Jeevan Vikas Education Academy

06/05/2026

🎉 જીવન વિકાસ એજ્યુકેશન એકેડેમી, નડિયાદ 🎉

(માધ્યમિક વિભાગ)

📢 ધોરણ 10 SSC બોર્ડ પરીક્ષા – માર્ચ 2026 પરિણામ

અમારી શાળાના વિદ્યાર્થીઓએ આ વર્ષે ઉત્તમ પરિણામ પ્રાપ્ત કરી શાળાનું ગૌરવ વધાર્યું છે.

✅ શાળાનું કુલ પરિણામ: 80.93%

📊 બોર્ડ પરિણામ: 83.86%

📍 ખેડા જિલ્લાનું પરિણામ: 77.90%

🏫 નડિયાદ કેન્દ્રનું પરિણામ: 85.29%

👨‍🎓 કુલ વિદ્યાર્થીઓ: 257

✔️ પાસ થયેલ: 208

❌ નાપાસ: 49

🏆 પ્રથમ પાંચ ક્રમે ઉત્તીર્ણ થયેલ વિદ્યાર્થીઓને હાર્દિક અભિનંદન

તમામ વિદ્યાર્થી મિત્રો, વાલીઓ અને શિક્ષકમિત્રોને આ સફળતા માટે દિલથી અભિનંદન અને શુભેચ્છાઓ 💐

આગામી જીવન માટે વિદ્યાર્થીઓને ઉજ્જવળ ભવિષ્યની શુભકામનાઓ ✨

- આચાર્ય
જીવન વિકાસ એજ્યુકેશન એકેડેમી નડિયાદ

04/05/2026

જીવન વિકાસ એજ્યુકેશન એકેડેમી, નડિયાદ ના ઉચ્ચતર માધ્યમિક વિભાગના સામાન્ય પ્રવાહ તથા વિજ્ઞાન પ્રવાહના માર્ચ 2026 ના જાહેર થયેલ ઉત્તમ પરિણામ બદલ તમામ વિદ્યાર્થી મિત્રો, વાલીશ્રીઓ તેમજ સમર્પિત શિક્ષક મંડળને હાર્દિક અભિનંદન અને શુભેચ્છાઓ 💐

વિદ્યાર્થીઓના પરિશ્રમ, શિક્ષકોના માર્ગદર્શન અને વાલીઓના સહકારના પરિણામ સ્વરૂપ આ ગૌરવપૂર્ણ સિદ્ધિ પ્રાપ્ત થઈ છે. ખાસ કરીને પ્રથમ ત્રણ ક્રમાંક પ્રાપ્ત કરનાર તેજસ્વી વિદ્યાર્થીઓને વિશેષ અભિનંદન 🎉

આવી જ રીતે ભવિષ્યમાં પણ શાળા વધુ ને વધુ સફળતાઓ હાંસલ કરે અને વિદ્યાર્થીઓ ઉજ્જવળ ભવિષ્ય તરફ આગળ વધે તેવી શુભેચ્છાઓ.

–આચાર્ય
જીવન વિકાસ એજ્યુકેશન એકેડેમી પરિવાર

24/04/2026

નિવૃત્તિ વિદાય સમારંભ અહેવાલ
તા. 23/04/2026

જીવન વિકાસ એજ્યુકેશન એકેડેમી, ઉચ્ચતર માધ્યમિક વિભાગમાં ભૌતિક વિજ્ઞાન વિષયના મદદનીશ શિક્ષિકા શ્રીમતી સુનિતાબેન મહેતા ના સન્માનમાં તા. 23 એપ્રિલ, 2026 ના રોજ ભાવભર્યો નિવૃત્તિ વિદાય સમારંભ યોજવામાં આવ્યો હતો.

આ પ્રસંગે સોમનાથ કેળવણી મંડળના પ્રમુખશ્રી રઘુવીરસિંહ સોલંકી, શાળાના આચાર્યશ્રી પ્રજ્ઞેશ પંડ્યા, એચ.આર. મેનેજર શ્રી અરુણ પઠારે, એડમિન કોર્ડિનેટર શ્રી રાજેશ મેકવાન તેમજ બંને વિભાગના સુપરવાઇઝર શ્રી અજીત વાળંદ અને શ્રી સંજયભાઈ મહેરા ઉપસ્થિત રહ્યા હતા. આ સિવાય અન્ય આમંત્રિત મહેમાનો, પરિવારજનો, શાળાના ભૂતપૂર્વ શિક્ષકો તેમજ હાલના શિક્ષકમિત્રો પણ ઉપસ્થિત રહ્યા હતા.

