাজত বঁটা বিতৰণ কৰে । এই প্রতিযোগিতাৰ প্রতিটো বিষয়ৰ প্রথম, দ্বিতীয় আৰু তৃতীয় স্থান প্রাপকে নলবাৰী জিলা পর্যায়ত হ’বলগীয়া প্রতিযোগিতাত অংশ ল’ব পাৰিব । টিহু মহাবিদ্যালয়ৰ অধ্যাপক দীপাঞ্জল দে’, নীলমজ্যোতি দত্ত, বিভিন্ন বিদ্যালয়ৰ শিক্ষক ক্ৰমে সংগীতা কলিতা, গিৰীশ তালুকদাৰ, বৰষা দাস, ৰূপম শৰ্মা আৰু অৱসৰপ্ৰাপ্ত শিক্ষক দীপক শৰ্মাৰ বিশেষ সহযোগত হোৱা এই প্ৰতিযোগিতাবোৰৰ পূৰ্বে পুৱা আর্যভট্ট বিজ্ঞান কেন্দ্রৰ পতাকা উত্তোলনেৰে প্ৰতিযোগিতাৰ শুভাৰম্ভ কৰে আর্যভট্ট বিজ্ঞান কেন্দ্রৰ টিহু খণ্ডৰ খণ্ড সমন্বয়ক অণিমা কলিতা ডেকাই । আর্যভট্ট বিজ্ঞান কেন্দ্রৰ টিহু খণ্ডৰ খণ্ডৰ সভাপতি দীপালী ডেকা আৰু মণ্ডল সমন্বয়ক সঞ্জীৱ দাসে গছপুলি ৰোপণ কৰে । মাখিবাহা উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ প্ৰতিভা দেৱীয়ে প্ৰদৰ্শনীৰ দ্বাৰ মুকলি কৰে । উল্লেখযোগ্য যে এই অনুষ্ঠানৰ মাজতে চিকিৎসা বিভাগৰ বহুমুখী কৰ্মচাৰী কুলেন কলিতাই ধঁপাত নিয়ন্ত্ৰণ বিষয়ত উদ্দীপনাময় ভাষণ প্ৰদান কৰে ।

(ইতিবাচক আৰু গঠনমূলক প্ৰতিবেদনৰ বাবে প্ৰতিবেদক লাইভৰ পেজটি লাইক কৰি উৎসাহিত কৰে যেন ৷)

Protibedok Live: June 8, 2024

31/05/2024

A very proud moment for Namati Vidyapith HSS...many more to achieve..