College Union 2015 Govt College Munnar

09/07/2018

ഒരു മലയാളിക്ക് ചെയ്യാൻ കഴിയുന്ന ഏറ്റവും വലിയ പാപങ്ങളിൽ ഒന്നു ബഷീറിനെ വായിക്കാതെ ഇരിക്കുക എന്നതാണ്...

ബഷീർ, നിങ്ങൾ സ്ത്രീകളെ ടുക്കുഡുകളാക്കി..പോക്കറ്റടിക്കാരിയാക്കി... മാവിൽ കേറാൻ അറിയാത്തോളെന്നു വിളിച്ചു കളിയാക്കി.. അവളുടെ തലനിറച്ചു നിലാവെളിച്ചം മാത്രമാണെന്ന് പറഞ്ഞു... എന്തിനു ഏറെ പറയുന്നു അവൾ ശമ്പളത്തിന് പ്രണയിക്കുന്നവൾ എന്ന് വരെ പറഞ്ഞു.. എന്നിട്ടും എന്താണ് മാഷേ ഇങ്ങടെ നേർക്ക് ഇക്കാണുന്ന ഫെമിനിസ്റ്റുകളൊന്നും ആയുധം എടുക്കാഞ്ഞത് ? അതോ മോഹന വാക്കുകളാൽ അവറ്റകളെയും നിങ്ങൾ പ്രണയത്തിന്റെ കാവൽക്കാരാക്കിയോ ?

കഷണ്ടിക്ക് മരുന്നില്ലെന്ന് പറഞ്ഞവരുടെ വായടപ്പിച്ചില്ലേ മാഷേ ഇങ്ങള്... കഷണ്ടി തലയിൽ ബുദ്ധിയുള്ളോർക്ക് മാത്രം വരുന്നതാണെന്ന് സ്ഥാപിച്ചെടുത്തു ഞങ്ങളൊക്കെ മന്ദബുദ്ധികളാണെന്നു വരെ നിങ്ങൾ പറഞ്ഞിട്ട് പോയില്ലേ ? ബഷീറിന് ഭ്രാന്ത് വന്നത് കണ്ടിട്ട് മറ്റു സാഹിത്യകാരന്മാർ അസൂയപ്പെട്ടിട്ടു കാര്യമില്ലത്രേ.. അതൊക്കെ യോഗ്യന്മാർക്ക് മാത്രം ലഭിക്കുന്നതാണത്രേ.. എന്റെ സുൽത്താനെ ഇത്രയും മോഹനവാക്കുകൾ കവിഞ്ഞൊഴുകാൻ മാത്രം ഏത് നദിയാണ് ആ കഷണ്ടിത്തലയിലൂടെ ഒഴുകുന്നത് ?

ഗണിതശാസ്ത്രത്തിനു പൂജ്യം എന്ന സംഖ്യക്കും അപ്പുറം ഭാരതം എന്തെങ്കിലും സമ്മാനിച്ചിട്ടുണ്ടെങ്കിൽ അത് ഇങ്ങളുടെ " ഒന്നും ഒന്നും കൂടുമ്പോൾ ഇമ്മിണി ബല്ല്യ ഒന്ന്" എന്ന സിദ്ധാന്തം ആണ് മാഷേ.

ഇങ്ങളുടെ പേരിൽ കൊട്ടാരക്കര govt ബോയ്സ് സ്കൂളിൽ തണൽ കൂട്ടായ്മയുടെ നേതൃത്വത്തിൽ ഒരു ആരാധകക്കൂട്ടം ( Fans association ) നടന്നിരുന്നത് മേഘസിംഹാസനത്തിൽ ഉപവിഷ്ടനായി സുൽത്താൻ അറിഞ്ഞിരുന്നോ ? അതേ സുൽത്താൻ ഇങ്ങള് ആയിരുന്നു ആ ഭാഗ്യവാൻ. നടന്മാർക്ക് മാത്രം കേരളത്തിൽ കിട്ടിക്കൊണ്ടിരുന്ന fans association വരെ ഇങ്ങള് കൈപ്പിടിയിൽ ഒതുക്കി കളഞ്ഞല്ലോ സൗന്ദര്യ ശിങ്കമേ...

