Omkar Career Academy

31/07/2026

राज्यात साकारणार 'फोर्ट हेरिटेज कॉरिडॉर'! रायगडसह राज्यातील ११ किल्ले नवीन रस्त्यांनी जोडले जाणार.

राज्याचा पर्यटन आणि ऐतिहासिक वारसा संवर्धनासाठी सार्वजनिक बांधकाम विभागाने फोर्ट हेरिटेज कॉरिडॉर' ही महत्त्वाची संकल्पना हाती घेतली आहे. छत्रपती शिवाजी महाराजांचे गडकिल्ले मुख्य महामार्गांशी जोडण्यासाठी नवीन रस्त्यांचे जाळे विणले जाणार असून, हिंदवी स्वराज्याची राजधानी 'रायगड' याच्या केंद्रस्थानी असेल. या कॉरिडॉरमध्ये राज्यभरातील ११ किल्ल्यांचा समावेश करण्यात आला आहे.

प्रमुख वैशिष्ट्ये:

▪️असे आहेत किल्ले: पुणे (लोहगड, राजगड, शिवनेरी), कोल्हापूर (पन्हाळा), सातारा (प्रतापगड), नाशिक (साल्हेर), रत्नागिरी (सुवर्णदुर्ग), सिंधुदुर्ग (विजयदुर्ग, सिंधुदुर्ग - मालवण), रायगड (रायगड, खांदेरी).

▪️पर्यटकांना थेट फायदा: मुख्य महामार्गावरून थेट किल्ल्यांपर्यंत दर्जेदार रस्ते तयार होणार असून प्रवासातील वेळ वाचेल आणि प्रवास सुखकर होईल.

▪️इतर सुविधा: या प्रकल्पांतर्गत स्वच्छतागृह, पिण्याच्या पाण्याची सोय, वाहनांसाठी सुरक्षित पार्किंग आणि किल्ल्याची ऐतिहासिक माहिती देणारे फलक उपलब्ध केले जाणार आहेत.

▪️स्थानिक रोजगार: पर्यटकांची संख्या वाढल्यामुळे गड पायथ्याशी असणाऱ्या गावकऱ्यांना, व्यावसायिकांना आणि मार्गदर्शकांना (गाईड्स) रोजगार मिळणार आहे.