GICED :Media Management -marathi

*पत्रकारितेचे अद्ययावत आणि तंत्रशुद्ध शिक्षण घेण्याची सुसंधी...*

प्रवेशासाठी आवश्यक शैक्षणिक *अर्हता* - कोणत्याही शाखेची पदवी

*कालावधी** - एक वर्ष (शनिवार
आणि रविवार)
*प्रवेश क्षमता* - ३० विद्यार्थी..
*स्थळ* - गरवारे व्यवसाय शिक्षण आणि विकास संस्था , मुंबई विद्यापीठ - कलिना, सांताक्रूझ..

मुंबई विद्यापीठाच्या गरवारे व्यवसाय शिक्षण आणि विकास संस्था या अग्रगण्य शिक्षण संस्थेत सन २०२६-२७ या शैक्षणिक वर्षाची प्रवेश प्रक्रिया सुरु झाली असून पत्रकारितेचे शिक्षण घेऊ इच्छिणाऱ्या, मराठी भाषेची गोडी असणाऱ्या कोणत्याही शाखेच्या पदवीधारक विद्यार्थ्यांसाठी पत्रकारिता पदव्युत्तर पदविका अभ्यासक्रम( पोस्ट ग्रॅजुएट डिप्लोमा इन मीडिया मॅनेजमेंट - मराठी) गेल्या २७ वर्षांपासून अव्याहतपणे सुरु आहे. मुद्रित, दृक श्राव्य तसेच वेब प्रसारमाध्यम क्षेत्रात वार्ताहर, उपसंपादक, संपादक, भाषांतरकार, वृत्त निवेदक, कंटेंट रायटर्स , ब्लॉग रायटर्स, जनसंपर्क अधिकारी, इव्हेंट मॅनेजर अशा नानाविध करिअरच्या संधी देणारा हा एक वर्ष कालावधीचा अभ्यासक्रम असून शनिवार, रविवार या सुट्टीच्या दिवसांत चालविला जातो. माध्यम क्षेत्रातील तज्ज्ञ पत्रकार या वर्गात मार्गदर्शन करत आहेत. पदवी नंतर शिक्षण घेणारे विद्यार्थी, अन्य ठिकाणी नोकरी करत शिकू इच्छिणारे विद्यार्थी किंवा पत्रकारितेमध्ये करिअर करू इच्छिणारे कोणत्याही शाखेतून पदवी पर्यंत शिक्षण घेतलेले विद्यार्थी या अभ्यासक्रमासाठी प्रवेश घेण्यास पात्र असतील. पत्रकारिता क्षेत्रातील अध्यायावत संकल्पनांचा समावेश असणारा अभ्यासक्रम, इंटर्नशिपसाठी दिल्या जाणाऱ्या संधी त्याचबरोबर या क्षेत्रात नोकरीसाठी केले जाणारे सहाय्य ही या वर्गाची वैशिष्ट्ये आहेत.
या अभ्यासक्रमासाठी प्रवेश प्रक्रिया सुरू झाली असून, प्रवेश परीक्षेच्या माध्यमातून विद्यार्थ्यांची निवड केली जात आहे. यावर्षी ही प्रवेश परीक्षा शनिवार दिनांक १८ एप्रिल रोजी सकाळी ११ वाजता गरवारे व्यवसाय शिक्षण संस्थेत आयोजित करण्यात आली आहे.. इच्छुक विद्यार्थ्यांनी संस्थेच्या वेबसाईटला भेट देऊन लवकरात लवकर प्रवेश परीक्षेसाठी अर्ज भरावा, असे आवाहन संस्थेच्या वतीने करण्यात येत आहे. इच्छुक विद्यार्थ्यांसाठी ५० गुणांची प्रवेश परीक्षा घेतली जाणार असून त्या परीक्षेचे स्वरूप प्रत्येकी २ गुणांचे १५ बहुपर्यायी प्रश्न आणि प्रत्येकी १० गुणांचे २ लेखी प्रश्न या स्वरूपाचे असेल.या परीक्षेनंतर त्याच दिवशी विद्यार्थ्यांच्या मुलाखती घेण्यात येतील. अर्ज करण्यासाठी संस्थेच्या संकेतस्थळावर उपलब्ध अर्ज भरून देणे आवश्यक आहे. इच्छुकांनी कौशल्य विकासाच्या दृष्टीने आणि माध्यम क्षेत्रातील उपलब्ध अनेक व्यावसायिक संधी मिळविण्याच्या दृष्टीने या पत्रकारिता वर्गाला जरूर प्रवेश घ्यावा, असे आवाहन संस्थेच्या वतीने करण्यात येत आहे. प्रवेश परीक्षा आणि वर्गाची माहिती देण्यासाठी प्रवेश परीक्षेआधी एक ऑनलाइन व्याख्यान आयोजित करण्यात येईल. त्याबद्दल सूचना कळवण्यात येईल.त्यासाठी उपस्थित राहावे ही विनंती. 🙏