18/05/2018

മെയ് : 19
പ്രിയ സഖാവ്
EK നായനാർ ദിനം... ☭
#കമ്യൂണിസ്റ്റ്
പ്രസ്ഥാനത്തിന്റെ
വളര്ച്ചയ്ക്ക് നേതൃത്വം
നല്കിയ നേരും നെറിയുമുളള.
പോരാളിയുടെ
ധീരസ്മരണ
വര്ത്തമാന കാലത്തെ
പോരാട്ടങ്ങൾക്കും,
ചെരുത്തുനിൽപ്പുകൾക്കും,
ഇന്ധനമാണ്,
ആവേശമാണ് ☭
#ജനനായകന്റെ അനശ്വരമായ
ഓര്മ്മയ്ക്ക് മുന്നില്
ഒരു പിടി രക്തപുഷ്പങ്ങൾ ☭•••••••••••••••

04/04/2018

അനാർക്കലി

മുഗൾ രാജകുമാരനായിരുന്ന സലിം (ജഹാംഗീർ) പ്രേമിച്ചിരുന്നതായി കരുതപ്പെടുന്ന പ്രശസ്ത പേർഷ്യൻ നർത്തകിയാണ് അനാർക്കലി. ഇവരുടെ ദുരന്ത പ്രേമകഥയെ ആസ്പദമാക്കി പല ഭാഷകളിലും, നാടകങ്ങളും കാവ്യങ്ങളും ചലച്ചിത്രങ്ങളും ഉണ്ടായിട്ടുണ്ട്. ഈ കഥ കേവലം സാങ്കല്പികമാണെന്ന് ഒരു നല്ലവിഭാഗം ചരിത്രകാരന്മാർ അഭിപ്രായപ്പെടുന്നു .

അനാർക്കലിയുടേതെന്ന് കരുതപ്പെടുന്ന ശവകുടീരം ലാഹോറിൽ നിലനിൽക്കുന്നുണ്ട്.
സലിം അനാർക്കലിയിൽ അനുരക്തനായതറിഞ്ഞ് ചക്രവർത്തി കോപാകുലനായി. സലിമിൽ നിന്നകന്നില്ലെങ്കിൽ മരണശിക്ഷ നൽകുമെന്ന അക്ബറുടെ ഭീഷണിക്കു മുന്നിലും അവൾ കുലുങ്ങിയില്ല. ചക്രവർത്തി അവളെ ജീവനോടെ തുറുങ്കിലടച്ച് കല്ലുപടുത്തു. സലിം രക്ഷിക്കാനെത്തിയപ്പോഴേക്കും അവൾ മരിച്ചുകഴിഞ്ഞിരുന്നു. മാതളനാരകമൊട്ട് എന്നാണ് അനാർക്കലി എന്ന വാക്കിന് അർഥം.
അനാർക്കലിയുടെ ശവകുടീരം
പാകിസ്താനിലെ ലാഹോറിൽ സ്ഥിതിചെയ്യുന്ന മുഗൾ കാലത്തെ ചരിത്രസ്മാരകമാണ് . പഞ്ചാബ് ആക്കൈവ്സിന്റെ കാര്യാലയം ഇവിടെ പ്രവത്തിക്കുന്നു. ഈ ശവകുടീരം നിലനിൽക്കുന്ന പ്രദേശത്തിന്റെ പേരും അനാർക്കലി എന്നാണ്. പ്രേമഭാജനമായ അനാർക്കലിക്കായി 1599-ലാണ് മുഗൾ ചക്രവർത്തി ജഹാംഗീർ അഷ്ടഭുജാകൃതിയിലുള്ള ഈ ശവകുടീരം പണിതത് എന്നാണ് കരുതപ്പെടുന്നത്. അനാർക്കലിയുടെ ശരീരാവശിഷ്ടങ്ങൾ ഇതിൽ അടക്കം ചെയ്തതായും കരുതപ്പെടുന്നു.

ഈ ശവകുടീരം അനാർക്കലിയുടേതാണെന്ന കാര്യത്തിൽ തർക്കമുണ്ടെങ്കിലും പതിനേഴാം നൂറ്റാണ്ടിന്റെ തുടക്കത്തിൽത്തന്നെ ഈ ശവകുടീരം അവിടെ നിലനിൽക്കുന്നുണ്ടായിരുന്നു. 1611-ൽ ഇവിടം സന്ദർശിച്ച ഒരു ഇംഗ്ലീഷ് വ്യാപാരി ഇതിനെക്കുറിച്ച് പരാമർശിച്ചിട്ടുണ്ട്.