કાર્યક્રમની શરૂઆત પ્રાર્થના સાથે કરવામાં આવી હતી. ત્યારબાદ શ્રીમતી ભાવનાબેન ચૌધરી દ્વારા મહેમાનોનો સ્વાગત પરિચય કાર્યક્રમ કરાયો અને વિદાયમાન શિક્ષિકા શ્રીમતી સુનિતાબેન મહેતાને પ્રમુખશ્રી અને આચાર્યશ્રી દ્વારા સાલ, શ્રીફળ અને સાકર અર્પણ કરી સન્માનિત કરવામાં આવ્યા.

શ્રીમતી કલ્પનાબેન દ્વારા વિદાય સન્માનપત્રનું વાંચન કરીને એચ.આર. મેનેજર તેમજ બંને વિભાગના સુપરવાઇઝર દ્વારા તેમને અર્પણ કરવામાં આવ્યું.

આગળ કાર્યક્રમમાં શાળાના બંને વિભાગોમાંથી શ્રીમતી રંજનબેન ગઢવી અને શ્રીમતી વનિતાબેન પટેલ દ્વારા અભિપ્રાયો રજૂ કરવામાં આવ્યા.

નિવૃત્ત થનાર સુનિતાબેન મહેતા અને તેમની દીકરીએ પોતાના અનુભવો અને સંસ્મરણો વહેંચ્યા, જે ખૂબ જ ભાવુક અને પ્રેરણાદાયક રહ્યા.

શાળાના આચાર્યશ્રી દ્વારા પ્રસંગોચિત ઉદબોધન કરવામાં આવ્યું, જેમાં સુનિતાબેનના શૈક્ષણિક યોગદાનની પ્રશંસા કરવામાં આવી.

ત્યારબાદ શાળા પરિવાર તથા આમંત્રિત મહેમાનો દ્વારા ભેટ અર્પણનો કાર્યક્રમ યોજાયો. કાર્યક્રમના અંતે શ્રી રાજેશભાઈ મેકવાન દ્વારા આભાર વિધિ કરવામાં આવી.

સમગ્ર કાર્યક્રમનું સુંદર સંચાલન શ્રીમતી ભાવનાબેન ચૌધરી અને શ્રીમતી કલ્પનાબેન બારીઆ દ્વારા કરવામાં આવ્યું હતું. અંતમાં તમામ ઉપસ્થિત મહેમાનો માટે સ્વાદિષ્ટ સ્વરૂચિ ભોજનનું આયોજન કરવામાં આવ્યું હતું.

આ રીતે આ નિવૃત્તિ વિદાય સમારંભ ભાવપૂર્ણ અને યાદગાર રીતે પૂર્ણ થયો.

18/04/2026

મતદાન જાગૃતિ રેલી

તા. ૧૮/૦૪/૨૦૨૬ના રોજ નડિયાદ ટાઉન પોલીસ સ્ટેશન દ્વારા જીવન વિકાસ એજ્યુકેશન એકેડમી સ્કૂલના SPC અને NSS ના વિદ્યાર્થીઓના સહકારથી “મતદાન જાગૃતિ રેલી”નું આયોજન કરવામાં આવ્યું હતું. શાળાના આચાર્ય શ્રી પ્રજ્ઞેશ પી પંડ્યા દ્વારા રેલી નું પ્રસ્થાન કરાવવામાં આવ્યું.

આ રેલીનો મુખ્ય ઉદ્દેશ્ય મતદારોમાં મતદાન પ્રત્યે જાગૃતિ ફેલાવવાનું હતું. રેલી શાળાના પટાંગણમાંથી પ્રારંભ થઈ નગરપાલિકા, બસસ્ટેશન, રેલ્વેસ્ટેશન, આર.ટી.ઓ. અને સરદાર પટેલ ભવન જેવા મુખ્ય વિસ્તારોમાં ફરીને જીવન વિકાસ હાઈસ્કૂલ ખાતે પૂર્ણ થઈ હતી.

