11/04/2023
মৰিগাওঁ জিলাৰ উপায়ুক্ত মহোদয়, মাননীয় *শ্ৰীযুত দেবাশীষ শৰ্মা* ছাৰলৈ আমাৰ লাহৰীঘাট কস্তুৰবা গান্ধী বালিকা বিদ্যালয়ৰ তৰফৰ পৰা সশ্ৰদ্ধ প্ৰণাম তথা ধন্যবাদ জ্ঞাপন কৰিলোঁ । তেখেতে দিয়া প্ৰতিশ্ৰুতিৰ আজি সফল ৰূপায়ন। সঁচাকৈ তেখেত এগৰাকী প্ৰতিশ্ৰুতিসম্পন্ন ব্যক্তি। যোৱা ইংৰাজী ১৮-০২ ২০২৩ তাৰিখে আমাৰ বিদ্যালয়ত অনুষ্ঠিত হোৱা গুণোৎসব-২০২৩ ত তেখেত উপস্থিত হৈ শিক্ষয়িত্ৰী তথা ছাত্ৰী সকলৰ লগত প্ৰায় ৩ ঘণ্টা জোৰা অন্তৰংগ আলাপ-আলোচনাৰ পিছত ছাত্ৰী সকলক বিভিন্ন কথাৰে-গীতৰে আপ্লুত কৰিছিল। ছাত্ৰী সকলক শাৰিৰীক অনুশীলনৰ লগতে ক্ৰীড়াত পাৰদৰ্শী হবলৈ পৰামৰ্শ আগবঢ়াইছিল। সেইদিনা খনেই ছাত্ৰী সকলক এখন টেবুল টেনিছ দিয়াৰ কথা দিছিল। প্ৰতিশ্ৰুতি মতেই কাম, যোৱা কালি ইংৰাজী ১০-০৪-২০২৩ তাৰিখে উপায়ুক্ত কাৰ্যালয়ৰ পৰা আমাক ফোনযোগে অবগত কৰে আৰু আজি ইং-১১-০৪-২০২৩ তাৰিখে আমি বিদ্যালয়ত খেলৰ সামগ্ৰী বিধ গ্ৰহণ কৰোঁ। পুনৰবাৰ উপায়ুক্ত মহোদয়লৈ অশেষ ধন্যবাদ জ্ঞাপন কৰিলো, লগতে তেখেতৰ দীৰ্ঘায়ু কামনা কৰিলোঁ। বিদ্যালয়ৰ তৰফৰ পৰা তেখেতলৈ জনালোঁ ৰঙালীৰ শুভকামনা। 🙏🙏