പത്തൊമ്പതാം നൂറ്റാണ്ടിന്റെ തുടക്കത്തിൽ ഈ ശവകുടീരം, രഞ്ജിത് സിങ്ങിന്റെ കീഴിലെ വിദേശപടയാളിയായിരുന്ന ജീൻ ബാപ്റ്റിസ്റ്റ് വെഞ്ചുറയുടെ ഭാര്യയുടെ വസതിയായായിരുന്നു. വെഞ്ചുറയുടെ വസതിയായിരുന്ന വെഞ്ചുറ ഹൗസ് ഇതിന്റെ തൊട്ടടുത്താണ്. ബ്രിട്ടീഷ് അധീനകാലത്ത് (1846-നു ശേഷം) ഈ പ്രദേശം റെസിഡന്റിന്റെ ഗുമസ്തന്മാരുടെ കാര്യാലയവും താമസസ്ഥലവുമായി മാറിയിരുന്നു. അക്കാലത്ത് ഈ ശവകുടീരം സിവിൽലൈൻസ് എന്നറിയപ്പെട്ട ആ മേഖലയിലെ പള്ളിയാക്കി മാറ്റിയിരുന്നു. 1891-ൽ പഞ്ചാബ് ആർക്കൈവ്സിന്റെ കാര്യാലയമാക്കി. ഇന്നും ഈ നിലയിൽ തുടരുന്നു. ഈ ശവകുടീരത്തിന്റെ മദ്ധ്യഭാഗത്തായിരുന്ന ശവക്കല്ലറ, പിൽക്കാലത്ത് മാറ്റിസ്ഥാപിച്ചിരുന്നു.

25/01/2017

അപ്പോൾ ഇടിമുറികൾ ഒഴിവാക്കിയാൽ നെഹ്‌റു കോളേജിലെയും..
ക്യാമറ മാറ്റിയാൽ മറ്റക്കര ടോംസിലെയും... ഇന്റെര്ണല് മാർക്ക് ഒഴിവാക്കിയാൽ എല്ലായിടത്തെയും പ്രശ്നങ്ങൾ തീരും...
തരക്കേടില്ല...

"നീയൊക്കെ കോളേജിൽ വരുന്നത് ആൺപിള്ളേരുടെ ചൂട് കൊള്ളാനല്ലേ" എന്ന്, സ്വയംഭരണ കോളേജിന്റെ പ്രിൻസിപ്പൽ മഹാരാജ മാഡത്തിന് പറയാം...
അവരുടെ കസേര കത്തിക്കേണ്ടത് തന്നെയെന്ന് പറയാനുള്ള ആർജ്ജവം നമുക്കില്ലാതെ പോകുന്നത് എന്തിന്റെ ലക്ഷണമാണ്... പുറത്താക്കിയവരും, പുറത്തിറങ്ങി പോയവരും സൃഷ്ടിച്ചെടുത്തതാണ് പലതും...അകത്തു നിന്ന് മാത്രം പലപ്പോഴും ഒന്നും ഉണ്ടായില്ല എന്നും ചരിത്രം... അപ്പൊ നമുക്കിനി ഇന്റെർണൽ മാർക്കിനെ കുറിച്ച് പറയാം...

പ്രിയ സഖാവെ
കുറച്ചു കാലം മുൻപ് അടിയന്തിരാവസ്ഥ എന്നൊരു സാധനം ഉണ്ടായിരുന്നു ഈ നാട്ടിൽ...
ബ്രണ്ണന്റെ ചുമരുകളിൽ അന്ന് പോസ്റ്റർ ഇങ്കിൽ വിരൽമുക്കി ഒരു വിദ്യാർത്ഥി പ്രസ്ഥാനം എഴുതിയത് ഇങ്ങിനെയാണ്‌
"be realistic; demand the impossible"...
അസാധ്യമായതിനെ ആവശ്യപ്പെടാനുള്ള കരുത്താവണം സംഘടന...

ക്യാംപസ് എന്ന വാക്കിന്റെ അർഥം "സമതലം" എന്നാണ്....
കൊടുങ്കാറ്റുകൾക്കു കൂടു കൂട്ടാൻ കഴിഞ്ഞത് ഈ സമതലങ്ങളിലാണ്...

