L. P. Jagdale Guruji Vidyalaya Malad East Mumbai

L. P. Jagdale Guruji Vidyalaya Malad East Mumbai Contact information, map and directions, contact form, opening hours, services, ratings, photos, videos and announcements from L. P. Jagdale Guruji Vidyalaya Malad East Mumbai, School, Anand Nagar, Appa Pada, Kurar village, Malad East, Mumbai.

आमचे विद्यालय हे विद्यार्थ्यांच्या सर्वांगीण विकासासाठी कटिबद्ध असलेले एक गुणवत्तापूर्ण शैक्षणिक केंद्र आहे. शैक्षणिक प्रगतीबरोबरच संस्कार, शिस्त, पर्यावरण जागरूकता आणि सामाजिक मूल्ये यांवर विशेष भर दिला जातो.
विद्यार्थ्यांच्या उज्ज्वल भविष्यासाठी समर्पित

बुधवार, दिनांक 2 एप्रिल 2026 रोजी विद्यालयात इनर व्हील क्लब ऑफ बॉम्बे सी कोस्ट यांच्या वतीने शाळेतील मुलींसाठी “स्वतःची ...
03/04/2026

बुधवार, दिनांक 2 एप्रिल 2026 रोजी विद्यालयात इनर व्हील क्लब ऑफ बॉम्बे सी कोस्ट यांच्या वतीने शाळेतील मुलींसाठी “स्वतःची काळजी कशी घ्यावी” या विषयावर मार्गदर्शनपर चर्चासत्र उत्साहात आयोजित करण्यात आले.
कार्यक्रमाच्या प्रारंभी सरस्वती मातेचे पूजन करून दीप प्रज्वलन करण्यात आले. त्यानंतर प्र मुख्याध्यापक श्री गायकवाड सर यांनी प्रमुख अतिथींचा विद्यार्थ्यांना परिचय करून दिला व गुलाबपुष्प व श्रीफळ देऊन स्वागत व सत्कार केला. यानंतर क्लबच्या अध्यक्षा श्रीमती साधना त्रिपाठी तसेच पदाधिकारी श्रीमती शैलजा नायर यांनी विद्यार्थिनींना मार्गदर्शन केले आणि विद्यार्थिनींना महिलांसाठी उपयुक्त वस्तूंचे वितरण करण्यात आले. विद्यार्थ्यांच्या बौद्धिक विकासाला चालना मिळावी या उद्देशाने क्लबतर्फे विविध खेळांच्या साहित्याचेही वितरण करण्यात आले.
याप्रसंगी इनर व्हील क्लब बॉम्बे सी कोस्टच्या प्रमुख आदरणीय श्रीमती मंगला चंदावरकर मॅडम यांच्या तर्फे सर्व विद्यार्थ्यांना खाऊचे वाटप करण्यात आले.
कार्यक्रमाचे सुत्रसंचालन विद्यालयाच्या सहाय्यक शिक्षिका श्रीमती मोहिनी वैती मॅडम यांनी उत्कृष्टरीत्या पार पाडले.
हा उपक्रम विद्यार्थिनींसाठी अत्यंत उपयुक्त, प्रेरणादायी व जागरूकता निर्माण करणारा ठरला.

🟠 मराठी भाषा गौरव दिन : प्रेरणादायी आणि उत्साहपूर्ण उत्सव -विद्यालयात २७ फेब्रुवारी रोजी मराठी भाषा गौरव दिन अत्यंत उत्स...
27/02/2026