या अभ्यासक्रमासाठी प्रवेश घेऊ इच्छिणाऱ्या विद्यार्थ्यांनी संस्थेच्या https://enrollonline.co.in/Registration/Apply/GICED या अधिकृत संकेस्थळावर उपलब्ध असणारा अर्ज भरणे बंधकारक आहे. अधिक माहितीसाठी संपर्क : श्रीमती नम्रता कडू, वर्ग समन्वयक, मराठी पोस्ट ग्रॅजुएट डिप्लोमा इन मीडिया मॅनेजमेंट ७९७७४८९०७६, [email protected]

Login

गरवारे- वार्षिक पुरस्कार वितरण सोहळा...
मराठीत युद्धपत्रकारिता रुजवलेले ज्येष्ठ दिवंगत पत्रकार दि. वि. गोखले यांची 102वी जयंती मुंबई विद्यापीठाच्या गरवारे व्यवसाय शिक्षण आणि विकास संस्थेच्या मराठी पत्रकारिता वर्गाच्या वतीने रविवार दिनांक 23 मार्च रोजी सकाळी 11 वाजता संस्थेच्या प्रेक्षागारात साजरी झाली.माजी वर्ग समन्वयक दिवंगत ज्येष्ठ पत्रकार नीला उपाध्ये यांचेही स्मरण यावेळी करण्यात आले. कार्यक्रमाचे प्रास्ताविक वर्ग समन्वयक नम्रता कडू यांनी केले. या समारंभात वर्गाचे वार्षिक पुरस्कार वितरण आणि वर्गाच्या 'गरवारे दर्पण' या अंकाचे प्रकाशन देखील करण्यात आले. या समारंभाला साप्ताहिक विवेकच्या संपादक अश्विनी मयेकर या प्रमुख पाहुण्या म्हणून उपस्थित होत्या आणि त्यांचे ‘विद्यार्थ्यांसाठी कानमंत्र - स्वतःला पत्रकार म्हणून घडवताना' या विषयावर व्याख्यान आयोजित करण्यात आले होते. या व्याख्यानातून त्यांनी पत्रकारितेच्या विद्यार्थ्यांना पत्रकारिता कशी करावी याचा वस्तुपाठ घालणारी अनेक उदाहरणे देऊन मार्गदर्शन केले. वर्गाच्या वतीने दरवर्षी वर्गात प्रथम येणाऱ्या विद्यार्थ्याला युद्ध पत्रकार दिनकर विनायक गोखले पुरस्कार, मुद्रित माध्यम क्षेत्रात उत्तम कामगिरी करणाऱ्या माजी विद्यार्थ्याला डॉ.अरुण टिकेकर पुरस्कार आणि दृकश्राव्य माध्यमात उत्तम कामगिरी करणाऱ्या माजी विद्यार्थ्याला विद्याधर गोखले पुरस्काराने सन्मानित करण्यात येते. पत्रकारिता वर्गात शैक्षणिक वर्ष 2023-24 मध्ये प्रथम क्रमांकाने उत्तीर्ण झालेली वर्गाची माजी विद्यार्थिनी वनश्री राडये ही यावर्षीची दि. वि. गोखले पुरस्काराची मानकरी ठरली. वर्गाचे माजी विद्यार्थी सुशांत सावंत यांना विद्याधर गोखले पुरस्कार तर प्रविण मरगळे यांना डॉ. अरुण टिकेकर पुरस्कार प्रमुख पाहुण्यांच्या हस्ते प्रदान करण्यात आला. अखिल भारतीय साहित्य परिषद कोकण प्रांत आणि गरवारे व्यवसाय प्रशिक्षण संस्था यांच्या वतीने घेण्यात आलेल्या राज्यस्तरीय लेखन स्पर्धेचे पुरस्कार वितरण संस्थेचे अध्यक्ष, कवी आणि ज्येष्ठ पत्रकार दुर्गेश सोनार आणि कार्याध्यक्ष प्रविण देशमुख यांच्या हस्ते या कार्यक्रमात करण्यात आले. या कार्यक्रमाला संस्थेचे पदाधिकारी संदीप कुलकर्णी, पत्रकारिता वर्गाचे विषय शिक्षक ज्येष्ठ पत्रकार डॉ. सुरेशचंद्र वैद्य,ज्येष्ठ पत्रकार वैभव वझे आणि मुक्त पत्रकार मृदुला राजवाडे आदी मान्यवर उपस्थित होते. राज्यस्तरीय लेखन स्पर्धेमध्ये प्रथम क्रमांक बाळकृष्ण परब, द्वितीय क्रमांक डॉ.अनुप्रिया गायकवाड, तृतीय क्रमांक तनु शर्मा , उत्तेजनार्थ पारितोषिके नंदा कोकाटे आणि दिशिता खाचणे यांना प्रदान करण्यात आले. याचबरोबर मीनल वसमतकर, मिलिंद कल्याणकर आणि प्रदीप कुमार शहा यांचे लेख उल्लेखनीय लेख म्हणून गौरविण्यात आले. वर्गाच्या वार्षिकांकात या सर्वांचे लेख प्रसिद्ध करण्यात आले आहेत. या लेखन स्पर्धेसाठी परीक्षक म्हणून वर्गाचे विषय शिक्षक डॉ.मुकुंद कुळे, उमेश घळसासी आणि मृदुला राजवाडे यांनी काम पाहिले. वाचन संस्कृती वृद्धिंगत होण्याच्या उद्देशाने सर्व पुरस्कार हे पुस्तकांच्या स्वरूपात देण्यात येतात, त्याबाबत
सर्व पुरस्कार विजेत्यांनी मनोगत व्यक्त करताना गरवारे संस्थेचे आभार मानले.