കൂട്ടുകാരാ... സഖേ.. സഖാവെ...
അത് സമതലമാകുന്നതുവരേയും സ്വാതന്ത്ര്യവും ജനാധിപത്യവും സോഷ്യലിസവും ആലേഖനം ചെയ്ത പതാകക്കു,
ഒരു മുഷിഞ്ഞ മൗനത്തെ വീതം വെച്ച് പിരിയാനാവില്ല....

21/12/2016

സാമൂഹിക തിന്മകള്ക്കെതിരായ സമരങ്ങളിലും അധിനിവേശ #വിരുദ്ധ ചെറുത്തുനില്പ്പുകളിലും നിര്ണ്ണായകവും ശ്രദ്ധേയവുമായ പങ്കുവഹിച്ചവരാണ് കലാലയത്തിലെ വിദ്യാര്ഥികൾ.

അങ്ങനെയുള്ള വിദ്യാർത്ഥികൾ കുരിപ്പുഴ ശ്രീകുമാറിന്റെ കവിത കലാലയത്തിന്റെ #ചുമരിൽ എഴുതി ഒടിച്ചത് എങ്ങനെയാണ് ഇത്രവലിയ ഭികര പ്രവർത്തനമാവുന്നത്. കലാലയത്തിന്റെ പ്രബുദ്ധതയുടെ പ്രതീകമാണ്‌ ഇത്തരത്തിലുള്ള #ചുമരെഴുത്തുകൾ, ഇന്ന് ചുമരെഴുത്തുകൾക്ക് എതിരെ സംസാരിക്കുന്നവരോട് നിങ്ങൾ എഴുതിയ അത്രേയൊന്നും ഈ തലമുറ എഴുത്തുട്ടില്ല എന്നും ഓർക്കണം.

കലാലയത്തിന്റെ സർഗ്ഗാത്മക പ്രവർത്തനങ്ങൾക്ക് #തടസ്സംശൃഷ്ടിക്കുന്ന അധികാരികളുടെ നടപടി അവസാനിപ്പിക്കുക.

https://www.facebook.com/College-Union-2015-Govt-College-Munnar-904010469659425/

സ്വപ്നങ്ങൾക്ക് ജീവനില്ലാ... പക്ഷേ പലരും ജീവിക്കുന്നതിന് കാരണം ചില സ്വപ്നങ്ങൾ ആണ്.....!

21/12/2016

സാമൂഹിക തിന്മകള്ക്കെതിരായ സമരങ്ങളിലും അധിനിവേശ #വിരുദ്ധ ചെറുത്തുനില്പ്പുകളിലും നിര്ണ്ണായകവും ശ്രദ്ധേയവുമായ പങ്കുവഹിച്ചവരാണ് കലാലയത്തിലെ വിദ്യാര്ഥികൾ.

അങ്ങനെയുള്ള വിദ്യാർത്ഥികൾ കുരിപ്പുഴ ശ്രീകുമാറിന്റെ കവിത കലാലയത്തിന്റെ #ചുമരിൽ എഴുതി ഒടിച്ചത് എങ്ങനെയാണ് ഇത്രവലിയ ഭികര പ്രവർത്തനമാവുന്നത്. കലാലയത്തിന്റെ പ്രബുദ്ധതയുടെ പ്രതീകമാണ്‌ ഇത്തരത്തിലുള്ള #ചുമരെഴുത്തുകൾ, ഇന്ന് ചുമരെഴുത്തുകൾക്ക് എതിരെ സംസാരിക്കുന്നവരോട് നിങ്ങൾ എഴുതിയ അത്രേയൊന്നും ഈ തലമുറ എഴുത്തുട്ടില്ല എന്നും ഓർക്കണം.

കലാലയത്തിന്റെ സർഗ്ഗാത്മക പ്രവർത്തനങ്ങൾക്ക് #തടസ്സംശൃഷ്ടിക്കുന്ന അധികാരികളുടെ നടപടി അവസാനിപ്പിക്കുക.

19/12/2016

സാർ , ഭാര്യക്ക് അസുഖം വരുമ്പോൾ മരുന്ന് മേടിക്കാൻ പണമില്ലാതെ അവളെ മരണത്തിനു വിട്ടുകൊടുക്കേണ്ടി വരുന്നവന് എവിടെയാണ് സാർ ദേശസ്‌നേഹം .