🟠 मराठी भाषा गौरव दिन : प्रेरणादायी आणि उत्साहपूर्ण उत्सव -
विद्यालयात २७ फेब्रुवारी रोजी मराठी भाषा गौरव दिन अत्यंत उत्साहपूर्ण आणि दिमाखदार वातावरणात साजरा करण्यात आला. हा दिवस थोर साहित्यिक, कवी, नाटककार आणि कादंबरीकार वि. वा. शिरवाडकर (कुसुमाग्रज) यांच्या जयंतीनिमित्त साजरा केला जातो. मराठी भाषेचा गौरव, तिचे संवर्धन आणि समृद्ध साहित्यपरंपरेचा अभिमान जागविण्याच्या उद्देशाने कार्यक्रमाचे आयोजन करण्यात आले होते.
कार्यक्रमाच्या अध्यक्षस्थानी शाळेचे मुख्याध्यापक श्री गायकवाड सर विराजमान होते. कार्यक्रमाचे सूत्रसंचालन शाळेच्या शिक्षिका श्रीमती मोहिनी वैती यांनी अत्यंत नेटक्या आणि प्रभावी शैलीत केले. कार्यक्रमाचे संपूर्ण नियोजन व संयोजन शाळेचे शिक्षक श्री देवरे सर आणि श्री टोके सर यांनी कुशलतेने पार पाडले.
कार्यक्रमास इनर व्हील क्लबच्या अध्यक्षा सौ. साधना त्रिपाठी आणि सेक्रेटरी श्रीमती शैलजा नायर यांची प्रमुख उपस्थिती लाभली. तसेच माजी विद्यार्थी संघाचे अध्यक्ष श्री मिलिंद दळवी आणि त्यांच्या पत्नी स्वप्नाली मिलिंद दळवी यांची उपस्थिती कार्यक्रमास विशेष शोभा आणणारी ठरली.
कार्यक्रमाची सुरुवात मान्यवरांच्या हस्ते दीपप्रज्वलनाने झाली. त्यानंतर कुसुमाग्रज तसेच सरस्वती मातेच्या प्रतिमेचे पूजन करण्यात आले. या प्रसंगी संपूर्ण सभागृहात मंगलमय आणि प्रेरणादायी वातावरण निर्माण झाले.
मराठी भाषा गौरव दिनानिमित्त विद्यार्थ्यांनी मराठी भाषेचे वैभव, तिची अभिव्यक्तीशक्ती आणि सांस्कृतिक वारसा यांवर आधारित प्रभावी भाषणे सादर केली. विविध सांस्कृतिक कार्यक्रमांनी उपस्थितांची मने जिंकली. श्री मिलिंद दळवी यांची मुले मैत्रेय आणि देवांश तसेच त्यांच्या सहकाऱ्यांनी हार्मोनियम, तबला आणि पखवाज यांच्या सुरेल साथीत कुसुमाग्रजांच्या कविता सादर केल्या. त्यांच्या सादरीकरणाने रसिक प्रेक्षकांना साहित्य आणि संगीत यांचा सुंदर संगम अनुभवता आला. या कार्यक्रमाचे विशेष आयोजन श्री मिलिंद दळवी यांनी केले होते.
या प्रसंगी इनर व्हील क्लबतर्फे विद्यार्थ्यांना प्रोटीनयुक्त सत्तू पावडरचे वाटप करण्यात आले. या उपक्रमातून विद्यार्थ्यांच्या आरोग्याबाबतची सामाजिक जाणीव अधोरेखित झाली.
कार्यक्रमाच्या शेवटी श्रीमती मोहिनी वैती यांनी उपस्थित मान्यवर, शिक्षकवृंद, विद्यार्थी आणि पालक यांचे मनःपूर्वक आभार मानले. “जय जय महाराष्ट्र माझा” या राज्यगीताच्या सामूहिक गायनाने कार्यक्रमाची उत्साहपूर्ण आणि अभिमानास्पद सांगता झाली.
मराठी भाषेचा अभिमान जागविणारा, संस्कारमूल्ये दृढ करणारा आणि साहित्यप्रेम वाढविणारा हा कार्यक्रम सर्वांसाठी प्रेरणादायी ठरला. मराठी ही केवळ भाषा नसून ती आपल्या संस्कृतीची ओळख आणि अस्मितेचे प्रतीक आहे, याची जाणीव या कार्यक्रमातून पुन्हा एकदा अधोरेखित झाली.

