06/07/2025
ДЭЭРХИЙН ГЭГЭЭН XIV ДАЛАЙ БАГШИД МОНГОЛЫН БУРХАНЫ ШАШНЫ ГУРВАН ЗУЛЫН НЭГ ЛАМЫН ГЭГЭЭН МОНГОЛЫН НИЙТ СҮСЭГТЭН ОЛНЫГ ТӨЛӨӨЛӨН ӨРГӨСӨН АЙЛТГАЛ
(Дээрхийн Гэгээн XIV Далай багшийн Монголчуудад зориулсан номын айлдвар “Монгол Сүнчой 2024” Дхарамсала, Энэтхэг улс)
Замбутивын даяар төрөлхтөн бүхний энх тайван, амар жаргалангийн их сартвахи удирдагч, газар дэлхий дээрхи Ялгуулсны шашины бүрэн төгс эрхшээлт эзэн, тэнгэр лүгээ сэлт хотол амьтны горилох гагцхүү газар, хоёргүй чухам, төрөл тутам бүхний ашидын ганц аврал, үзвээс утга төгөлдөр, санаваас тус төгөлдөр,
Дээрхийн гэгээн, Аврал итгэл, Ялгуулсан эрхт, Хамгийг айлдагч бөгөөд ихэд нигүүлсэн тольдон болгоогч агуу манлайн өлмийн лянх үзэсгэлэнт алтан эрихс нь хотол олон ардын буяныг хүссэнээр ивэлгэхийн цэцэглэгийг илтэд мөшөөлгөн дэлгэрүүлэгч таны уужим өндөр сэнтий суудлын дэргэд ойртон шадардаж,
Итгэл алин түүний агуу их энэрлийн болгоолт таалал гагцхүү ямагтаар амьжирагч, авралд тань багтагч,
Ламын гэгээний лавран лугаа барилдлагат, төгс сүсэгт,
Монгол орны олон ард нугууд бээр гурван үүдний их бишрэлээр бурхадын хөрөг, мөргөл тоолшгүй лугаа сэлттэйгээр сүсэг залбиралыг хөлбөрч хөдөлшгүй батад нэгэн чиг үзүүртэй еэ талбихын шим зүрхэн,
Гурван ертөнцийн нийт амьтдын нэн цагаан буяны цогцыг нэг дор цогцлоон дүгрэглэж, буяны дүрс дор бүтээсэн,
Эн хязгааргүй ялгуулсан бурхад бүхний айлдал хийгээд энэрэлийн эрдэм бүхэн нь бурханы лагшин, нигуур мутарын байдал дор урган гийсэн, үзмэгц гэтлэх лагшин найргийн цэцэгс,
Гурав төгөлдөрийн Очирыг баригчийн бүжиглэл дор бүжээд, биетэн бүхний нүдний рашаан дор боловсрохчлин,
Шашин хийгээд амьтны даруй хийгээд өнө алсын энх жаргалан ямагтыг таалан болгоож, таалал их нигүүлсэл бусадын эрхэт дор болсноор бие лагшины алжаал олон зуугаар нигуур гэгээний амьсгалыг гадагш дотогш гүйх төдийг ч Замбутив нийт хийгээд бишрэл тогтсон зарлигийн албат нугуудын гагцхүү тэжээл эм болсноор хү нь өгүүлэхийн орноос хэтийтсэн зарлигийн ачлалын цогц нь төрөл тутам бүхэн дор хувь нарийны төдийхнийг ч буцаан хариулахын арга үгүй,
Ахуй үес үүнээ айлтгахын үйлдвэр учир дор,
Сүсэг төгөлдөр, Монголын ард нийт хийгээд бишрэлтэй еэ Ламын гэгээний лавран лугаа сэлт
Итгэл алин түүний лагшины өмнө оршигч нар лугаа
Нэн ялгамжаатад дор ч цогц бишрэхүйн цэцэг алинаа туссан хувьт бурхан
Даяар нийтийн итгэл, Дээрхийн гэгээн,
Их аврал ивээлт,
Лагшин эрхис арван дөрөвдүгээрийн манлай ямагт бээр