എന്തുകൊണ്ടാണ് സാർ ചിലരാജ്യങ്ങളിൽ ഒരാൾപോലും പൊതുനിരത്തിൽ തുപ്പാത്തത് . നിങ്ങൾ ഇന്ത്യയിൽ എവിടെയെങ്കിലും ' ഇവിടെ തുപ്പരുത് ' എന്ന് എഴുതിവച്ച് നോക്കൂ . പൗരൻ അവിടെയേ തുപ്പൂ . ഇതാണ് സാർ ശരിക്കും രാജ്യദ്രോഹം എന്ന് പറയുന്നത് . അല്ലാതെ നിങ്ങൾ പറയുംപോലെ ദേശീയപതാകയെ ബഹുമാനിക്കാത്തതോ പട്ടാളത്തെ സ്നേഹിക്കാത്തതോ അല്ലാ രാജ്യസ്നേഹം .

അടിച്ചെൽപ്പിക്കപ്പെടേണ്ടതല്ലാ സാർ രാജ്യസ്നേഹം , അത് നിർമ്മിച്ചെടുക്കേണ്ടതാണ് . കൃത്യമായ ചികിത്സ നൽകാൻ സാധിക്കാതെ മരണപ്പെട്ട ഭാര്യയുടെ ജഡം തലയിൽ ചുമക്കാതെ അത് വീട്ടിലെത്തിക്കുവാനുള്ള സൗകര്യം നിങ്ങളൊരുക്കുമ്പോഴാണ് അവനിൽ രാജ്യസ്നേഹം നിർമ്മിക്കപ്പെടുന്നത് . നിങ്ങൾ വോഡഫോണിന്‌ മാത്രം എഴുതിത്തള്ളിയ 125000 കോടിരൂപയുണ്ടല്ലോ , ഒഡീഷയിലെ ഓരോ പഞ്ചായത്തിലും ആംബുലൻസ് മേടിക്കാൻ ഈ തുക മതിയാകും സാർ .

ഇഷ്ടഭക്ഷണം കഴിച്ചതിൻറ്റെ പേരിൽ കൊല്ലപ്പെടില്ലാ എന്ന സുരക്ഷിത ബോധത്തിൽനിന്നും നിങ്ങൾക്ക്‌ ദേശസ്‌നേഹം നിർമ്മിക്കാം സാർ .

സ്വതന്ത്രമായി ഏതു വാർത്ത അവതരിപ്പിച്ചാലും ബലാൽസംഗം ചെയ്യപ്പെടില്ലാ എന്ന ഒരു തോന്നൽ പൗരനിൽ ഉണ്ടാക്കിയാലും നിങ്ങൾക്ക് രാജ്യസ്‌നേഹം നിർമ്മിക്കാം .

വെറുമൊരു മൃഗത്തെ കച്ചവടം ചെയ്‌തതിന്റെ പേരിൽ തല്ലിക്കൊന്ന് കെട്ടിതത്തൂക്കപ്പെട്ട പതിനാലുവയസുകാരൻറ്റെ നിഷ്‌കളങ്കമായ മുഖത്തേക്ക് നോക്കി നെഞ്ചുപൊട്ടുന്ന മാതാപിതാക്കളിലും സമൂഹത്തിലും നിങ്ങളെന്ത് ദേശസ്നേഹമാണ് നിർമിക്കുന്നത് .

മാന്യമായ തൊഴിൽ ചെയ്‌തതിൻറ്റെ പേരിൽ ചാണകം തിന്നേണ്ടി വരുന്നവനിൽ നിങ്ങൾ എന്ത് രാജ്യസ്നേഹമാണ് ഹേ നിർമ്മിക്കുന്നത് .

ദളിതനായതിൻറ്റെ പേരിൽ ചുട്ടുകൊല്ലപ്പെട്ട പിഞ്ചുകുഞ്ഞുങ്ങളുടെ ശരീരവുമായി റോഡ് ഉപരോധിക്കേണ്ടിവരുന്നവൻറ്റെ മനസ്സിൽ എവിടെയാണ് സാർ രാജ്യസ്നേഹം .