રેલી દરમિયાન વિદ્યાર્થીઓએ મતદાન જાગૃતિ સંબંધિત વિવિધ સૂત્રોચ્ચારો કરીને લોકોને મતદાનનું મહત્વ સમજાવવાનો પ્રયાસ કર્યો હતો. વિદ્યાર્થીઓ અને શાળાના શિક્ષકો શ્રી નરેશભાઈ ચૌધરી, શ્રી અજીતભાઈ, શ્રી મનોજભાઈ અને શ્રી ગૌરાંગ ભાઈ ના ઉત્સાહ અને સક્રિય ભાગીદારીના કારણે સમગ્ર કાર્યક્રમ સફળ રહ્યો હતો.

આ કાર્યક્રમ દ્વારા નાગરિકોમાં મતદાન પ્રત્યે સકારાત્મક સંદેશ પહોંચાડવામાં આવ્યો હતો અને લોકશાહી મજબૂત બનાવવા માટે મહત્વપૂર્ણ યોગદાન આપવામાં આવ્યું હતું.

17/02/2026

*જીવન વિકાસ એજ્યુકેશન એકેડમી, નડિયાદ*

ભૂતપૂર્વ વિદ્યાર્થીઓ માટે વિશેષ આમંત્રણ

પ્રિય ભૂતપૂર્વ વિદ્યાર્થી મિત્ર,

સ્નેહભરી શુભેચ્છાઓ સાથે જણાવવાનું કે અમારી સંસ્થા દ્વારા *Alumni Meet – 2026* નું આયોજન *તા. 19 ફેબ્રુઆરી 2026, ગુરુવારના રોજ સવારે 08:00 થી 11:00 વાગ્યા* સુધી શાળાના એસેમ્બલી હોલ ખાતે કરવામાં આવ્યું છે.
આ કાર્યક્રમ *“ભૂતકાળની યાદોને ઉજવણી અને ભવિષ્યને પ્રેરણા”* ના ભાવ સાથે આયોજન કરવામાં આવ્યો છે.

આ અવસર પર તમે ફરીથી તમારા શિક્ષકો, મિત્રો અને સંસ્થાની સાથે સંવાદ સ્થાપી શકશો, તમારા અનુભવો વહેંચી શકશો તથા સંસ્થાની વિકાસયાત્રામાં સહભાગી બની શકશો.

તમારી ઉપસ્થિતિ કાર્યક્રમને ગૌરવ અને આનંદ આપશે. તેથી વિનંતી છે કે નિર્ધારિત તારીખે સમયસર હાજર રહી કાર્યક્રમને સફળ બનાવશો.
આપની ઉપસ્થિતિની આતુરતા સાથે…
સાદર 🙏

આચાર્યશ્રી
જીવન વિકાસ એજ્યુકેશન એકેડમી, નડિયાદ

21/12/2025

તારીખ 21 ડિસેમ્બર 2025 ના રોજ વિશ્વ ધ્યાન દિવસ (ઇન્ટરનેશનલ મેડિટેશન ડે) ની ઉજવણીના ભાગરૂપે અત્રેની જીવન વિકાસ એજ્યુકેશન એકેડેમી શાળામાં તારીખ 20 ડિસેમ્બર 2025 ના રોજ આર્ટ ઓફ લિવિંગ સંસ્થાના શ્રી મનીષભાઈ ભટ્ટ દ્વારા શાળાના વિદ્યાર્થીઓને ધ્યાન (મેડિટેશન) અંગે વિસ્તૃત સમજ આપવામાં આવી. સાથે સાથે વિદ્યાર્થીઓને પ્રત્યક્ષ ધ્યાનનો અનુભવ કરાવી તેનું માનસિક, શારીરિક તથા શૈક્ષણિક મહત્વ સમજાવવામાં આવ્યું.

21/12/2025

આજરોજ જીવન વિકાસ એજ્યુકેશન એકેડેમી શાળાના વિદ્યાર્થીઓ દ્વારા ‘હર ઘર સ્વદેશી’ અભિયાન અંતર્ગત આયોજિત ‘સશક્ત નારી મેળા’માં તારીખ ૨૦ ડિસેમ્બર ૨૦૨૫ના રોજ ઇપ્કોવાલા ગ્રાઉન્ડ, પારસ સર્કલ, નડિયાદ ખાતે ઉત્સાહપૂર્વક ભાગ લેવામાં આવ્યો હતો.

