03/08/2026
💔 মানুহৰ দুখৰ সময়ত মানুহেই মানুহৰ আটাইতকৈ ডাঙৰ ভৰসা।
উজনি অসমৰ শিৱসাগৰ, চৰাইদেউ আৰু যোৰহাট জিলাত শেহতীয়া বানপানীয়ে হাজাৰ হাজাৰ পৰিয়ালৰ জীৱনত এক গভীৰ দুৰ্যোগ নামি আনিছে। বহুতে নিজৰ ঘৰ-বাৰী, সা-সম্পত্তি, খেতি-পথাৰ, গৃহপালিত জীৱ-জন্তু আৰু জীৱনৰ বহু বছৰৰ কষ্টৰ সাঁচি থোৱা সম্বল মুহূৰ্ততে হেৰুৱাবলগীয়া হৈছে। কোনোবাই নিজৰ সন্তানক কোলাত লৈ বানপানীৰ মাজেৰে আশ্ৰয় বিচাৰিছে, কোনোবাই বৃদ্ধ পিতৃ-মাতৃক সুৰক্ষিত ঠাইলৈ নিয়াৰ চেষ্টা কৰিছে। বহু শিশুৱে আজিও নিজৰ ঘৰলৈ উভতি যাব পৰা নাই। বহু বৃদ্ধ-বৃদ্ধাই অসহায় দৃষ্টিৰে নিজৰ জীৱনৰ কষ্টৰ ফল পানীত উটি যোৱা চাই থাকিবলগীয়া হৈছে।
এই কঠিন সময়ত অসমৰ বিভিন্ন প্ৰান্তৰ সহৃদয় ৰাইজ, বিভিন্ন সামাজিক সংগঠন, স্বেচ্ছাসেৱক, যুৱক-যুৱতী আৰু বহু দানশীল ব্যক্তিয়ে খাদ্য, বিশুদ্ধ খোৱাপানী, কাপোৰ, ঔষধ, শুকান খাদ্য আদি যোগান ধৰি মানৱতাৰ এক উজ্জ্বল নিদৰ্শন দাঙি ধৰিছে। আপোনালোকৰ এই মহানুভৱতা কেতিয়াও পাহৰিব নোৱাৰি। আন্তৰিকভাৱে সকলোলৈ ধন্যবাদ আৰু কৃতজ্ঞতা। 🙏
কিন্তু এতিয়া বানৰ পানী অলপ অলপকৈ নামি যোৱাৰ লগে লগে আৰম্ভ হৈছে আন এক নতুন সংগ্ৰাম। ঘৰবোৰ বোকা, আৱৰ্জনা আৰু দুৰ্গন্ধে ভৰি পৰিছে। বহু ঘৰ এতিয়াও বাসযোগ্য নহয়। পানীৰ লগত আহি জমা হোৱা বোকা পৰিষ্কাৰ নকৰিলে বহু ৰোগ-বেমাৰ বিয়পাৰ আশংকাও আছে। অসহায় পৰিয়ালবোৰে এতিয়া কেৱল খাদ্য নহয়, এজোৰ সহায়ৰ হাত বিচাৰিছে।
🙏 আহক, আমি সকলোৱে এদিন হ'লেও শ্ৰমদান কৰোঁ।
এখন ঘৰ পৰিষ্কাৰ কৰোঁ,
এখন উঠোন চাফা কৰোঁ,
এটা পৰিয়ালৰ মুখত পুনৰ হাঁহি বিৰিঙাই তোলোঁ।
হয়তো আমাৰ কেইঘণ্টামানৰ শ্ৰমে কোনো অসহায় পৰিয়ালক পুনৰ নতুন জীৱন আৰম্ভ কৰাৰ সাহস দিব।
মনত ৰাখিব—দান কেৱল টকা-পইচাৰে নহয়।
নিজৰ সময়, নিজৰ শক্তি, নিজৰ শ্ৰম আৰু নিজৰ সহানুভূতিও এক মহান দান। কেতিয়াবা এখন ঘৰ চাফা কৰি দিয়াটোৱেই হাজাৰ টকাৰ সহায়তকৈও অধিক মূল্যবান হৈ পৰে।
আজিৰ দিনত আমি যদি নীৰৱে চাই থাকোঁ, তেন্তে কাইলৈ হয়তো আমাকো একে ধৰণৰ সহায়ৰ প্ৰয়োজন হ'ব পাৰে। সেয়েহে মানুহ হিচাপে মানুহৰ কাষত থিয় হোৱাটো আমাৰ নৈতিক দায়িত্ব। ধৰ্ম, জাতি, ভাষা বা সম্প্ৰদায়ৰ ঊৰ্ধ্বত উঠি মানৱতাৰ নামত আগবাঢ়ি অহাই হ'ল আমাৰ প্ৰকৃত পৰিচয়।
❤️ আহক, হাতত হাত ধৰি বানপীড়িত ভাই-ভনীসকলৰ কাষত থিয় হওঁ।
এজোৰ হাত আগবঢ়াওঁ।
এটা পৰিয়ালক নতুনকৈ জীয়াই উঠাৰ সাহস দিওঁ।
এখন ঘৰ পুনৰ বাসযোগ্য কৰি তোলাত সহায় কৰোঁ।
মানুহৰ দুখত মানুহৰ কাষত থিয় হোৱাতকৈ ডাঙৰ ইবাদত, ডাঙৰ পূণ্য আৰু ডাঙৰ মানৱতা আন একো নাই।
🤲 আহক, শ্ৰমদান কৰোঁ, সহায়ৰ হাত আগবঢ়াওঁ, আৰু প্ৰমাণ কৰি দিওঁ—অসমীয়া জাতি দুখৰ সময়ত সদায় একেলগে থাকে।
মানৱতাই হওক আমাৰ পৰিচয়। ❤️
#বানপীড়িতৰ_কাষত #মানৱতা #অসম