🚩 शिवजयंती उत्सव २०२६ – पराक्रम आणि प्रेरणेचा अविस्मरणीय सोहळा 🚩१९ फेब्रुवारी रोजी शाळेला शिवजयंतीनिमित्त सुट्टी असल्याम...
19/02/2026

🚩 शिवजयंती उत्सव २०२६ – पराक्रम आणि प्रेरणेचा अविस्मरणीय सोहळा 🚩
१९ फेब्रुवारी रोजी शाळेला शिवजयंतीनिमित्त सुट्टी असल्यामुळे आमच्या विद्यालयात १८ फेब्रुवारी २०२६ रोजी छत्रपती शिवाजी महाराजांची जयंती अत्यंत उत्साहात आणि अभिमानाने साजरी करण्यात आली.
कार्यक्रमास इतिहासाचे गाढे अभ्यासक मा. श्री तुकाराम राऊळ साहेब तसेच शाळेच्या माजी विद्यार्थी संघाचे अध्यक्ष मा. श्री मिलिंद दळवी हे प्रमुख पाहुणे म्हणून उपस्थित होते. सांस्कृतिक समिती प्रमुख श्रीमती मोहिनी मॅडम यांनी कार्यक्रमाचे सूत्रसंचालन केले.
कार्यक्रमाच्या प्रारंभी शाळेचे प्र. मुख्याध्यापक श्री माणिक गायकवाड सर यांनी प्रमुख पाहुण्यांचा परिचय करून दिला व पुष्पगुच्छ देऊन त्यांचा सन्मानपूर्वक सत्कार केला.
शाळेच्या विद्यार्थ्यांनी छत्रपती शिवाजी महाराजांच्या जीवनावर प्रभावी भाषणे सादर केली. पोवाडे, शिवकालीन गीते, पाळणा गीत आणि देशभक्तिपर गाण्यांमधून शिवरायांच्या शौर्य, स्वाभिमान आणि राष्ट्रनिष्ठेचा परिचय करून दिला. संपूर्ण वातावरण “जय भवानी, जय शिवाजी”च्या घोषणांनी दुमदुमून गेले होते.
या कार्यक्रमाचे विशेष आकर्षण म्हणजे मा. श्री तुकाराम राऊळ साहेबांनी विद्यार्थ्यांसाठी आयोजित केलेले शिवकालीन वस्तूंचे दुर्मिळ प्रदर्शन.
शिवकालीन तलवारी, नाणी, कट्यार तसेच इतर ऐतिहासिक वस्तू विद्यार्थ्यांना प्रत्यक्ष दाखवून त्यांच्या ऐतिहासिक महत्त्वाचे अत्यंत प्रभावी विवेचन करण्यात आले. विद्यार्थ्यांनीही मोठ्या उत्सुकतेने या प्रदर्शनाचा लाभ घेतला.
या वर्षी शिवजयंती साजरी करताना केवळ औपचारिक कार्यक्रम न राहता विद्यार्थ्यांच्या मनामनात इतिहासाचे संस्कार आणि स्वराज्याची प्रेरणा जागृत झाली — असे समाधान सर्वांना वाटले.
छत्रपती शिवाजी महाराजांच्या तेजस्वी विचारांची ज्योत प्रत्येक विद्यार्थ्याच्या अंत:करणात प्रज्वलित राहो, हीच प्रार्थना.
🚩 जय भवानी! जय शिवाजी! 🚩

Address

Anand Nagar, Appa Pada, Kurar Village, Malad East
Mumbai
400097

Opening Hours

Monday 7:20am - 5pm
Tuesday 7:20am - 5pm
Wednesday 7:20am - 5pm
Thursday 7:20am - 5pm
Friday 7:20am - 5pm
Saturday 7:20am - 3pm

Website

Alerts

Be the first to know and let us send you an email when L. P. Jagdale Guruji Vidyalaya Malad East Mumbai posts news and promotions. Your email address will not be used for any other purpose, and you can unsubscribe at any time.

Shortcuts

Share

Category