ജപ്പാനിൽ ഓറഞ്ചുതൊലി കളയുവാൻ 4 കിലോമീറ്റർ നടക്കേണ്ടിവന്നത് അവിടുത്തെ പൗരൻറ്റേ ഉയർന്ന പൗരബോധം മൂലമാണ് സാർ . രാജ്യസ്നേഹം ഉള്ളതുകൊണ്ടാണ് ഉയർന്നപൗരബോധം ഉണ്ടാകുന്നത് . അദ്ധ്വാനിച്ചുണ്ടാക്കിയ പണത്തിനു മൂല്യം നഷ്ടപ്പെടാതിരിക്കുവാന് 4 കിലോമീറ്റർ ക്യൂ നിൽക്കേണ്ടിവന്നവന് എന്ത് പൗരബോധമുണ്ടാകാനാണ് .

രാജ്യസ്നേഹമെന്നാൽ നിങ്ങൾ കരുതുമ്പോലെ കാവിക്കളസത്തിലോ ദേശീയഗാനത്തിലോ പട്ടാളസ്‌നേഹത്തിലോ ഒന്നുമല്ലാ സാർ . പൊതുനിരത്തിൽ തുപ്പാതിരിക്കുന്നത് രാജ്യസ്നേഹമാണ് , കൈക്കൂലി മേടിക്കാതിരിക്കുന്നത് രാജ്യസ്നേഹമാണ് , പരിക്കേറ്റു വഴിയിൽ കിടക്കുന്നവനെ ആശുപത്രിയിൽ എത്തിക്കുന്നത് രാജ്യസ്നേഹമാണ് , പട്ടിണി കിടക്കുന്നവന് ഒരു നേരത്തെ ഭക്ഷണം നൽകുന്നതും രാജ്യസ്നേഹമാണ് .

പൗരബോധമുണ്ടായാൽ ഇതെല്ലാം തനിയെ ഉണ്ടാകും . ദാരിദ്യ്രമില്ലായ്‌മയും സുരക്ഷിതത്വവും സമത്വവും നൽകാൻ കഴിഞ്ഞാൽ പൗരബോധവും ഉണ്ടാകും .

അവസാനമായി സ്വാമി വിവേകാനന്ദൻറ്റെ ഒരു വാചകം . " വിശക്കുന്നവൻറ്റെ മുൻപിൽ മതം പറയുന്നത് അവനെ അവഹേളിക്കുന്നതിന് തുല്യമാണ് " . ആ മതത്തിനു പകരം ദേശസ്‌നേഹം ചേർത്താൽ തീരാവുന്നതേയുള്ളു ബഹുമാനപ്പെട്ട കോടതിവിധിയുടെ അന്തഃസത്ത .

ദേശീയഗാനത്തെക്കുറിച്ച് ഒരുകാര്യംകൂടി പറഞ്ഞുകൊണ്ട് അവസാനിപ്പിക്കുന്നു . എനിക്ക് പുട്ടും കടലയും വളരെ ഇഷ്ടമാണ് . പക്ഷേ കക്കൂസിലിരുന്ന് കഴിക്കാറില്ല

14/12/2016

ഈ വീഥിയിൽ
എന്റ്റെ ചോര വീണു കിടപ്പുണ്ട്.

നിന്റ്റെ പാദങ്ങൾ
ഏറ്റു എനിക്ക് ഒരു ഗുൽമോഹർ ആകണം.

ജീർണതയുടെ മണ്ണിൽ
മുളച്ചു പൊന്തനാവാതെ
കരിയിലകൾ മൂടിയ ഈ വീഥിയിൽ എനിക്ക്
ചുവപ്പിന്റ വസന്തം തീർക്കണം

ചുവപ്പ് അത് പ്രണയമാണ് പേണ്ണെ..
നിനക് തന്ന സത്യം ഒരു സ്മാരകമായി
അവിടെ നിൽപുണ്ട്.

വെടിവെച്ചിട്ടാലും വെട്ടി മാറ്റിയാലും
ഇനിയും ഒരായിരം ഗുല്മോഹറുകൾ
ഇവിടെ പൂക്കൾ പോഴിക്കും.