25/09/2025

25/09/2025

સ્વચ્છતા અભિયાન ના ભાગ રૂપે શાળામાં તેમજ બસ સ્ટેશન નડિયાદ ખાતે સ્વચ્છતા અભિયાન કાર્યક્રમ અંતર્ગત શાળાના આચાર્ય, શિક્ષકો અને વિદ્યાર્થીઓ દ્વારા એક કદમ સ્વચ્છતા કી ઓર 🚻🚰🚮

06/09/2025

આજે આપણા પૂર્વ રાષ્ટ્રપતિ અને ફિલોસોફર પ્રખર ડૉક્ટર સર્વપલ્લી રાધાકૃષ્ણન ના જન્મજયંતિ પ્રસંગે સ્કૂલના વ્યવસ્થાપક શ્રીમાન રાજેશકુમાર મેકવાન સાહેબના આમંત્રણથી નડિયાદની અને ગુજરાતની જાણીતી શૈક્ષણિક સંસ્થા શ્રી. સોમનાથ કેળવણી મંડળની જીવન વિકાસ સ્કૂલના બાળકોને વિશ્વની એકસો પચાસ વર્ષથી કાર્યરત સંસ્થા જેની ગુજરાત ફેડરેશન ભાવનગર (અમદાવાદ) દ્વારા સંચાલિત સર્વધર્મ સમભાવના આદર્શોને વરેલી સંતરામ થિયોસોફિકલ સોસાયટી નડિયાદના સક્રિય કર્મશીલોએ સંસ્થાના પ્રમુખશ્રી ગોરધનભાઈ પ્રજાપતિ & મંત્રીશ્રી અરવિંદભાઈ પટેલ& શ્રી. નરેન્દ્રભાઈ નકુમ (T.O.S.પ્રમુખ) શ્રી ચીમનભાઈ મેકવાન ખજાનચી & શ્રી મનુભાઈ રાઠોડ પૂર્વ (પ્રમુખ & કાઉન્સિલ) તથા શ્રી પ્રતીક શ્રીમાળી (ગુજરાત યુવા ચેરમેન ફેડરેશન) જેમણે થિયોસોફિકલ નું માર્ગદર્શન આપ્યું. અન્ય વક્તાઓએ પ્રસંગને અનુરૂપ સંબોધન કર્યું.આ કાર્યકમમાં ઉપસ્થિત શિક્ષકોનું પુષ્પહારથી તથા પેન આપી અભિવાદન કર્યું .સ્કૂલના આચાર્યશ્રી પ્રગનેશભાઈ પંડ્યા સાહેબ,(મા.ઉ.મા વિભાગ નડિયાદ) & શ્રી અજીતભાઈ શર્મા સાહેબ આ.શિ.શિક્ષક & શ્રી ભાવનાબેન ચૌધરી & શ્રી. સોનલબેન રાણા વિગેરે તથા સ્કૂલના વિધાર્થીગણ એ કાર્યક્મને સફળ બનાવ્યો હતો. સમગ્ર કાર્યક્રમનું આયોજન & સંચાલન તથા મધુર પ્રાર્થના સાથે સંતરામ થિયોસોફિકલના શ્રેષ્ઠીઓનું સન્માન કર્યું. અંતમાં સંસ્થાના આચાર્યશ્રીએ સૌનો આભાર માની કાર્યક્રમને પૂર્ણ જાહેર કર્યો. સંકલન: મનુભાઈ રાઠોડ નડિયાદ🤝🙏🤝

04/09/2025

શિક્ષક દિન ઉજવણી અહેવાલ

જીવન વિકાસ એજ્યુકેશન એકેડેમી, નડિયાદ

તારીખ : 04-09-2025, ગુરુવાર

* ભારતના પૂર્વ રાષ્ટ્રપતિ, દાર્શનિક તથા મહાન શિક્ષણશાસ્ત્રી ડૉ. સર્વપલ્લી રાધાકૃષ્ણનના જન્મદિવસ નિમિત્તે દર વર્ષે 5મી સપ્ટેમ્બરના રોજ સમગ્ર દેશમાં શિક્ષક દિનની ઉજવણી કરવામાં આવે છે. આ જ સંદર્ભમાં જીવન વિકાસ એજ્યુકેશન એકેડેમીમાં આજ રોજ (04-09-2025, ગુરુવાર) શિક્ષક દિનની ઉજવણી ઉત્સાહ અને ઉમંગપૂર્વક કરવામાં આવી.

