17/08/2026
আজিকালি পৰীক্ষাত বেছি নম্বৰ পোৱাটো আগতকৈও দৰকাৰী হৈ পৰিছে। সেয়ে ছাত্ৰ-ছাত্ৰীসকলৰ উপকাৰৰ বাবে দুটামান কথা ইয়াতে লিখিছোঁ।
আপোনাৰ পৰিয়ালত (বা চিনাকি) যদি কোনো ছাত্ৰ-ছাত্ৰী আছে, তেনেহলে এই লিখনিটো পঢ়িবলৈ দিব। ক্লাছ 6-তকৈ ওপৰৰ শ্ৰেনীত পঢ়ি থকা ছাত্ৰ-ছাত্ৰীয়ে এইখিনি নিজেই বুজি পাব। যদি আপোনাৰ সন্তান সৰু, তেনেহলে আপুনি নিজে পঢ়ি তেওঁক বুজাই দিলে উপকাৰ হব।
তলৰ কথাখিনি ছাত্ৰ-ছাত্ৰীক উদ্দেশ্য কৰি লিখা হৈছে।
-----------------------------------------------------------------------------
পঢ়াৰ ঠাই
এতিয়া মই সেই ঠাইখিনিৰ বিষয়ে আলোচনা কৰিম, য’ত তুমি সাধাৰণতে পঢ়া-শুনা কৰিবা। তোমাৰ এক নিৰ্দিষ্ট পঢ়াৰ ঠাই থাকিব লাগে। ই তোমাক বহু দিশত সহায় কৰিব। কিয় বাৰু?
যিহেতু তুমি সদায় সেই ঠাইতহে পঢ়া-শুনা কৰা, সেয়ে যেতিয়াই তুমি সেই ঠাইত বহিবা, তেতিয়াই তোমাৰ মনলৈ আহিব—‘এতিয়া পঢ়াৰ সময়।’
তদুপৰি, প্ৰতিদিনে প্ৰায় একে ধৰণৰ বস্তুৱে তোমাক ঘেৰি থাকিব। এইবোৰে এটা বিশেষ পৰিৱেশৰ সৃষ্টি কৰিব; আৰু এই পৰিৱেশে তোমাক সদায় মনত পেলাই থাকিব—'এতিয়া পঢ়াৰ সময়'।
এই সহায়ক পৰিৱেশত তোমাৰ মনোনিবেশ কৰা বহুত সহজ হ’ব। আৰু যেতিয়া মনোনিবেশ কৰা সহজ হয়, তেতিয়া পঢ়াটোও সহজ হৈ পৰে।
পঢ়াৰ ঠাইখন আৰামদায়ক হ’ব লাগে আৰু যথেষ্ট পোহৰ আৰু বায়ুৰ পৰিবহণ থকা উচিত। অধিকাংশ ছাত্ৰ-ছাত্ৰীয়ে টেবুল-চেয়াৰত বহি পঢ়িবলৈ পছন্দ কৰে। আন বহুতে বিচনাত, ছোফাত বা নিজৰ পছন্দৰ আন কোনো ঠাইত পঢ়িবলৈ ভাল পায়।
তুমি ক’ত পঢ়িবলৈ বেছিকৈ পছন্দ কৰা, সেইটো বিশেষ গুৰুত্বপূর্ণ নহয়—যেতিয়ালৈকে তুমি মনোযোগ সহকাৰে পঢ়িব পাৰা।
তোমাৰ পঢ়াৰ ঠাই নিৰ্বাচন কৰোঁতে তলত দিয়া বিষয়বোৰ বিবেচনা কৰা উচিত—
(১) উপযুক্ত পোহৰৰ গুৰুত্ব
(২) পৰিষ্কাৰ আৰু বিশুদ্ধ বায়ুৰ প্ৰয়োজনীয়তা
(৩) তোমাৰ শৰীৰৰ ভংগিমা (body posture)
এতিয়া মই এই বিষয়বোৰৰ ওপৰত বহলাই আলোচনা কৰোঁ।
---------------------------------------------------------------------------
ইয়াৰ পিছৰখিনিৰ বাবে তলৰ লিংকটোত ক্লিক কৰক:
পঢ়াৰ ঠাইত যদি পোহৰ অত্যধিক বা অত্যন্ত কম হয়, তেন্তে দীঘল সময় পঢ়োঁতে চকুত কষ্ট হয়, চকু সোনকালে ক্লান্ত হয় আৰু ....