*विश्व संवाद केंद्र मुंबईने केली वर्ष 2024 च्या "देवर्षी नारद पत्रकारिता पुरस्कार" विजेत्यांची घोषणा*

_श्री.सुधीर जोगळेकर_ (माजी निवासी संपादक - लोकसत्ता) यांच्या अध्यक्षतेखाली पुरस्कार निवड समिती सदस्य _श्रीमती अश्विनी मयेकर_ (संपादक - साप्ताहिक विवेक), _श्री. प्रसाद काथे_ (संपादक - जय महाराष्ट्र वृत्तवाहिनी) आणि _श्री. प्रणव भोंदे_ (माजी संपादक - विश्व संवाद केंद्र, मुंबई) ने 8 विजेत्यांची अंतिम यादी जाहीर केली आहे. हा कार्यक्रम *17ऑगस्ट 2024 रोजी सकाळी 11:00 वाजता कीर्ती महाविद्यालय सभागृहात* होणार आहे.

पुरस्कारार्थींचे विश्व संवाद केंद्र मुंबईतर्फे हार्दिक अभिनंदन !!

पत्रकारिता क्षेत्रात अद्ययावत आणि तंत्रशुद्ध शिक्षण घेण्याची सुसंधी...*

प्रवेशासाठी आवश्यक *शैक्षणिक अर्हता* - कोणत्याही शाखेची पदवी

*कालावधी** - एक वर्ष (शनिवार
आणि रविवार)
*प्रवेश क्षमता* - ३० विद्यार्थी..

*स्थळ* - गरवारे व्यवसाय शिक्षण आणि विकास संस्था , मुंबई विद्यापीठ - कलिना, सांताक्रूझ..

मुंबई विद्यापीठाच्या गरवारे व्यवसाय शिक्षण आणि विकास संस्था या अग्रगण्य शिक्षण संस्थेत सन २०२४-२५ या शैक्षणिक वर्षाची प्रवेश प्रक्रिया सुरु झाली असून पत्रकारितेचे शिक्षण घेऊ इच्छिणाऱ्या, मराठी भाषेची गोडी असणाऱ्या कोणत्याही शाखेच्या पदवीधारक विद्यार्थ्यांसाठी पत्रकारिता पदव्युत्तर पदविका अभ्यासक्रम( पोस्ट ग्रॅजुएट डिप्लोमा इन मीडिया मॅनेजमेंट - मराठी) गेल्या २६ वर्षांपासून अव्याहतपणे सुरु आहे. मुद्रित, दृक श्राव्य तसेच वेब प्रसारमाध्यम क्षेत्रात वार्ताहर, उपसंपादक, संपादक, भाषांतरकार, वृत्त निवेदक, कंटेंट रायटर्स , ब्लॉग रायटर्स, जनसंपर्क अधिकारी, इव्हेंट मॅनेजर अशा नानाविध करिअरच्या संधी देणारा हा एक वर्ष कालावधीचा अर्धवेळ अभ्यासक्रम असून शनिवार, रविवार या सुट्टीच्या दिवसांत चालविला जातो. माध्यम क्षेत्रातील तज्ज्ञ पत्रकार या वर्गात मार्गदर्शन करत आहेत. पदवी नंतर शिक्षण घेणारे विद्यार्थी, अन्य ठिकाणी नोकरी करत शिकू इच्छिणारे विद्यार्थी किंवा पत्रकारितेमध्ये करिअर करू इच्छिणारे कोणत्याही शाखेतून पदवी पर्यंत शिक्षण घेतलेले विद्यार्थी या अभ्यासक्रमासाठी प्रवेश घेण्यास पात्र असतील. या अभ्यासक्रमासाठी प्रवेश प्रक्रिया आता अंतिम टप्प्यात आहे. प्रवेशासाठी इच्छुक उमेदवारांनी लवकरात लवकर संपर्क साधावा.. अधिक माहितीसाठी संपर्क : श्रीमती.नम्रता कडू, वर्ग समन्वयक, मराठी पोस्ट ग्रॅजुएट डिप्लोमा इन मीडिया मॅनेजमेंट .
संपर्क क्रमांक- 7977489076

https://youtu.be/6qvcxsDashI

"कॅलिडोस्कोप विथ नम्रता... वेगवेगळे विचार, आणि अनुभवांचा अनोखा संगम!"