Zainu Vty

22/11/2016

27/10/2016

A birthday like today must be memorable and unforgettable, I hope that you have a great day today, filled with lots of joy, love, laughter and happiness. I hope you never lose your stunning smile!!!
Happy birthday dear Abeena Latheef

https://www.facebook.com/College-Union-2015-Govt-College-Munnar-904010469659425/

സ്വപ്നങ്ങൾക്ക് ജീവനില്ലാ... പക്ഷേ പലരും ജീവിക്കുന്നതിന് കാരണം ചില സ്വപ്നങ്ങൾ ആണ്.....!

05/09/2016

മനുഷ്യനെ സമൂഹ ജീവിയായി വളര്‍ത്തുന്നതില്‍ ഏറ്റവുമധികം പങ്ക് അവന്‍റെ അദ്ധ്യാപകര്‍ക്കാണ്. ആദ്യം അക്ഷരങ്ങള്‍ പിന്നെ വാക്കുകര്‍, വാക്യങ്ങള്‍ അങ്ങനെയങ്ങനെ അറിവിന്‍റെ പുതിയ ചക്രവാളങ്ങളിലേക്ക് മനുഷ്യന് നടന്നടുക്കണമെങ്കില്‍ നല്ല അദ്ധ്യാപകരുടെ ശിക്ഷണം കൂടിയേ തീരു.
പുതു തലമുറയെ അദ്ധ്യാപനത്തിന്‍റെ മഹത്വം അറിയിക്കാനായാണ് ഇങ്ങനെ ഒരു ദിനം ആചരിക്കുന്നത്.
വിദ്യാഭ്യാസത്തിനും അതിലൂടെയുള്ള സമൂഹ്യ പുരോഗതിക്കും അദ്ധ്യാപകര്‍ നല്‍കുന്ന സംഭാവനയെ മനസിലാക്കാനും അതിനെ അംഗീകരിക്കാനും ഈ ദിവസം ഉപയോഗപ്പെടുത്താം. അദ്ധ്യാപകരുടെ അവകാശങ്ങളെ സംരക്ഷിക്കാനുള്ള അവസരം കൂടിയാണിത്.
ഓരോ രാജ്യത്തിന്‍റേയും ചരിത്രപരമായ കാരണങ്ങള്‍ ഈ ദിനവുമായി ബന്ധപ്പെട്ട് കിടക്കുന്നതു കാണം.
ഭാരതത്തിന്‍റെ രണ്ടാമത്തെ പ്രസിഡന്‍റും മികച്ച അദ്ധ്യാപകനുമായിരുന്ന സര്‍വേപ്പള്ളി രാധാകൃഷ്ണന്‍റെ ജന്മദിനമായ സെപ്തംബര്‍ 5 നാണ് ഇന്ത്യയില്‍ അദ്ധ്യാപക ദിനം ആചരിക്കുന്നത്. ഈ ദിവസം രാജ്യത്ത് പ്രവൃത്തി ദിനം തന്നെയാണ്. അന്നേ ദിവസം വിദ്യാലയങ്ങളില്‍ നടത്തുന്ന പ്രത്യേക പരിപാടികള്‍ അദ്ധ്യാപക വിദ്ധ്യാര്‍ത്ഥി ബന്ധത്തിന് ശക്തി പകരുന്നു
‘മാതാ പിതാ ഗുരു ദൈവം’ എന്ന ഭാരതീയ വാക്യം തന്നെ ഭാരതത്തില്‍ ഗുരുനാഥന്‍‌മാര്‍ക്ക് എത്രമാത്രം പ്രാധാന്യം നല്‍കുന്നു എന്നതിന് തെളിവാണ്. പഴയ കാലത്ത് നല്‍കി വന്നിരുന്ന ബഹുമാനം ഇന്ന് അദ്ധ്യാപകര്‍ക്ക് ലഭിക്കുന്നില്ല എന്നത് തന്നെയാണ് സത്യം.
സമൂഹികവും സാംസ്ക്കാരികവുമായി വന്ന മാറ്റങ്ങള്‍, അങ്ങനെ പലതുമാവാം ഈ സ്ഥിതിക്ക് കാരണം. അതുകൊണ്ട് ഇന്നത്തെ കാലഘട്ടത്തില്‍ ഇത്തരം ദിനാചരണങ്ങള്‍ ആ പഴയ നന്‍‌മകളെ തിരിച്ചു കൊണ്ടുവരാനുള്ള അവസരങ്ങളായി നമ്മുക്ക് ഉപയോഗിക്കാം.
Wishing all teachers a very happy Teachers' Day.....