Ихэд нигүүлсэхүйн тааллаар даган барьсаны зарлигийн ачийн авир ёсныг гурван мянганыг долоон зүйл эрдэнэсээр дүүргээд өргөвч хариулахуй яа бэрх мөн бөгөөд шашин амьтны амар жаргалангийн арвидах буюу хомсдох эсэх нь хоцролгүй цөм нигүүлслийн их сан ямагтад харгалзах бөгөөд бишрэгч шавь яданхи дорой нугуудын энэ хийгээд төрөл тутам бүгд дор магнай дахь нүдэн, чээжин дэхь зүрхэн болсон
Итгэл алин ямагт нь горилон эгээрэх газар хоёргүй гагц,
Авралын тунгалаг тунамал дээд нь магадтай учраас л залбиралыг батад хөдөлшгүй гадас газарт хадагдахын ёсоор талбихын охь шим зүрхэн, одоо эдүгээ ч
Лагшины төрөл үес бүхнээ биширсээр аврал дор нь багтсан нугууд дор хувилгааны дууриан бүжгээр завсар тасалдалгүй нигүүлслийн гох юугаан хэзээд ч үл талбихыг нь бишрэл чангаар өнө эртээс хэзээ ямагт дор зүрхнээ хадгалан залбирах цор ганц нэгэн мөн бүхийд, далайн давалгаа мэт завсар үгүй хөөрөн түрхэрсэн
Итгэл алины агуу их үйлс зохионгуй дор нягтад хатангатган айлтгах учир нэгэн үгүй боловч, эгэл төмрийг алтанд тольдохчилонгийн их энэрэл нигүүлслээр, бишрэлээр дагалдагч бид нар дор төрлийн хэлхээс дор олохуй яа бэрх агуу их буяныг хураахын орон тариалангийн манлай нь болсон бүхийгээ тольдон үзээд бишрэлт бид бүхнийг төрөл тутам бүхэнд маань
Гурав төгөлдөр Очир баригч их алины гурван нууцын цэнгэл лүгээ үл хагацахын залбиралыг хүчтэй хатуу чангад талбин өргөх мөн болвоос л, бишрэлт ард, авралд тань багтагч нарыг
Хутагт дээд Мутартаа лянхуат бээр хагацалгүй дагуулан барихын таалал амлалт гүнзгий, зүйл бүхнийг тольдон үзэхүйн бэлгэ билгүүний уужим цээлээс хэзээ дор үл огоорохуйд гурван сүсэг итгэмжлэл хувиршгүй баттайгаар нэгэн үзүүртэй еэ залбирлыг талбих лугаа бид бишрэнгүйгээр аврал тань багтагсад бид бээр ч,
Итгэл аврал алинхүү ямагт та нь Төгс баясгалантын өнө ёсныхны чиг замыг заагч ч болохын тань учир дор,
Тангараг сүсгийг нэг дор хуйлруулж, багшийн зарлиг айлдал юуг ч бүтээхүйгээр тааллыг баясгахын тахилын үүлэн дор хүчин чадал, цог заль аль бүхийгээр урьдаас бат сайн ариунаар зүтгэсээр ирснээ хойшид ч үл сулруулан, хувиршгүй баттайгаар байхуй дор,
Хойшид ч басхүү хамаг төрөлхөтний буяны цогийг мөшөөлгөхийн үзмэгц гэтэлгэх лагшин найргийн идэр жавхаа нь, буурахуйгаас бүрэн ангижирч, бат чийрэг очирын махбодь дор батжаад, тансаг гайхамшигт гурван нууцын үйлсийн оролт нь нийт Замбутив дэлхий дахин ба бишрэлээр мэхийгч зарлиг номын шавь бид нарын ч амьсгалах амь, амьдрах утгын суурь гагцхүү болсоор байхуйн ерөөлийг хүчтэй хатуу бат чанга сэлттэйгээр
Нийтийн тооллын 2024 оны 4-р сарын 10-ны өдөр дор өргөлийн шүтээн дор өнө уртын тэнгэрийн эд дээд хадаг мяндар лугаа хамтаар гурван үүдний их бишрэлээр өргөвэй.
Lamyn Gegeen