* દિવસની શરૂઆત

સવારના 7:00 વાગ્યે વિદ્યાર્થીઓ શાળામાં ઉપસ્થિત થયા. શાળાનું દૈનિક કાર્યકાજ આજે ધોરણ 10 અને 12ના વિદ્યાર્થીઓ દ્વારા સંભાળવામાં આવ્યું હતું.

* વિદ્યાર્થીઓએ આચાર્ય, સુપરવાઈઝર, શિક્ષક, ક્લાર્ક અને પટાવાળાની ભૂમિકાઓ ભજવી.

* સવારની પ્રાર્થના, હાજરી, જરૂરી સૂચનાઓ, નોટિસ તથા શૈક્ષણિક કામગીરીમાં વિદ્યાર્થીઓએ ઉત્સાહપૂર્વક ભાગ લીધો.

* આયોજનની જવાબદારી

શાળાના શિક્ષકોના માર્ગદર્શન હેઠળ વિદ્યાર્થીઓને જવાબદારીઓ સોંપવામાં આવી.

માધ્યમિક વિભાગમાંથી – શ્રીમતી વનિતાબેન પટેલ અને શ્રી ગૌરાંગભાઈ બ્રહ્મભટ્ટ

ઉચ્ચતર માધ્યમિક વિભાગમાંથી – શ્રીમતી ભાવનાબેન ચૌધરી અને શ્રી લવકુમાર પારકર

વિજ્ઞાન પ્રવાહમાંથી – શ્રીમતી સુનિતાબેન મહેતા, શ્રી કે. એમ. પંડ્યા અને શ્રી કે. એચ. પટેલ

આ શિક્ષકમંડળે વિદ્યાર્થીઓની યાદી તૈયાર કરી, સમયપત્રક બનાવ્યું તથા વિષયોની ફાળવણી કરી.

* શિક્ષણકાર્ય અને નિરીક્ષણ

વિદ્યાર્થીઓએ નિર્ધારિત વિષય મુજબ શિક્ષણ આપ્યું.

સમગ્ર શૈક્ષણિક સ્ટાફે વિદ્યાર્થીઓ દ્વારા કરાયેલા કાર્યનું નિરીક્ષણ કર્યું અને જરૂરી માર્ગદર્શન પૂરું પાડ્યું.

શિક્ષક તરીકે ફરજ બજાવવાનો અનુભવ વિદ્યાર્થીઓ માટે પ્રેરણાદાયી સાબિત થયો.

* સમાપન સમારંભ

બપોર પછી શાળાના સભાખંડમાં સમાપન સમારંભ યોજાયો.

આ પ્રસંગે સોમનાથ કેળવણી મંડળના HR મેનેજર શ્રી અરૂણભાઈ તથા એડમિન વિભાગના શ્રી રાજેશભાઈ મુખ્ય અતિથિ તરીકે ઉપસ્થિત રહ્યા.

શિક્ષક તરીકે કાર્ય કરનારા વિદ્યાર્થીઓએ પોતાના અનુભવો અને પ્રતિભાવો રજૂ કર્યા.

શાળાના શિક્ષકમંડળે વિદ્યાર્થીઓને સ્મૃતિભેટ રૂપે પેન એનાયત કરી તેમનો ઉત્સાહ વધાર્યો.

અંતે શાળાના આચાર્ય શ્રી પ્રજ્ઞેશ પી. પંડ્યાએ પ્રસંગોચિત વક્તવ્ય રજૂ કરી તમામનો આભાર વ્યક્ત કર્યો.

* નિષ્કર્ષ

આજરોજ યોજાયેલ શિક્ષક દિનની ઉજવણી વિદ્યાર્થીઓ માટે અત્યંત યાદગાર રહી. વિદ્યાર્થીઓએ શિક્ષક તરીકેની જવાબદારીઓ સમજી, શિક્ષકોના પરિશ્રમ અને ત્યાગનું મહત્વ અનુભવું. કાર્યક્રમ દ્વારા શિક્ષક પ્રત્યે આદર, કૃતજ્ઞતા તથા શિક્ષણની મૂલ્યવત્તા ઉજાગર થઈ.